paliTIPITAKA Volume 12 - Sutta Pitaka 4

[560] Atha kho papima dusissa marassa etadahosi imesam kho aham bhikkhunam silavantanam kalyanadhammanam neva janami agatim va gatim va yannunaham brahmanagahapatike anvaviseyyam etha tumhe bhikkhu silavante kalyanadhamme akkosatha paribhasatha rosetha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti . atha kho ^[4]- papima dusi maro brahmanagahapatike anvavisi etha tumhe bhikkhu silavante kalyanadhamme akkosatha paribhasatha rosetha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti. {560.1} Atha kho te papima brahmanagahapatika anvavisittha dusina marena bhikkhu silavante kalyanadhamme akkosanti paribhasanti rosenti vihesenti ime pana mundaka samanaka ibbha kanha ^5- bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti . seyyathapi nama @Footnote: ¹ Ma. Yu. nisinnakova. ² Ma. Yu. patisanjivito ³ Ma. sanjivassa sanjivoteva. @⁴ Ma. te. ⁵ Ma. kinha. Uluko rukkhasakhayam musikam maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti . Seyyathapi nama kottho ^1- naditire macche maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti. {560.2} Seyyathapi nama vilaro sandhisamalasankatire musikam maggayamano jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayanti. {560.3} Seyyathapi nama gadrabho vahacchinno sandhisamalasankatire jhayati pajjhayati nijjhayati apajjhayati evamevime mundaka samanaka ibbha kanha bandhupadapacca jhayinosma jhayinosmati pattakkhandha adhomukha madhurakajata jhayanti pajjhayanti nijjhayanti apajjhayantiti . ye kho pana papima tena samayena manussa kalam karonti yebhuyyena kayassa bheda parammarana apayam duggatim vinipatam nirayam upapajjanti. [561] Atha kho papima kakusandho bhagava araham sammasambuddho @Footnote: ¹ Ma. Yu. kotthu. Bhikkhu amantesi anvavisittha kho bhikkhave brahmanagahapatika dusina marena etha tumhe bhikkhu silavante kalyanadhamme akkosatha paribhasatha vihesetha appevanama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam dusi maro labhetha otaranti etha tumhe bhikkhave mettasahagatena cetasa ekam disam pharitva viharatha tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharatha. {561.1} Karunasahagatena cetasa ... Muditasahagatena cetasa ... Upekkhasahagatena cetasa ekam disam pharitva viharatha tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharathati. {561.2} Atha kho te papima bhikkhu kakusandhena bhagavata arahata sammasambuddhena evam ovadiyamana evam anusasiyamana arannagatapi rukkhamulagatapi sunnagaragatapi mettasahagatena cetasa ekam disam pharitva viharimsu tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva Viharimsu . karunasahagatena cetasa ... muditasahagatena cetasa ... Upekkhasahagatena cetasa ekam disam pharitva viharimsu tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharimsu. [562] Atha kho papima dusissa marassa etadahosi evampi kho aham karonto imesam bhikkhunam silavantanam kalyanadhammanam neva janami agatim va gatim va yannunaham brahmanagahapatike anvaviseyyam etha tumhe bhikkhu silavante kalyanadhamme sakkarotha garukarotha manetha pujetha appevanama tumhehi sakkariyamananam garukariyamananam maniyamananam pujiyamananam siya cittassa annathattam yatha nam dusi maro labhetha otaranti. {562.1} Atha kho te papima dusi maro brahmanagahapatike anvavisi etha tumhe bhikkhu silavante kalyanadhamme sakkarotha garukarotha manetha pujetha appevanama tumhehi sakkariyamananam garukariyamananam maniyamananam pujiyamananam siya cittassa annathattam yatha nam dusi maro labhetha otaranti . atha kho te papima brahmanagahapatika anvavisittha dusina marena bhikkhu silavante kalyanadhamme sakkaronti garukaronti manenti pujenti . ye kho pana papima tena samayena manussa kalam karonti yebhuyyena kayassa bheda parammarana sugatim saggam lokam upapajjanti. [563] Atha kho papima kakusandho bhagava araham sammasambuddho bhikkhu amantesi anvavisittha kho bhikkhave brahmanagahapatika dusina marena etha tumhe bhikkhu silavante kalyanadhamme sakkarotha garukarotha manetha pujetha appevanama tumhehi sakkariyamananam garukariyamananam maniyamananam pujiyamananam siya cittassa annathattam yatha nam dusi maro labhetha otaranti . Etha tumhe bhikkhave asubhanupassi kaye viharatha ahare patikkulasannino sabbaloke anabhiratasannino ^1- sabbasankharesu aniccanupassinoti . Atha kho te papima bhikkhu kakusandhena bhagavata arahata sammasambuddhena evam ovadiyamana evam anusasiyamana arannagatapi rukkhamulagatapi sunnagaragatapi asubhanupassi kaye viharimsu ahare patikkulasannino sabbaloke anabhiratasannino ^2- sabbasankharesu aniccanupassino. [564] Atha kho papima kakusandho bhagava araham sammasambuddho pubbanhasamayam nivasetva pattacivaramadaya ayasmata vidhurena pacchasamanena gamam pindaya pavisi . atha kho papima dusi maro annataram kumarakam anvavisitva sakkharam gahetva ayasmato vidhurassa sise paharamadasi sisam vobhindi . atha kho papima ayasma vidhuro bhinnena sisena lohitena galantena kakusandhamyeva bhagavantam arahantam sammasambuddham pitthito pitthito anubandhi . atha @Footnote: ^1-2 Ma. anabhiratisannino. Kho papima kakusandho bhagava araham sammasambuddho nagapalokitam apalokesi na vayam dusi maro mattamannasiti . sahapalokanaya ca pana papima dusi maro tamha ca thana cavi mahanirayanca upapajji. [565] Tassa kho pana papima mahanirayassa tayo namadheyya honti chaphassayataniko itipi sankusamahato itipi paccattavedaniyo itipi . atha kho mam papima nirayapala upasankamitva etadavocum yada kho te marisa sankuna sanku hadaye samagaccheyya atha nam tvam janeyyasi vassasahassam me niraye paccamanassati . so kho aham papima bahuni vassani bahuni vassasatani bahuni vassasahassani tasmim mahaniraye apaccim dasasahassani tasseva mahanirayassa ussade apaccim vutthanavedanam ^1- vediyamano . tassa mayham papima evarupo kayo hoti seyyathapi manussassa evarupam sisam hoti seyyathapi macchassa. [566] Kidiso nirayo asi yattha dusi apaccatha vidhuram savakamasajja kakusandhanca brahmanam satam asi ayosanku sabbe paccattavedana idiso nirayo asi yattha dusi apaccatha vidhuram savakamasajja kakusandhanca brahmanam yo etamabhijanati bhikkhu buddhassa savako @Footnote: ¹ Ma. Yu. vutthanimam nama vedanam. Tadisam bhikkhumasajja kanhadukkham nigacchasi majjhe sarassa titthanti vimana kappatthayino veluriyavanna rucira accimanto pabhassara acchara tattha naccanti puthu nanattavanniyo yo etamabhijanati bhikkhu buddhassa savako tadisam bhikkhumasajja kanhadukkham nigacchasi yo ve buddhena cudito ^1- bhikkhusanghassa pekkhato migaramatu pasadam padangutthena kampayi yo etamabhijanati bhikkhu buddhassa savako tadisam bhikkhumasajja kanhadukkham nigacchasi yo vejayantapasadam padangutthena kampayi iddhibalena patthaddho samvejesi ca devata yo etamabhijanati bhikkhu buddhassa savako tadisam bhikkhumasajja kanhadukkham nigacchasi yo vejayantapasade sakkam so paripucchati api avuso ^2- janasi tanhakkhayavimuttiyo tassa sakko viyakasi panham puttho yathakatham yo etamabhijanati bhikkhu buddhassa savako tadisam bhikkhumasajja kanhadukkham nigacchasi yo brahmanam ^3- paripucchati sudhammayam abhitosabham @Footnote: ¹ Ma. codito. ² Ma. api vasava .... ³ Ma. brahmam. Ajjapi te avuso ditthi ya te ditthi pure ahu passasi vitivattantam brahmaloke pabhassaram tassa brahma viyakasi anupubbam yathakatham na me marisa sa ditthi ya me ditthi pure ahu passami vitivattantam brahmaloke pabhassaram soham ajja katham vajjam aham niccomhi sassato yo etamabhijanati bhikkhu buddhassa savako tadisam bhikkhumasajja kanhadukkham nigacchasi yo mahaneruno ^1- kutam vimokkhena aphassayi vanam pubbavidehanam ye ca bhumisaya nara yo etamabhijanati bhikkhu buddhassa savako tadisam bhikkhumasajja kanhadukkham nigacchasi na ve aggi cetayati aham balam dahamiti balo ca jalitam aggim asajjana ^2- sa dayhati evameva tuvam mara asajjana tathagatam sayam dahissasi attanam balo aggimva samphusam apunnam pasavi maro asajjana tathagatam kinnu mannasi papima na me papam vipaccati karoto ciyati papam cirarattaya kandati ^3- mara nibbinda buddhamha asammakasi bhikkhusu @Footnote: ¹ Ma. mahameruno. ² Po. Ma. asajja nam. ³ Po. Ma. Yu. antaka. Iti maram atajjesi ^1- bhikkhu bhesakalavane tato so dummano yakkho tatthevantaradhayathati. Maratajjaniyasuttam nitthitam dasamam. Culayamakavaggo pancamo. Tassudanam saleyyaveranjavedalla ^2- culamahadhammasamadanam vimamsaka ca brahma dusi ca maro pancamo varavaggo mulapannasakam nitthitam. -------- @Footnote: ¹ Si. Yu. aghattesi. ² Ma. saleyyaveranjaduve ca tutthi @ culamahadhammasamadananca @ vimamsaka kosambi ca @ brahmano dusi ca maro dasamo ca vaggo @ saleyyavaggo nitthito pancamo @ idam vagganamuddanam @ mulapariyayo ceva sihanado ca uttamo @ kakaco ceva gosingo saleyyo ca ime panca @ mulapannasakam samattam.

The Pali Tipitaka in Roman Character Volume 12 page 603-611. https://84000.org/tipitaka/read/roman_item.php?book=12&item=560&items=7 Classified by [Item Number] :- http://84000.org/tipitaka/read/roman_item.php?book=12&item=560&items=7&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=12&item=560&items=7 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=560&items=7 Study Atthakatha :- https://84000.org/tipitaka/attha/attha.php?b=12&i=560 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12