paliTIPITAKA Volume 34 - Abhidhamma Pitaka 1

[936] Katame dhamma nivaranavippayutta nivaraniya tisu bhumisu kusalam tisu bhumisu vipako tisu bhumisu kiriyabyakatam sabbanca rupam ime dhamma nivaranavippayutta nivaraniya . katame dhamma nivaranavippayutta anivaraniya cattaro magga apariyapanna cattari ca samannaphalani nibbananca ime dhamma nivaranavippayutta anivaraniya . nivaranasampayutta dhamma na vattabba nivaranavippayutta nivaraniyatipi nivaranavippayutta anivaraniyatipi. --------------- [937] Katame dhamma paramasa ditthiparamaso catusu ditthigata- sampayuttesu cittuppadesu uppajjati ime dhamma paramasa . Katame dhamma noparamasa thapetva paramasam avasesam akusalam catusu bhumisu kusalam catusu bhumisu vipako tisu bhumisu kiriyabyakatam rupanca nibbananca ime dhamma noparamasa. [938] Katame dhamma paramattha tisu bhumisu kusalam akusalam tisu bhumisu vipako tisu bhumisu kiriyabyakatam sabbanca rupam ime dhamma paramattha . katame dhamma aparamattha cattaro magga apariyapanna cattari ca samannaphalani nibbananca ime dhamma aparamattha. [939] Katame dhamma paramasasampayutta cattaro ditthigatasampayutta cittuppada etthuppannam paramasam thapetva ime dhamma paramasasampayutta . katame dhamma paramasavippayutta cattaro ditthigatavippayuttalobhasahagata cittuppada dve domanassasahagata cittuppada vicikicchasahagato cittuppado uddhaccasahagato cittuppado catusu bhumisu kusalam catusu bhumisu vipako tisu bhumisu kiriyabyakatam rupanca nibbananca ime dhamma paramasavippayutta . paramaso na vattabbo paramasasampayuttotipi paramasavippayuttotipi. [940] Katame dhamma paramasacevaparamatthaca soeva Paramaso paramasocevaparamatthoca . katame dhamma paramatthacevanocaparamasa thapetva paramasam avasesam akusalam tisu bhumisu kusalam tisu bhumisu vipako tisu bhumisu kiriyabyakatam sabbanca rupam ime dhamma paramatthacevanocaparamasa . Aparamattha dhamma na vattabba paramasacevaparamatthacatipi paramatthacevanocaparamasatipi.

The Pali Tipitaka in Roman Character Volume 34 page 364-366. https://84000.org/tipitaka/read/roman_item.php?book=34&item=936&items=5 Classified by [Item Number] :- http://84000.org/tipitaka/read/roman_item.php?book=34&item=936&items=5&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=34&item=936&items=5 Compare with The Royal Version of Thai Tipitaka :- https://84000.org/tipitaka/read/byitem.php?book=34&item=936&items=5 Study Atthakatha :- https://84000.org/tipitaka/attha/attha.php?b=34&i=936 Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34