บาลีพระไตรปิฎกเล่มที่ ๒ - พระวินัยปิฎกเล่มที่ ๒

                               อฏฺมสิกฺขาปทํ
     [๖๑๙]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  สมฺพหุลา
ภิกฺขู   จ   ปริพฺพาชกา   จ   สาเกตา   สาวตฺถึ  อทฺธานมคฺคปฏิปนฺนา
โหนฺติ   ฯ   อนฺตรามคฺเค   โจรา   นิกฺขมิตฺวา   เต   อจฺฉินฺทึสุ   ฯ
สาวตฺถิยา   ราชภฏา   นิกฺขมิตฺวา   เต   โจเร   สภณฺเฑ   คเหตฺวา
ภิกฺขูนํ    สนฺติเก   ทูตํ   ปาเหสุํ   อาคจฺฉนฺตุ   ภทฺทนฺตา   สกํ   สกํ
จีวรํ   สญฺชานิตฺวา   คณฺหนฺตูติ  ฯ  ภิกฺขู  จีวรํ  ^๑-  น  สญฺชานนฺติ  ฯ
มนุสฺสา   ^๒-   อุชฺฌายนฺติ  ขียนฺติ  วิปาเจนฺติ  กถํ  หิ  นาม  ภทฺทนฺตา
อตฺตโน    อตฺตโน    จีวรํ   น   สญฺชานิสฺสนฺตีติ   ฯ   อสฺโสสุํ   โข
ภิกฺขู เตสํ มนุสฺสานํ อุชฺฌายนฺตานํ ขียนฺตานํ วิปาเจนฺตานํ ฯ
     {๖๑๙.๑}   อถโข  เต  ภิกฺขู ภควโต เอตมตฺถํ อาโรเจสุํ ฯ อถโข
ภควา   เอตสฺมึ  นิทาเน  เอตสฺมึ  ปกรเณ  ภิกฺขุสงฺฆํ  สนฺนิปาตาเปตฺวา
ภิกฺขูนํ   ตทนุจฺฉวิกํ   ตทนุโลมิกํ   ธมฺมึ   กถํ  กตฺวา  ภิกฺขู  อามนฺเตสิ
เตนหิ   ภิกฺขเว   ภิกฺขูนํ   สิกฺขาปทํ   ปญฺาเปสฺสามิ   ทส   อตฺถวเส
ปฏิจฺจ     สงฺฆสุฏฺฐุตาย     สงฺฆผาสุตาย     ฯเปฯ    สทฺธมฺมฏฺิติยา
วินยานุคฺคหาย ฯ เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๖๑๙.๒}   นวํ  ปน  ภิกฺขุนา  จีวรลาเภน  ติณฺณํ  ทุพฺพณฺณกรณานํ
อญฺตรํ   ทุพฺพณฺณกรณํ   อาทาตพฺพํ   นีลํ   วา   กทฺทมํ  วา  กาฬสามํ
วา  ฯ  อนาทา  เจ  ภิกฺขุ  ติณฺณํ  ทุพฺพณฺณกรณานํ  อญฺตรํ  ทุพฺพณฺณกรณํ
@เชิงอรรถ: ^๑ ม. อยํ ปาโ นตฺถิ ฯ  ^๒ ม. เต ฯ
นวํ จีวรํ ปริภุญฺเชยฺย ปาจิตฺติยนฺติ ฯ
     [๖๒๐]   นวํ  นาม  อกตกปฺปํ  วุจฺจติ  ฯ  จีวรํ นาม ฉนฺนํ จีวรานํ
อญฺตรํ    จีวรํ    ฯ   ติณฺณํ   ทุพฺพณฺณกรณานํ   อญฺตรํ   ทุพฺพณฺณกรณํ
อาทาตพฺพนฺติ    อนฺตมโส    กุสคฺเคนปิ   อาทาตพฺพํ   ฯ   นีลํ   นาม
เทฺว   นีลานิ  กํสนีลํ  ปลาสนีลํ  ฯ  กทฺทโม  นาม  โอทโก  วุจฺจติ  ฯ
กาฬสามํ   นาม   ยงฺกิญฺจิ   กาฬกํ   ^๑-   ฯ   อนาทา   เจ   ภิกฺขุ
ติณฺณํ      ทุพฺพณฺณกรณานํ     อญฺตรํ     ทุพฺพณฺณกรณนฺติ     อนฺตมโส
กุสคฺเคนปิ      อนาทิยิตฺวา      ติณฺณํ     ทุพฺพณฺณกรณานํ     อญฺตรํ
ทุพฺพณฺณกรณํ นวํ จีวรํ ปริภุญฺชติ อาปตฺติ ปาจิตฺติยสฺส ฯ
     [๖๒๑]   อนาทินฺเน     อนาทินฺนสญฺี    ปริภุญฺชติ    อาปตฺติ
ปาจิตฺติยสฺส  ฯ  อนาทินฺเน  เวมติโก  ปริภุญฺชติ  อาปตฺติ  ปาจิตฺติยสฺส ฯ
อนาทินฺเน    อาทินฺนสญฺี    ปริภุญฺชติ    อาปตฺติ    ปาจิตฺติยสฺส    ฯ
อาทินฺเน   อนาทินฺนสญฺี   อาปตฺติ   ทุกฺกฏสฺส   ฯ  อาทินฺเน  เวมติโก
อาปตฺติ ทุกฺกฏสฺส ฯ อาทินฺเน อาทินฺนสญฺี อนาปตฺติ ฯ
     [๖๒๒]   อนาปตฺติ   อาทิยิตฺวา   ปริภุญฺชติ  กปฺโป  นฏฺโ  โหติ
กปฺปกโตกาโส   ชิณฺโณ   โหติ   กปฺปกเตน   อกปฺปกตํ   สํสิพฺพิตํ  โหติ
อคฺคเฬ อนุวาเต ปริภณฺเฑ อุมฺมตฺตกสฺส อาทิกมฺมิกสฺสาติ ฯ
                        อฏฺมสิกฺขาปทํ นิฏฺิตํ ฯ
                                  --------
@เชิงอรรถ: ^๑ ม. ยุ. กาฬสามกํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๔๐๔-๔๐๕. https://84000.org/tipitaka/read/pali_read.php?B=2&A=7272&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=7272&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=618&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=94 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=619 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=9607 The Pali Atthakatha in Roman :- https://84000.org/tipitaka/atthapali/read_rm.php?B=2&A=9607 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2