paliTIPITAKA Volume 29 - Sutta Pitaka 21

page196.

Atthamo pasurasuttaniddeso [268] Idheva suddhim iti vadayanti ^1- nannesu dhammesu visuddhimahu yam nissita tattha subhavadana ^2- paccekasaccesu puthu nivittha. [269] Idheva suddhim iti vadayantiti ^3- idheva suddhim visuddhim parisuddhim muttim vimuttim parimuttim vadanti kathenti bhananti dipayanti voharanti sassato loko idameva saccam moghamannanti suddhim visuddhim parisuddhim muttim vimuttim parimuttim vadanti kathenti bhananti dipayanti voharanti asassato loko antava loko anantava loko tam jivam tam sariram annam jivam annam sariram hoti tathagato parammarana na hoti tathagato parammarana hoti ca na ca hoti tathagato parammarana neva hoti na na hoti tathagato parammarana idameva saccam moghamannanti suddhim visuddhim parisuddhim muttim vimuttim parimuttim vadanti kathenti bhananti dipayanti voharantiti idheva suddhim iti vadayanti ^4-. [270] Nannesu dhammesu visuddhimahuti attano sattharam dhammakkhanam ganam ditthim patipadam maggam thapetva sabbe paravade khipanti ukkhipanti parikkhipanti so sattha na sabbannu dhammo na @Footnote:1-3-4 Yu. vadiyanti . ² Ma. subham.

--------------------------------------------------------------------------------------------- page197.

Svakkhato gano na supatipanno ditthi na bhaddika patipada na supannatta maggo na niyyaniko natthettha suddhi va visuddhi va parisuddhi va mutti va vimutti va parimutti va na tattha sujjhanti va visujjhanti va parisujjhanti va muccanti va vimuccanti va parimuccanti va hina nihina omaka lamaka jatukka parittati evamahamsu evam kathenti evam bhananti evam dipayanti evam voharantiti nannesu dhammesu visuddhimahu. [271] Yam nissita tattha subhavadanati yam nissitati yam sattharam dhammakkhanam ganam ditthim patipadam maggam nissita sannissita ^1- allina upagata ajjhosita adhimutta . tatthati sakaya ditthiya sakaya khantiya sakaya ruciya sakaya laddhiya . subhavadanati subhavada sobhanavada panditavada dhiravada ^2- nanavada hetuvada lakkhanavada karanavada thanavada sakaya laddhiyati yam nissita tattha subhavadana. [272] Paccekasaccesu puthu nivitthati puthu samanabrahmana puthupaccekasaccesu nivittha patitthita allina upagata ajjhosita adhimutta sassato loko idameva saccam moghamannanti nivittha patitthita allina upagata ajjhosita adhimutta asassato loko .pe. neva hoti na na hoti tathagato parammarana idameva saccam moghamannanti nivittha patitthita allina upagata ajjhosita @Footnote: ¹ Ma. anissita . ² Ma. thiravada.

--------------------------------------------------------------------------------------------- page198.

Adhimuttati paccekasaccesu puthu nivittha. Tenaha bhagava idheva suddhim iti vadayanti nannesu dhammesu visuddhimahu yam nissita tattha subhavadana paccekasaccesu puthu nivitthati. [273] Te vadakama parisam vigayha balam dahanti mithu annamannam vadanti te annasita kathojjam pasamsakama kusalavadana. [274] Te vadakama parisam vigayhati te vadakamati te vadakama vadatthika vadadhippaya vadapurekkhara vadapariyesanam caranta . parisam vigayhati khattiyaparisam brahmanaparisam gahapatiparisam samanaparisam vigayha ogayha ajjhogahetva pavisitvati te vadakama parisam vigayha. [275] Balam dahanti mithu annamannanti mithuti dve jana dve kalahakaraka dve bhandanakaraka dve bhassakaraka dve vivadakaraka dve adhikaranakaraka dve vadino dve sallapaka te annamannam balato hinato nihinato omakato lamakato jatukkato parittato dahanti passanti dakkhanti olokenti nijjhayanti upaparikkhantiti balam dahanti mithu annamannam.

--------------------------------------------------------------------------------------------- page199.

[276] Vadanti te annasita kathojjanti annam sattharam dhammakkhanam ganam ditthim patipadam maggam nissita sannissita allina upagata ajjhosita adhimutta . kathojjam vuccati kalaho bhandanam viggaho vivado medhagam . athava kathojjanti anojavanti sa katha. Kathojjam vadanti kalaham vadanti bhandanam vadanti viggaham vadanti vivadam vadanti medhagam vadanti bhananti dipayanti voharantiti vadanti te annasita kathojjam. [277] Pasamsakama kusalavadanati pasamsakamati pasamsakama pasamsatthika pasamsadhippaya pasamsapurekkhara pasamsapariyesanam caranta . Kusalavadanati kusalavada panditavada dhiravada nanavada hetuvada lakkhanavada karanavada thanavada sakaya laddhiyati pasamsakama kusalavadana. Tenaha bhagava te vadakama parisam vigayha balam dahanti mithu annamannam vadanti te annasita kathojjam pasamsakama kusalavadanati. [278] Yutto kathayam parisaya majjhe pasamsamiccham vinighati hoti apahatasmim pana manku hoti nindaya so kuppati randhamesi.

--------------------------------------------------------------------------------------------- page200.

[279] Yutto kathayam parisaya majjheti khattiyaparisaya va brahmanaparisaya va gahapatiparisaya va samanaparisaya va majjhe attano kathayam yutto payutto ayutto samayutto sampayutto kathetunti yutto kathayam parisaya majjhe. [280] Pasamsamiccham vinighati hotiti pasamsamicchanti pasamsam thomanam kittim vannahariyam icchanto sadiyanto patthayanto pihayanto abhijappanto . vinighati hotiti pubbeva sallapa kathamkathi vinighati hoti jayo nu kho me bhavissati parajayo nu kho me bhavissati katham niggaham karissami katham patikkammam karissami katham visesam karissami katham pativisesam karissami katham avedhiyam ^1- karissami katham nibbedhiyam ^2- karissami katham chedam karissami katham mandalam karissamiti evam pubbeva sallapa kathamkathi vinighati hotiti pasamsamiccham vinighati hoti. [281] Apahatasmim pana manku hotiti ye te panhavimamsaka parisa parisajja pasanika ^3- te apaharanti atthapagatam bhanitanti atthato apaharanti byanjanapagatam bhanitanti byanjanato apaharanti atthabyanjanapagatam bhanitanti atthabyanjanato apaharanti attho te dunnito byanjanante duropitam atthabyanjanante dunnitam duropitam niggaho te akato patikkammante dukkatam viseso te akato pativiseso te dukkato avedhiya te akata nibbedhiya te @Footnote: ¹ Ma. avethiyam. ² Ma. nibbethiyam. ³ Ma. pasarika.

--------------------------------------------------------------------------------------------- page201.

Dukkata chedo te akato mandalante dukkatam ^[1]- dukkathitam dubbhanitam dullapitam duruttam dubbhasitanti apaharanti . apahatasmim pana manku hotiti apahatasmim manku hoti pilito ghattito byatthito ^2- domanassito hotiti apahatasmim pana manku hoti. [282] Nindaya so kuppati randhamesiti nindayati nindaya garahaya akittiya avannaharikaya . kuppatiti kuppati byapajjati patitthiyati kopanca dosanca apaccayanca patukarotiti nindaya so kuppati . randhamesiti randhamesi virandhamesi aparandhamesi khalitamesi galitamesi vivaramesiti nindaya so kuppati randhamesi . Tenaha bhagava yutto kathayam parisaya majjhe pasamsamiccham vinighati hoti apahatasmim pana manku hoti nindaya so kuppati randhamesiti. [283] Yamassa vadam parihinamahu apahatam panhavimamsaka ye ^3- paridevati socati hinavado upaccaga manti anutthunati. [284] Yamassa vadam parihinamahuti yam tassa vadam hinam nihinam parihinam parihapitam na paripuritam evamahamsu evam kathenti evam bhananti @Footnote: ¹ Po. Ma. visamakatham . ² Ma. byadhito . ³ Po. Ma. se.

--------------------------------------------------------------------------------------------- page202.

Evam dipayanti evam voharantiti yamassa vadam parihinamahu. [285] Apahatam panhavimamsaka yeti ye te panhavimamsaka parisa parisajja pasanika te apaharanti atthapagatam bhanitanti atthato apaharanti byanjanapagatam bhanitanti byanjanato apaharanti atthabyanjanapagatam bhanitanti atthabyanjanato apaharanti attho te dunnito byanjanante duropitam atthabyanjanante dunnitam duropitam niggaho te akato patikkammante dukkatam viseso te akato pativiseso te dukkato avedhiya te akata nibbedhiya te dukkata chedo te akato mandalante dukkatam ^[1]- dukkathitam dubbhanitam dullapitam duruttam dubbhasitanti apaharantiti apahatam panhavimamsaka ye. [286] Paridevati socati hinavadoti paridevatiti annam maya avajjitam annam cintitam annam upadharitam annam upalakkhitam so mahapakkho mahapariso mahaparivaro parisa cayam vagga na samagga samaggaya ^[2]- hotu kathasallapo puna bhanjissamiti yo ^3- evarupo vacapalapo vippalapo lalappo lalappayana lalappayitattanti paridevati . socatiti tassa jayoti socati mayham parajayoti socati tassa labhoti socati mayham alabhoti socati tassa yasoti socati mayham ayasoti socati tassa pasamsati socati mayham nindati socati tassa sukhanti socati mayham dukkhanti socati @Footnote: ¹ Ma. visamakatham . ² Ma. parisaya . ³ Ma. ya evarupa.

--------------------------------------------------------------------------------------------- page203.

So sakkato garukato manito pujito apacito labhi civarapindapata- senasanagilanapaccayabhesajjaparikkharanam ahamasmi asakkato agarukato amanito apujito anapacito na labhi civarapindapata- senasanagilanapaccayabhesajjaparikkharananti socati kilamati paridevati urattalim kandati sammoham apajjatiti paridevati socati . Hinavadoti hinavado nihinavado parihinavado parihapitavado na paripurivadoti ^1- paridevati socati hinavado. [287] Upaccaga manti anutthunatiti so mam vadena vadam accaga upaccaga atikkanto samatikkanto vitivattoti evampi upaccaga manti . athava mam vadena vadam abhibhavitva ajjhottharitva pariyadayitva madditva ^2- carati viharati iriyati vattati paleti yapeti yapetiti evampi upaccaga manti . anutthuna vuccati vacapalapo vippalapo lalappo lalappayana lalappayitattanti upaccaga manti anutthunati. Tenaha bhagava yamassa vadam parihinamahu apahatam panhavimamsaka ye paridevati socati hinavado upaccaga manti anutthunatiti. [288] Ete vivada samanesu jata etesu ugghatinighati hoti @Footnote: ¹ Ma. paripuravadoti . ² Ma. maddayitva.

--------------------------------------------------------------------------------------------- page204.

Etampi disva virame kathojjam na hannadatthatthi pasamsalabha. [289] Ete vivada samanesu jatati samanati yekeci ito bahiddha paribbajupagata paribbajakasamapanna ete ditthikalaha ditthibhandana ditthiviggaha ditthivivada ditthimedhaga samanesu jata sanjata nibbatta abhinibbatta patubhutati ete vivada samanesu jata. [290] Etesu ugghatinighati hotiti jayaparajayo hoti labhalabho hoti yasayaso hoti nindapasamsa hoti sukhadukkham hoti somanassadomanassam hoti itthanittham hoti anunayapatigham hoti ugghatinighati hoti anurodhavirodho hoti jayena cittam ugghatitam hoti parajayena cittam nigghatitam hoti labhena cittam ugghatitam hoti alabhena cittam nigghatitam hoti yasena cittam ugghatitam hoti ayasena cittam nigghatitam hoti pasamsaya cittam ugghatitam hoti nindaya cittam nigghatitam hoti sukhena cittam ugghatitam hoti dukkhena cittam nigghatitam hoti somanassena cittam ugghatitam hoti domanassena cittam nigghatitam hoti unnatiya ^1- cittam ugghatitam hoti onatiya ^2- cittam nigghatitam hotiti etesu ugghatinighati hoti. [291] Etampi disva virame kathojjanti etampi disvati @Footnote: ^1-2 Ma. unnatiya - onatiya.

--------------------------------------------------------------------------------------------- page205.

Etam adinavam disva passitva tulayitva tirayitva vibhavayitva vibhutam katva ditthikalahesu ditthibhandanesu ditthiviggahesu ditthivivadesu ditthimedhagesuti etampi disva . virame kathojjanti kathojjam vuccati kalaho bhandanam viggaho vivado medhagam . athava kathojjanti anojavanti sa katha . kathojjam na kareyya kalaham na kareyya bhandanam na kareyya viggaham na kareyya vivadam na kareyya medhagam na kareyya kalahabhandanaviggahavivadamedhagam pajaheyya vinodeyya byantikareyya anabhavangameyya . kalahabhandanaviggahavivadamedhaga arato assa virato pativirato nikkhanto nissattho vippamutto ^1- visannutto vimariyadikatena cetasa vihareyyati etampi disva virame kathojjam. [292] Na hannadatthatthi pasamsalabhati pasamsalabha anno attho natthi attattho va parattho va ubhayattho va ditthadhammiko va attho samparayiko va attho uttano va attho gambhiro va attho gulho va attho paticchanno va attho neyyo va attho nito va attho anavajjo va attho nikkileso va attho vodano va attho paramattho va attho natthi ^[2]- na samvijjati nupalabbhatiti na hannadatthatthi pasamsalabha. Tenaha bhagava ete vivada samanesu jata etesu ugghatinighati hoti @Footnote: ¹ sabbattha potthakesu vippayuttoti dissati. ² Po. Ma. na santi.

--------------------------------------------------------------------------------------------- page206.

Etampi disva virame kathojjam na hannadatthatthi pasamsalabhati. [293] Pasamsito va pana tattha hoti akkhaya vadam parisaya majjhe so hassati unnamaticca ^1- tena pappuyya tamattham yathamano ahu. [294] Pasamsito va pana tattha hotiti tatthati sakaya ditthiya sakaya khantiya sakaya ruciya sakaya laddhiya pasamsito thomito kittito vannito hotiti pasamsito va pana tattha hoti. [295] Akkhaya vadam parisaya majjheti khattiyaparisaya va brahmanaparisaya va gahapatiparisaya va samanaparisaya va majjhe attano vadam akkhaya acikkhitva anuvadam akkhaya acikkhitva thambhayitva bruhayitva dipayitva jotayitva voharitva parigganhitvati akkhaya vadam parisaya majjhe. [296] So hassati unnamaticca tenati so tena jayatthena tuttho hoti hattho pahattho attamano paripunnasankappo . Athava dantavidamsakam hasamanoti so hassati . unnamaticca tenati so tena jayatthena unnato hoti unnamo dhajo sampaggaho ketukamyata cittassati so hassati unnamaticca tena. @Footnote: ¹ Ma. unnamati ca.

--------------------------------------------------------------------------------------------- page207.

[297] Pappuyya tamattham yathamano ahuti tam jayattham pappuyya papunitva adhigantva vinditva patilabhitva . yathamano ahuti yathamano ahu yathacitto ahu yathasankappo ahu yathavinnano ahuti pappuyya tamattham yathamano ahu. Tenaha bhagava pasamsito va pana tattha hoti akkhaya vadam parisaya majjhe so hassati unnamaticca tena pappuyya tamattham yathamano ahuti. [298] Ya unnati sassa vighatabhumi manatimanam vadate paneso etampi disva na vivadayetha na hi tena suddhim kusala vadanti. [299] Ya unnati sassa vighatabhumiti ya unnati unnamo dhajo sampaggaho ketukamyata cittassa sa tassa vighatabhumi ugghatabhumi pilanabhumi ghattanabhumi upaddavabhumi upasaggabhumiti ya unnati sassa vighatabhumi. [300] Manatimanam vadate panesoti so puggalo mananca vadati atimananca vadatiti manatimanam vadate paneso. [301] Etampi disva na vivadayethati etam adinavam disva passitva tulayitva tirayitva vibhavayitva vibhutam katva ditthikalahesu

--------------------------------------------------------------------------------------------- page208.

Ditthibhandanesu ditthiviggahesu ditthivivadesu ditthimedhagesuti etampi disva . na vivadayethati na kalaham kareyya na bhandanam kareyya na viggaham kareyya na vivadam kareyya na medhagam kareyya kalahabhandanaviggahavivadamedhagam pajaheyya vinodeyya byantikareyya anabhavangameyya . kalahabhandanaviggahavivadamedhaga arato assa virato pativirato nikkhanto nissattho vippamutto visannutto vimariyadikatena cetasa vihareyyati etampi disva na vivadayetha. [302] Na hi tena suddhim kusala vadantiti kusalati ye te khandhakusala dhatukusala ayatanakusala paticcasamuppadakusala satipatthanakusala sammappadhanakusala iddhippadakusala indriyakusala balakusala bojjhangakusala maggakusala phalakusala nibbanakusala te kusala ditthikalahena ditthibhandanena ditthiviggahena ditthivivadena ditthimedhagena suddhim visuddhim parisuddhim muttim vimuttim parimuttim na vadanti na kathenti na bhananti na dipayanti na voharantiti na hi tena suddhim kusala vadanti. Tenaha bhagava ya unnati sassa vighatabhumi manatimanam vadate paneso etampi disva na vivadayetha na hi tena suddhim kusala vadantiti.

--------------------------------------------------------------------------------------------- page209.

[303] Suro yatha rajakhadaya puttho abhigajjameti patisuramiccham yeneva so tena palehi sura pubbeva natthi yadidam yudhaya. [304] Suro yatha rajakhadaya putthoti suroti suro viro vikkanto abhiru acchambhi anutrasi apalayi . rajakhadaya putthoti rajakhadaniyena rajabhojaniyena puttho posito apadito patipadito vaddhitoti suro yatha rajakhadaya puttho. [305] Abhigajjameti patisuramicchanti so gajjanto uggajjanto abhigajjanto eti upeti upagacchati patisuram patipurisam patisattum patimallam icchanto sadiyanto patthayanto pihayanto abhijappantoti abhigajjameti patisuramiccham. [306] Yeneva so tena palehi surati yeneva so ditthigatiko tena palehi teneva vaja tena gaccha tena abhikkama ^1- so tuyham patisuro patipuriso patisattu patimalloti yeneva so tena palehi sura. [307] Pubbeva natthi yadidam yudhayati pubbeva bodhiya mule ye patisenikara kilesa patilomakara patikantakakara patipakkhakara te natthi na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddha . @Footnote: ¹ Ma. atikkama.

--------------------------------------------------------------------------------------------- page210.

Yadidam yudhayati yadidam yuddhatthaya kalahatthaya bhandanatthaya viggahatthaya vivadatthaya medhagatthayati pubbeva natthi yadidam yudhaya. Tenaha bhagava suro yatha rajakhadaya puttho abhigajjameti patisuramiccham yeneva so tena palehi sura pubbeva natthi yadidam yudhayati. [308] Ye ditthimuggayha vivadayanti idameva saccanti ca vadayanti te tvam vadassu na hi tedha atthi vadamhi jate patisenikatta. [309] Ye ditthimuggayha vivadayantiti ye dvasatthiya ditthigatanam annatarannataram ditthigatam gahetva uggahitva ganhitva paramasitva abhinivisitva vivadayanti kalaham karonti bhandanam karonti viggaham karonti vivadam karonti medhagam karonti na tvam imam dhammavinayam ajanasi aham imam dhammavinayam ajanami kim tvam imam dhammavinayam ajanissasi micchapatipanno tvamasi ahamasmi sammapatipanno sahitamme asahitante pure vacaniyam paccha avaca paccha vacaniyam pure avaca adhicinnante viparavattam aropito te vado niggahitosi ^[1]- cara vadappamokkhaya nibbedhehi va @Footnote: ¹ Ma. tvamasi.

--------------------------------------------------------------------------------------------- page211.

Sace pahositi ye ditthimuggayha vivadayanti. [310] Idameva saccanti ca vadayantiti sassato loko idameva saccam moghamannanti vadayanti kathenti bhananti dipayanti voharanti asassato loko .pe. neva hoti na na hoti tathagato parammarana idameva saccam moghamannanti vadayanti kathenti bhananti dipayanti voharantiti idameva saccanti ca vadayanti. [311] Te tvam vadassu na hi tedha atthi vadamhi jate patisenikattati te tvam ditthigatike vadassu ^[1]- niggahena niggaham patikkammena patikkammam visesena visesam pativisesena pativisesam avedhiyaya avedhiyam nibbedhiyaya nibbedhiyam chedena chedam mandalena mandalam te tuyham patisura patipurisa patisattu patimallati te tvam vadassu . na hi tedha atthi vadamhi jate patisenikattati vade jate sanjate nibbatte abhinibbatte patubhute ^2- ye patisenikatta patilomakatta patikantakakatta patipakkhakatta kalaham kareyyum bhandanam kareyyum viggaham kareyyum vivadam kareyyum medhagam kareyyum te natthi na santi na samvijjanti nupalabbhanti pahina samucchinna vupasanta patippassaddha abhabbuppattika nanaggina daddhati te tvam vadassu na hi tedha atthi vadamhi jate patisenikatta. Tenaha bhagava ye ditthimuggayha vivadayanti idameva saccanti ca vadayanti @Footnote: ¹ Ma. Yu. vadena vadam . ² Ma. patubhuteyeva.

--------------------------------------------------------------------------------------------- page212.

Te tvam vadassu na hi tedha atthi vadamhi jate patisenikattati. [312] Visenikatva pana ye caranti ditthihi ditthim avirujjhamana tesu tvam kim labhetho ^1- pasura yesidha natthi paramuggahitam. [313] Visenikatva pana ye carantiti sena vuccati marasena. Kayaduccaritam marasena vaciduccaritam marasena manoduccaritam marasena rago marasena doso marasena moho marasena kodho upanaho makkho palaso issa macchariyam maya satheyyam thambho sarambho mano atimano mado pamado sabbe kilesa sabbe duccarita sabbe daratha sabbe parilaha sabbe santapa sabbakusalabhisankhara marasena . vuttam hetam bhagavata kama te pathama sena dutiyarati vuccati .pe. jetva ca labhate sukhanti. Yato catuhi ariyamaggehi sabba ca marasena sabbe ca patisenikara kilesa jita ca parajita ca bhagga vippalutta parammukha tena vuccanti visenikatva . yeti arahanto khinasava . carantiti caranti viharanti iriyanti vattenti palenti yapenti yapentiti visenikatva pana ye caranti. [314] Ditthihi ditthim avirujjhamanati tesam dvasatthi ditthigatani @Footnote: ¹ Ma. labhetha.

--------------------------------------------------------------------------------------------- page213.

Pahinani samucchinnani vupasantani patippassaddhani abhabbuppattikani nanaggina daddhani te ditthihi ditthim avirujjhamana aghattiyamana appatihannamana appatihatamanati ditthihi ditthim avirujjhamana. [315] Tesu tvam kim labhetho pasurati tesu arahantesu khinasavesu kim labhetho patisura patipurisa patisattu patimallati ^1- tesu tvam kim labhetho pasura. [316] Yesidha natthi paramuggahitanti yesam arahantanam khinasavanam idam paramam aggam settham visettham pamokkham uttamam pavaranti gahitam paramattham ajjhositam adhimuttam natthi na samvijjati nupalabbhati pahinam samucchinnam vupasantam patippassaddham abhabbuppattikam nanaggina daddhanti yesidha natthi paramuggahitam. Tenaha bhagava visenikatva pana ye caranti ditthihi ditthim avirujjhamana tesu tvam kim labhetho pasura yesidha natthi paramuggahitanti. [317] Atha tvam pavitakkamagama manasa ditthigatani cintayanto dhonena yugam samagama na hi tvam sakkhasi sampayatave. @Footnote: ¹ Po. Ma. patimallanti.

--------------------------------------------------------------------------------------------- page214.

[318] Atha tvam pavitakkamagamati athati padasandhi padasamsaggo padaparipuri akkharasamavayo byanjanasilitthata padanupubbatametam athati . pavitakkamagamati takkanto vitakkanto sankappanto jayo nu kho me bhavissati parajayo nu kho me bhavissati katham niggaham karissami katham patikkammam karissami katham visesam karissami katham pativisesam karissami katham avedhiyam karissami katham nibbedhiyam karissami katham chedam karissami katham mandalam karissamiti evam takkanto vitakkanto sankappanto agatosi upagatosi sampattosi maya saddhim samagatositi atha tvam pavitakkamagama. [319] Manasa ditthigatani cintayantoti manoti yam cittam mano manasam hadayam pandaram mano manayatanam manindriyam vinnanam vinnanakkhandho tajja manovinnanadhatu . cittena ditthigatani cintento vicintento sassato lokoti va asassato lokoti va .pe. neva hoti na na hoti tathagato parammaranati vati manasa ditthigatani cintayanto. [320] Dhonena yugam samagama na hi tvam sakkhasi sampayataveti dhona vuccati panna ya panna pajanana .pe. amoho dhammavicayo sammaditthi . kimkarana dhona vuccati panna . taya pannaya kayaduccaritam dhutanca dhotanca sandhotanca niddhotanca .pe. Sabbakusalabhisankhara dhuta ca dhota ca sandhota ca

--------------------------------------------------------------------------------------------- page215.

Niddhota ca . athava sammaditthiya micchaditthi dhuta ca dhota ca sandhota ca niddhota ca .pe. sammavimuttiya micchavimutti dhuta ca dhota ca sandhota ca niddhota ca . Athava ariyena atthangikena maggena sabbe akusala sabbe duccarita sabbe daratha sabbe parilaha sabbe santapa sabbakusalabhisankhara dhuta ca dhota ca sandhota ca niddhota ca . bhagava imehi dhoneyyehi dhammehi upeto samupeto upagato samupagato upapanno samupapanno samannagato tasma bhagava dhono. {320.1} So dhutarago dhutapapo dhutakileso dhutaparilahoti dhono . dhonena yugam samagama na hitvam sakkhasi sampayataveti pasuro paribbajako nappatibalo dhonena buddhena bhagavata saddhim yugam samagama ^1- samagantva yugaggaham ganhitum ^2- sakacchetum sallapitum sakaccham samapajjitum . tam kissa hetu . pasuro paribbajako hino nihino omako lamako jatukko paritto. {320.2} So hi bhagava aggo ca settho ca visettho ca pamokkho ca ^[3]- pavaro ca . yatha saso nappatibalo mattena matangena saddhim yugam samagama samagantva yugaggaham ganhitum yatha kotthako nappatibalo sihena migaranna saddhim yugam samagama samagantva yugaggaham ganhitum yatha vacchako tarunako dhenupako nappatibalo usabhena balakkakuna ^4- saddhim yugam samagama samagantva yugaggaham ganhitum yatha dhanko @Footnote: ¹ Po. Ma. samagamam. ² Po. Ma. ganhitva. ³ Ma. uttamo ca. ⁴ Ma. calakakuna.

--------------------------------------------------------------------------------------------- page216.

Nappatibalo garulena venateyyena saddhim yugam samagama samagantva yugaggaham ganhitum yatha candalo nappatibalo ranna cakkavattina saddhim yugam samagama samagantva yugaggaham ganhitum yatha pamsupisacako nappatibalo indena devaranna saddhim yugam samagama samagantva yugaggaham ganhitum evameva pasuro paribbajako nappatibalo dhonena buddhena bhagavata saddhim yugam samagama samagantva yugaggaham ganhitum sakacchetum sallapitum sakaccham samapajjitum . tam kissa hetu . pasuro paribbajako hinapanno nihinapanno omakapanno lamakapanno jatukkapanno parittapanno. {320.3} So hi bhagava mahapanno puthupanno hasapanno javanapanno tikkhapanno nibbedhikapanno pannappabhedakusalo pabhinnanano adhigatapatisambhido catuvesarajjappatto dasabaladhari purisasabho purisasiho purisanago purisajanno purisadhorayho anantanano anantatejo anantayaso addho mahaddhano dhanava neta vineta anuneta sannapeta nijjhapeta pekkhata pasareta ^1- . so hi bhagava anuppannassa maggassa uppadeta asanjatassa maggassa sanjaneta anakkhatassa maggassa akkhata maggannu maggavidu maggakovido . magganuga ca panassa etarahi savaka viharanti paccha samannagata . so hi bhagava janam janati passam passati cakkhubhuto nanabhuto dhammabhuto brahmabhuto @Footnote: ¹ Ma. pasadeta.

--------------------------------------------------------------------------------------------- page217.

Vatta pavatta atthassa ninneta amatassa data dhammasami tathagato . natthi tassa bhagavato anatam adittham aviditam asacchikatam aphusitam pannaya . atitam anagatam paccuppannam upadaya sabbe dhamma sabbakarena buddhassa bhagavato nanamukhe apatham agacchanti . yankinci neyyam nama atthi janitabbam . attattho va parattho va ubhayattho va ditthadhammiko va attho samparayiko va attho uttano va attho gambhiro va attho gulho va attho paticchanno va attho neyyo va attho nito va attho anavajjo va attho nikkileso va attho vodano va attho paramattho va sabbantam antobuddhanane parivattati. {320.4} Sabbam kayakammam buddhassa bhagavato nananuparivattati sabbam vacikammam nananuparivattati sabbam manokammam nananuparivattati . Atite buddhassa bhagavato appatihatam nanam anagate buddhassa bhagavato appatihatam nanam *- paccuppanne buddhassa bhagavato appatihatam nanam . Yavatakam neyyam tavatakam nanam yavatakam nanam tavatakam neyyam neyyapariyantikam nanam nanapariyantikam neyyam . neyyam atikkamitva nanam napparivattati nanam atikkamitva neyyapatho natthi . annamanna- pariyantatthayino te dhamma . yatha dvinnam samuggapatalanam sammaphusitanam hetthimam samuggapatalam uparimam nativattati uparimam samuggapatalam hetthimam @Footnote:* mikar—kr khagoe nanam peDna nanam

--------------------------------------------------------------------------------------------- page218.

Nativattati annamannapariyantatthayino evameva buddhassa bhagavato neyyanca nananca annamannapariyantatthayino yavatakam neyyam tavatakam nanam yavatakam nanam tavatakam neyyam neyyapariyantikam nanam nanapariyantikam neyyam neyyam atikkamitva nanam napparivattati nanam atikkamitva neyyapatho natthi annamannapariyantatthayino te dhamma. Sabbadhammesu buddhassa bhagavato nanam pavattati. {320.5} Sabbe dhamma buddhassa bhagavato avajjanapatibaddha akankhapatibaddha manasikarapatibaddha cittuppadapatibaddha . Sabbasattesu buddhassa bhagavato nanam pavattati. {320.6} Sabbesam sattanam bhagava asayam janati anusayam janati caritam janati adhimuttim janati apparajakkhe maharajakkhe tikkhindriye mudindriye svakare dvakare suvinnapaye duvinnapaye bhabbabhabbe satte pajanati . sadevako loko samarako sabrahmako sassamanabrahmani paja sadevamanussa antobuddhanane parivattati. {320.7} Yatha yekeci macchakacchapa antamaso timitimingalam upadaya antomahasamudde parivattanti evameva sadevako loko samarako sabrahmako sassamanabrahmani paja sadevamanussa antobuddhanane parivattati . yatha yekeci pakkhi antamaso garulam venateyyam upadaya akasassa padese parivattanti evameva yepi te sariputtasama pannaya tepi buddhananassa padese

--------------------------------------------------------------------------------------------- page219.

Parivattanti . buddhananam devamanussanam pannam pharitva abhibhavitva titthati ^1-. {320.8} Yepi te khattiyapandita brahmanapandita gahapatipandita samanapandita nipuna kataparappavada valavedhirupa vobhindanta manne caranti pannagatena ditthigatani te panham ^2- abhisankharitva abhisankharitva tathagatam ^3- upasankamitva pucchanti ^[4]- . kathita ca visajjita ca te panha bhagavata honti nidditthakarana upakkhittaka ca . te bhagavato sampajjanti . atha kho bhagava tattha atirocati yadidam pannayati dhonena yugam samagama na hi tvam sakkhasi sampayatave . Tenaha bhagava atha tvam pavitakkamagama manasa ditthigatani cintayanto dhonena yugam samagama na hi tvam sakkhasi sampayataveti. Atthamo pasurasuttaniddeso nitthito. -------------------- @Footnote: ¹ titthatiyeva. ² Ma. Yu. panhe. ³ Ma. tathagate. ⁴ Po. Ma. Yu. gulhani ca @paticchannani ca.

The Pali Tipitaka in Roman Character Volume 29 page 196-219. https://84000.org/tipitaka/read/roman_item.php?book=29&item=268&items=53&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=29&item=268&items=53&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=29&item=268&items=53&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=29&item=268&items=53&pagebreak=1&modeTY=2 Study Atthakatha :- https://84000.org/tipitaka/attha/attha.php?b=29&i=268 Contents of The Tipitaka Volume 29 https://84000.org/tipitaka/read/?index_29 https://84000.org/tipitaka/english/?index_29