Dvadasanipatajatakam
1 cullakunalajatakam
[1601] Khuddanam 1- lahucittanam akatannuna dubbhinam
nadevasatto puriso thinam saddhatumarahati.
[1602] Na ta pajananti katam na kiccam
na mataram pitaram bhataram va
anariya samatikkantadhamma
sasseva cittassa vasam vajanti.
[1603] Ciranuvutthampi piyam manapam
anukampakam panasamampi santam 2-
avasu kiccesu ca nam jahanti
tasmaham itthinam na vissasami.
[1604] Thinanhi cittam yatha vanarassa
kannappakannam yatha rukkhachaya
calacalam hadayam itthiyanam
cakkassa nemi viya parivattati.
[1605] Yada ta passanti samekkhamana
adeyyarupam purisassa vittam
sanhahi vacahi nayantimenam
@Footnote: 1 Ma. luddhanam . 2 Ma. bhattum.
Kambojaka jalajeneva assam.
[1606] Yada na passanti samekkhamana
adeyyarupam purisassa vittam
samantato nam parivajjayanti
tinno nadiparagatova kullam.
[1607] Silesupama sikhiriva sabbabhakkha
tikkhamaya nadiriva sighasota
sevanti heta piyamappiyanca
nava yatha orakulam paranca.
[1608] Na ta ekassa na dvinnam apanova pasarito
yo ta mayhanti manneyya vatam jalena bandhaye 1-.
[1609] Yatha nadi ca pantho ca panagaram sabha papa
evam lokitthiyo nama vela tasam na vijjati.
[1610] Ghatasanasama eta kanhasappasirupama
gavo bahi tinasseva omasanti varam varam.
[1611] Ghatasanam kunjaram kanhasappam
muddhabhisittam pamuda 2- ca sabba
ete naro niccayato 3- bhajetha
tesam have dubbidu saccabhavo.
@Footnote: 1 ma badhaye . 2 Ma. pamada . 3. Si. Yu. niccayatto.
[1612] Naccantavanna na bahuna kanta
na dakkhina pamuda sevitabba
na parassa bhariya na dhanassa hetu
etitthiyo panca na sevitabbati.
Cullakunalajatakam pathamam.
----------
2 Bhaddasalajatakam
[1613] Ka tvam suddhehi vatthehi aghe vehayasanthita 1-
kena tyassuni vattanti kuto tam bhayamagatam.
The Pali Tipitaka in Roman Character Volume 27 page 322-324.
https://84000.org/tipitaka/read/roman_item.php?book=27&item=1601&items=13
Classified by [Item Number] :-
http://84000.org/tipitaka/read/roman_item.php?book=27&item=1601&items=13&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=27&item=1601&items=13
Compare with The Royal Version of Thai Tipitaka :-
https://84000.org/tipitaka/read/byitem.php?book=27&item=1601&items=13
Study Atthakatha :-
https://84000.org/tipitaka/attha/attha.php?b=27&i=1601
Contents of The Tipitaka Volume 27
https://84000.org/tipitaka/read/?index_27
https://84000.org/tipitaka/english/?index_27
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
