|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
|
|
Sattamam mahapajapatigotamitheriyapadanam (17) [157] |157.96| Ekada lokapajjoto vesaliyam mahavane kutagaresu salaya vasate narasarathi. |157.97| Tada jinassa matuccha mahagotami bhikkhuni tahimyeva [1]- pure ramme vasi bhikkhunupassaye. |157.98| Bhikkhunihi vimuttahi satehi saha pancahi rahogataya tassevam cittassapi 2- vitakkitam. |157.99| Buddhassa parinibbanam savakaggayugassa va rahulanandanandanam naham lacchami 3- passitum. |157.100| Patikaccayusankharam 4- osajjitvana nibbutim gaccheyyam lokanathena anunnata mahesina. |157.101| Tatha pancasatanampi bhikkhuninam vitakkitam asi khemadikanampi etadeva vitakkitam. |157.102| Bhumicalo tada asi nadita devadundubhi upassayadhivatthayo 5- devata sokapilita. |157.103| Vilapanta sakarunam 6- tatthassuni pavattayum sabba 7- bhikkhuniyo tahi upagantvana gotamim. |157.104| Nipacca sirasa pade idam vacanamabravum tattha tolayavasitta mayamayye rahogata. @Footnote: 1 Ma. kate. Yu. seta. 2 Ma. Yu. cittassasi. 3 Ma. sakkomi. @4 patihaccayusankharetipi. 5 Yu. upassayadhivatthaya. 6 Ma. sukarunam. @7 Ma. mitta.--------------------------------------------------------------------------------------------- page282.
|157.105| Sacala calita bhumi nadita devadundubhi parideva ca suyyante kimattham nuna gotami. |157.106| Tada avoca sa sabbam yathaparivitakkitam tatopi 1- sabba ahamsu yathaparivitakkitam. |157.107| Yadi te rucitam ayye nibbanam paramam sivam nibbayissama sabbapi buddhanunnatapubbake 2-. |157.108| Mayam sahava nikkhanta gharapica bhavapica sahayeva gamissama nibbanam puramuttamam 3-. |157.109| Nibbanaya vajantinam kim vakkhamiti sa vadam 4- saha sabbahi nigganchi bhikkhunilayana 5- tada. |157.110| Upassaye yadhivattha devata ta khamantu me bhikkhunilayanassedam 6- pacchimam dassanam mama. |157.111| Na jara maccu va yattha appiyehi samagamo piyehi na viyogotthi tam vajjiyam 7- asankhatam. |157.112| Avitaraga tam sutva vacanam sugatorasa sokatta paridevimsu aho no appapunnata. |157.113| Bhikkhuninilayo sunno bhuto tahi vina ayam pabhate viya tarayo na dissanti jinorasa. |157.114| Nibbanam gotami yati satehi saha pancahi nadisatehiva saha ganga pancahi sagaram. @Footnote: 1 Ma. Yu. tayopi. 2 Ma. Yu. buddhanunnatasubbate. 3 Ma. paramuttamam. 4 Yu. vadi. @5 Ma. bhikkhuninilaya. 6 Ma. bhikkhuninilayassedam. 7 Ma. Yu. ... vajissam.--------------------------------------------------------------------------------------------- page283.
|157.115| Rathiyaya vajanti 1- tam disva saddha upasika ghara nikkhamma padesu nipacca idamabravum. |157.116| Pasidassu mahabhoge anathayo vihaya no taya na yuttam 2- nibbatum icchatta vilapimsu ta. |157.117| Tasam sokapahanattham avoca madhuram giram ruditena alam putta hasakaloyamajja vo. |157.118| Parinnatam maya dukkham dukkhahetu vivajjito nirodho me sacchikato maggo capi subhavito. Pathamam bhanavaram. |157.119| Paricinno maya sattha katam buddhassa sasanam ohito garuko bharo bhavanetti samuhata. |157.120| Yassatthaya pabbajita agarasma anagariyam so me attho anuppatto sabbasamyojanakkhayo. |157.121| Buddho tassa ca saddhammo anuno yava titthati nibbatum tava kalo me ma mam socatha puttika. |157.122| Kondannanandanandadi titthanti rahulo jino sukhito sahito sangho hatadappava 3- titthiya. |157.123| Okkakavamsassa yaso ussito maramaddano nanu sampattikalo me nibbanatthaya puttika. @Footnote: 1 Ma. Yu. vajantiyo. 2 Ma. na yutta. 3 Ma. ... ca.--------------------------------------------------------------------------------------------- page284.
|157.124| Cirappabhuti yam mayham patthitam ajja sijjhate anandabherikaloyam kim vo assuhi puttika. |157.125| Sace mayi daya atthi yadi catthi katannuta saddhammatthitiya sabba karotha viriyam dalham. |157.126| Thinam adasi pabbajjam sambuddho yacito maya tasma yathaham nandissam 1- tatha tam anutitthatha. |157.127| Ta evamanussasitva bhikkhunihi purakkhata upecca buddham vanditva idam vacanamabravim. |157.128| Aham sugata te mata tuvam dhira pita mama saddhammasukhado 2- natha taya jatamhi gotama. |157.129| Samvaddhitoyam sugata rupakayo maya tava anandiyo 3- dhammakayo mama samvaddhito taya. |157.130| Muhuttam tanhasamanam khiramtvam payito maya tayaham santamaccantam dhammakhirampi 4- payita. |157.131| Bandhanarakkhane mayham anano tvam mahamune puttakamitthiyo 5- yacam 6- labhanti tadisam sutam. |157.132| Mandhatadinarindanam ya mata sa bhavannave nimuggaham taya putta tarita bhavasagara . |157.133| Ranno mata mahesiti sulabham namamitthinam buddhamatati yam namam etam paramadullabham. @Footnote: 1 Yu. ... yathahamuddissa. 2 Ma. saddhammasukhada natha. 3 Ma. anindito. Yu. @aninniyo dhammatanu. 4 Ma. Yu. hi. 5 Ma. puttakama thiyo. 6 Yu. tava.--------------------------------------------------------------------------------------------- page285.
|157.134| Tanca laddham mahavira panidhanam mamantaya anukam va mahantam va tam sabbam puritam taya 1-. |157.135| Parinibbatumicchami vihayemam kalevaram anujanahi me vira dukkhantakara nayaka. |157.136| Cakkankusadhajakinne pade kamalakomale pasarehi panamante karissam puttapemaham 2-. |157.137| Suvannarasisankasam sariram kurupakatam katva deham suditthante santam 3- gacchami nayaka. |157.138| Dvattimsalakkhanupetam suppabhalankatam tanum sanchagghanava 4- balakkham matuccham dassayi jino. |157.139| Phullaravindasankase tarunadiccasappabhe cakkankite padatale tato 5- sa sirasa pati. |157.140| Panamami naradiccam adiccakulaketunam pacchime saranam 6- mayham na tam dakkhamaham 7- puna. |157.141| Itthiyo nama lokagga sabbadosakara mata yadi kocatthi doso me khamassu karunakara. |157.142| Itthikananca pabbajjam yamaham 8- yacim punappunam tattha ce atthi doso me tam khamassu narasabha. |157.143| Maya bhikkhuniyo vira tavanunnaya sasita tattha ce atthi dunnitam tam khamassu khamadhiti 9-. @Footnote: 1 Ma. Yu. maya. 2 Ma. puttauttame. Yu. puttapemasa. 3 Ma. Yu. santim. @4 Yu. sanjhaghanava. 5 Yu. pade. 6 Ma. Yu. marane. 7 Ma. ikkhamaham puno. @8 Ma. tamtam. 9 Ma. khamadhipa.--------------------------------------------------------------------------------------------- page286.
|157.144| Akkhante nama khantabbam kim bhave gunabhusane kimuttarante vakkhami nibbanaya vadantiya 1-. |157.145| Suddhe anune mama bhikkhusanghe loka ito nissaritum khamante pabhatakale byasanangatanam disvana niyyati hi 2- candalekha. |157.146| Tadetara bhikkhuniyo jinaggam tarava candanugata sumerum padakkhinam katva 3- nipacca pade thita mukhantassamudikkhamana 4-. |157.147| Na tittipubbam tava dassanena cakkhum na sotam tava bhasitena cittam mamam kevalamekameva pappuyya tam dhammarasena tittim. |157.148| Nadato parisayante vadidappapaharino 5- ye te dakkhanti vadanam dhanna te narapungava. |157.149| Dighangulitambanakhe subhe ayatapanhike ye pade panamayanti 6- tepi dhanna ranantaga 7-. |157.150| Madhurani pahatthani dosajhani 8- hitani ca ye te vakyani sunanti 9- tepi dhanna naruttama. @Footnote: 1 Ma. Yu. vajantiya. 2 Ma. va. 3 Ma. kacca. 4 Ma. Yu. mukhantam samudikkhamana. @5 Ma. vaditabbapaharino. Yu. vadidappapakarino. 6 Ma. Yu. panamissanti. @7 Ma. gunandhara. 8 Ma. dosaghani. 9 Po. Yu. sussanti. Ma. suyyanti.--------------------------------------------------------------------------------------------- page287.
|157.151| Dhannahante mahavira padapujanatappava 1- tinnasamsarakantara suvakyena 2- sirimato. |157.152| Tato sa anusavetva bhikkhusanghamhi subbata rahulanandanande ca vanditva idamabravi. |157.153| Asivisalayasame rogavase kalevare nibbinna dukkhasankete 3- jaramaranagocare. |157.154| Nanakunapamalakinne 4- parayatte 5- nirihake tena nibbatumicchami anumannatha puttaka. |157.155| Nando rahulabhaddo ca vitasoka nirasava thitacala dhiti vira dhammatamanucintayum. |157.156| Dhiratthu sankhatam lokam asaram kadalupamam mayamaricisadisam ittaram anavatthitam. |157.157| Yattha nama jinassayam matuccha buddhaposika gotami nidhanam yati aniccam sabbasankhatam. |157.158| Anando ca tada sekho kanittho 6- jinavacchalo tatthassuni karonto 7- so karunam paridevati. |157.159| Bhasanti 8- gotami yati nuna buddhopi nibbutim gacchati na cireneva aggi viya nirindhano. |157.160| Evam vilapamanantam anandam aha gotami @Footnote: 1 Ma. Yu. ...tappara. 2 Yu. saddhammena sirimata. 3 Ma. dukkhasanghate. Yu. @dukkhapanke te. 4 Ma. nanakalimalakinne. Yu. nanakalalamakinne. 5 Ma. parayante. @6 Ma. Yu. sokatto. 7 Yu. dharanto. 8 Ma. hasantim. Yu. hasanti.--------------------------------------------------------------------------------------------- page288.
Sutisagaragambhiram 1- buddhopatthanatapparam. |157.161| Na yuttam socitum putta hasakale upatthite tassa 2- me maranam puttam nibbanantamupagatam. |157.162| Taya tata samajjhittho pabbajjam anujani no ma putta vimano hohi saphalo te parissamo. |157.163| Yam na dittham puranehi titthikacariyehi ca tam padam sukumarihi sattavassahi veditam. |157.164| Buddhasasanapaleta pacchimam dassanam tava tattha gacchamaham putta gato yattha na dissati. |157.165| Kadaci dhammam desento khipi lokagganayako tadaham asisavacam avocam anukampika. |157.166| Ciram jiva mahavira kappam tittha mahamune sabbalokahitatthaya bhavassu ajaramaro. |157.167| Tam tathavadinim buddho mamam so etadabravi nahevam vandiya buddha yatha vandasi gotami. |157.168| Kathancarahi sabbannu vanditabba tathagata katham avandiya buddha tam me akkhahi pucchito. |157.169| Araddhaviriye pahitatte niccam dalhaparakkame samagge savake passa etam buddhana vandanam 3-. |157.170| Tato upassayam gantva ekikaham vicintayim samaggam parisam natho roceti 4- tibhavantago. @Footnote: 1 Ma. sutasagaragambhira buddhopatthanatappara. 2 Ma. Yu. taya. 3 Yu. esa @buddhana vandana. 4 Ma. rodheti.--------------------------------------------------------------------------------------------- page289.
|157.171| Handaham parinibbayam ma vipattim tamaddasam evaham cintayitvana disvana isisattamam. |157.172| Parinibbanakalam mam 1- arocemi 2- vinayakam tato so samanunnasi kalam janahi gotami. |157.173| Kilesa jhapita mayham bhava sabbe samuhata nagiva bandhanam chetva viharami anasava. |157.174| Svagatam vata me asi buddhasetthassa santike tisso vijja anuppatta katam buddhassa sasanam. |157.175| Patisambhida catasso vimokkhapica atthime chalabhinna sacchikata katam buddhassa sasanam. |157.176| Thinam dhammabhisamaye ye bala vimatim gata tesam ditthipahanattham iddhim dassehi gotami. |157.177| Tada nipacca sambuddham upatitvana ambaram iddhi aneka dassesi buddhanunnaya gotami. |157.178| Ekika bahudha asi bahuka cekika tatha avibhavam tirobhavam tirokuddam 3- tironagam 4-. |157.179| Asajjamana agama bhumiyampi nimujjatha abhijjamane udake aganchi mahiyam yatha. |157.180| Sakuniva yathakase pallankena kami tada vasam vattesi kayena yava brahmanivesanam. @Footnote: 1 Ma. Yu. me. 2 Ma. Yu. arocesim. 3 Ma. tirokuttam 4 Ma. Yu. tironabham.--------------------------------------------------------------------------------------------- page290.
|157.181| Sinerum dandam katvana chattam katva mahamahim samulam parivattetva dharayam cankami nabhe. |157.182| Chassurodayakalova 1- lokancakasi rucitam 2- yugandhe viya tam 3- lokam jalamalagulam aka. |157.183| Muccalindam mahaselam merum mandaradaddare 4- sasapaniva sabbani ekenagganhi mutthina. |157.184| Angulaggena chadesi bhakaram sanisakaram candasuriyasahassani avelamiva dharayi. |157.185| Catusagaratoyani dharayi ekapanina yugandhajaladakaram mahavassam avassatha. |157.186| Cakkavattim saparisam mapayi sa nabhattale garulam dviradam siham vinadantanca dassayi 5-. |157.187| Ekika abhinimmitva appameyyam bhikkhuniganam puna antaradhapetva ekika munimabravi. |157.188| Matuccha te mahavira tava sasanakarika anuppatta sakam attham pade vandami cakkhuma. |157.189| Dassetva vividham iddhim orohitva nabhattala vanditva lokapajjotam ekamantam nisidi sa. |157.190| Sa visavassasatika jatiyaham mahamuni alam ettavata vira nibbayissami nayaka. @Footnote: 1 Ma. Yu. ...kaleva. 2 Ma. dhumikam. Yu. dhumitam. 3 Ma. Yu. ... lokam sa. @4 Ma. meru mulanadantare. Yu. merum dhadhanamantare. 5 Ma. ...padassayi.--------------------------------------------------------------------------------------------- page291.
|157.191| Tadativimhita 1- sabba parisa sa katanjali avocayye katam asi atuliddhi parakkame. |157.192| Padumuttaro nama jino sabbadhammesu cakkhuma ito satasahassamhi kappe uppajji nayako. |157.193| Tadaham hamsavatiya jatamaccakule ahu sabbopakarasampanne iddhe phite mahaddhane. |157.194| Kadaci pituna saddhim dasiganapurakkhata mahata parivarena tam upecca narasabham. |157.195| Vasavam viya vassantam dhammameghamanasavam saradadiccasadisam ramsimalakulam 2- jinam. |157.196| Disva cittam pasadetva sutva cassa subhasitam matuccham bhikkhunim agge thapentam naranayakam. |157.197| Sutva datva mahadanam sattaham tassa tadino sasanghassa naraggassa paccayani bahuni ca. |157.198| Nipacca padamulamhi tam thanam abhipatthayim tato mahaparisati avoca isisattamo. |157.199| Ya sasangham abhojesi sattaham lokanayakam tamaham kittayissami sunatha mama bhasato. |157.200| Satasahasse ito kappe okkakakulasambhavo gotamo nama namena sattha loke bhavissati. @Footnote: 1 Yu. tada hi. 2 Ma. ramsijalajamujjalam. Yu. ramsijalakulanjinam.--------------------------------------------------------------------------------------------- page292.
|157.201| Tassa dhammesu dayada orasa dhammanimmita gotami nama namena hessati satthusavika. |157.202| Tassa buddhassa matuccha jivitapalika ayam rattannunanca aggattam bhikkhuninam labhissati. |157.203| Tam sutvaham pamudita yavajivam tada jinam paccayehi upatthitva tato kalam kata aham. |157.204| Tavatimsesu devesu sabbakamasamiddhisu nibbatta dasahangehi anne abhibhavim aham. |157.205| Rupasaddehi gandhehi rasehi phussanehi ca ayunapica vannena sukhena yasasapica. |157.206| Tathevadhipateyyena adhigayha virocaham ahosim amarindassa mahesi dayita tahim. |157.207| Samsare samsarantiham kammavayusamerita kasikaranno visaye ajayim dasagamake. |157.208| Pancadasasatanuna nivasanti tahim tada sabbesam tattha yo jettho tassa jaya ahosaham. |157.209| Sayambhuno pancasata gamam pindaya pavisum te disvana aham tuttha saha sabbehi natibhi. |157.210| Katva 2- pancasatam kutim catumase upatthiya ticivarani datvana pasannamha 3- sasamika. @Footnote: 1 Ma. sabbahi atthibhi. Yu. sabbahi natibhi. 2 Ma. puga hutvava sabbayo @catumase upatthahum. Yu. puga bhavitva sabbayo. 3 Ma. Yu. samsarimha.--------------------------------------------------------------------------------------------- page293.
|157.211| Tato cuta sapatika 1- tavatimsam gata mayam pacchime ca bhave dani jata devadahe pure. |157.212| Pita anjanasakko me mata mama sulakkhana tato kapilavatthusmim suddhodanagharam gata. |157.213| Sabba 2- sakyakule jata sakyanam gharamagamum aham settha 3- ca sabbasam jinassapadika ahum. |157.214| Sa me 4- puttobhinikkhamma buddho asi vinayako pacchaham pabbajitvana satehi saha pancahi. |157.215| Sakiyanihi virahi saha santisukham phusim ye tada pubbajatiya asmakam asu samino. |157.216| Saha punnassa kattaro mahasamayakaraka phusimsu arahattante sugatenanukampita. |157.217| Tadetara bhikkhuniyo aruhimsu nabhattalam sangata viya tarayo virocimsu mahiddhika. |157.218| Iddhi aneka dassesum pilandhavikatim yatha kammaro kanakasseva punnakammesu 5- sikkhita. |157.219| Dassetva patiherani vividhani 6- bahuni ca tosetva vadiccavaram 7- munim saparisam tada. |157.220| Orohitva nabhatala 8- vanditva isisattamam anunnata naraggena yathatthane nisidisum. @Footnote: 1 Ma. sabbapi ta. 2 Ma. Yu. sesa. 3 Ma. Yu. visittha. 4 Ma. Yu. mama putto. @5 Ma. Yu. kammannassa susikkhito. 6 Ma. vicittani. 7 Ma. Yu. vadipavaram. @8 Ma. Yu. gagana.--------------------------------------------------------------------------------------------- page294.
|157.221| Ahonukampikamhakam sabbasam vira gotami vasita taya 1- punnehi patta no asavakkhayam. |157.222| Kilesa jhapitamhakam bhava sabbe samuhata nagiva bandhanam chetva viharama anasava. |157.223| Svagatam vata no asi buddhasetthassa santike tisso vijja anuppatta katam buddhassa sasanam. |157.224| Patisambhida catasso vimokkhapica atthime chalabhinna sacchikata katam buddhassa sasanam. |157.225| Iddhiyanca 2- vasi homa dibbaya sotadhatuya cetopariyananassa vasi homa mahamuni. |157.226| Pubbenivasam janama dibbacakkhu visodhitam sabbasavaparikkhina natthi dani punabbhavo. |157.227| Atthe dhamme ca nerutte patibhane ca vijjati nanam amham mahavira uppannam tava santike. |157.228| Asmahi paricinnosi mettacittahi nayaka anujanahi sabbayo 3- nibbanaya mahamune. |157.229| Nibbayissama iccevam kim vakkhami vadantiyo yassa dani ca vo kalam mannathati jinobravi. |157.230| Gotamiadika tayo tada bhikkhuniyo jinam vanditva asana tamha vutthaya agamimsu ta. @Footnote: 1 Ma. Yu. tava. 2 Ma. iddhisu ca. 3 Ma. sabbasam.--------------------------------------------------------------------------------------------- page295.
|157.231| Mahata janakayena saha lokagganayako anusamsavayi 1- dhiro matuccham yava kotthakam. |157.232| Tada nipati padesu gotami lokabandhuno sahetarahi 2- sabbahi pacchimam padavandanam. |157.233| Idam pacchimakam mayham lokanathassa dassanam na puno amatakaram passissami mukham tava. |157.234| Na ca me vandanam vira tava pade sukomale samphusissati lokagga ajja gacchami nibbutim. |157.235| Rupena kintavanena ditthe dhamme yathatathe sabbam sankhatamevetam anassasikamittaram. |157.236| Sa saha tahi gantvana bhikkhunupassayam sakam addhapallankamabhujja nisidi paramasane. |157.237| Tada upasika tattha buddhasasanavacchala tassa pavattim sutvana upesum padavandika. |157.238| Karehi uram pahanta 3- chinnamula yatha lata rudanta karunam ravam 4- sokatta bhumipatika 5-. |157.239| Ma no saranade nathe vihayagami nibbutim nipatitvana yacama sabbayo sirasa mayam. |157.240| Ya padhanam gama tasam saddha panna upasika tassa sisam pamajjanti idam vacanamabravi. @Footnote: 1 Ma. anusamsayi so viro. Yu. anusamyayi so dhiro. 2 Ma. saheva tahi. @3 Yu. pahantva. 4 Ma. ravam. 5 Yu. bhuvipatika.--------------------------------------------------------------------------------------------- page296.
|157.241| Alam putta vilapena 1- marapasanuvattina aniccam sankhatam sabbam viyogantam calacalam. |157.242| Tato sa ta visajjitva 2- pathamajjhanamuttamam dutiyanca tatiyanca samapajji catutthakam. |157.243| Akasayatananceva vinnanancayatanam tatha akincam nevasannanca samapajji yathakkamam. |157.244| Patilomena jhanani samapajjatha 3- gotami yavata pathamam jhanam tayo yava catutthakam. |157.245| Tato vutthaya nibbayi dipacciva nirasava bhumicalo maha asi nabhasa vijjuta pati. |157.246| Panadita dundubhiyo paridevimsu devata pupphavutthi ca gagana abhivassatha medanim. |157.247| Kampito merurajapi rangamajjhe yatha nato sokena vatidino 4- ca viravo asi sagaro. |157.248| Deva nagasura brahma samviggahamsu tamkhane 5- anicca vata sankhara yathayam vilayam gata. |157.249| Ya cemam parivarimsu satthusasanakarika tayopi anupadana dipasikha 6- viya nibbuta. |157.250| Ha yoga vippayoganta haniccam sabbasankhatam ha jivitam vinasantam iccasi paridevana. @Footnote: 1 Ma. Yu. visadena. 2 Yu. vivajjitva. 3 Ma. samapajjittha. 4 Ma. catidino va. @5 Yu. tavade. 6 Ma. Yu. dipacci.--------------------------------------------------------------------------------------------- page297.
|157.251| Tato deva ca brahma ca lokadhammanuvattanam kalanurupam kubbanti upetva isisattamam. |157.252| Tada amantayi sattha anandam sutisagaram gacchananda nivedehi bhikkhunam matu nibbutim. |157.253| Tadanando niranando assuna punnalocano gaggarena sarenaha samagacchantu bhikkhavo. |157.254| Pubbadikkhinapacchasu uttaraya 1- vasanti ye mayham 2- sa bhikkhuni mata bhikkhavo sugatorasa. |157.255| Ya vaddhayi payattena sariram pacchimam mune sa gotami gata santim tarava suriyodaye. |157.256| Buddhamatati sannattim 3- thapayitva gata samam 4- na yattha pancanettopi tattha 5- dakkhati nayako. |157.257| Yassatthi sugate saddha yo 6- va sisso mahamune buddhassa matu sakkaram karotu sugatoraso. |157.258| Suduratthapi tam sutva sighamagaccha 7- bhikkhavo keci buddhanubhavena keci iddhisu kovida. |157.259| Kutagaravare ramme sabbasonnamaye subhe mancakam samaropesum yattha suttasi gotami. |157.260| Cattaro lokapala ye 8- amsehi samadharayum sesa sakkadika deva kutagare samaggahum. @Footnote: 1 Ma. uttaraya ca santike. 2 Ma. Yu. sunantu bhasitam mayham. 3 Ma. Yu. @pannattim. 4 Yu. sayam. 5 Ma. gatim. Yu. gatam. 6 Ma. yo ca piyo mahamune. @7 Ma. Yu. sighamagacchu. 8 Ma. Yu. te.--------------------------------------------------------------------------------------------- page298.
|157.261| Kutagarani sabbani asum pancasatani hi 1- saradadiccavannani visukammakatani hi. |157.262| Sabba tahim 2- bhikkhuniyo asum mancesu sayita devanam khandhamaruyha niyyanti anupubbaso. |157.263| Sabbaso chaditam asi vitanena nabhattalam satara candasura ca lanchita kanakamaya. |157.264| Pataka ussitaneka cittaka 3- pupphakancuka obhaggakasapaduma 4- mahiya pupphamuggatam. |157.265| Dissanti candasuriya vijjalanti ca taraka majjhangatopicadicco na tapesi sasi yatha. |157.266| Deva dibbehi gandhehi malehi surabhihi ca vaditehi ca naccehi sangitihi ca pujayum. |157.267| Nagasura ca brahmano yathasatti yathabalam pujayimsu viniyyanti 5- nibbutam buddhamataram. |157.268| Sabbayo purato nita nibbuta sugatorasa gotami niyyate paccha sakkata buddhaposika. |157.269| Purato devamanuja sanagasurabrahmaka paccha sasavako buddho pujattham yati matuya. |157.270| Buddhassa parinibbanam nedisam asi yadisam gotamiparinibbanam atiacchariyam ahu. @Footnote: 1 Ma. pi . 2 Ma. tapi. 2 Ma. Yu. vitata. 4 Ma. ogatakasapaduma. @Yu. ogatakasadhumava. 5 Ma. ca niyyantim. Yu. viniyyantim.--------------------------------------------------------------------------------------------- page299.
|157.271| Na buddho 1- buddhanibbane sariputtadi bhikkhavo buddho gotaminibbane sariputtadika yatha 2-. |157.272| Citakani karitvana sabbagandhamayani ca 3- gandhacunnavikinnani 4- jhapayimsu ca ta tahim. |157.273| Sesabhagani dayhimsu atthisesani sabbaso adando ca tadavoca samvegajanakam vaco. |157.274| Gotami nidhanam yata daddhancassa sarirakam sanketam buddhanibbanam na cirena bhavissati. |157.275| Tato gotamidhatuni tassa pattagatani so upanamesi nathassa anando buddhacodito. |157.276| Panina tani paggayha avoca isisattamo mahato saravantassa yatha rukkhassa titthato. |157.277| Yo so mahattaro khandho palujjeyya aniccata tatha bhikkhunisanghassa gotami parinibbuta. |157.278| Ananda 5- passa buddhassa nibbutayapi matuya sariramattasesaya na 6- sokaparidevana. |157.279| Na sociya paresam sa tinnasamsarasagara parivajjitasantapa sitibhuta sunibbuta. |157.280| Panditasi mahapanna puthupanna tatheva ca rattannu bhikkhuninam sa evam vinnatha 7- bhikkhavo. @Footnote: 1 Ma. buddho buddhassa nibbane no patiyadi bhikkhavo. 2 Ma. Yu. tatha. @3 Ma. Yu. te. 4 Yu. gandhacunnadikinnani. 5 Ma. Yu. aho acchariyam mayham. @6 Ma. Yu. natthi sokapariddavo. 7 Ma. dharetha. Yu. janatha.--------------------------------------------------------------------------------------------- page300.
|157.281| Iddhiya 1- ca vasi asi dibbaya sotadhatuya cetopariyananassa vasi asi ca gotami. |157.282| Pubbenivasamannasi dibbacakkhu visodhitam sabbasava parikkhina natthi dani 2- punabbhavo. |157.283| Atthadhammaniruttisu patibhane tatheva ca parisuddham ahu nanam tasma socaniya na sa. |157.284| Ayoghanahatasseva jalato jatavedaso 3- anupubbupasantassa yatha na nayate gati. |157.285| Evam sammavimuttanam kamabandhoghatarinam pannapatum gati natthi pattanam acalam padam 4-. |157.286| Attadipa tato hotha satipatthanagocara bhavetva sattabojjhangam 5- dukkhassantam karissathati. Ittham sudam ayasma mahapajapatigotami bhikkhuni ima gathayo abhasitthati. Mahapajapatigotamitheriya apadanam samattam.The Pali Tipitaka in Roman Character Volume 33 page 281-300. https://84000.org/tipitaka/read/roman_item.php?book=33.1&item=157&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=33.1&item=157&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=33.1&item=157&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=157&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=33.1&i=157 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]