|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
|
|
[397] |397.1017| 3 Pisunena ca kodhanena maccharina ca vibhutinandina sakhitam na kareyya pandito papo kapurisena sangamo. |397.1018| Saddhena ca pesalena ca pannavata bahussutena ca sakhitam hi kareyya pandito bhaddo sappurisehi sangamo. |397.1019| Passa cittakatam bimbam arukayam samussitam aturam bahusankappam yassa natthi dhuvam thiti. |397.1020| Bahussuto cittakathi buddhassa paricarako pannabharo visannutto seyyam kappeti gotamo. |397.1021| Khinasavo visannutto sangatito sunibbuto dhareti antimam deham jatimaranaparagu. |397.1022| Yasmim patitthita dhamma buddhassadiccabandhuno nibbanagamane magge soyam titthati gotamo. @Footnote: 1 Po. Ma. mahamati.--------------------------------------------------------------------------------------------- page406.
|397.1023| Dvasiti buddhato ganhi 1- dvesahassani bhikkhuto caturasitisahassani ye me dhamma pavattino. |397.1024| Appassutoyam 2- puriso balivaddova jirati mamsani tassa vaddhanti panna tassa na vaddhati. |397.1025| Bahussuto appasutam yo sutenatimannati andho padipadharova tatheva patibhati mam. |397.1026| Bahussutam upaseyya sutanca na vinasaye tam mulam brahmacariyassa tasma dhammadharo siya. |397.1027| Pubbaparannu atthannu niruttipadakovido suggahitanca ganhati atthancopaparikkhati. |397.1028| Khantya chandikato hoti ussahitva tuleti tam samaye so padahati ajjhattam susamahito. |397.1029| Bahussutam dhammadharam sappannam buddhasavakam dhammavinnanamakankham tam bhajetha tathavidham. |397.1030| Bahussuto dhammadharo kosarakkho mahesino cakkhu sabbassa lokassa pujaneyyo bahussuto. |397.1031| Dhammaramo dhammarato dhammam anuvicintayam dhammam anussaram bhikkhu saddhamma na parihayati. |397.1032| Kayamaccheragaruno hiyyamane anutthahe sarirasukhagiddhassa kuto samanaphasuta. @Footnote: 1 ganhintipi dissati . 2 Po. Ma. appassutayam puriso.--------------------------------------------------------------------------------------------- page407.
|397.1033| Na pakkhanti disa sabba dhamma na patibhanti mam. Gate kalyanamittamhi andhakaramva khayati. |397.1034| Abbhatitasahayassa atitagatasatthuno natthi etadisam mittam yatha kayagata sati. |397.1035| Ye purana atita te navehi na sameti me svajja ekova jhayami vassupetova pakkhima. |397.1036| Dassanaya atikkante nanaverajjake bahu ma varayittha sotaro passantu samayo mamam. |397.1037| Dassanaya atikkante nanaverajjake puthu 2- karoti sattha okasam na nivareti cakkhuma. |397.1038| Pannavisati vassani sekhabhutassa me sato na kamasanna uppajji passa dhammasudhammatam. |397.1039| Pannavisati vassani sekhabhutassa me sato na dosasanna uppajji passa dhammasudhammatam. |397.1040| Pannavisati vassani bhagavantam upatthahim mettena kayakammena chayava anupayini. |397.1041| Pannavisati vassani bhagavantam upatthahim mettena vacikammena chayava anupayini. |397.1042| Pannavisati vassani bhagavantam upatthahim mettena manokammena chayava anupayini. @Footnote: 1 Po. Ma. puthu.--------------------------------------------------------------------------------------------- page408.
|397.1043| Buddhassa cankamantassa pitthito anucankamim dhamme desiyamanamhi nanam me udapajjatha. |397.1044| Aham sakaraniyomhi sekho appattamanaso satthu ca parinibbanam yo amham anukampako. |397.1045| Tadasi yam bhimsanakam tadasi lomahamsanam sabbakaravarupete sambuddhe parinibbute. |397.1046| Bahussuto dhammadharo kosarakkho mahesino cakkhu sabbassa lokassa anando parinibbuto. |397.1047| Bahussuto dhammadharo kosarakkho mahesino cakkhu sabbassa lokassa andhakare tamonudo. |397.1048| Gatimanto satimanto dhitimanto ca yo isi saddhammadharako thero anando ratanakaro. Paricinno maya sattha .pe. bhavanetti samuhatati. Anando thero. Uddanam pusso upatisso anando tayotime pakittita gathayo tattha sankhata satam panca ca uttariti. Timsanipato nitthito. ---------------The Pali Tipitaka in Roman Character Volume 26 page 405-408. https://84000.org/tipitaka/read/roman_item.php?book=26&item=397&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=26&item=397&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=26&item=397&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=397&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=26&i=397 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]