Rūpakaṇḍaṃ
[501] Katame dhammā abyākatā kusalākusalānaṃ dhammānaṃ vipākā
kāmāvacarā rūpāvacarā arūpāvacarā apariyāpannā vedanākkhandho
saññākkhandho saṅkhārakkhandho viññāṇakkhandho ye ca dhammā kiriyā
neva kusalā nākusalā na ca kammavipākā sabbaṃ ca rūpaṃ asaṅkhatā ca dhātu
ime dhammā abyākatā.
[502] Tattha katamaṃ sabbaṃ rūpaṃ cattāro ca mahābhūtā catunnaṃ ca
mahābhūtānaṃ upādāya rūpaṃ idaṃ vuccati sabbaṃ rūpaṃ.
[503] Sabbaṃ rūpaṃ nahetu ahetukaṃ hetuvippayuttaṃ sappaccayaṃ
saṅkhataṃ rūpaṃ lokiyaṃ sāsavaṃ saññojaniyaṃ ganthaniyaṃ oghaniyaṃ yoganiyaṃ
nīvaraṇiyaṃ parāmaṭṭhaṃ upādāniyaṃ saṅkilesikaṃ abyākataṃ anārammaṇaṃ
acetasikaṃ cittavippayuttaṃ nevavipākanavipākadhammadhammaṃ asaṅkiliṭṭhasaṅkilesikaṃ
nasavitakkasavicāraṃ naavitakkavicāramattaṃ avitakkaavicāraṃ napītisahagataṃ
nasukhasahagataṃ naupekkhāsahagataṃ nevadassanenanabhāvanāyapahātabbaṃ
nevadassanenanabhāvanāyapahātabbahetukaṃ nevaācayagāminaapacayagāmi
nevasekkhanāsekkhaṃ parittaṃ kāmāvacaraṃ narūpāvacaraṃ naarūpāvacaraṃ
pariyāpannaṃ noapariyāpannaṃ aniyataṃ aniyyānikaṃ uppannaṃ
chahi viññāṇehi viññeyyaṃ aniccaṃ jarābhibhūtaṃ evaṃ ekavidhena
rūpasaṅgaho.
Ekakaṃ.
[504] Duvidhena rūpasaṅgaho atthi rūpaṃ upādā atthi rūpaṃ noupādā
atthi rūpaṃ upādinnaṃ atthi rūpaṃ anupādinnaṃ atthi rūpaṃ upādinnupādāniyaṃ
atthi rūpaṃ anupādinnupādāniyaṃ atthi rūpaṃ sanidassanaṃ atthi rūpaṃ anidassanaṃ
atthi rūpaṃ sappaṭighaṃ atthi rūpaṃ appaṭighaṃ atthi rūpaṃ indriyaṃ atthi rūpaṃ
naindriyaṃ atthi rūpaṃ mahābhūtaṃ atthi rūpaṃ namahābhūtaṃ atthi rūpaṃ viññatti
atthi rūpaṃ naviññatti atthi rūpaṃ cittasamuṭṭhānaṃ atthi rūpaṃ nacittasamuṭṭhānaṃ
atthi rūpaṃ cittasahabhu atthi rūpaṃ nacittasahabhu atthi rūpaṃ cittānuparivatti
atthi rūpaṃ nacittānuparivatti atthi rūpaṃ ajjhattikaṃ atthi rūpaṃ bāhiraṃ atthi
rūpaṃ oḷārikaṃ atthi rūpaṃ sukhumaṃ atthi rūpaṃ dūre atthi rūpaṃ santike.
{504.1} Atthi rūpaṃ cakkhusamphassassa vatthu atthi rūpaṃ cakkhusamphassassa
navatthu atthi rūpaṃ cakkhusamphassajāya vedanāya .pe. saññāya .pe.
Cetanāya .pe. cakkhuviññāṇassa vatthu atthi rūpaṃ cakkhuviññāṇassa
navatthu atthi rūpaṃ sotasamphassassa .pe. ghānasamphassassa .pe.
Jivhāsamphassassa .pe. kāyasamphassassa vatthu atthi rūpaṃ kāyasamphassassa
navatthu atthi rūpaṃ kāyasamphassajāya vedanāya .pe. saññāya .pe.
Cetanāya .pe. kāyaviññāṇassa vatthu atthi rūpaṃ kāyaviññāṇassa
navatthu . atthi rūpaṃ cakkhusamphassassa ārammaṇaṃ atthi rūpaṃ cakkhusamphassassa
naārammaṇaṃ atthi rūpaṃ cakkhusamphassajāya vedanāya *- .pe. saññāya
.pe. cetanāya .pe. cakkhuviññāṇassa ārammaṇaṃ atthi rūpaṃ
cakkhuviññāṇassa naārammaṇaṃ . atthi rūpaṃ sotasamphassassa
@Footnote:* mīkārkṛ´์ khagœ cakkhusamphassajāyavedanāya peḌna cakkhusamphassajāya vedanāya
.pe. Ghānasamphassassa .pe. jivhāsamphassassa .pe. kāyasamphassassa
ārammaṇaṃ atthi rūpaṃ kāyasamphassassa naārammaṇaṃ atthi
rūpaṃ kāyasamphassajāya vedanāya .pe. saññāya .pe. cetanāya
.pe. Kāyaviññāṇassa ārammaṇaṃ atthi rūpaṃ kāyaviññāṇassa naārammaṇaṃ.
{504.2} Atthi rūpaṃ cakkhāyatanaṃ atthi rūpaṃ nacakkhāyatanaṃ atthi rūpaṃ
sotāyatanaṃ atthi rūpaṃ nasotāyatanaṃ atthi rūpaṃ ghānāyatanaṃ .pe.
Jivhāyatanaṃ .pe. kāyāyatanaṃ atthi rūpaṃ nakāyāyatanaṃ atthi rūpaṃ
rūpāyatanaṃ atthi rūpaṃ narūpāyatanaṃ atthi rūpaṃ saddāyatanaṃ .pe. Gandhāyatanaṃ
.pe. Rasāyatanaṃ .pe. Phoṭṭhabbāyatanaṃ atthi rūpaṃ naphoṭṭhabbāyatanaṃ.
{504.3} Atthi rūpaṃ cakkhudhātu atthi rūpaṃ nacakkhudhātu atthi rūpaṃ
sotadhātu .pe. ghānadhātu .pe. jivhādhātu .pe. kāyadhātu atthi
rūpaṃ nakāyadhātu atthi rūpaṃ rūpadhātu atthi rūpaṃ narūpadhātu atthi rūpaṃ
saddadhātu .pe. gandhadhātu .pe. rasadhātu .pe. phoṭṭhabbadhātu
atthi rūpaṃ naphoṭṭhabbadhātu.
{504.4} Atthi rūpaṃ cakkhundriyaṃ atthi rūpaṃ nacakkhundriyaṃ
atthi rūpaṃ sotindriyaṃ .pe. ghānindriyaṃ .pe. jivhindriyaṃ
.pe. kāyindriyaṃ atthi rūpaṃ nakāyindriyaṃ atthi rūpaṃ itthindriyaṃ
atthi rūpaṃ naitthindriyaṃ atthi rūpaṃ purisindriyaṃ atthi rūpaṃ
napurisindriyaṃ atthi rūpaṃ jīvitindriyaṃ atthi rūpaṃ najīvitindriyaṃ.
{504.5} Atthi rūpaṃ kāyaviññatti atthi rūpaṃ nakāyaviññatti
atthi rūpaṃ vacīviññatti atthi rūpaṃ navacīviññatti atthi rūpaṃ
ākāsadhātu atthi rūpaṃ naākāsadhātu atthi
Rūpaṃ āpodhātu atthi rūpaṃ naāpodhātu atthi rūpaṃ rūpassa lahutā atthi
rūpaṃ rūpassa nalahutā atthi rūpaṃ rūpassa mudutā atthi rūpaṃ rūpassa namudutā
atthi rūpaṃ rūpassa kammaññatā atthi rūpaṃ rūpassa nakammaññatā atthi
rūpaṃ rūpassa upacayo atthi rūpaṃ rūpassa naupacayo atthi rūpaṃ rūpassa santati
atthi rūpaṃ rūpassa nasantati atthi rūpaṃ rūpassa jaratā atthi rūpaṃ rūpassa najaratā
atthi rūpaṃ rūpassa aniccatā atthi rūpaṃ rūpassa naaniccatā atthi rūpaṃ kabaḷiṃkāro
āhāro atthi rūpaṃ na kabaḷiṃkāro āhāro evaṃ duvidhena rūpasaṅgaho.
Dukaṃ.
[505] Tividhena rūpasaṅgaho yantaṃ rūpaṃ ajjhattikaṃ taṃ upādā yantaṃ rūpaṃ
bāhiraṃ taṃ atthi upādā atthi noupādā yantaṃ rūpaṃ ajjhattikaṃ taṃ upādinnaṃ
yantaṃ rūpaṃ bāhiraṃ taṃ atthi upādinnaṃ atthi anupādinnaṃ yantaṃ rūpaṃ ajjhattikaṃ
taṃ upādinnupādāniyaṃ yantaṃ rūpaṃ bāhiraṃ taṃ atthi upādinnupādāniyaṃ atthi
anupādinnupādāniyaṃ yantaṃ rūpaṃ ajjhattikaṃ taṃ anidassanaṃ yantaṃ rūpaṃ bāhiraṃ
taṃ atthi sanidassanaṃ atthi anidassanaṃ yantaṃ rūpaṃ ajjhattikaṃ taṃ sappaṭighaṃ yantaṃ rūpaṃ
bāhiraṃ taṃ atthi sappaṭighaṃ atthi appaṭighaṃ yantaṃ rūpaṃ ajjhattikaṃ taṃ indriyaṃ
yantaṃ rūpaṃ bāhiraṃ taṃ atthi indriyaṃ atthi naindriyaṃ yantaṃ rūpaṃ ajjhattikaṃ
taṃnamahābhūtaṃ yantaṃ rūpaṃ bāhiraṃ taṃ atthi mahābhūtaṃ atthi namahābhūtaṃ yantaṃ
rūpaṃ ajjhattikaṃ taṃ naviññatti yantaṃ rūpaṃ bāhiraṃ taṃ atthi viññatti atthi
navaññatti yantaṃ rūpaṃ ajjhattikaṃ taṃ nacittasamuṭṭhānaṃ yantaṃ rūpaṃ bāhiraṃ taṃ
Atthi cittasamuṭṭhānaṃ atthi nacittasamuṭṭhānaṃ yantaṃ rūpaṃ ajjhattikaṃ taṃ nacittasahabhu
yantaṃ rūpaṃ bāhiraṃ taṃ atthi cittasahabhu atthi nacittasahabhu yantaṃ rūpaṃ
ajjhattikaṃ taṃ nacittānuparivatti yantaṃ rūpaṃ bāhiraṃ taṃ atthi cittānuparivatti
atthi nacittānuparivatti yantaṃ rūpaṃ ajjhattikaṃ taṃ oḷārikaṃ yantaṃ rūpaṃ bāhiraṃ
taṃ atthi oḷārikaṃ atthi sukhumaṃ yantaṃ rūpaṃ ajjhattikaṃ taṃ santike yantaṃ
rūpaṃ bāhiraṃ taṃ atthi dūre atthi santike.
{505.1} Yantaṃ rūpaṃ bāhiraṃ taṃ cakkhusamphassassa navatthu yantaṃ rūpaṃ
ajjhattikaṃ taṃ atthi cakkhusamphassassa vatthu atthi cakkhusamphassassa navatthu
yantaṃ rūpaṃ bāhiraṃ taṃ atthi cakkhusamphassajāya vedanāya .pe. Saññāya .pe.
Cetanāya .pe. cakkhuviññāṇassa navatthu yantaṃ rūpaṃ ajjhattikaṃ taṃ atthi
cakkhuviññāṇassa vatthu atthi cakkhuviññāṇassa navatthu yantaṃ rūpaṃ bāhiraṃ
taṃ sotasamphassassa .pe. ghānasamphassassa .pe. jivhāsamphassassa .pe.
Kāyasamphassassa navatthu yantaṃ rūpaṃ ajjhattikaṃ taṃ atthi kāyasamphassassa
vatthu atthi kāyasamphassassa navatthu yantaṃ rūpaṃ bāhiraṃ taṃ kāyasamphassajāya
vedanāya .pe. saññāya .pe. cetanāya .pe. kāyaviññāṇassa
navatthu yantaṃ rūpaṃ ajjhattikaṃ taṃatthikāyaviññāṇassa vatthu
atthikāyaviññāṇassa navatthu.
{505.2} Yantaṃ rūpaṃajjhattikaṃ taṃ cakkhusamphassassa naārammaṇaṃ yantaṃ
rūpaṃbāhiraṃ taṃ atthi cakkhusamphassassa ārammaṇaṃ atthi cakkhusamphassassa
naārammaṇaṃ yantaṃ rūpaṃ ajjhattikaṃ taṃ cakkhusamphassajāya vedanāya .pe. Saññāya
.pe. cetanāya .pe. cakkhuviññāṇassa naārammaṇaṃ yantaṃ rūpaṃ bāhiraṃ taṃ
Atthi cakkhuviññāṇassa ārammaṇaṃ atthi cakkhuviññāṇassa naārammaṇaṃ
yantaṃ rūpaṃ ajjhattikaṃ taṃ sotasamphassassa .pe. ghānasamphassassa .pe.
Jivhāsamphassassa .pe. kāyasamphassassa naārammaṇaṃ yantaṃ rūpaṃ bāhiraṃ
taṃ atthi kāyasamphassassa ārammaṇaṃ atthi kāyasamphassassa naārammaṇaṃ
yantaṃ rūpaṃ ajjhattikaṃ taṃ kāyasamphassajāya vedanāya .pe. saññāya
.pe. cetanāya .pe. kāyaviññāṇassa naārammaṇaṃ yantaṃ rūpaṃ
bāhiraṃ taṃ atthi kāyaviññāṇassa ārammaṇaṃ atthi kāyaviññāṇassa
naārammaṇaṃ.
{505.3} Yantaṃ rūpaṃ bāhiraṃ taṃ nacakkhāyatanaṃ yantaṃ rūpaṃ ajjhattikaṃ taṃ
atthi cakkhāyatanaṃ atthi nacakkhāyatanaṃ yantaṃ rūpaṃ bāhiraṃ taṃ nasotāyatanaṃ
.pe. naghānāyatanaṃ .pe. najivhāyatanaṃ .pe. nakāyāyatanaṃ
yantaṃ rūpaṃ ajjhattikaṃ taṃ atthi kāyāyatanaṃ atthi nakāyāyatanaṃ yantaṃ rūpaṃ
ajjhattikaṃ taṃ narūpāyatanaṃ yantaṃ rūpaṃ bāhiraṃ taṃ atthi rūpāyatanaṃ atthi narūpāyatanaṃ
yantaṃ rūpaṃ ajjhattikaṃ taṃ nasaddāyatanaṃ .pe. nagandhāyatanaṃ .pe.
Narasāyatanaṃ .pe. naphoṭṭhabbāyatanaṃ yantaṃ rūpaṃ bāhiraṃ taṃ atthi phoṭṭhabbāyatanaṃ
atthi naphoṭṭhabbāyatanaṃ.
{505.4} Yantaṃ rūpaṃ bāhiraṃ taṃ nacakkhudhātu yantaṃ rūpaṃ ajjhattikaṃ
taṃ atthi cakkhudhātu atthi nacakkhudhātu yantaṃ rūpaṃ bāhiraṃ taṃ nasotadhātu
.pe. naghānadhātu .pe. najivhādhātu .pe. nakāyadhātu yantaṃ rūpaṃ
ajjhattikaṃ taṃ atthi kāyadhātu atthi nakāyadhātu yantaṃ rūpaṃ ajjhattikaṃ
taṃ narūpadhātu yantaṃ rūpaṃ bāhiraṃ taṃ atthi rūpadhātu atthi narūpadhātu
yantaṃ rūpaṃ ajjhattikaṃ taṃ nasaddadhātu .pe. nagandhadhātu .pe.
Narasadhātu .pe. naphoṭṭhabbadhātu yantaṃ rūpaṃ bāhiraṃ taṃ atthi phoṭṭhabbadhātu
atthi naphoṭṭhabbadhātu.
{505.5} Yantaṃ rūpaṃ bāhiraṃ taṃ nacakkhundriyaṃ yantaṃ rūpaṃ ajjhattikaṃ
taṃ atthi cakkhundriyaṃ atthi nacakkhundriyaṃ yantaṃ rūpaṃ bāhiraṃ taṃ
nasotindriyaṃ .pe. naghānindriyaṃ .pe. najivhindriyaṃ .pe.
Nakāyindriyaṃ yantaṃ rūpaṃ ajjhattikaṃ taṃ atthi kāyindriyaṃ atthi nakāyindriyaṃ
yantaṃ rūpaṃ ajjhattikaṃ taṃ naitthindriyaṃ yantaṃ rūpaṃ bāhiraṃ taṃ atthi
itthindriyaṃ atthi naitthindriyaṃ yantaṃ rūpaṃ ajjhattikaṃ taṃ napurisindriyaṃ
yantaṃ rūpaṃ bāhiraṃ taṃ atthi purisindriyaṃ atthi napurisindriyaṃ yantaṃ rūpaṃ
ajjhattikaṃ taṃ najīvitindriyaṃ yantaṃ rūpaṃ bāhiraṃ taṃ atthi jīvitindriyaṃ atthi
najīvitindriyaṃ.
{505.6} Yantaṃ rūpaṃ ajjhattikaṃ taṃ nakāyaviññatti yantaṃ rūpaṃ bāhiraṃ
taṃ atthi kāyaviññatti atthi nakāyaviññatti yantaṃ rūpaṃ ajjhattikaṃ taṃ
navacīviññatti yantaṃ rūpaṃ bāhiraṃ taṃ atthi vacīviññatti atthi navacīviññatti
yantaṃ rūpaṃ ajjhattikaṃ taṃ naākāsadhātu yantaṃ rūpaṃ bāhiraṃ taṃ atthi
ākāsadhātu atthi naākāsadhātu yantaṃ rūpaṃ ajjhattikaṃ taṃ naāpodhātu
yantaṃ rūpaṃ bāhiraṃ taṃ atthi āpodhātu atthi naāpodhātu yantaṃ rūpaṃ
ajjhattikaṃ taṃ rūpassa nalahutā yantaṃ rūpaṃ bāhiraṃ taṃ atthi rūpassa lahutā
atthi rūpassa nalahutā yantaṃ rūpaṃ ajjhattikaṃ taṃ rūpassa namudutā yantaṃ
rūpaṃ bāhiraṃ taṃ atthi rūpassa mudutā atthi rūpassa namudutā yantaṃ rūpaṃ
ajjhattikaṃ taṃ rūpassa nakammaññatā yantaṃ rūpaṃ bāhiraṃ taṃ atthi rūpassa
kammaññatā atthi rūpassa nakammaññatā yantaṃ rūpaṃ ajjhattikaṃ taṃ
rūpassa naupacayo yantaṃ rūpaṃ bāhiraṃ taṃ atthi rūpassa upacayo
Atthi rūpassa naupacayo yantaṃ rūpaṃ ajjhattikaṃ taṃ rūpassa nasantati yantaṃ
rūpaṃ bāhiraṃ taṃ atthi rūpassa santati atthi rūpassa nasantati yantaṃ rūpaṃ
ajjhattikaṃ taṃ rūpassa najaratā yantaṃ rūpaṃ bāhiraṃ taṃ atthi rūpassa jaratā atthi
rūpassa najaratā yantaṃ rūpaṃ ajjhattikaṃ taṃ rūpassa naaniccatā yantaṃ rūpaṃ
bāhiraṃ taṃ atthi rūpassa aniccatā atthi rūpassa naaniccatā yantaṃ rūpaṃ
ajjhattikaṃ taṃ na kabaḷiṃkāro āhāro yantaṃ rūpaṃ bāhiraṃ taṃ atthi kabaḷiṃkāro
āhāro atthi na kabaḷiṃkāro āhāro evaṃ tividhena rūpasaṅgaho.
Tikaṃ.
[506] Catubbidhena rūpasaṅgaho yantaṃ rūpaṃ upādā taṃ atthi upādinnaṃ
atthi anupādinnaṃ yantaṃ rūpaṃ anupādā taṃ atthi upādinnaṃ atthi
anupādinnaṃ yantaṃ rūpaṃ upādā taṃ atthi upādinnupādāniyaṃ atthi
anupādinnupādāniyaṃ yantaṃ rūpaṃ anupādā taṃ atthi upādinnupādāniyaṃ atthi
anupādinnupādāniyaṃ yantaṃ rūpaṃ upādā taṃ atthi sappaṭighaṃ atthi appaṭighaṃ
yantaṃ rūpaṃ anupādā taṃ atthi sappaṭighaṃ atthi appaṭighaṃ yantaṃ rūpaṃ upādā
taṃ atthi oḷārikaṃ atthi sukhumaṃ yantaṃ rūpaṃ anupādā taṃ atthi oḷārikaṃ atthi
sukhumaṃ yantaṃ rūpaṃ upādā taṃ atthi dūre atthi santike yantaṃ rūpaṃ anupādā
taṃ atthi dūre atthi santike.
{506.1} Yantaṃ rūpaṃ upādinnaṃ taṃ atthi sanidassanaṃ atthi anidassanaṃ
yantaṃ rūpaṃ anupādinnaṃ taṃ atthi sanidassanaṃ atthi anidassanaṃ yantaṃ rūpaṃ
upādinnaṃ taṃ atthi sappaṭighaṃ atthi appaṭighaṃ yantaṃ rūpaṃ anupādinnaṃ
taṃ atthi sappaṭighaṃ atthi appaṭighaṃ yantaṃ rūpaṃ upādinnaṃ taṃ atthi mahābhūtaṃ
Atthi namahābhūtaṃ yantaṃ rūpaṃ anupādinnaṃ taṃ atthi mahābhūtaṃ atthi namahābhūtaṃ
yantaṃ rūpaṃ upādinnaṃ taṃ atthi oḷārikaṃ atthi sukhumaṃ yantaṃ rūpaṃ anupādinnaṃ taṃ
atthi oḷārikaṃ atthi sukhumaṃ yantaṃ rūpaṃ upādinnaṃ taṃ atthi dūre atthi
santike yantaṃ rūpaṃ anupādinnaṃ taṃ atthi dūre atthi santike.
{506.2} Yantaṃ rūpaṃ upādinnupādāniyaṃ taṃ atthi sanidassanaṃ atthi
anidassanaṃ yantaṃ rūpaṃ anupādinnupādāniyaṃ taṃ atthi sanidassanaṃ atthi
anidassanaṃ yantaṃ rūpaṃ upādinnupādāniyaṃ taṃ atthi sappaṭighaṃ atthi
appaṭighaṃ yantaṃ rūpaṃ anupādinnupādāniyaṃ taṃ atthi sappaṭighaṃ atthi
appaṭighaṃ yantaṃ rūpaṃ upādinnupādāniyaṃ taṃ atthi mahābhūtaṃ atthi
namahābhūtaṃ yantaṃ rūpaṃ anupādinnupādāniyaṃ taṃ atthi mahābhūtaṃ atthi
namahābhūtaṃ yantaṃ rūpaṃ upādinnupādāniyaṃ taṃ atthi oḷārikaṃ atthi sukhumaṃ
yantaṃ rūpaṃ anupādinnupādāniyaṃ taṃ atthi oḷārikaṃ atthi sukhumaṃ yantaṃ rūpaṃ
upādinnupādāniyaṃ taṃ atthi dūre atthi santike yantaṃ rūpaṃ anupādinnupādāniyaṃ
taṃ atthi dūre atthi santike.
{506.3} Yantaṃ rūpaṃ sappaṭighaṃ taṃ atthi indriyaṃ atthi naindriyaṃ
yantaṃ rūpaṃ appaṭighaṃ taṃ atthi indriyaṃ atthi naindriyaṃ yantaṃ rūpaṃ sappaṭighaṃ
taṃ atthi mahābhūtaṃ atthi namahābhūtaṃ yantaṃ rūpaṃ appaṭighaṃ taṃ atthi mahābhūtaṃ
atthi namahābhūtaṃ.
{506.4} Yantaṃ rūpaṃ indriyaṃ taṃ atthi oḷārikaṃ atthi sukhumaṃ yantaṃ
rūpaṃ naindriyaṃ taṃ atthi oḷārikaṃ atthi sukhumaṃ yantaṃ rūpaṃ indriyaṃ taṃ atthi
dūre atthi santike yantaṃ rūpaṃ naindriyaṃ taṃ atthi dūre atthi santike.
{506.5} Yantaṃ rūpaṃ mahābhūtaṃ taṃ atthi oḷārikaṃ atthi sukhumaṃ yantaṃ rūpaṃ
namahābhūtaṃ taṃ atthi oḷārikaṃ atthi sukhumaṃ yantaṃ rūpaṃ mahābhūtaṃ taṃ atthi dūre
Atthi santike yantaṃ rūpaṃ namahābhūtaṃ taṃ atthi dūre atthi santike. Diṭṭhaṃ
sutaṃ mutaṃ viññātaṃ rūpaṃ evaṃ catubbidhena rūpasaṅgaho.
Catukkaṃ.
[507] Pañcavidhena rūpasaṅgaho paṭhavīdhātu āpodhātu tejodhātu
vāyodhātu yañca rūpaṃ upādā evaṃ pañcavidhena rūpasaṅgaho.
Pañcakaṃ.
[508] Chabbidhena rūpasaṅgaho cakkhuviññeyyaṃ rūpaṃ sotaviññeyyaṃ
rūpaṃ ghānaviññeyyaṃ rūpaṃ jivhāviññeyyaṃ rūpaṃ kāyaviññeyyaṃ rūpaṃ manoviññeyyaṃ
rūpaṃ evaṃ chabbidhena rūpasaṅgaho.
Chakkaṃ.
[509] Sattavidhena rūpasaṅgaho cakkhuviññeyyaṃ rūpaṃ sotaviññeyyaṃ
rūpaṃ ghānaviññeyyaṃ rūpaṃ jivhāviññeyyaṃ rūpaṃ kāyaviññeyyaṃ rūpaṃ
manodhātuviññeyyaṃ rūpaṃ manoviññāṇadhātuviññeyyaṃ rūpaṃ evaṃ sattavidhena
rūpasaṅgaho.
Sattakaṃ.
[510] Aṭṭhavidhena rūpasaṅgaho cakkhuviññeyyaṃ rūpaṃ sotaviññeyyaṃ
rūpaṃ ghānaviññeyyaṃ rūpaṃ jivhāviññeyyaṃ rūpaṃ kāyaviññeyyaṃ rūpaṃ atthi
sukhasamphassaṃ atthi dukkhasamphassaṃ manodhātuviññeyyaṃ rūpaṃ manoviññāṇa-
dhātuviññeyyaṃ rūpaṃ evaṃ aṭṭhavidhena rūpasaṅgaho.
Aṭṭhakaṃ.
[511] Navavidhena rūpasaṅgaho cakkhundriyaṃ sotindriyaṃ ghānindriyaṃ
jivhindriyaṃ kāyindriyaṃ itthindriyaṃ purisindriyaṃ
jīvitindriyaṃ yañca rūpaṃ naindriyaṃ evaṃ navavidhena rūpasaṅgaho.
Navakaṃ.
[512] Dasavidhena rūpasaṅgaho cakkhundriyaṃ sotindriyaṃ ghānindriyaṃ
jivhindriyaṃ kāyindriyaṃ itthindriyaṃ purisindriyaṃ
jīvitindriyaṃ naindriyaṃ rūpaṃ atthi sappaṭighaṃ atthiappaṭighaṃ evaṃ dasavidhena
rūpasaṅgaho.
Dasakaṃ.
[513] Ekādasavidhena rūpasaṅgaho cakkhāyatanaṃ sotāyatanaṃ ghānāyatanaṃ
jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ
phoṭṭhabbāyatanaṃ yañca rūpaṃ anidassanaṃ appaṭighaṃ dhammāyatanapariyāpannaṃ
evaṃ ekādasavidhena rūpasaṅgaho.
Ekādasakaṃ.
Mātikā.
[514] Sabbaṃ rūpaṃ nahetumeva ahetukameva hetuvippayuttameva
sappaccayameva saṅkhatameva rūpameva lokiyameva sāsavameva saññojaniyameva
ganthaniyameva oghaniyameva yoganiyameva nīvaraṇiyameva parāmaṭṭhameva
upādāniyameva saṅkilesikameva abyākatameva anārammaṇameva acetasikameva
cittavippayuttameva nevavipākanavipākadhammadhammameva asaṅkiliṭṭhasaṅkilesikameva
nasavitakkasavicārameva naavitakkavicāramattameva avitakkaavicārameva
Napītisahagatameva nasukhasahagatameva naupekkhāsahagatameva
nevadassanenanabhāvanāyapahātabbameva nevadassanenanabhāvanāyapahātabbahetukameva
nevaācayagāminaapacayagāmimeva nevasekkhanāsekkhameva
parittameva kāmāvacarameva narūpāvacarameva naarūpāvacarameva pariyāpannameva
noapariyāpannameva aniyatameva aniyyānikameva uppannaṃ
chahi viññāṇehi viññeyyameva aniccameva jarābhibhūtameva evaṃ
ekavidhena rūpasaṅgaho.
Ekakaniddeso.
[515] Katamantaṃ rūpaṃ upādā cakkhāyatanaṃ sotāyatanaṃ ghānāyatanaṃ
jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ
itthindriyaṃ purisindriyaṃ jīvitindriyaṃ kāyaviññatti vacīviññatti
ākāsadhātu rūpassa lahutā rūpassa mudutā rūpassa kammaññatā
rūpassa upacayo rūpassa santati rūpassa jaratā rūpassa aniccatā
kabaḷiṃkāro āhāro.
[516] Katamantaṃ rūpaṃ cakkhāyatanaṃ yaṃ cakkhuṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yena
cakkhunā anidassanena sappaṭighena rūpaṃ sanidassanaṃ sappaṭighaṃ passi
vā passati vā passissati vā passe vā cakkhuṃpetaṃ cakkhāyatanaṃpetaṃ
cakkhudhātupesā cakkhundriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ nettaṃpetaṃ nayanaṃpetaṃ
Orimantīraṃpetaṃ suñño gāmopeso idantaṃ rūpaṃ cakkhāyatanaṃ.
{516.1} Katamantaṃ rūpaṃ cakkhāyatanaṃ yaṃ cakkhuṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yamhi
cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi
vā paṭihaññati vā paṭihaññissati vā paṭihaññe vā cakkhuṃpetaṃ
cakkhāyatanaṃpetaṃ cakkhudhātupesā cakkhundriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ nettaṃpetaṃ nayanaṃpetaṃ
orimantīraṃpetaṃ suñño gāmopeso idantaṃ rūpaṃ cakkhāyatanaṃ.
{516.2} Katamantaṃ rūpaṃ cakkhāyatanaṃ yaṃ cakkhuṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ
cakkhuṃ anidassanaṃ sappaṭighaṃ rūpamhi sanidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā cakkhuṃpetaṃ
cakkhāyatanaṃpetaṃ cakkhudhātupesā cakkhundriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ nettaṃpetaṃ nayanaṃpetaṃ
orimantīraṃpetaṃ suñño gāmopeso idantaṃ rūpaṃ cakkhāyatanaṃ.
{516.3} Katamantaṃ rūpaṃ cakkhāyatanaṃ yaṃ cakkhuṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ
cakkhuṃ nissāya rūpaṃ ārabbha cakkhusamphasso uppajji vā uppajjati vā
uppajjissati vā uppajje vā .pe. yaṃ cakkhuṃ nissāya rūpaṃ ārabbha
cakkhusamphassajā vedanā .pe. saññā .pe. cetanā .pe.
Cakkhuviññāṇaṃ uppajji vā uppajjati vā uppajjissati vā uppajje
vā .pe. yaṃ cakkhuṃ nissāya rūpārammaṇo cakkhusamphasso uppajji vā
uppajjati vā uppajjissati vā uppajje vā .pe. yaṃ cakkhuṃ nissāya
rūpārammaṇā cakkhusamphassajā vedanā .pe. saññā .pe. cetanā
.pe. cakkhuviññāṇaṃ uppajji vā uppajjati vā uppajjissati vā
uppajje vā cakkhuṃpetaṃ cakkhāyatanaṃpetaṃ cakkhudhātupesā cakkhundriyaṃpetaṃ
lokopeso dvārāpesā samuddopeso paṇḍaraṃpetaṃ khettaṃpetaṃ vatthuṃpetaṃ
nettaṃpetaṃ nayanaṃpetaṃ orimantīraṃpetaṃ suñño gāmopeso idantaṃ rūpaṃ
cakkhāyatanaṃ.
[517] Katamantaṃ rūpaṃ sotāyatanaṃ yaṃ sotaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yena
sotena anidassanena sappaṭighena saddaṃ anidassanaṃ sappaṭighaṃ suṇi
vā suṇāti vā suṇissati vā suṇe vā sotaṃpetaṃ sotāyatanaṃpetaṃ
sotadhātupesā sotindriyaṃpetaṃ lokopeso dvārāpesā samuddopeso
paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño gāmopeso
idantaṃ rūpaṃ sotāyatanaṃ.
{517.1} Katamantaṃ rūpaṃ sotāyatanaṃ yaṃ sotaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho
yamhi sotamhi anidassanamhi sappaṭighamhi saddo anidassano
sappaṭigho paṭihaññi vā paṭihaññati vā paṭihaññissati vā
paṭihaññe vā sotaṃpetaṃ sotāyatanaṃpetaṃ sotadhātupesā sotindriyaṃpetaṃ
Lokopeso dvārāpesā samuddopeso paṇḍaraṃpetaṃ khettaṃpetaṃ
vatthuṃpetaṃ orimantīraṃpetaṃ suñño gāmopeso idantaṃ rūpaṃ sotāyatanaṃ.
{517.2} Katamantaṃ rūpaṃ sotāyatanaṃ yaṃ sotaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ sotaṃ
anidassanaṃ sappaṭighaṃ saddamhi anidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā sotaṃpetaṃ
sotāyatanaṃpetaṃ sotadhātupesā sotindriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño
gāmopeso idantaṃ rūpaṃ sotāyatanaṃ.
{517.3} Katamantaṃ rūpaṃ sotāyatanaṃ yaṃ sotaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ
sotaṃ nissāya saddaṃ ārabbha sotasamphasso uppajji vā uppajjati
vā uppajjissati vā uppajje vā .pe. Yaṃ sotaṃ nissāya saddaṃ ārabbha
sotasamphassajā vedanā .pe. saññā .pe. Cetanā .pe. Sotaviññāṇaṃ
uppajji vā uppajjati vā uppajjissati vā uppajje vā .pe. Yaṃ sotaṃ
nissāya saddārammaṇo sotasamphasso uppajji vā uppajjati vā
uppajjissati vā uppajje vā .pe. yaṃ sotaṃ nissāya saddārammaṇā
sotasamphassajā vedanā .pe. saññā .pe. cetanā .pe.
Sotaviññāṇaṃ uppajji vā uppajjati vā uppajjissati vā uppajje
vā sotaṃpetaṃ sotāyatanaṃpetaṃ sotadhātupesā sotindriyaṃpetaṃ
Lokopeso dvārāpesā samuddopeso paṇḍaraṃpetaṃ khettaṃpetaṃ vatthuṃpetaṃ
orimantīraṃpetaṃ suñño gāmopeso idantaṃ rūpaṃ sotāyatanaṃ.
[518] Katamantaṃ rūpaṃ ghānāyatanaṃ yaṃ ghānaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yena
ghānena anidassanena sappaṭighena gandhaṃ anidassanaṃ sappaṭighaṃ ghāyi
vā ghāyati vā ghāyissati vā ghāye vā ghānaṃpetaṃ ghānāyatanaṃpetaṃ
ghānadhātupesā ghānindriyaṃpetaṃ lokopeso dvārāpesā samuddopeso
paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño gāmopeso
idantaṃ rūpaṃ ghānāyatanaṃ.
{518.1} Katamantaṃ rūpaṃ ghānāyatanaṃ yaṃ ghānaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yamhi
ghānamhi anidassanamhi sappaṭighamhi gandho anidassano sappaṭigho
paṭihaññi vā paṭihaññati vā paṭihaññissati vā paṭihaññe vā
ghānaṃpetaṃ ghānāyatanaṃpetaṃ ghānadhātupesā ghānindriyaṃpetaṃ
lokopeso dvārāpesā samuddopeso paṇḍaraṃpetaṃ khettaṃpetaṃ
vatthuṃpetaṃ orimantīraṃpetaṃ suñño gāmopeso idantaṃ rūpaṃ ghānāyatanaṃ.
{518.2} Katamantaṃ rūpaṃ ghānāyatanaṃ yaṃ ghānaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ ghānaṃ
anidassanaṃ sappaṭighaṃ gandhamhi anidassanamhi sappaṭighamhi paṭihaññi
vā paṭihaññati vā paṭihaññissati vā paṭihaññe vā ghānaṃpetaṃ
ghānāyatanaṃpetaṃ ghānadhātupesā ghānindriyaṃpetaṃ lokopeso dvārāpesā
Samuddopeso paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño
gāmopeso idantaṃ rūpaṃ ghānāyatanaṃ.
{518.3} Katamantaṃ rūpaṃ ghānāyatanaṃ yaṃ ghānaṃ catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ
ghānaṃ nissāya gandhaṃ ārabbha ghānasamphasso uppajji vā uppajjati
vā uppajjissati vā uppajje vā .pe. Yaṃ ghānaṃ nissāya gandhaṃ ārabbha
ghānasamphassajā vedanā .pe. saññā .pe. Cetanā .pe. Ghānaviññāṇaṃ
uppajji vā uppajjati vā uppajjissati vā uppajje vā .pe. Yaṃ
ghānaṃ nissāya gandhārammaṇo ghānasamphasso uppajji vā uppajjati
vā uppajjissati vā uppajje vā .pe. Yaṃ ghānaṃ nissāya gandhārammaṇā
ghānasamphassajā vedanā .pe. saññā .pe. cetanā .pe.
Ghānaviññāṇaṃ uppajji vā uppajjati vā uppajjissati vā
uppajje vā ghānaṃpetaṃ ghānāyatanaṃpetaṃ ghānadhātupesā ghānindriyaṃpetaṃ
lokopeso dvārāpesā samuddopeso paṇḍaraṃpetaṃ khettaṃpetaṃ vatthuṃpetaṃ
orimantīraṃpetaṃ suñño gāmopeso idantaṃ rūpaṃ ghānāyatanaṃ.
[519] Katamantaṃ rūpaṃ jivhāyatanaṃ yā jivhā catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yāya
jivhāya anidassanāya sappaṭighāya rasaṃ anidassanaṃ sappaṭighaṃ sāyi vā
sāyati vā sāyissati vā sāye vā jivhāpesā jivhāyatanaṃpetaṃ
jivhādhātupesā jivhindriyaṃpetaṃ lokopeso dvārāpesā samuddopeso
Paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño
gāmopeso idantaṃ rūpaṃ jivhāyatanaṃ.
{519.1} Katamantaṃ rūpaṃ jivhāyatanaṃ yā jivhā catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yāya
jivhāya anidassanāya sappaṭighāya raso anidassano sappaṭigho paṭihaññi
vā paṭihaññati vā paṭihaññissati vā paṭihaññe vā jivhāpesā
jivhāyatanaṃpetaṃ jivhādhātupesā jivhindriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ suñño
gāmopeso idantaṃ rūpaṃ jivhāyatanaṃ.
{519.2} Katamantaṃ rūpaṃ jivhāyatanaṃ yā jivhā catunnaṃ
mahābhūtānaṃ upādāya pasādo attabhāvapariyāpanno anidassano
sappaṭigho yā jivhā anidassanā sappaṭighā rasamhi anidassanamhi
sappaṭighamhi paṭihaññi vā paṭihaññati vā paṭihaññissati vā
paṭihaññe vā jivhāpesā jivhāyatanaṃpetaṃ jivhādhātupesā jivhindriyaṃpetaṃ
lokopeso dvārāpesā samuddopeso paṇḍaraṃpetaṃ khettaṃpetaṃ
vatthuṃpetaṃ orimantīraṃpetaṃ suñño gāmopeso idantaṃ rūpaṃ jivhāyatanaṃ.
{519.3} Katamantaṃ rūpaṃ jivhāyatanaṃ yā jivhā catunnaṃ mahābhūtānaṃ
upādāya pasādo attabhāvapariyāpanno anidassano sappaṭigho yaṃ
jivhaṃ nissāya rasaṃ ārabbha jivhāsamphasso uppajji vā uppajjati vā
uppajjissati vā uppajje vā .pe. yaṃ jivhaṃ nissāya rasaṃ ārabbha
jivhāsamphassajā vedanā .pe. saññā .pe. cetanā .pe.
Jivhāviññāṇaṃ uppajji vā uppajjati vā uppajjissati vā
uppajje vā .pe. yaṃ jivhaṃ nissāya rasārammaṇo jivhāsamphasso
uppajji vā uppajjati vā uppajjissati vā uppajje vā
yaṃ jivhaṃ nissāya rasārammaṇā jivhāsamphassajā vedanā .pe.
Saññā .pe. cetanā .pe. jivhāviññāṇaṃ uppajji vā
uppajjati vā uppajjissati vā uppajje vā jivhāpesā
jivhāyatanaṃpetaṃ jivhādhātupesā jivhindriyaṃpetaṃ lokopeso dvārāpesā
samuddopeso paṇḍaraṃpetaṃ khettaṃpetaṃ vatthuṃpetaṃ orimantīraṃpetaṃ
suñño gāmopeso idantaṃ rūpaṃ jivhāyatanaṃ.
The Pali Tipitaka in Roman Character Volume 34 page 184-202.
https://84000.org/tipitaka/read/roman_item.php?book=34&item=501&items=19
Classified by [Item Number] :-
http://84000.org/tipitaka/read/roman_item.php?book=34&item=501&items=19&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=34&item=501&items=19
Compare with The Royal Version of Thai Tipitaka :-
https://84000.org/tipitaka/read/byitem.php?book=34&item=501&items=19
Study Atthakatha :-
https://84000.org/tipitaka/attha/attha.php?b=34&i=501
Contents of The Tipitaka Volume 34
https://84000.org/tipitaka/read/?index_34
https://84000.org/tipitaka/english/?index_34
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
