บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[488] 49 Himavantam bhikkhave pabbatarajam nissaya mahasala Tihi vaddhihi vaddhanti katamahi 1- tihi sakhapattapalasena vaddhanti tacapappatikaya vaddhanti pheggusarena vaddhanti himavantam bhikkhave pabbatarajam nissaya mahasala imahi tihi vaddhihi vaddhanti . Evameva kho bhikkhave saddham kulapatim nissaya antojano tihi vaddhihi vaddhati katamahi 2- tihi saddhaya vaddhati silena vaddhati pannaya vaddhati saddham bhikkhave kulapatim nissaya antojano imahi tihi vaddhihi vaddhatiti. Yathapi pabbato selo arannasmim brahavane tam rukkham 3- upanissaya vaddhantete vanappati tatheva silasampannam saddham kulapatim idha upanissaya vaddhanti puttadara ca bandhava amacca natisangha ca yecassa anujivino. Tyassa silavato silam cagam sucaritani ca passamananukubbanti ye 4- bhavanti vicakkhana idha dhammam caritvana maggam sugatigaminam nandino devalokasmim modanti kamakaminoti. [489] 50 Tihi bhikkhave thanehi atappam karaniyam katamehi tihi anuppannanam papakanam akusalanam dhammanam anuppadaya atappam @Footnote: 1-2 Ma. Yu. katamehi . 3 Ma. rukkha . 4 Ma. attamattham vicakkhana. Karaniyam anuppannanam kusalanam dhammanam uppadaya atappam karaniyam uppannanam saririkanam vedananam dukkhanam tibbanam kharanam katukanam asatanam amanapanam panaharanam adhivasanaya atappam karaniyam 1- yato kho bhikkhave bhikkhu anuppannanam papakanam akusalanam dhammanam anuppadaya atappam karoti anuppannanam kusalanam dhammanam uppadaya atappam karoti uppannanam saririkanam vedananam dukkhanam tibbanam kharanam katukanam asatanam amanapanam panaharanam adhivasanaya atappam karoti ayam vuccati bhikkhave bhikkhu atapi nipako sato samma dukkhassa antakiriyayati.The Pali Tipitaka in Roman Character Volume 20 page 192-194. https://84000.org/tipitaka/read/roman_item.php?book=20&item=488&items=2 Classified by [Item Number] :- http://84000.org/tipitaka/read/roman_item.php?book=20&item=488&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=20&item=488&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=488&items=2 Study Atthakatha :- https://84000.org/tipitaka/attha/attha.php?b=20&i=488 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]