paliTIPITAKA Volume 19 - Sutta Pitaka 11

[273] Kathanca bhikkhave bhikkhu silam nissaya sile patitthaya ariyam atthangikam maggam bhavento ariyam atthangikam maggam bahulikaronto vuddhim virulhim vepullam papunati dhammesu . idha Bhikkhave bhikkhu sammaditthim bhaveti vivekanissitam viraganissitam nirodhanissitam vossaggaparinamim .pe. sammasamadhim bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhu silam nissaya sile patitthaya ariyam atthangikam maggam bhavento ariyam atthangikam maggam bahulikaronto vuddhim virulhim vepullam papunati dhammesuti. [274] Savatthinidanam . seyyathapi himavantam bhikkhave pabbatarajam nissaya naga kayam vaddhenti balam gahenti te tattha kayam vaddhetva balam gahetva kusubbhe ^1- otaranti kusubbhe otaritva mahasobbhe otaranti mahasobbhe otaritva kunnadiyo otaranti kunnadiyo otaritva mahanadiyo otaranti mahanadiyo otaritva mahasamuddasagaram ^2- otaranti te tattha mahantattam vepullattam apajjanti kayena . evameva kho bhikkhave bhikkhu silam nissaya sile patitthaya ariyam atthangikam maggam bhavento ariyam atthangikam maggam bahulikaronto mahantattam ^3- vepullattam papunati dhammesu.

The Pali Tipitaka in Roman Character Volume 19 page 70-71. https://84000.org/tipitaka/read/roman_item.php?book=19&item=273&items=2 Classified by [Item Number] :- http://84000.org/tipitaka/read/roman_item.php?book=19&item=273&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=19&item=273&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=273&items=2 Study Atthakatha :- https://84000.org/tipitaka/attha/attha.php?b=19&i=273 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19