บาลีพระไตรปิฎกเล่มที่ ๑๙ - พระสุตตันตปิฎกเล่มที่ ๑๑

     [๓๙๔]   เอกํ  สมยํ  ภควา สาเกเต วิหรติ อญฺชนวเน มิคทาเย ฯ
อถ  โข  กุณฺฑลิโย  ปริพฺพาชโก  เยน  ภควา  เตนุปสงฺกมิ อุปสงฺกมิตฺวา
ภควตา   สทฺธึ   สมฺโมทิ   สมฺโมทนียํ   กถํ   สาราณียํ   วีติสาเรตฺวา
เอกมนฺตํ   นิสีทิ   ฯ   เอกมนฺตํ   นิสินฺโน  โข  กุณฺฑลิโย  ปริพฺพาชโก
ภควนฺตํ   เอตทโวจ  อหมสฺมิ  โภ  โคตม  อารามนิยาทิปริสาวจโร  ^๒-
ตสฺส   มยฺหํ  โภ  โคตม  ปจฺฉาภตฺตํ  ภุตฺตปาตราสสฺส  อยมาหาโร  ^๓-
โหติ   อาราเมน  อารามํ  อุยฺยาเนน  อุยฺยานํ  อนุจงฺกมามิ  อนุวิจรามิ
โส   ตตฺถ   ปสฺสามิ   เอเก   สมณพฺราหฺมเณ  อิติ  วาทปฺปโมกฺขานิสํสํ
เจว   กถํ   กเถนฺเต  อุปารมฺภานิสํสํ  จ  ภวมฺปน  โคตโม  กิมานิสํโส
วิหรตีติ ฯ วิชฺชาวิมุตฺติผลานิสํโส โข กุณฺฑลิย ตถาคโต วิหรตีติ ฯ
     [๓๙๕]   กตเม   ปน   โภ   โคตม  ธมฺมา  ภาวิตา  พหุลีกตา
วิชฺชาวิมุตฺตึ   ปริปูเรนฺตีติ   ฯ  สตฺต  โข  กุณฺฑลิย  โพชฺฌงฺคา  ภาวิตา
พหุลีกตา  วิชฺชาวิมุตฺตึ  ปริปูเรนฺตีติ  ฯ  กตเม  ปน  โภ  โคตม  ธมฺมา
ภาวิตา   พหุลีกตา   สตฺต   โพชฺฌงฺเค  ปริปูเรนฺตีติ  ฯ  จตฺตาโร  โข
กุณฺฑลิย  สติปฏฺานา  ภาวิตา  พหุลีกตา  สตฺต  โพชฺฌงฺเค ปริปูเรนฺตีติ ฯ
@เชิงอรรถ: ^๑ โป. ยุ. วิมุตฺตมฺหีติ ฯ ^๒ ม. อารามนิสฺสยี ปริสาวจโร ฯ ยุ. อารามนิสาทิ... ฯ
@^๓ ม. ยุ. อยมาจาโร ฯ
กตเม    ปน   โภ   โคตม   ธมฺมา   ภาวิตา   พหุลีกตา   จตฺตาโร
สติปฏฺาเน   ปริปูเรนฺตีติ   ฯ   ตีณิ  โข  กุณฺฑลิย  สุจริตานิ  ภาวิตานิ
พหุลีกตานิ   จตฺตาโร   สติปฏฺาเน   ปริปูเรนฺตีติ  ฯ  กตเม  ปน  โภ
โคตม ธมฺมา ภาวิตา พหุลีกตา ตีณิ สุจริตานิ ปริปูเรนฺตีติ  ฯ
     [๓๙๖]   อินฺทฺริยสํวโร   โข   กุณฺฑลิย   ภาวิโต  พหุลีกโต  ตีณิ
สุจริตานิ  ปริปูเรติ  ^๑-  ฯ  กถํ ภาวิโต ^[๒]- กุณฺฑลิย อินฺทฺริยสํวโร กถํ
พหุลีกโต  ตีณิ  สุจริตานิ  ปริปูเรติ  ^๓-  ฯ  อิธ  กุณฺฑลิย  ภิกฺขุ จกฺขุนา
รูปํ  ทิสฺวา  มนาปํ  นาภิชฺฌายติ  นาวิหึสติ  ^๔-  น  ราคํ  ชเนติ  ตสฺส
ิโต   จ  ^๕-  กาโย  โหติ  ิตํ  จิตฺตํ  อชฺฌตฺตํ  สุสณฺิตํ  สุวิมุตฺตํ  ฯ
จกฺขุนา  โข  ปเนว  รูปํ  ทิสฺวา  อมนาปํ  น มงฺกุ โหติ อปฺปติฏฺิตจิตฺโต
อาทินฺนมานโส    ^๖-    อพฺยาปนฺนเจตโส   ตสฺส   ิโต   จ   กาโย
โหติ ิตํ จิตฺตํ อชฺฌตฺตํ สุสณฺิตํ สุวิมุตฺตํ ฯ
     {๓๙๖.๑}   ปุน  จปรํ  กุณฺฑลิย  ภิกฺขุ  โสเตน  สทฺทํ สุตฺวา ฯเปฯ
ฆาเนน  คนฺธํ  ฆายิตฺวา  ฯ  ชิวฺหาย  รสํ  สายิตฺวา ฯ กาเยน โผฏฺพฺพํ
ผุสิตฺวา   ฯ   มนสา  ธมฺมํ  วิญฺาย  มนาปํ  นาภิชฺฌายติ  นาวิหึสติ  น
ราคํ  ชเนติ  ตสฺส  ิโต  จ  กาโย  โหติ  ิตํ  จิตฺตํ  อชฺฌตฺตํ สุสณฺิตํ
สุวิมุตฺตํ   ฯ   มนสา   โข   ปเนว  ธมฺมํ  วิญฺาย  อมนาปํ  น  มงฺกุ
โหติ       อปฺปติฏฺิตจิตฺโต      อาทินฺนมานโส      อพฺยาปนฺนเจตโส
ตสฺส   จ   กาโย   โหติ   ิตํ   จิตฺตํ  อชฺฌตฺตํ  สุสณฺิตํ  สุวิมุตฺตํ  ฯ
ยโต   โข   กุณฺฑลิย   ภิกฺขุ   จกฺขุนา   รูปํ   ทิสฺวา  มนาปามนาเปสุ
@เชิงอรรถ: ^๑ ม. อิติสทฺโท อตฺถิ ฯ ^๒ ม. ยุ. จ ฯ ^๓ ม. ยุ. ปริปูเรนฺตีติ ฯ ^๔ ม. ยุ.
@นาภิชฺฌติ นาวิหํสติ ฯ เอวมุปริ ฯ ^๕ โป. ยุ. ว ฯ เอวมุปริ ฯ
@^๖ ม. ยุ. อาทีน ... ฯ เอวมุปริ ฯ
รูเปสุ    ิโต   อาทินฺนมานโส   อพฺยาปนฺนเจตโส   ตสฺส   ิโต   จ
กาโย   โหติ   ิตํ   จิตฺตํ   อชฺฌตฺตํ   สุสณฺิตํ   สุวิมุตฺตํ  ฯ  โสเตน
สทฺทํ   สุตฺวา   ฯเปฯ   ฆาเนน   คนฺธํ   ฆายิตฺวา   ฯ  ชิวฺหาย  รสํ
สายิตฺวา   ฯ   กาเยน   โผฏฺพฺพํ  ผุสิตฺวา  ฯ  มนสา  ธมฺมํ  วิญฺาย
มนาปามนาเปสุ   ธมฺเมสุ   ิโต  จ  กาโย  โหติ  ิตํ  จิตฺตํ  อชฺฌตฺตํ
สุสณฺิตํ    สุวิมุตฺตํ   ฯ   เอวมฺภาวิโต   โข   กุณฺฑลิย   อินฺทฺริยสํวโร
เอวํ พหุลีกโต ตีณิ สุจริตานิ ปริปูเรติ ฯ
     [๓๙๗]   กถํ   ภาวิตานิ  ตานิ  จ  กุณฺฑลิย  ตีณิ  สุจริตานิ  กถํ
พหุลีกตานิ   จตฺตาโร   สติปฏฺาเน  ปริปูเรนฺติ  ฯ  อิธ  กุณฺฑลิย  ภิกฺขุ
กายทุจฺจริตํ   ปหานาย   ^๑-  กายสุจริตํ  ภาเวติ  วจีทุจฺจริตํ  ปหานาย
วจีสุจริตํ   ภาเวติ   มโนทุจฺจริตํ   ปหานาย   มโนสุจริตํ   ภาเวติ  ฯ
เอวํ   ภาวิตานิ   โข   กุณฺฑลิย   ตีณิ   สุจริตานิ   เอวํ   พหุลีกตานิ
จตฺตาโร สติปฏฺาเน ปริปูเรนฺติ ฯ
     [๓๙๘]   กถํ   ภาวิตา  จ  กุณฺฑลิย  จตฺตาโร  สติปฏฺานา  กถํ
พหุลีกตา   สตฺต   โพชฺฌงฺเค   ปริปูเรนฺติ   ฯ   อิธ   กุณฺฑลิย   ภิกฺขุ
กาเย   กายานุปสฺสี   วิหรติ   อาตาปี   สมฺปชาโน   สติมา   วิเนยฺย
โลเก   อภิชฺฌาโทมนสฺสํ   เวทนาสุ   ฯเปฯ   จิตฺเต   ฯเปฯ  ธมฺเมสุ
ธมฺมานุปสฺสี   วิหรติ   อาตาปี   สมฺปชาโน   สติมา   วิเนยฺย   โลเก
อภิชฺฌาโทมนสฺสํ  ฯ  เอวํ  ภาวิตา  โข  กุณฺฑลิย  จตฺตาโร  สติปฏฺานา
เอวํ พหุลีกตา สตฺต โพชฺฌงฺเค ปริปูเรนฺติ ฯ
@เชิงอรรถ: ^๑ ม. ยุ. ปหาย ฯ เอวมุปริ ฯ
     [๓๙๙]   กถํ  ภาวิตา  จ  กุณฺฑลิย  สตฺต  โพชฺฌงฺคา กถํ พหุลีกตา
วิชฺชาวิมุตฺตึ    ปริปูเรนฺติ   ฯ   อิธ   กุณฺฑลิย   ภิกฺขุ   สติสมฺโพชฺฌงฺคํ
ภาเวติ    วิเวกนิสฺสิตํ    วิราคนิสฺสิตํ    นิโรธนิสฺสิตํ   โวสฺสคฺคปริณามึ
ฯเปฯ    อุเปกฺขาสมฺโพชฺฌงฺคํ    ภาเวติ    วิเวกนิสฺสิตํ    วิราคนิสฺสิตํ
นิโรธนิสฺสิตํ   โวสฺสคฺคปริณามึ   ฯ   เอวํ  ภาวิตา  โข  กุณฺฑลิย  สตฺต
โพชฺฌงฺคา เอวํ พหุลีกตา วิชฺชาวิมุตฺตึ ปริปูเรนฺตีติ ฯ
     [๔๐๐]   เอวํ  วุตฺเต  กุณฺฑลิโย  ปริพฺพาชโก  ภควนฺตํ  เอตทโวจ
อภิกฺกนฺตํ   โภ   โคตม  อภิกฺกนฺตํ  โภ  โคตม  เสยฺยถาปิ  โภ  โคตม
นิกฺกุชฺชิตํ   วา   อุกฺกุชฺเชยฺย   ปฏิจฺฉนฺนํ   วา  วิวเรยฺย  มูฬฺหสฺส  วา
มคฺคํ   อาจิกฺเขยฺย  อนฺธกาเร  วา  เตลปฺปชฺโชตํ  ธาเรยฺย  จกฺขุมนฺโต
รูปานิ   ทกฺขนฺตีติ  ฯ  เอวเมว  โข  โภตา  โคตเมน  อเนกปริยาเยน
ธมฺโม   ปกาสิโต   เอสาหํ   ภวนฺตํ   โคตมํ   สรณํ  คจฺฉามิ  ธมฺมญฺจ
ภิกฺขุสงฺฆญฺจ   อุปาสกํ   มํ  ภวํ  โคตโม  ธาเรตุ  อชฺชตคฺเค  ปาณุเปตํ
สรณงฺคตนฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๙ หน้าที่ ๑๐๕-๑๐๘. https://84000.org/tipitaka/read/pali_read.php?B=19&A=1998&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=19&A=1998&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=19&item=394&items=7 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=19&siri=79 ศึกษาอรรถกถานี้ได้ที่ :- https://84000.org/tipitaka/attha/attha.php?b=19&i=394 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=13&A=4606 The Pali Atthakatha in Roman :- https://84000.org/tipitaka/atthapali/read_rm.php?B=13&A=4606 สารบัญพระไตรปิฎกเล่มที่ ๑๙ https://84000.org/tipitaka/read/?index_19 https://84000.org/tipitaka/english/?index_19