บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 306.
4. Pattikathāvaṇṇanā [837-840] Idāni pattikathā nāma hoti. Tattha "yaṃ yaṃ paṭilabhati, 1- tassa tassa paṭilābho patti nāma, sā ca asaṅkhatā"ti yesaṃ laddhi seyyathāpi pubbaseliyānaññeva, te sandhāya pucchā sakavādissa, paṭiññā itarassa. Sesamidhāpi heṭṭhā vuttanayattā yathāpālimeva niyyātīti. Na vattabbantiādi yāya laddhiyā patti asaṅkhatāti paññatti, 2- taṃ pakāsetuṃ vuttaṃ. Tattha sakavādī "na hevaṃ vattabbe"ti paṭikkhipanto kevalaṃ pattiyā rūpādibhāvaṃ na sampaṭicchati. Na hi patti nāma koci dhammo atthi, na pana asaṅkhatabhāvaṃ anujānāti. Itaro pana paṭikkhepamatteneva asaṅkhatāti laddhiṃ patiṭṭhapeti, sā ayoniso patiṭṭhāpitattā appatiṭṭhitāyevāti. Pattikathāvaṇṇanā niṭṭhitā. --------- 5. Tathatākathāvaṇṇanā [841-843] Idāni tathatākathā nāma hoti. Tattha yesaṃ "rūpādīnaṃ sabbadhammānaṃ rūpādisabhāvatāsaṅkhātā tathatā nāma atthi, sā ca saṅkhatesu rūpādīsu apariyāpannattā asaṅkhatā"ti laddhi seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Sesamidhāpi heṭṭhā vuttanayattā pākaṭamevāti. Tathatākathāvaṇṇanā niṭṭhitā. ----------- @Footnote: 1 cha.Ma. paṭilabbhati 2 cha.Ma. maññatiThe Pali Atthakatha in Roman Character Volume 55 Page 306. http://84000.org/tipitaka/read/attha_page.php?book=55&page=306&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6889&pagebreak=1 http://84000.org/tipitaka/atthapali/rm_line.php?B=55&A=6889&pagebreak=1#p306
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]