บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[304] Tattha bhikkhave sutava ariyasavako iti patisancikkhati titthatu tava tattaya ayosalakaya adittaya sampajjalitaya sanjotibhutaya cakkhundriyam sampalimattham handaham idameva manasikaromi iti cakkhum aniccam rupa anicca cakkhuvinnanam aniccam cakkhusamphasso anicco yampidam cakkhusamphassapaccaya uppajjati vedayitam sukham va dukkham va adukkhamasukham va tampi aniccam. {304.1} Titthatu tava tinhena ayosankuna adittena sampajjalitena sanjotibhutena sotindriyam sampalimattham handaham idameva manasikaromi iti sotam aniccam sadda anicca sotavinnanam aniccam sotasamphasso anicco yampidam sotasamphassapaccaya uppajjati vedayitam sukham va dukkham va adukkhamasukham va tampi aniccam. {304.2} Titthatu tava tinhena nakhacchedanena adittena sampajjalitena sanjotibhutena ghanindriyam sampalimattham handaham idameva manasikaromi @Footnote: 1 Yu. suttam. evamuparipi . 2 jivikanantipi patho. Iti ghanam aniccam gandha anicca ghanavinnanam aniccam ghanasamphasso anicco yampidam ghanasamphassapaccaya uppajjati vedayitam .pe. Tampi aniccam. {304.3} Titthatu tava tinhena khurena adittena sampajjalitena sanjotibhutena jivhindriyam sampalimattham handaham idameva manasikaromi iti jivha anicca rasa anicca jivhavinnanam aniccam jivhasamphasso anicco yampidam jivhasamphassapaccaya uppajjati .pe. Tampi aniccam. {304.4} Titthatu tava tinhaya sattiya adittaya sampajjalitaya sanjotibhutaya kayindriyam sampalimattham handaham idameva manasikaromi iti kayo anicco photthabba anicca kayavinnanam aniccam kayasamphasso anicco yampidam kayasamphassapaccaya uppajjati vedayitam .pe. Tampi aniccam. {304.5} Titthatu tava sottam handaham idameva manasikaromi iti mano anicco dhamma anicca manovinnanam aniccam manosamphasso anicco yampidam manosamphassapaccaya uppajjati vedayitam sukham va dukkham va adukkhamasukham va tampi aniccam. {304.6} Evam passam bhikkhave sutava ariyasavako cakkhusmimpi nibbindati rupesupi nibbindati cakkhuvinnanepi nibbindati cakkhusamphassepi nibbindati .pe. yampidam manosamphassapaccaya uppajjati vedayitam sukham va dukkham va adukkhamasukham va tasmimpi nibbindati nibbindam virajjati viraga vimuccati . vimuttasmim vimuttamiti nanam hoti . khina jati vusitam brahmacariyam Katam karaniyam naparam itthattayati pajanati 1- . ayam kho bhikkhave adittapariyayo dhammapariyayoti. [305] Hatthesu bhikkhave sati adananikkhepanam pannayati padesu sati abhikkamapatikkamo pannayati pabbesu sati samminjanapasaranam pannayati kucchismim sati jighacchapipasa pannayati . evameva kho bhikkhave cakkhusmimpi sati cakkhusamphassapaccaya uppajjati ajjhattam sukhadukkham .pe. jivhaya sati jivhasamphassapaccaya uppajjati ajjhattam sukhadukkham .pe. manasmim sati manosamphassapaccaya uppajjati ajjhattam sukhadukkham .pe.The Pali Tipitaka in Roman Character Volume 18 page 212-214. https://84000.org/tipitaka/read/roman_item.php?book=18&item=304&items=2 Classified by [Item Number] :- http://84000.org/tipitaka/read/roman_item.php?book=18&item=304&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=304&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=304&items=2 Study Atthakatha :- https://84000.org/tipitaka/attha/attha.php?b=18&i=304 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]