|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
|
|
[230] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava ... Assutava bhikkhave puthujjano imasmim catummahabhutikasmim kayasmim nibbindeyyapi virajjeyyapi vimucceyyapi tam kissa hetu dissati hi 1- bhikkhave imassa catummahabhutikassa kayassa acayopi apacayopi adanampi nikkhepanampi tasma tatrassutava puthujjano nibbindeyyapi virajjeyyapi vimucceyyapi. {230.1} Yanca kho etam bhikkhave vuccati cittam itipi mano itipi vinnanam itipi tatrassutava puthujjano nalam nibbinditum nalam virajjitum nalam vimuccitum tam kissa hetu digharattam hetam bhikkhave assutavato puthujjanassa ajjhositam mamayitam paramattham etam mama esohamasmi eso me attati tasma tatrassutava puthujjano nalam nibbinditum nalam virajjitum nalam vimuccitum. [231] Varam bhikkhave assutava puthujjano imam catummahabhutikam kayam attato upagaccheyya na tveva cittam tam kissa hetu dissatayam bhikkhave catummahabhutiko kayo ekampi vassam titthamano dvepi vassani titthamano tinipi vassani titthamano cattaripi vassani titthamano pancapi vassani titthamano dasapi vassani titthamano visatipi vassani titthamano timsampi vassani titthamano @Footnote: 1 Ma. Yu. hisaddo natthi.--------------------------------------------------------------------------------------------- page115.
Cattalisampi vassani titthamano pannasampi vassani titthamano vassasatampi titthamano bhiyyopi titthamano . yanca kho etam bhikkhave vuccati cittam itipi mano itipi vinnanam itipi tam rattiya ca divasassa ca annadeva uppajjati annam nirujjhati. [232] Seyyathapi bhikkhave makkato aranne ca brahavane 1- caramano sakham ganhati tam muncitva annam ganhati tam muncitva annam ganhati tam muncitva annam ganhati evameva kho bhikkhave yamidam vuccati cittam itipi mano itipi vinnanam itipi tam rattiya ca divasassa ca annadeva uppajjati annam nirujjhati. [233] Tatra bhikkhave sutava ariyasavako paticcasamuppadanneva sadhukam yoniso manasikaroti iti imasmim sati idam hoti imassuppada idam uppajjati imasmim asati idam na hoti imassa nirodha idam nirujjhati yadidam avijjapaccaya sankhara sankharapaccaya vinnanam .pe. evametassa kevalassa dukkhakkhandhassa samudayo hoti . Avijjaya tveva asesaviraganirodha sankharanirodho sankharanirodha vinnananirodho .pe. evametassa kevalassa dukkhakkhandhassa nirodho hotiti. [234] Evam passam bhikkhave sutava ariyasavako rupasmimpi nibbindati vedanayapi nibbindati sannayapi nibbindati @Footnote: 1 Ma. Yu. pavane.--------------------------------------------------------------------------------------------- page116.
Sankharesupi nibbindati vinnanasmimpi nibbindati nibbindam virajjati viraga vimuccati . vimuttasmim vimuttamiti nanam hoti . Khina jati vusitam brahmacariyam katam karaniyam naparam itthattayati pajanatiti. Pathamam. [235] Savatthiyam viharati ... tatra kho bhagava ... Assutava bhikkhave puthujjano imasmim catummahabhutikasmim kayasmim nibbindeyyapi virajjeyyapi vimucceyyapi tam kissa hetu dissati hi bhikkhave imassa catummahabhutikassa kayassa acayopi apacayopi adanampi nikkhepanampi tasma tatrassutava puthujjano nibbindeyyapi virajjeyyapi vimucceyyapi . yanca kho etam bhikkhave vuccati cittam itipi mano itipi vinnanam itipi tatrassutava puthujjano nalam nibbinditum nalam virajjitum nalam vimuccitum tam kissa hetu digharattam hetam bhikkhave assutavato puthujjanassa ajjhositam mamayitam paramattham etam mama esohamasmi eso me attati tasma tatrassutava puthujjano nalam nibbinditum nalam virajjitum nalam vimuccitum.The Pali Tipitaka in Roman Character Volume 16 page 114-116. https://84000.org/tipitaka/read/roman_item.php?book=16&item=230&items=6&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=16&item=230&items=6&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=230&items=6&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=16&item=230&items=6&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=16&i=230 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]