paliTIPITAKA Volume 18 - Sutta Pitaka 10

[588] Evam vutte cando gamani bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti ^1- . evameva ^2- bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhante ^3- bhagava dharetu ajjatagge panupetam saranangatanti. Pathamam. [589] Ekam samayam bhagava rajagahe viharati veluvane kalandakanivape. Atha kho talaputto ^4- natagamani yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho talaputto natagamani bhagavantam etadavoca sutam metam bhante pubbakanam acariyapacariyanam natanam bhasamananam yo so nato rangamajjhe samajjamajjhe saccalikena janam haseti rameti @Footnote: ¹ Yu. itisaddo natthi . ² Ma. evamevam. ³ Ma. Yu. ayam patho natthi. @⁴ Si. Yu. talaputo. Ma. talaputo. evamuparipi. So kayassa bheda param marana pahasanam devanam sahabyatam upapajjatiti . idha bhagava kimahati . alam gamani titthatetam ma mam etam pucchiti. [590] Dutiyampi kho talaputto natagamani bhagavantam etadavoca sutammetam bhante pubbakanam acariyapacariyanam natanam bhasamananam yo so nato rangamajjhe samajjamajjhe saccalikena janam haseti rameti so kayassa bheda param marana pahasanam devanam sahabyatam upapajjatiti . idha bhagava kimahati . alam gamani titthatetam ma mam etam pucchiti . tatiyampi kho talaputto natagamani bhagavantam etadavoca sutammetam bhante pubbakanam acariyapacariyanam natanam bhasamananam yo so nato rangamajjhe samajjamajjhe saccalikena janam haseti rameti so kayassa bheda param marana pahasanam devanam sahabyatam upapajjatiti. Idha bhagava kimahati. [591] Addha kho tyaham gamani nalattham ^1- alam gamani titthatetam ma mam etam pucchiti . apica tyaham byakarissami. Pubbe kho gamani satta avitaraga ragabandhanabandha ^2- tesam nato rangamajjhe samajjamajjhe ye dhamma rajaniya te upasamharati bhiyyo saragaya ^3-. Pubbe kho gamani satta avitadosa dosabandhanabandha tesam nato rangamajjhe samajjamajjhe ye dhamma dosaniya @Footnote: ¹ Ma. na labhami. ² Ma. Yu. ... baddha. evamuparipi. ³ Ma. bhiyyoso @mattaya. Yu. bhiyyoso mattaya saragaya. evamuparipi. Te upasamharati bhiyyo sadosaya . pubbe kho gamani satta avitamoha mohabandhanabandha tesam nato rangamajjhe samajjamajjhe ye dhamma mohaniya te upasamharati bhiyyo samohaya . so attana matto pamatto pamade thatva ^1- kayassa bheda param marana pahaso nama nirayo tattha upapajjati . sace kho panassa evam ditthi hoti yo so nato rangamajjhe samajjamajjhe saccalikena janam haseti rameti so kayassa bheda param marana pahasanam devanam sahabyatam upapajjatiti . sassa ca ^2- hoti micchaditthi micchaditthikassa kho panaham gamani purisapuggalassa dvinnam gatinam annataram gatim vadami nirayam va tiracchanayonim vati.

The Pali Tipitaka in Roman Character Volume 18 page 377-379. https://84000.org/tipitaka/read/roman_item.php?book=18&item=588&items=4 Classified by [Item Number] :- http://84000.org/tipitaka/read/roman_item.php?book=18&item=588&items=4&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=588&items=4 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=588&items=4 Study Atthakatha :- https://84000.org/tipitaka/attha/attha.php?b=18&i=588 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18