[667] Eko care khaggavisanakappoti ekoti so
paccekasambuddho pabbajjasankhatena eko adutiyatthena eko
tanhapahanatthena eko ekantavitaragoti eko ekantavitadosoti
eko ekantavitamohoti eko ekantanikkilesoti eko
ekayanamaggam gatoti eko eko anuttaram paccekasambodhim
abhisambuddhoti eko.
@Footnote: 1 Ma. ekamekampi. 2 Ma. anduya. 3 Ma. atrajo. 4 Ma. agamanam.
@5 Ma. gamanam. evamuparipi. 6 Ma. thanam phasu. 7 Ma. sayanam. 8 Ma. llapanam
@phasu. 9 Ma. na patthayeyya. 10 Ma. iccheyya sadiyeyya patthayeyya pihayeyya
@abhijappeyyati. evamidisesu padesu.
{667.1} Katham so paccekasambuddho pabbajjasankhatena eko. So
paccekasambuddho [1]- gharavasapalibodham chinditva puttadarapalibodham
chinditva natipalibodham chinditva sannidhipalibodham chinditva
kesamassum oharetva kasayani vatthani acchadetva agarasma
anagariyam pabbajitva akincanabhavam upagantva eko carati vicarati
iriyati vatteti paleti yapeti yapetiti evam so paccekasambuddho
pabbajjasankhatena eko.
{667.2} Katham so paccekasambuddho adutiyatthena eko. So evam
pabbajito samano eko arannavanapatthani pantani senasanani
patisevati appasaddani appanigghosani vijanavatani manussarahaseyyakani
patisallanasaruppani so eko gacchati eko titthati eko nisidati
eko seyyam kappeti eko gamam pindaya pavisati eko abhikkamati
eko patikkamati eko raho nisidati eko cankamam adhitthati eko
carati vicarati iriyati vatteti paleti yapeti yapetiti evam so
paccekasambuddho adutiyatthena eko.
{667.3} Katham so paccekasambuddho tanhapahanatthena eko .
So evam eko adutiyo appamatto atapi pahitatto viharanto
mahapadhanam padahanto maram sasenam 2- namucim [3]- pamattabandhum vidhamitva 4-
tanham jalinim saritam 5- visattikam pajahi vinodesi byantimakasi
anabhavangamesi.
@Footnote: 1 Ma. sabbam. 2 Ma. sasenakam. 3 Ma. kanham. 4 Ma. vidhametva ca.
@5 Ma. visaritam.
Tanhadutiyo puriso dighamaddhana samsaram
itthabhavannathabhavam samsaram nativattati
evamadinavam natva tanha dukkhassa sambhavam
vitatanho anadano sato bhikkhu paribbajeti.
Evam so paccekasambuddho tanhapahanatthena eko.
{667.4} Katham so paccekasambuddho ekantavitaragoti eko .
Ragassa pahinatta ekantavitaragoti eko . dosassa pahinatta
ekantavitadosoti eko . mohassa pahinatta ekantavitamohoti
eko . kilesanam pahinatta ekantanikkilesoti eko . evam
so paccekasambuddho ekantavitaragoti eko.
{667.5} Katham so paccekasambuddho ekayanamaggam gatoti eko.
Ekayanamaggo vuccanti cattaro satipatthana cattaro sammappadhana
cattaro iddhipada pancindriyani panca balani satta
bojjhanga ariyo atthangiko maggo.
Ekayanam jatikhayantadassi
maggam pajanati hitanukampi
etena maggena tarimsu pubbe
tarissanti ceva taranti oghanti.
Evam so paccekasambuddho ekayanamaggam gatoti eko.
{667.6} Katham so paccekasambuddho eko anuttaram paccekasambodhim
Abhisambuddhoti eko . bodhi vuccati catusu maggesu nanam panna
pannindriyam pannabalam dhammavicayasambojjhango vimamsa vipassana
sammaditthi.
{667.7} So paccekasambuddho paccekabuddhananena saccani
bujjhi sabbe sankhara aniccati bujjhi sabbe sankhara dukkhati
bujjhi sabbe dhamma anattati bujjhi avijjapaccaya sankharati
bujjhi sankharapaccaya vinnananti bujjhi vinnanapaccaya
namarupanti bujjhi namarupapaccaya salayatananti bujjhi
salayatanapaccaya phassoti bujjhi phassapaccaya vedanati bujjhi
vedanapaccaya tanhati bujjhi tanhapaccaya upadananti bujjhi
upadanapaccaya bhavoti bujjhi bhavapaccaya jatiti bujjhi jatipaccaya
jaramarananti bujjhi avijjanirodha sankharanirodhoti bujjhi
sankharanirodha vinnananirodhoti bujjhi vinnananirodha
namarupanirodhoti bujjhi namarupanirodha salayatananirodho bujjhi
salayatananirodha phassanirodhoti bujjhi phassanirodha vedananirodhoti
bujjhi vedananirodha tanhanirodhoti bujjhi tanhanirodha
upadananirodhoti bujjhi upadananirodha bhavanirodhoti bujjhi
bhavanirodha jatinirodhoti bujjhi jatinirodha jaramarananirodhoti
bujjhi
{667.8} idam dukkhanti bujjhi ayam dukkhasamudayoti bujjhi ayam
dukkhanirodhoti bujjhi ayam dukkhanirodhagamini patipadati bujjhi
ime asavati bujjhi ayam asavasamudayoti bujjhi ayam
Asavanirodhoti bujjhi ayam asavanirodhagamini patipadati bujjhi ime
dhamma abhinnatabbati bujjhi ime dhamma pahatabbati bujjhi
ime dhamma bhavetabbati bujjhi channam phassayatananam samudayanca
atthangamanca [2]- adinavanca nissarananca bujjhi channam upadanakkhandhanam
samudayanca atthangamanca adinavanca nissarananca bujjhi
catunnam mahabhutanam samudayanca atthangamanca adinavanca
nissarananca bujjhi yankinci samudayadhammam sabbantam nirodhadhammanti
bujjhi yam bujjhitabbam anubujjhitabbam sambujjhitabbam phusitabbam
sacchikatabbam sabbantam tena paccekabodhinanena bujjhi anubujjhi
sambujjhi [2]- phusesi sacchakasiti evam so paccekasambuddho eko
anuttaram paccekasambodhim abhisambuddhoti eko.
{667.9} Careti attha cariyayo iriyapathacariya ayatanacariya
saticariya samadhicariya nanacariya maggacariya patipatticariya
lokatthacariya . iriyapathacariyati catusu iriyapathesu . ayatanacariyati
chasu ajjhattikabahiresu ayatanesu . saticariyati catusu satipatthanesu.
Samadhicariyati catusu jhanesu . nanacariyati catusu ariyasaccesu .
Maggacariyati catusu maggesu 3- . patipatticariyati catusu samannaphalesu.
Lokatthacariyati tathagatesu arahantesu sammasambuddhesu padesato
paccekasambuddhesu padesato savakesu . iriyapathacariya ca
panidhisampannanam ayatanacariya ca indriyesu guttadvaranam
@Footnote: 1 Ma. assadanca. evamidisesu padesu. 2 Ma. adhigacchi. 3 Ma. ariyamaggesu.
Saticariya ca appamadaviharinam samadhicariya ca adhicittamanuyuttanam
nanacariya ca buddhisampannanam maggacariya ca sammapatipannanam
patipatticariya ca adhigataphalanam lokatthacariya ca tathagatanam
arahantanam sammasambuddhanam padesato paccekasambuddhanam
padesato savakanam. Ima attha cariyayo.
{667.10} Aparapi attha cariyayo adhimuccanto saddhaya carati
pagganhanto viriyena carati upatthapento satiya carati avikkhepam karonto
samadhina carati pajananto pannaya carati vijananto vinnanena 1-
carati evam patipannassa kusala dhamma ayapentiti ayatanacariyaya
carati evam patipanno visesamadhigacchatiti visesacariyaya carati ima attha
cariyayo . aparapi attha cariyayo dassanacariya ca sammaditthiya
abhiropanacariya ca sammasankappassa pariggahacariya ca sammavacaya
samutthanacariya ca sammakammantassa vodanacariya ca sammaajivassa
paggahacariya ca sammavayamassa upatthanacariya ca sammasatiya
avikkhepacariya ca sammasamadhissa ima attha cariyayo.
{667.11} Khaggavisanakappoti yatha khaggassa nama visanam ekam
hoti adutiyam evameva so paccekasambuddho takkappo tassadiso
tappatibhago . yatha atilonam vuccati lonakappo atitittikam vuccati
tittikappo atimadhuram vuccati madhukappo atiunham vuccati
@Footnote: 1 Ma. vinnanacariyaya.
Aggikappo atisitalam vuccati himakappo mahaudakakkhandho vuccati
samuddakappo mahabhinnabalappatto savako vuccati satthukappo
evam so paccekasambuddho takkappo tassadiso tappatibhago eko
adutiyo muttabandhano samma loke carati vicarati iriyati vatteti
paleti yapeti yapetiti eko care khaggavisanakappo . tenaha
so paccekasambuddho
sabbesu bhutesu nidhaya dandam
ahethayam annatarampi tesam
na puttamiccheyya kuto sahayam
eko care khaggavisanakappoti.
The Pali Tipitaka in Roman Character Volume 30 page 318-324.
https://84000.org/tipitaka/read/roman_item.php?book=30&item=667&items=1
Classified by [Item Number] :-
http://84000.org/tipitaka/read/roman_item.php?book=30&item=667&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=30&item=667&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=30&item=667&items=1
Study Atthakatha :-
https://84000.org/tipitaka/attha/attha.php?b=30&i=667
Contents of The Tipitaka Volume 30
https://84000.org/tipitaka/read/?index_30
https://84000.org/tipitaka/english/?index_30
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
