บาลีพระไตรปิฎกเล่มที่ ๑๕ - พระสุตตันตปิฎกเล่มที่ ๗

                     นวมํ โกณฺฑญฺสุตฺตํ
     [๗๕๑]   เอกํ สมยํ ภควา ราชคเห วิหรติ เวฬุวเน กลนฺทกนิวาเป ฯ
อถ    โข    อายสฺมา    อญฺาโกณฺฑญฺโ    ^๔-   สุจิรสฺเสว   เยน
ภควา    เตนุปสงฺกมิ    อุปสงฺกมิตฺวา    ภควโต    ปาเทสุ    สิรสา
@เชิงอรรถ: ^๑ ม. ยุ. อุมฺมคฺปถํ ฯ ^๒ ม. ยุ. อยํปาโนตฺถิ ฯ ^๓ ม. ยุ. เอตฺถนฺตเร ธมฺมนฺติ
@ทิสฺสติ ฯ ^๔ ม. ยุ. อญฺาสิโกณฺฑญฺโ ฯ
นิปติตฺวา    ภควโต    ปาทานิ   มุเขน   จ   ปริจุมฺพติ   ปาณีหิ   จ
ปริสมฺพาหติ    นามญฺจ    สาเวติ   โกณฺฑญฺโหํ   ภควา   โกณฺฑญฺโหํ
สุคตาติ ฯ
     [๗๕๒]   อถ   โข   อายสฺมโต  วงฺคีสสฺส  เอตทโหสิ  อยํ  โข
อายสฺมา    อญฺาโกณฺฑญฺโ   สุจิรสฺเสว   เยน   ภควา   เตนุปสงฺกมิ
อุปสงฺกมิตฺวา   ภควโต   ปาเทสุ   สิรสา   นิปติตฺวา  ภควโต  ปาทานิ
มุเขน   จ   ปริจุมฺพติ   ปาณีหิ   จ   ปริสมฺพาหติ   นามญฺจ   สาเวติ
โกณฺฑญฺโหํ    ภควา    โกณฺฑญฺโหํ   สุคตาติ   ยนฺนูนาหํ   อายสฺมนฺตํ
อญฺาโกณฺฑญฺ   ภควโต   สมฺมุขา  สรูปาหิ  คาถาหิ  อภิตฺถเวยฺยนฺติ  ฯ
อถ    โข   อายสฺมา   วงฺคีโส   อุฏฺายาสนา   เอกํสํ   อุตฺตราสงฺคํ
กริตฺวา    เยน   ภควา   เตนญฺชลิมฺปณาเมตฺวา   ภควนฺตํ   เอตทโวจ
ปฏิภาติ   มํ   ภควา   ปฏิภาติ  มํ  สุคตาติ  ฯ  ปฏิภาตุ  ตํ  วงฺคีสาติ
ภควา อโวจ ฯ
     [๗๕๓]   อถ  โข  อายสฺมา  วงฺคีโส  อายสฺมนฺตํ  อญฺาโกณฺฑญฺ
ภควโต สมฺมุขา สรูปาหิ คาถาหิ อภิตฺถวิ
         พุทฺธานุพุทฺโธ โส เถโร          โกณฺฑญฺโ ติพฺพนิกฺกโม
         ลาภี สุขวิหารานํ                    วิเวกานํ อภิณฺหโส
         ยํ สาวเกน ปตฺตพฺพํ                สตฺถุสาสนการินา
         สพฺพสฺส ตํ อนุปฺปตฺตํ             อปฺปมตฺตสฺส สิกฺขโต
         มหานุภาโว เตวิชฺโช               เจโตปริยายโกวิโท
         โกณฺฑญฺโ พุทฺธทายาโท ^๑-  ปาเท วนฺทติ สตฺถุโนติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๕ หน้าที่ ๒๘๔-๒๘๖. https://84000.org/tipitaka/read/pali_read.php?B=15&A=5574&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=15&A=5574&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=15&item=751&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=15&siri=217 ศึกษาอรรถกถานี้ได้ที่ :- https://84000.org/tipitaka/attha/attha.php?b=15&i=751 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=11&A=6878 The Pali Atthakatha in Roman :- https://84000.org/tipitaka/atthapali/read_rm.php?B=11&A=6878 สารบัญพระไตรปิฎกเล่มที่ ๑๕ https://84000.org/tipitaka/read/?index_15 https://84000.org/tipitaka/english/?index_15