ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

page7.

Dutiyasikkhapadam [10] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhu bhikkhunam hatthe civaram nikkhipitva santaruttarena janapadacarikam pakkamanti . Tani civarani ciram 1- nikkhittani kannakitani honti . tani civarani 2- bhikkhu otapenti . addasa kho ayasma anando senasanacarikam ahindanto te bhikkhu tani civarani otapente disvana yena te bhikkhu tenupasankami upasankamitva te bhikkhu etadavoca kassimani avuso civarani kannakitaniti . athakho te bhikkhu ayasmato anandassa etamattham arocesum . ayasma anando ujjhayati khiyati vipaceti katham hi nama bhikkhu bhikkhunam hatthe civaram nikkhipitva santaruttarena janapadacarikam pakkamissantiti. Athakho ayasma anando [3]- bhagavato etamattham arocesi . athakho bhagava te bhikkhu patipucchi saccam kira bhikkhave bhikkhu bhikkhunam hatthe civaram nikkhipitva santaruttarena janapadacarikam pakkamantiti . saccam bhagavati . vigarahi buddho bhagava katham hi nama te bhikkhave moghapurisa bhikkhunam hatthe civaram nikkhipitva santaruttarena janapadacarikam @Footnote: 1 Po. civaravamse . 2 Ma. Yu. ayam patho natthi . 3 Ma. te bhikkhu @anekapariyayena vigarahitva. evamidisesu thanesu.

--------------------------------------------------------------------------------------------- page8.

Pakkamissanti netam bhikkhave appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {10.1} nitthitacivarasmim bhikkhuna ubbhatasmim kathine ekarattampi ce bhikkhu ticivarena vippavaseyya nissaggiyam pacittiyanti. {10.2} Evancidam bhagavata bhikkhunam sikkhapadam pannattam hoti. [11] Tena kho pana samayena annataro bhikkhu kosambiyam gilano hoti . nataka tassa bhikkhuno santike dutam pahesum agacchatu bhaddanto mayam upatthahissamati . bhikkhupi evamahamsu gaccha avuso nataka tam upatthahissantiti . so evamaha bhagavata avuso sikkhapadam pannattam na ticivarena vippavasitabbanti ahancamhi gilano na sakkomi ticivaramadaya pakkamitum naham gamissamiti . Bhagavato etamattham arocesum. {11.1} Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanassa bhikkhuno ticivarena avippavasasammatim 1- datum . evanca pana bhikkhave databba. Tena gilanena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante gilano na sakkomi ticivaramadaya pakkamitum soham bhante sangham ticivarena avippavasasammatim yacamiti . dutiyampi yacitabba tatiyampi yacitabba . byatatena bhikkhuna patibalena @Footnote: 1 Ma. Yu. sammutim. evamuparipi.

--------------------------------------------------------------------------------------------- page9.

Sangho napetabbo {11.2} sunatu me bhante sangho ayam itthannamo bhikkhu gilano na sakkoti ticivaramadaya pakkamitum . so sangham ticivarena avippavasa- sammatim yacati . yadi sanghassa pattakallam sangho itthannamassa bhikkhuno ticivarena avippavasasammatim dadeyya. Esa natti. {11.3} Sunatu me bhante sangho ayam itthannamo bhikkhu gilano na sakkoti ticivaramadaya pakkamitum . so sangham ticivarena avippavasa- sammatim yacati . sangho itthannamassa bhikkhuno ticivarena avippavasa- sammatim deti . yassayasmato khamati itthannamassa bhikkhuno ticivarena avippavasasammatiya danam so tunhassa yassa nakkhamati so bhaseyya. {11.4} Dinna sanghena itthannamassa bhikkhuno ticivarena avippavasa- sammati. Khamati sanghassa tasma tunhi. Evametam dharayamiti. {11.5} Evanca pana bhikkhave imam sikkhapadam uddiseyyatha {11.6} nitthitacivarasmim bhikkhuna ubbhatasmim kathine ekarattampi ce bhikkhu ticivarena vippavaseyya annatra bhikkhusammatiya nissaggiyam pacittiyanti. [12] Nitthitacivarasminti bhikkhuno [1]- civaram katam va hoti nattham va vinattham va daddham va civarasa va upacchinna . ubbhatasmim kathineti atthannam matikanam annataraya matikaya ubbhatam hoti sanghena va antara ubbhatam hoti . ekarattampi ce bhikkhu ticivarena vippavaseyyati sanghatiya va uttarasangena va @Footnote: 1 Po. bhikkhuna.

--------------------------------------------------------------------------------------------- page10.

Antaravasakena va ekarattampi 1- ce vippavuttham hoti 1-. Annatra bhikkhusammatiyati thapetva bhikkhusammatim . nissaggiyam hotiti saha arunuggamanena 2- nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam. Tena bhikkhuna sangham upasankamitva .pe. evamassa vacaniyo idam me bhante civaram 3- rattivippavuttham 4- annatra bhikkhusammatiya nissaggiyam imaham sanghassa nissajjamiti .pe. dadeyyati .pe. dadeyyunti .pe. ayasmato dammiti. [13] Gamo ekupacaro nanupacaro nivesanam ekupacaram nanupacaram uddosito ekupacaro nanupacaro atto ekupacaro nanupacaro malo ekupacaro nanupacaro pasado ekupacaro nanupacaro hammiyam ekupacaram nanupacaram nava ekupacara nanupacara sattho ekupacaro nanupacaro khettam ekupacaram nanupacaram dhannakaranam ekupacaram nanupacaram aramo ekupacaro nanupacaro viharo ekupacaro nanupacaro rukkhamulam ekupacaram nanupacaram ajjhokaso ekupacaro nanupacaro. [14] Gamo ekupacaro nama ekakulassa gamo hoti parikkhitto @Footnote:1-1 Ma. Yu. ime patha natthi . 2 Ma. Yu. arunuggamana . 3 Yu. Ra. ticivaram. @4 Si. yu rattim vippavuttham. Ra. ekarattam vippavuttham.

--------------------------------------------------------------------------------------------- page11.

Ca antogame civaram nikkhipitva antogame vatthabbam . aparikkhitto hoti yasmim ghare civaram nikkhittam hoti tasmim ghare vatthabbam hatthapasa va na vijahitabbam . nanupacaro nama 1- nanakulassa gamo hoti parikkhitto ca yasmim ghare civaram nikkhittam hoti tasmim ghare vatthabbam sabhaye va dvaramule va hatthapasa va na vijahitabbam . sabhayam gacchantena hatthapase civaram nikkhipitva sabhaye [2]- vatthabbam dvaramule va hatthapasa va na vijahitabbam. Sabhaye civaram nikkhipitva sabhaye [2]- vatthabbam dvaramule va hatthapasa va na vijahitabbam. Aparikkhitto hoti yasmim ghare civaram nikkhittam hoti tasmim ghare vatthabbam hatthapasa va na vijahitabbam. [15] Ekakulassa nivesanam hoti parikkhittanca nanagabbha nanaovaraka antonivesane civaram nikkhipitva antonivesane vatthabbam . aparikkhittam hoti yasmim gabbhe civaram nikkhittam hoti tasmim gabbhe vatthabbam hatthapasa va na vijahitabbam . nanakulassa nivesanam hoti parikkhittanca nanagabbha nanaovaraka yasmim gabbhe civaram nikkhittam hoti tasmim gabbhe vatthabbam dvaramule va hatthapasa va na vijahitabbam . aparikkhittam hoti yasmim gabbhe civaram nikkhittam hoti tasmim gabbhe vatthabbam hatthapasa @Footnote: 1 Ma. Yu. idam pathadvayam natthi . 2 Ma. Yu. va.

--------------------------------------------------------------------------------------------- page12.

Va na vijahitabbam. [16] Ekakulassa uddosito hoti parikkhitto ca nanagabbha nanaovaraka antouddosite civaram nikkhipitva antouddosite vatthabbam . aparikkhitto hoti yasmim gabbhe civaram nikkhittam hoti tasmim gabbhe vatthabbam hatthapasa va na vijahitabbam . nanakulassa uddosito hoti parikkhitto ca nanagabbha nanaovaraka yasmim gabbhe civaram nikkhittam hoti tasmim gabbhe vatthabbam dvaramule va hatthapasa va na vijahitabbam . aparikkhitto hoti yasmim gabbhe civaram nikkhittam hoti tasmim gabbhe vatthabbam hatthapasa va na vijahitabbam. [17] Ekakulassa atto hoti antoatte civaram nikkhipitva antoatte vatthabbam . nanakulassa atto hoti nanagabbha nanaovaraka yasmim gabbhe civaram nikkhittam hoti tasmim gabbhe vatthabbam dvaramule va hatthapasa va na vijahitabbam. [18] Ekakulassa malo hoti antomale civaram nikkhipitva antomale vatthabbam . nanakulassa malo hoti nanagabbha nanaovaraka yasmim gabbhe civaram nikkhittam hoti tasmim gabbhe vatthabbam dvaramule va hatthapasa va na vijahitabbam.


             The Pali Tipitaka in Roman Character Volume 2 page 7-12. https://84000.org/tipitaka/read/roman_item.php?book=2&item=10&items=9&pagebreak=1&modeTY=2              Classified by [Item Number] :- http://84000.org/tipitaka/read/roman_item.php?book=2&item=10&items=9&pagebreak=1&modeTY=2&mode=bracket              Compare with The Pali Tipitaka in Thai Character :- https://84000.org/tipitaka/read/pali_item.php?book=2&item=10&items=9&pagebreak=1&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=10&items=9&pagebreak=1&modeTY=2              Study Atthakatha :- https://84000.org/tipitaka/attha/attha.php?b=2&i=10              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]