paliTIPITAKA Volume 16 - Sutta Pitaka 8

[253] Seyyathapi bhikkhave puriso aranne pavane caramano passeyya puranamaggam purananjasam pubbakehi manussehi anuyatam . So tamanugaccheyya tamanugacchanto passeyya puranam nagaram puranam rajadhanim pubbakehi manussehi ajjhavuttham ^1- aramasampannam vanasampannam pokkharanisampannam uddapavantam ^2- ramaniyam . Atha kho so bhikkhave puriso ranno va rajamahamattassa va aroceyya yagghe bhante janeyyasi aham addasam aranne pavane caramano puranamaggam purananjasam pubbakehi manussehi anuyatam so ^3- tamanugacchim tamanugacchanto addasam puranam nagaram puranam rajadhanim pubbakehi manussehi @Footnote: ¹ Ma. ajjhavuttham. evamuparipi . ² Ma. uddhapavantam. @³ Ma. Yu. ayam saddo natthi. Ajjhavuttham aramasampannam vanasampannam pokkharanisampannam uddapavantam ramaniyam tam bhante nagaram mapehiti . athakho so bhikkhave raja va rajamahamatto va tam nagaram mapeyya tadassa nagaram aparena samayena iddham ceva phitam ca bahujannam ^1- akinnamanussam vuddhivepullappattam . evameva khvaham bhikkhave addasam puranamaggam purananjasam pubbakehi sammasambuddhehi anuyatam. {253.1} Katamo ca so bhikkhave puranamaggo purananjaso pubbakehi sammasambuddhehi anuyato . ayameva ariyo atthangiko maggo seyyathidam sammaditthi .pe. sammasamadhi . Ayam kho so bhikkhave puranamaggo purananjaso pubbakehi sammasambuddhehi anuyato so tamanugacchim tamanugacchanto jaramaranam abbhannasim jaramaranasamudayam abbhannasim jaramarananirodham abbhannasim jaramarananirodhagaminim patipadam abbhannasim tamanugacchim tamanugacchanto jatim abbhannasim .pe. Bhavam abbhannasim ... upadanam abbhannasim ... tanham abbhannasim ... Vedanam abbhannasim ... phassam abbhannasim ... Salayatanam abbhannasim ... Namarupam abbhannasim ... vinnanam abbhannasim tamanugacchim tamanugacchanto sankhare abbhannasim sankharasamudayam abbhannasim sankharanirodham abbhannasim sankharanirodhagaminim patipadam abbhannasim tadabhinnaya acikkhim bhikkhunam bhikkhuninam upasakanam upasikanam . tayidam @Footnote: ¹ Ma. bahujannam. Yu. bahujanam. evamuparipi. Bhikkhave brahmacariyam iddham ceva phitam ca vittharikam bahujannam puthubhutam yava devamanussehi supakasitanti. Pancamam. [254] Evamme sutam ekam samayam bhagava kurusu viharati kammasadammam nama kurunam nigamo . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . bhagava etadavoca sammasatha no tumhe bhikkhave antaram sammasanti . Evam vutte annataro bhikkhu bhagavantam etadavoca aham kho bhante sammasami antaram sammasanti . yathakatham pana tvam bhikkhu sammasasi antaram sammasanti . atha kho so bhikkhu byakasi yatha so bhikkhu byakasi na so bhikkhu bhagavato cittam aradhesi. [255] Evam vutte ayasma anando bhagavantam etadavoca etassa bhagava kalo etassa sugata kalo yam bhagava antaram sammasam bhaseyya bhagavato sutva bhikkhu dharessantiti . tenahananda sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. [256] Bhagava etadavoca idha bhikkhave bhikkhu sammasamano sammasati antaram sammasam yam kho idam anekavidham nanappakarakam dukkham loke uppajjati jaramaranam idam nu ^1- kho dukkham kimnidanam kimsamudayam kimjatikam kimpabhavam kismim sati jaramaranam hotiti . so sammasamano evam janati yam kho idam anekavidham nanappakarakam @Footnote: ¹ Ma. Yu. nusaddo natthi. Dukkham loke uppajjati jaramaranam idam kho dukkham upadhinidanam upadhisamudayam upadhijatikam upadhippabhavam upadhismim sati jaramaranam hoti upadhismim asati jaramaranam na hotiti . so jaramarananca pajanati jaramaranasamudayanca pajanati jaramarananirodhanca pajanati ya ca jaramarananirodhasaruppagamini patipada tanca pajanati tatha patipanno ca hoti anudhammacari . ayam vuccati bhikkhave bhikkhu sabbaso samma dukkhakkhayaya patipanno jaramarananirodhaya. [257] Athaparam sammasamano sammasati antaram sammasam upadhi panayam kimnidano kimsamudayo kimjatiko kimpabhavo kimsmim sati upadhi hoti kismim asati upadhi na hotiti . so sammasamano evam janati upadhi tanhanidano tanhasamudayo tanhajatiko tanhapabhavo tanhaya sati upadhi hoti tanhaya asati upadhi na hotiti . so upadhinca pajanati upadhisamudayanca pajanati upadhinirodhanca pajanati ya ca upadhinirodhasaruppagamini patipada tanca pajanati tatha patipanno ca hoti anudhammacari . ayam vuccati bhikkhave bhikkhu sabbaso samma dukkhakkhayaya patipanno upadhinirodhaya. [258] Athaparam sammasamano sammasati antaram sammasam tanha panayam kattha uppajjamana uppajjati kattha nivisamana nivisatiti ^1-. So sammasamano evam janati yam kho loke piyarupam satarupam etthesa tanha uppajjamana uppajjati ettha nivisamana @Footnote: ¹ Ma. Yu. nivisamana nivisatiti. evamuparipi. Nivisati . kinci loke piyarupam satarupam . cakkhum loke piyarupam satarupam .pe. sotam loke piyarupam satarupam ... ghanam loke piyarupam satarupam ... jivha loke piyarupam satarupam ... Kayo loke piyarupam satarupam ... mano loke piyarupam satarupam etthesa tanha uppajjamana uppajjati ettha nivisamana nivisati. [259] Ye hi keci bhikkhave atitamaddhanam samana va brahmana va yam loke piyarupam satarupam tam niccato addakkhum sukhato addakkhum attato addakkhum arogyato addakkhum khemato addakkhum te tanham vaddhesum . ye tanham vaddhesum te upadhim vaddhesum ye upadhim vaddhesum te dukkham vaddhesum ye dukkham vaddhesum te na parimuccimsu jatiya jaraya maranena sokehi paridevehi dukkhehi domanassehi upayasehi na parimuccimsu dukkhasmati vadami. {259.1} Ye hi keci bhikkhave anagatamaddhanam samana va brahmana va yam loke piyarupam satarupam tam niccato dakkhissanti sukhato dakkhissanti attato dakkhissanti arogyato dakkhissanti khemato dakkhissanti te tanham vaddhessanti . ye tanham vaddhessanti te upadhim vaddhessanti ye upadhim vaddhessanti te dukkham vaddhessanti ye dukkham vaddhessanti te na parimuccissanti jatiya jaraya maranena sokehi paridevehi dukkhehi domanassehi upayasehi na parimuccissanti dukkhasmati vadami. {259.2} Ye hi keci bhikkhave etarahi Samana va brahmana va yam loke piyarupam satarupam tam niccato passanti sukhato passanti attato passanti arogyato passanti khemato passanti te tanham vaddhenti . ye tanham vaddhenti te upadhim vaddhenti ye upadhim vaddhenti te dukkham vaddhenti ye dukkham vaddhenti te na parimuccanti jatiya jaraya maranena sokehi paridevehi dukkhehi domanassehi upayasehi na parimuccanti dukkhasmati vadami. [260] Seyyathapi bhikkhave apaniyakamso vannasampanno gandhasampanno rasasampanno . so ca kho visena samsattho . atha puriso agaccheyya ghammabhitatto ghammapareto kilanto tasito pipasito . tamenam evam vadeyyum ayam te ambho purisa apaniyakamso vannasampanno gandhasampanno rasasampanno so ca kho visena samsattho ^1- sace akankhasi piva pivato hi kho tam chadessati vannenapi gandhenapi rasenapi pivitva ca pana tatonidanam maranam va nigacchasi maranamattam va dukkhanti . so tam apaniyakamsam sahasa appatisankha piveyya na patinissajjeyya . so tatonidanam maranam va nigaccheyya maranamattam va dukkham . evameva kho bhikkhave ye hi keci atitamaddhanam samana va brahmana va yam loke piyarupam satarupam .pe. anagatamaddhanam .pe. etarahi samana va brahmana va yam loke piyarupam satarupam tam niccato passanti @Footnote: ¹ Yu. sampanno. Sukhato passanti attato passanti arogyato passanti khemato passanti te tanham vaddhenti . ye tanham vaddhenti te upadhim vaddhenti ye upadhim vaddhenti te dukkham vaddhenti ye dukkham vaddhenti te na parimuccanti jatiya jaraya maranena sokehi paridevehi dukkhehi domanassehi upayasehi na parimuccanti dukkhasmati vadami. [261] Ye ca kho keci bhikkhave atitamaddhanam samana va brahmana va yam loke piyarupam satarupam tam aniccato addakkhum dukkhato addakkhum anattato addakkhum rogato addakkhum bhayato addakkhum te tanham pajahimsu . ye tanham pajahimsu te upadhim pajahimsu ye upadhim pajahimsu te dukkham pajahimsu ye dukkham pajahimsu te parimuccimsu jatiya jaraya maranena sokehi paridevehi dukkhehi domanassehi upayasehi parimuccimsu dukkhasmati vadami. {261.1} Yepi hi keci bhikkhave anagatamaddhanam samana va brahmana va yam loke piyarupam satarupam tam aniccato dakkhissanti dukkhato dakkhissanti anattato dakkhissanti rogato dakkhissanti bhayato dakkhissanti te tanham pajahissanti . ye tanham pajahissanti .pe. Te parimuccanti dukkhasmati vadami. {261.2} Yepi hi keci bhikkhave etarahi samana va brahmana va yam loke piyarupam satarupam tam aniccato passanti dukkhato passanti anattato passanti rogato passanti Bhayato passanti te tanham pajahanti . ye tanham pajahanti te upadhim pajahanti ye upadhim pajahanti te dukkham pajahanti ye dukkham pajahanti te parimuccanti jatiya jaraya maranena sokehi paridevehi dukkhehi domanassehi upayasehi parimuccanti dukkhasmati vadami.

The Pali Tipitaka in Roman Character Volume 16 page 128-135. https://84000.org/tipitaka/read/roman_item.php?book=16&item=253&items=9&mode=bracket Classified by content :- https://84000.org/tipitaka/read/roman_item.php?book=16&item=253&items=9 Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=253&items=9&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=16&item=253&items=9&mode=bracket Study Atthakatha :- https://84000.org/tipitaka/attha/attha.php?b=16&i=253 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16