paliTIPITAKA Volume 17 - Sutta Pitaka 9

page1.

Suttantapitake samyuttanikayassa tatiyo bhago ------- khandhavaravaggo namo tassa bhagavato arahato sammasambuddhassa. Khandhasamyuttam ------- mulapannasake nakulapitavaggo pathamo [1] Evamme sutam ekam samayam bhagava bhaggesu viharati sumsumaragire ^1- bhesakalavane migadaye .pe. atha kho nakulapita gahapati yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho nakulapita gahapati bhagavantam etadavoca ahamasmi bhante jinno vuddho mahallako addhagato vayoanuppatto aturakayo abhikkhanatanko aniccadassavi kho panaham bhante bhagavato manobhavaniyananca bhikkhunam ovadatu mam bhante bhagava anusasatu mam bhante bhagava yam mama assa digharattam hitaya sukhayati. {1.1} Evametam gahapati evametam gahapati aturo hayam ^2- gahapati kayo andabhuto pariyonaddho @Footnote: ¹ Po. Ma. susumaragire . ² Yu. te.

--------------------------------------------------------------------------------------------- page2.

Yo hi gahapati imam kayam pariharanto muhuttampi arogyam patijaneyya kimannatra balya tasma tiha te gahapati evam sikkhitabbam aturakayassa me sato cittam anaturam bhavissatiti evam hi te gahapati sikkhitabbanti. [2] Atha kho nakulapita gahapati bhagavato bhasitam abhinanditva anumoditva utthayasana bhagavantam abhivadetva padakkhinam katva yenayasma sariputto tenupasankami upasankamitva ayasmantam sariputtam abhivadetva ekamantam nisidi . ekamantam nisinnam kho nakulapitaram gahapatim ayasma sariputto etadavoca vippasannani ^1- kho te gahapati indriyani parisuddho mukhavanno pariyodato alattha no ajja bhagavato sammukha dhammim katham savanayati . Kinhi ^2- no siya bhante idanaham bhante bhagavata dhammiya kathaya amatena abhisittoti. {2.1} Yathakatham pana tvam gahapati bhagavata dhammiya kathaya amatena abhisittoti . idhaham bhante yena bhagava tenupasankamim upasankamitva bhagavantam abhivadetva ekamantam nisidim . ekamantam nisinno khoham bhante bhagavantam etadavocam ahamasmi bhante jinno vuddho mahallako addhagato vayoanuppatto aturakayo abhikkhanatanko aniccadassavi kho panaham bhante bhagavato manobhavaniyananca bhikkhunam ovadatu mam bhante bhagava anusasatu mam bhante bhagava yam mama assa digharattam hitaya sukhayati . evam @Footnote: ¹ Po. abhippasannani . ² Ma. katham.

--------------------------------------------------------------------------------------------- page3.

Vutte mam bhante bhagava etadavoca evametam gahapati evametam gahapati aturo hayam ^1- gahapati kayo andabhuto pariyonaddho yo hi gahapati imam kayam pariharanto muhuttampi arogyam patijaneyya kimannatra balya tasma tiha te gahapati evam sikkhitabbam aturakayassa me sato cittam anaturam bhavissatiti evam hi te gahapati sikkhitabbanti . evam khvaham bhante bhagava dhammiya kathaya amatena abhisittoti. [3] Na hi pana tvam ^2- gahapati patibhasi bhagavantam uttarim patipucchitum kittavata nu kho bhante aturakayo ceva hoti aturacitto ca kittavata ca pana aturakayopi kho hoti no ca aturacittoti . Duratopi kho mayam bhante agaccheyyama ayasmato sariputtassa santike etassa bhasitassa atthamannatum sadhu vatayasmantam yeva sariputtam patibhatu etassa bhasitassa atthoti . tenahi gahapati sunahi sadhukam manasikarohi bhasissamiti . evam bhanteti kho nakulapita gahapati ayasmato sariputtassa paccassosi . Ayasma sariputto etadavoca [4] Kathanca gahapati aturakayo ceva hoti aturacitto ca . Idha gahapati assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito rupam attato samanupassati @Footnote: ¹ Yu. aturoyam . ² Ma. Yu. tam.

--------------------------------------------------------------------------------------------- page4.

Rupavantam va attanam attani va rupam rupasmim va attanam aham rupam mama rupanti pariyutthatthayi hoti . tassa aham rupam mama rupanti pariyutthatthayino tam rupam viparinamati annatha hoti tassa rupaviparinamannathabhava ^1- uppajjanti sokaparideva- dukkhadomanassupayasa. {4.1} Vedanam attato samanupassati vedanavantam va attanam attani va vedanam vedanaya va attanam aham vedana mama vedanati pariyutthatthayi hoti . tassa aham vedana mama vedanati pariyutthatthayino sa vedana viparinamati annatha hoti tassa vedana viparinamannathabhava uppajjanti sokaparidevadukkhadomanassupayasa. {4.2} Sannam attato samanupassati sannavantam va attanam attani va sannam sannaya va attanam aham sanna mama sannati pariyutthatthayi hoti . tassa aham sanna mama sannati pariyutthatthayino sa sanna viparinamati annatha hoti tassa sannaviparinamannathabhava uppajjanti sokaparidevadukkhadomanassupayasa. {4.3} Sankhare attato samanupassati sankharavantam va attanam attani va sankhare sankharesu va attanam aham sankhara mama sankharati pariyutthatthayi hoti . tassa aham sankhara mama sankharati pariyutthatthayino te sankhara @Footnote: ¹ tassa rupassa viparinamannathabhavati pathena bhavitabbam. catusupi vedanadisu eseva @patho.

--------------------------------------------------------------------------------------------- page5.

Viparinamanti annatha hoti tassa sankharanam viparinamannathabhava uppajjanti sokaparidevadukkhadomanassupayasa. {4.4} Vinnanam attato samanupassati vinnanavantam va attanam attani va vinnanam vinnanasmim va attanam aham vinnanam mama vinnananti pariyutthatthayi hoti . tassa aham vinnanam mama vinnananti pariyutthatthayino tam vinnanam viparinamati annatha hoti tassa vinnanaviparinamannathabhava uppajjanti sokaparidevadukkhadomanassupayasa . evam kho gahapati aturakayo ceva hoti aturacitto ca. [5] Kathanca gahapati aturakayopi kho hoti no ca aturacitto. Idha gahapati sutava ariyasavako ariyanam dassavi ariyadhammassa kovido ariyadhamme suvinito sappurisanam dassavi sappurisadhammassa kovido sappurisadhamme suvinito na rupam attato samanupassati na rupavantam va attanam na attani va rupam na rupasmim va attanam aham rupam mama rupanti na pariyutthatthayi hoti . tassa aham rupam mama rupanti apariyutthatthayino tam rupam viparinamati annatha hoti tassa rupaviparinamannathabhava ^1- nuppajjanti sokaparideva- dukkhadomanassupayasa. {5.1} Na vedanam attato samanupassati na vedanavantam va attanam na attani va vedanam na vedanaya va @Footnote: ¹ yathavuttena veditabbam. catusupi vedanadisu tatha.

--------------------------------------------------------------------------------------------- page6.

Attanam aham vedana mama vedanati na pariyutthatthayi hoti . Tassa aham vedana mama vedanati apariyutthatthayino sa vedana viparinamati annatha hoti tassa vedanaviparinamannathabhava nuppajjanti sokaparidevadukkhadomanassupayasa. {5.2} Na sannam attato samanupassati na sannavantam va attanam na attani va sannam na sannaya va attanam aham sanna mama sannati na pariyutthatthayi hoti . tassa aham sanna mama sannati apariyutthatthayino sa sanna viparinamati annatha hoti tassa sannaviparinamannathabhava nuppajjanti sokaparidevadukkha- domanassupayasa. {5.3} Na sankhare attato samanupassati na sankharavantam va attanam na attani va sankhare na sankharesu va attanam aham sankhara mama sankharati na pariyutthatthayi hoti . tassa aham sankhara mama sankharati apariyutthatthayino te sankhara viparinamanti annatha honti tassa sankharanam viparinamannathabhava ^1- nuppajjanti sokaparidevadukkha- domanassupayasa. {5.4} Na vinnanam attato samanupassati na vinnanavantam va attanam na attani va vinnanam na vinnanasmim va attanam aham vinnanam mama vinnananti na pariyutthatthayi hoti . tassa aham vinnanam mama vinnananti apariyutthatthayino tam vinnanam viparinamati annatha @Footnote: ¹ Si. Ma. tassa sankharaviparinamannathabhava.

--------------------------------------------------------------------------------------------- page7.

Hoti tassa vinnanaviparinamannathabhava nuppajjanti sokaparideva- dukkhadomanassupayasa . evam kho gahapati aturakayopi kho hoti no ca aturacittoti. Idamavoca ayasma sariputto attamano nakulapita gahapati ayasmato sariputtassa bhasitam abhinanditi. [6] Evamme sutam ekam samayam bhagava sakkesu viharati devadaham nama sakyanam nigamo. Atha kho sambahula pacchabhumagamika bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . Ekamantam nisinna kho te bhikkhu bhagavantam etadavocum icchama mayam bhante pacchabhumam janapadam gantum pacchabhume janapade nivasam kappetunti . apalokito pana vo bhikkhave sariputtoti . na kho no bhante apalokito ayasma sariputtoti apaloketha bhikkhave sariputtam . sariputto bhikkhave pandito bhikkhunam anuggahako sabrahmacarinanti. Evam bhanteti kho te bhikkhu bhagavato paccassosum. [7] Tena kho pana samayena ayasma sariputto bhagavato avidure annatarasmim elagalagumbe nisinno hoti . atha kho te bhikkhu bhagavato bhasitam abhinanditva anumoditva utthayasana bhagavantam abhivadetva padakkhinam katva yenayasma sariputto tenupasankamimsu upasankamitva ayasmata sariputtena saddhim sammodimsu sammodaniyam

--------------------------------------------------------------------------------------------- page8.

Katham saraniyam vitisaretva ekamantam nisidimsu . ekamantam nisinna kho te bhikkhu ayasmantam sariputtam etadavocum icchama mayam avuso sariputta pacchabhumam janapadam gantum pacchabhume janapade nivasam kappetunti ^1-. Apalokito no satthati. {7.1} Santi havuso nanaverajjagatam bhikkhum panham pucchitaro khattiyapanditapi brahmanapanditapi gahapatipanditapi samanapanditapi pandita havuso manussa vimamsaka kimvadayasmantanam ^2- sattha kimakkhayiti . kacci vo ayasmantanam dhamma sussuta suggahita sumanasikata supadharita suppatividdha pannaya yatha byakaramana ayasmanto vuttavadino ceva bhagavato assatha na ca bhagavantam abhutena abbhacikkheyyatha dhammassa canudhammam byakareyyatha na ca koci sahadhammiko vadanupato ^3- garayham thanam agaccheyyati . duratopi kho mayam avuso agaccheyyama ayasmato sariputtassa santike etassa bhasitassa atthamannatum sadhu vatayasmantam yeva sariputtam patibhatu etassa bhasitassa atthoti. [8] Tenahavuso sunatha sadhukam manasikarotha bhasissamiti . Evamavusoti kho te bhikkhu ayasmato sariputtassa paccassosum . Ayasma sariputto etadavoca santi havuso nanaverajjagatam bhikkhum panham pucchitaro khattiyapanditapi brahmanapanditapi gahapatipanditapi samanapanditapi pandita havuso manussa @Footnote: ¹ Po. Ma. Yu. itisaddo natthi . ² Ma. kimvadi panayasmantanam . ³ Po. Ma. Yu. @vadanuvado.

--------------------------------------------------------------------------------------------- page9.

Vimamsaka kimvadayasmantanam sattha kimakkhayiti . evam puttha tumhe avuso evam byakareyyatha chandaragavinayakkhayi kho no avuso satthati. {8.1} Evam byakatepi kho avuso assu yeva uttarim panham pucchitaro khattiyapanditapi brahmanapanditapi gahapatipanditapi samanapanditapi pandita havuso manussa vimamsaka kismim panayasmantanam chandaragavinayakkhayi satthati . evam puttha tumhe avuso evam byakareyyatha rupe kho avuso chandaragavinayakkhayi sattha . vedanaya . sannaya . Sankharesu. Vinnane chandaragavinayakkhayi satthati. {8.2} Evam byakatepi kho avuso assu yeva uttarim panham pucchitaro khattiyapanditapi brahmanapanditapi gahapatipanditapi samanapanditapi pandita havuso manussa vimamsaka kim panayasmantanam adinavam disva rupe chandaragavinayakkhayi sattha . vedanaya . Sannaya . sankharesu . vinnane chandaragavinayakkhayi satthati . Evam puttha tumhe avuso evam byakareyyatha rupe kho avuso avitaragassa ^1- avitachandassa avitapemassa avitapipasassa avitaparilahassa avitatanhassa tassa rupassa viparinamannathabhava uppajjanti sokaparidevadukkha- domanassupayasa . vedanaya . sannaya . sankharesu avitaragassa .pe. avitatanhassa tesam sankharanam viparinamannathabhava @Footnote: ¹ Po. Ma. Yu. avigataragassatyadi patho dissati. sabbattha idisameva.

--------------------------------------------------------------------------------------------- page10.

Uppajjanti sokaparidevadukkhadomanassupayasa . vinnane avitaragassa avitachandassa avitapemassa avitapipapassa avitaparilahassa avitatanhassa tassa vinnanassa viparinamannathabhava uppajjanti sokaparidevadukkhadomanassupayasa . idam kho no avuso adinavam disva rupe chandaragavinayakkhayi sattha ^1- . Vedanaya . sannaya . sankharesu . vinnane chandaragavinayakkhayi satthati. {8.3} Evam byakatepi kho avuso assu yeva uttarim panham pucchitaro khattiyapanditapi brahmanapanditapi gahapatipanditapi samanapanditapi pandita havuso manussa vimamsaka kim panayasmantanam anisamsam disva rupe chandaragavinayakkhayi sattha . vedanaya . Sannaya . sankharesu . vinnane chandaragavinayakkhayi satthati . Evam puttha tumhe avuso evam byakareyyatha rupe kho avuso vitaragassa vitachandassa vitapemassa vitapipasassa vitaparilahassa vitatanhassa tassa rupassa viparinamannathabhava nuppajjanti sokaparidevadukkha- domanassupayasa . vedanaya . sannaya . sankharesu vitaragassa vitachandassa vitapemassa vitapipasassa vitaparilahassa vitatanhassa tesam sankharanam viparinamannathabhava nuppajjanti sokaparidevadukkhadomanassupayasa . vinnane vitaragassa vitachandassa vitapemassa vitapipasassa vitaparilahassa vitatanhassa tassa vinnanassa viparinamannathabhava @Footnote: ¹ Po. Yu. satthati.

--------------------------------------------------------------------------------------------- page11.

Nuppajjanti sokaparidevadukkhadomanassupayasa . idam kho no avuso anisamsam disva rupe chandaragavinayakkhayi sattha . vedanayam . Sannaya. Sankharesu. Vinnane chandaragavinayakkhayi satthati. [9] Akusale cavuso dhamme upasampajja viharato ditthe ^1- ceva dhamme sukho viharo abhavissa avighato anupayaso aparilaho kayassa ca bheda param marana sugati patikankha na yidam bhagava akusalanam dhammanam pahanam vanneyya . yasma ca kho avuso akusale dhamme upasampajja viharato ditthe ceva dhamme dukkho viharo savighato saupayaso saparilaho kayassa ca bheda param marana duggati patikankha tasma bhagava akusalanam dhammanam pahanam vanneti. [10] Kusale cavuso dhamme upasampajja viharato ditthe ceva dhamme dukkho viharo abhavissa savighato saupayaso saparilaho kayassa ca bheda param marana duggati patikankha na yidam bhagava kusalanam dhammanam upasampadam vanneyya . yasma ca kho avuso kusale dhamme upasampajja viharato ditthe ceva dhamme sukho viharo avighato anupayaso aparilaho kayassa ca bheda param marana sugati patikankha tasma bhagava kusalanam dhammanam upasampadam vannetiti. Idamavoca ayasma sariputto . attamana te bhikkhu ayasmato sariputtassa bhasitam abhinandunti. @Footnote: ¹ Po. Yu. dittheva.

--------------------------------------------------------------------------------------------- page12.

[11] Evamme sutam ekam samayam ayasma mahakaccano ^1- avantisu viharati kuraraghare ^2- papate ^3- pabbate. Atha kho haliddikani ^4- gahapati yenayasma mahakaccano tenupasankami upasankamitva ayasmantam mahakaccanam abhivadetva ekamantam nisidi . ekamantam nisinno kho haliddikani gahapati ayasmantam mahakaccanam etadavoca vuttamidam bhante bhagava atthakavaggiye magandiyapanhe okam pahaya aniketasari game akubbam muni santhavani kamehi ritto apurakkharano katham na viggayha janena kayirati. Imassa nu kho bhante bhagava sankhittena bhasitassa katham vittharena attho datthabboti. [12] Rupadhatu kho gahapati vinnanassa oko rupadhaturagavinibandhanca pana vinnanam okasariti vuccati . vedanadhatu kho gahapati vinnanassa oko vedanadhaturagavinibandhanca pana vinnanam okasariti vuccati . sannadhatu kho gahapati vinnanassa oko sannadhaturagavinibandhanca pana vinnanam okasariti vuccati . sankharadhatu kho gahapati vinnanassa oko sankharadhaturagavinibandhanca pana vinnanam okasariti vuccati . @Footnote: ¹ Po. mahakaccayano . ² Po. kuppaghare . ³ Po. Ma. pavatte . ⁴ Si. Ma. @haliddikani.

--------------------------------------------------------------------------------------------- page13.

Evam kho gahapati okasari hoti. [13] Kathanca gahapati anokasari hoti . rupadhatuya kho gahapati yo chando yo rago ya nandi ya tanha ye upayupadana cetaso adhitthanabhinivesanusaya te tathagatassa pahina ucchinnamula talavatthukata ^1- anabhavankata ^2- ayatim anuppadadhamma tasma tathagato anokasariti vuccati . vedanadhatuya kho gahapati . Sannadhatuya kho gahapati . sankharadhatuya kho gahapati . Vinnanadhatuya kho gahapati yo chando yo rago ya nandi ya tanha ye upayupadana cetaso adhitthanabhinivesanusaya te tathagatassa pahina ucchinnamula talavatthukata anabhavankata ayatim anuppadadhamma tasma tathagato anokasariti vuccati . Evam kho gahapati anokasari hoti. [14] Kathanca gahapati niketasari hoti . rupanimittaniketa- visaravinibandha kho gahapati niketasariti vuccati . saddanimitta .pe. gandhanimitta ... rasanimitta ... photthabbanimitta ... Dhammanimittaniketavisaravinibandha kho gahapati niketasariti vuccati. Evam kho gahapati niketasari hoti. [15] Kathanca gahapati aniketasari hoti . rupanimittaniketa- visaravinibandha kho gahapati tathagatassa pahina ucchinnamula talavatthukata anabhavankata ayatim anuppadadhamma tasma tathagato aniketasariti @Footnote: ¹ Po. vatthugata . ² Yu. anabhavakata.

--------------------------------------------------------------------------------------------- page14.

Vuccati . saddanimitta .pe. gandhanimitta ... rasanimitta ... Photthabbanimitta ... dhammanimittaniketavisaravinibandha kho gahapati tathagatassa pahina ucchinnamula talavatthukata anabhavankata ayatim anuppadadhamma tasma tathagato aniketasariti vuccati. Evam kho gahapati aniketasari hoti. [16] Kathanca gahapati game santhavajato hoti . idha gahapati ekacco gihihi samsattho viharati sahanandi sahasoki sukhitesu sukhito dukkhitesu dukkhito uppannesu kiccakaraniyesu attana tesu yogam apajjati. Evam kho gahapati game santhavajato hoti. [17] Kathanca gahapati game na santhavajato hoti . Idha gahapati bhikkhu gihihi asamsattho viharati na sahanandi na sahasoki na sukhitesu sukhito na dukkhitesu dukkhito uppannesu kiccakaraniyesu na attana tesu yogam apajjati. Evam kho gahapati game na santhavajato hoti. [18] Kathanca gahapati kamehi na ritto hoti . idha gahapati ekacco kamesu avitarago ^1- hoti avitachando avitapemo avitapipaso avitaparilaho avitatanho . evam kho gahapati kamehi na ritto hoti.

The Pali Tipitaka in Roman Character Volume 17 page 1-14. https://84000.org/tipitaka/read/roman_item.php?book=17&item=1&items=18&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=17&item=1&items=18&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=1&items=18&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=1&items=18&pagebreak=1&modeTY=2 Study Atthakatha :- https://84000.org/tipitaka/attha/attha.php?b=17&i=1 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17