อรรถกถาเล่มที่ ๕๕ หน้าที่ ๓๐๖.

๔. ปตฺติกถาวณฺณนา [๘๓๗-๘๔๐] อิทานิ ปตฺติกถา นาม โหติ. ตตฺถ "ยํ ยํ ปฏิลภติ, ^๑- ตสฺส ตสฺส ปฏิลาโภ ปตฺติ นาม, สา จ อสงฺขตา"ติ เยสํ ลทฺธิ เสยฺยถาปิ ปุพฺพเสลิยานญฺเญว, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสมิธาปิ เหฏฺฐา วุตฺตนยตฺตา ยถาปาลิเมว นิยฺยาตีติ. น วตฺตพฺพนฺติอาทิ ยาย ลทฺธิยา ปตฺติ อสงฺขตาติ ปญฺญตฺติ, ^๒- ตํ ปกาเสตุ ํ วุตฺตํ. ตตฺถ สกวาที "น เหวํ วตฺตพฺเพ"ติ ปฏิกฺขิปนฺโต เกวลํ ปตฺติยา รูปาทิภาวํ น สมฺปฏิจฺฉติ. น หิ ปตฺติ นาม โกจิ ธมฺโม อตฺถิ, น ปน อสงฺขตภาวํ อนุชานาติ. อิตโร ปน ปฏิกฺเขปมตฺเตเนว อสงฺขตาติ ลทฺธึ ปติฏฺฐเปติ, สา อโยนิโส ปติฏฺฐาปิตตฺตา อปฺปติฏฺฐิตาเยวาติ. ปตฺติกถาวณฺณนา นิฏฺฐิตา. --------- ๕. ตถตากถาวณฺณนา [๘๔๑-๘๔๓] อิทานิ ตถตากถา นาม โหติ. ตตฺถ เยสํ "รูปาทีนํ สพฺพธมฺมานํ รูปาทิสภาวตาสงฺขาตา ตถตา นาม อตฺถิ, สา จ สงฺขเตสุ รูปาทีสุ อปริยาปนฺนตฺตา อสงฺขตา"ติ ลทฺธิ เสยฺยถาปิ เอกจฺจานํ อุตฺตราปถกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสมิธาปิ เหฏฺฐา วุตฺตนยตฺตา ปากฏเมวาติ. ตถตากถาวณฺณนา นิฏฺฐิตา. ----------- @เชิงอรรถ: ^๑ ฉ.ม. ปฏิลพฺภติ ^๒ ฉ.ม. มญฺญติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๓๐๖. http://84000.org/tipitaka/read/attha_page.php?book=55&page=306&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6889&modeTY=2&pagebreak=1 http://84000.org/tipitaka/atthapali/th_line.php?B=55&A=6889&modeTY=2&pagebreak=1#p306