paliTIPITAKA Volume 2 - Vinaya Pitaka 2

page463.

Chatthasikkhapadam [703] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu bhikkhum amulakena sanghadisesena anuddhamsenti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu bhikkhum amulakena sanghadisesena anuddhamsessantiti .pe. saccam kira tumhe bhikkhave bhikkhum amulakena sanghadisesena anuddhamsethati . saccam bhagavati . vigarahi buddho bhagava katham hi nama tumhe moghapurisa bhikkhum amulakena sanghadisesena anuddhamsessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {703.1} yo pana bhikkhu bhikkhum amulakena sanghadisesena anuddhamseyya pacittiyanti. [704] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . bhikkhunti annam bhikkhum . amulakam nama adittham assutam aparisankitam . sanghadisesenati terasannam annatarena. Anuddhamseyyati codeti va codapeti va apatti pacittiyassa. [705] Upasampanne upasampannasanni amulakena sanghadisesena

--------------------------------------------------------------------------------------------- page464.

Anuddhamseti apatti pacittiyassa . upasampanne vematiko amulakena sanghadisesena anuddhamseti apatti pacittiyassa . upasampanne anupasampannasanni amulakena sanghadisesena anuddhamseti apatti pacittiyassa . acaravipattiya va ditthivipattiya va anuddhamseti apatti dukkatassa . anupasampannam anuddhamseti apatti dukkatassa . Anupasampanne upasampannasanni apatti dukkatassa . anupasampanne vematiko apatti dukkatassa . anupasampanne anupasampannasanni apatti dukkatassa. [706] Anapatti tathasanni codeti va codapeti va ummattakassa adikammikassati. Chatthasikkhapadam nitthitam. -------

The Pali Tipitaka in Roman Character Volume 2 page 463-464. https://84000.org/tipitaka/read/roman_item.php?book=2&item=703&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=2&item=703&items=4&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=2&item=703&items=4&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=703&items=4&pagebreak=1&modeTY=2 Study Atthakatha :- https://84000.org/tipitaka/attha/attha.php?b=2&i=703 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2