paliTIPITAKA Volume 17 - Sutta Pitaka 9

[416] Savatthi . ekamantam nisinnam kho ayasmantam radham bhagava etadavoca yo kho radha nirodhadhammo tatra te chando pahatabbo . rago pahatabbo . chandarago pahatabbo . ko ca radha nirodhadhammo . rupam kho radha nirodhadhammo tatra te chando pahatabbo . rago pahatabbo . chandarago pahatabbo . Vedana . sanna . sankhara . vinnanam nirodhadhammo tatra te chando pahatabbo . rago pahatabbo . chandarago pahatabbo . yo kho radha nirodhadhammo tatra te chando pahatabbo. Rago pahatabbo. Chandarago pahatabboti. Upanisinnavaggo catuttho. Tassuddanam maro ca maradhammo ca aniccehi apare duve dukkhehi ^1- dve vutta anattehi apare dve ^2- khayavayasamudayam nirodhadhammena dvadasati. Radhasamyuttam samattam. ------ @Footnote: ¹ Yu. dukkhanca dve vutta dve anattehi atthamam . ² Ma. vuttena veditabbam. Ditthisamyuttam ------- sotapattivaggo pathamo [417] Ekam samayam bhagava savatthiyam viharati jetavane .pe. Bhagava etadavoca kismim nu kho bhikkhave sati kim upadaya kim abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthitati . bhagavammulaka no bhante dhamma bhagavamnettika bhagavampatisarana sadhu vata bhante bhagavantanneva patibhatu etassa bhasitassa attho bhagavato dhammam sutva bhikkhu dharessantiti . tenahi bhikkhave sunatha sadhukam manasikarotha bhasissamiti. Evam bhanteti kho te bhikkhu bhagavato paccassosum . Bhagava etadavoca rupe kho bhikkhave sati rupam upadaya rupam abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthita ^1- . Vedanaya sati .pe. sannaya sati . sankharesu sati . vinnane sati vinnanam upadaya vinnanam abhinivissa evam ditthi uppajjati na vata vayanti na najjo sandanti na gabbhiniyo vijayanti na candimasuriya udenti va apenti va esikatthayitthita. @Footnote: ¹ Ma. esikatthayitthitati.

The Pali Tipitaka in Roman Character Volume 17 page 247-248. https://84000.org/tipitaka/read/roman_item.php?book=17&item=416&items=2 Classified by [Item Number] :- http://84000.org/tipitaka/read/roman_item.php?book=17&item=416&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=416&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=416&items=2 Study Atthakatha :- https://84000.org/tipitaka/attha/attha.php?b=17&i=416 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17