บาลีพระไตรปิฎกเล่มที่ ๒๐ - พระสุตตันตปิฎกเล่มที่ ๑๒

     [๔๗๒]   ๓๓  อถโข  อายสฺมา  สารีปุตฺโต เยน ภควา เตนุปสงฺกมิ
อุปสงฺกมิตฺวา    ภควนฺตํ    อภิวาเทตฺวา   เอกมนฺตํ   นิสีทิ   เอกมนฺตํ
นิสินฺนํ   โข   อายสฺมนฺตํ   สารีปุตฺตํ   ภควา   เอตทโวจ  สงฺขิตฺเตนปิ
โข   อหํ   สารีปุตฺตํ  ธมฺมํ  เทเสยฺยํ  วิตฺถาเรนปิ  โข  อหํ  สารีปุตฺต
ธมฺมํ  เทเสยฺยํ  สงฺขิตฺตวิตฺถาเรนปิ  โข  เอหํ  สารีปุตฺต  ธมฺมํ เทเสยฺยํ
ธมฺมสฺส  อญฺาตาโร  จ  ทุลฺลภาติ  ฯ  เอตสฺส  ภควา  กาโล  เอตสฺส
สุคต   กาโล   ยํ   ภควา   สงฺขิตฺเตนปิ  ธมฺมํ  เทเสยฺย  วิตฺถาเรนปิ
ธมฺมํ    เทเสยฺย    สงฺขิตฺตวิตฺถาเรนปิ    ธมฺมํ   เทเสยฺย   ภวิสฺสนฺติ
ธมฺมสฺส   อญฺาตาโรติ   ฯ   ตสฺมา   ติห   สารีปุตฺต  เอวํ  สิกฺขิตพฺพํ
อิมสฺมิญฺจ  สวิญฺาณเก  กาเย  อหงฺการมมงฺการมานานุสยา  น  ภวิสฺสนฺติ
พหิทฺธา   จ   สพฺพนิมิตฺเตสุ   อหงฺการมมงฺการมานานุสยา  น  ภวิสฺสนฺติ
ยญฺจ   เจโตวิมุตฺตึ  ปญฺาวิมุตฺตึ  อุปสมฺปชฺช  วิหรโต  อหงฺการมมงฺการ-
มานานุสยา   น   โหนฺติ   ตญฺจ  เจโตวิมุตฺตึ  ปญฺาวิมุตฺตึ  อุปสมฺปชฺช
วิหริสฺสามาติ   เอวญฺหิ   โว  สารีปุตฺต  สิกฺขิตพฺพํ  ยโต  โข  สารีปุตฺต
ภิกฺขุโน   อิมสฺมิญฺจ  สวิญฺาณเก  กาเย  อหงฺการมมงฺการมานานุสยา  น
โหนฺติ   พหิทฺธา   จ   สพฺพนิมิตฺเตสุ   อหงฺการมมงฺการมานานุสยา   น
โหนฺติ    ยญฺจ    เจโตวิมุตฺตึ    ปญฺาวิมุตฺตึ    อุปสมฺปชฺช    วิหรโต
อหงฺการมมงฺการมานานุสยา   น  โหนฺติ  ตญฺจ  เจโตวิมุตฺตึ  ปญฺาวิมุตฺตึ
@เชิงอรรถ: ^๑ ม. อนีโฆ ฯ
อุปสมฺปชฺช   วิหรติ   อยํ   วุจฺจติ   สารีปุตฺต   ภิกฺขุ   อจฺเฉชฺชิ  ตณฺหํ
วิวฏฺฏยิ   ^๑-  สญฺโชนํ  สมฺมามานาภิสมยา  อนฺตมกาสิ  ทุกฺขสฺส  อิทญฺจ
ปน เมตํ สารีปุตฺต สนฺธาย ภาสิตํ ปารายเน อุทยปเญฺห
         ปหานํ กามสญฺานํ ^๒-       โทมนสฺสาน จูภยํ
         ถีนสฺส จ ปนูทนํ                  กุกฺกุจฺจานํ นิวารณํ
         อุเปกฺขาสติสํสุทฺธํ                ธมฺมตกฺกปุเรชวํ
         อญฺาวิโมกฺขํ ปพฺรูมิ          อวิชฺชายปฺปเภทนนฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๐ หน้าที่ ๑๗๐-๑๗๑. https://84000.org/tipitaka/read/pali_read.php?B=20&A=3519&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=20&A=3519&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=20&item=472&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=20&siri=77 ศึกษาอรรถกถานี้ได้ที่ :- https://84000.org/tipitaka/attha/attha.php?b=20&i=472 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=15&A=2568 The Pali Atthakatha in Roman :- https://84000.org/tipitaka/atthapali/read_rm.php?B=15&A=2568 สารบัญพระไตรปิฎกเล่มที่ ๒๐ https://84000.org/tipitaka/read/?index_20 https://84000.org/tipitaka/english/?index_20