paliTIPITAKA Volume 27 - Sutta Pitaka 19

⁹ Haliddarāgajātakaṃ [1283] Sutitikkhaṃ araññamhi pantamhi sayanāsane ye ca gāme titikkhanti te uḷāratarā tayā. [1284] Araññā gāmamāgamma kiṃsīlaṃ kiṃvataṃ ahaṃ purisaṃ tāta seveyyaṃ taṃ me akkhāhi pucchito. [1285] Yo taṃ ^1- vissāsaye tāta vissāsañca khameyya te sussūsī ca titikkhī ca taṃ bhajehi ito gato. [1286] Yassa kāyena vācāya manasā natthi dukkaṭaṃ urasīva patiṭṭhāya taṃ bhajehi ito gato. [1287] Yo ca dhammena carati carantopi na maññati visuddhakāriṃ sappaññaṃ taṃ bhajehi ito gato. @Footnote: ¹ Ma. te.

--------------------------------------------------------------------------------------------- page265.

[1288] Haliddarāgaṃ kapicittaṃ purisaṃ rāgavirāginaṃ tādisaṃ tāta mā sevi nimmanussampi ce siyā. [1289] Āsīvisaṃva kuppitaṃ miḷhalittaṃ mahāpathaṃ ārakā parivajjehi yānīva visamaṃ pathaṃ. [1290] Anatthā tāta vaḍḍhanti bālaṃ accūpasevato māssu bālena saṅgacchi ^1- amitteneva sabbadā. [1291] Taṃ tāhaṃ tāta yācāmi karassu vacanaṃ mama māssu bālena saṅgacchi ^1- dukkho bālehi saṅgamoti. Haliddarāgajātakaṃ navamaṃ. ----------

The Pali Tipitaka in Roman Character Volume 27 page 264-265. https://84000.org/tipitaka/read/roman_item.php?book=27&item=1283&items=9&pagebreak=1 Classified by [Item Number] :- http://84000.org/tipitaka/read/roman_item.php?book=27&item=1283&items=9&pagebreak=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=27&item=1283&items=9&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1283&items=9&pagebreak=1 Study Atthakatha :- https://84000.org/tipitaka/attha/attha.php?b=27&i=1283 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27