[650] Noatthimulake yasma hetu noatthi nama na hoti, niyamato
atthiyeva, tasma tam aggahetva narammane navati vuttam. Yatha ca hetu, tatha
annepi atthipaccayalakkhanayutta ettha anulomato na titthanti. Kamme dveti
idam pana nanakkhanikakammavasena vuttam. Paccaniyato sabbe labbhanti. Yampana
anulomato labbhamanampi aggahetva tato param vara 1- paccaniyato gayhanti,
so paccha yojanam labhati. Tenevettha "noatthipaccaya nahetupaccaya .pe.
Noavigatapaccaya kamme dve"ti vuttam. Kasma panesa sakatthaneyeva na gahitoti?
Yasma avasesesu sabbesupi paccaniyato thitesu ekova anulomato labbhati. 2-
Idanhi imasmim paccaniyanulome lakkhanam:- yo sabbesu paccaniyato thitesu
ekova anulomato labbhati, so paccha vuccatiti. Noatthipaccaya nahetupaccaya
.pe. Noavigatapaccaya upanissaye navati etthapi eseva nayo. Idampana
pakatupanissayavasena vuttam. Imina nayena 3- sabbattha labbhamanalabbhamanam
purevuttam pacchavuttanca veditabbanti.
Panhavarassa paccaniyanulomavannana nitthita.
Nitthita ca kusalattikapatthanassa vannanati.
------------
2. Vedanattikavannana
[1] Vedanattike tisso vedana rupam nibbananti ime dhamma na
labbhanti, tasma ekam khandham paticca dve khandhatiadi vuttam. Patisandhikkhane
sukhaya vedanayati sahetukapatisandhivasena vuttam. Dukkhavedana pana 4- patisandhiyam
@Footnote: 1 cha.Ma. tato puretara paccaya
@2 tasma eso sakatthane na gahitoti imani yojetabbaniti yojana
@3 cha.Ma. upayena 4 cha.Ma. ayam saddo na dissati
The Pali Atthakatha in Roman Character Volume 55 Page 554.
http://84000.org/tipitaka/read/attha_page.php?book=55&page=554&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=12517&modeTY=2&pagebreak=1
http://84000.org/tipitaka/atthapali/rm_line.php?B=55&A=12517&modeTY=2&pagebreak=1#p554
