paliTIPITAKA Volume 23 - Sutta Pitaka 15

[100] ¹⁰ Ekam samayam bhagava campayam viharati gaggaraya pokkharaniya tire . tena kho pana samayena bhikkhu bhikkhum apattiya codenti so bhikkhu bhikkhuhi apattiya codiyamano annenannam paticarati bahiddha katham apanameti kopanca dosanca appaccayanca patukaroti. {100.1} Athakho bhagava bhikkhu amantesi niddhamathetam bhikkhave puggalam niddhamathetam bhikkhave puggalam apaneyyo ^1- bhikkhave puggalo kim ^[2]- paraputto vihetheti ^3- @Footnote: ¹ Si. apaneyyo so. Ma. apaneyyaso . ² Si. Ma. Yu. vo. @³ Si. putto vihethiyati. Ma. tena paraputtena visodhitena. Yu. putta vihetheti.

--------------------------------------------------------------------------------------------- page171.

Idha bhikkhave ekaccassa puggalassa tadisamyeva hoti abhikkantam patikkantam alokitam vilokitam samminjitam pasaritam sanghatipattacivaradharanam seyyathapi annesam bhaddakanam bhikkhunam yavassa bhikkhu apattim na passanti yato ca khvassa bhikkhu apattim passanti tamenam evam jananti samanadusivayam samanapalapo samanakarandavoti tamenam iti viditva bahiddha nasenti tam kissa hetu ma anne bhaddake bhikkhu dusesiti. {100.2} Seyyathapi bhikkhave sampanne yavakarane yavadusi jayetha yavapalapo yavakarandavo tassa tadisamyeva mulam hoti seyyathapi annesam bhaddakanam yavanam tadisamyeva nalam hoti seyyathapi annesam bhaddakanam yavanam tadisamyeva palasam ^1- hoti seyyathapi annesam bhaddakanam yavanam yavassa sisam na nibbattati yato ca khvassa sisam nibbattati tamenam evam jananti yavadusivayam yavapalapo yavakarandavoti tamenam iti viditva samulam uppatetva bahiddha yavakaranassa chaddenti tam kissa hetu ma anne bhaddakeyeva dusesiti evameva kho bhikkhave idhekaccassa puggalassa tadisamyeva hoti abhikkantam patikkantam alokitam vilokitam samminjitam pasaritam sanghatipattacivaradharanam seyyathapi annesam bhaddakanam bhikkhunam yavassa bhikkhu apattim na passanti yato ca khvassa bhikkhu apattim passanti tamenam evam jananti samanadusivayam samanapalapo samanakarandavoti tamenam iti viditva bahiddha nasenti tam @Footnote: ¹ Ma. pattam.

--------------------------------------------------------------------------------------------- page172.

Kissa hetu ma anne bhaddake bhikkhu dusesiti. {100.3} Seyyathapi bhikkhave mahato dhannarasissa phusayamanassa ^1- tattha yani tani dhannani dalhani saravantani tani ekamantam punjam hoti yani pana tani dhannani dubbalani palapani tani vato ekamantam apavahati tamenam samika sammajjanim gahetva bhiyyoso mattaya apasammajjanti tam kissa hetu ma anne bhaddake dhanne dusesiti evameva kho bhikkhave idhekaccassa puggalassa tadisamyeva hoti abhikkantam patikkantam alokitam vilokitam samminjitam pasaritam sanghatipattacivaradharanam seyyathapi annesam bhaddakanam bhikkhunam yavassa bhikkhu apattim na passanti yato ca khvassa bhikkhu apattim passanti tamenam evam jananti samanadusivayam samanapalapo samanakarandavoti tamenam iti viditva bahiddha nasenti tam kissa hetu ma anne bhaddake bhikkhu dusesiti. {100.4} Seyyathapi bhikkhave puriso udapananaliyatthiko ^2- tinham kudharim ^3- adaya vanam paviseyya so tantadeva ^4- rukkham kudharipasena akoteti tattha yani tani rukkhani dalhani saravantani tani kudharipasena akotitani kakkhalam patinadanti yani pana tani rukkhani antoputini avassutani kasambujatani tani kudharipasena akotitani daddaram patinadanti tamenam mule chindati mule chinditva agge chindati agge chinditva anto suvisodhitam visodheti anto suvisodhitam visodhetva udapananalim ^5- yojeti evameva kho @Footnote: ¹ Si. Yu. vuyhamanassa. Ma. phunamanassa . ² Ma. udapanapanaliyatthiko. @³ Ma. kutharim. evamuparipi . ⁴ Ma. yam yadeva . ⁵ Ma. udapanapanalim.

--------------------------------------------------------------------------------------------- page173.

Bhikkhave idhekaccassa puggalassa tadisamyeva hoti abhikkantam patikkantam alokitam vilokitam samminjitam pasaritam sanghatipattacivaradharanam seyyathapi annesam bhaddakanam bhikkhunam yavassa bhikkhu apattim na passanti yato ca khvassa bhikkhu apattim passanti tamenam evam jananti samanadusivayam samanapalapo samanakarandavoti tamenam iti viditva bahiddha nasenti tam kissa hetu ma anne bhaddake bhikkhu dusesiti. Samvasaya vijanetha ^1- papicchakodhano iti makkhi thambhi palasi ca issuki macchari satho sanhavaco ^2- janavati samano viya bhasati raho karoti karanam papaditthi anadaro samsappi ca musavadi tam viditva yathakatham sabbe samagga hutvana abhinibbajjayatha nam karandavam niddhamava ^3- kasambum apakassava ^4- tato palape vahetha assamane samanamanine ^5- niddhamitva papiccham ^6- papalacaragocare ^7- suddhasuddhehi samvasam kappayavho patissata tato samagga nipaka dukkhassantam karissathati. @Footnote: ¹ Ma. vijanatha . ² Ma. santavaco . ³ Ma. Yu. niddhamatha . ⁴ Ma. Yu. apakassatha. @⁵ Yu. samanamanino . ⁶ Ma. Yu. papicche . ⁷ Ma. Yu. papaacaragocare.

--------------------------------------------------------------------------------------------- page174.

Mettavaggo pathamo. Tassuddanam mettapanna ca dve ca piye dve cappiye dve ca lokalokavipattiyo devadatto ca uttaro nando karandavena cati ^1-. ------------

The Pali Tipitaka in Roman Character Volume 23 page 170-174. https://84000.org/tipitaka/read/roman_item.php?book=23&item=100&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=23&item=100&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=100&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=100&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=23&i=100 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23