[1105] Danam datva silam samadayitva uposathakammam katva
kattha upapajjanti . danam datva silam samadayitva uposathakammam
katva appekacce khattiyamahasalanam sahabyatam upapajjanti appekacce
brahmanamahasalanam sahabyatam upapajjanti appekacce
Gahapatimahasalanam sahabyatam upapajjanti appekacce
catummaharajikanam devanam sahabyatam upapajjanti appekacce
tavatimsanam devanam sahabyatam upapajjanti appekacce yamanam
devanam sahabyatam upapajjanti appekacce tusitanam devanam
sahabyatam upapajjanti appekacce nimmanaratinam devanam
sahabyatam upapajjanti appekacce paranimmitavasavattinam devanam
sahabyatam upapajjanti.
[1106] Manussanam kittakam ayuppamanam vassasatam appam va
bhiyyo va . catummaharajikanam devanam kittakam ayuppamanam
yani manusakani pannasavassani catummaharajikanam devanam
eso eko rattindivo taya rattiya timsarattiyo maso tena
masena dvadasamasiyo samvaccharo tena samvaccharena dibbani panca
vassasatani catummaharajikanam devanam ayuppamanam manussanam
gananaya kittakam hoti navuti vassasatasahassani.
{1106.1} Tavatimsanam devanam kittakam ayuppamanam yam manusakam
vassasatam tavatimsanam devanam eso eko rattindivo taya rattiya
timsarattiyo maso tena masena dvadasamasiyo samvaccharo tena samvaccharena
dibbam vassasahassam tavatimsanam devanam ayuppamanam manussanam gananaya
kittakam hoti tisso ca vassakotiyo satthinca vassasatasahassani. Yamanam
devanam kittakam ayuppamanam yani manusakani dve vassasatani
yamanam devanam eso eko rattindivo taya rattiya timsarattiyo
Maso tena masena dvadasamasiyo samvaccharo tena samvaccharena
dibbani dve vassasahassani yamanam devanam ayuppamanam
manussanam gananaya kittakam hoti cuddasa ca vassakotiyo cattalisanca
vassasatasahassani.
{1106.2} Tusitanam devanam kittakam ayuppamanam yani
manusakani cattari vassasatani tusitanam devanam eso eko
rattindivo taya rattiya timsarattiyo maso tena masena dvadasamasiyo
samvaccharo tena samvaccharena dibbani cattari vassasahassani
tusitanam devanam ayuppamanam manussanam gananaya kittakam hoti
sattapannasa vassakotiyo satthinca vassasatasahassani.
{1106.3} Nimmanaratinam devanam kittakam ayuppamanam yani
manusakani attha vassasatani nimmanaratinam devanam eso eko
rattindivo taya rattiya timsarattiyo maso tena masena dvadasamasiyo
samvaccharo tena samvaccharena dibbani attha vassasahassani nimmanaratinam
devanam ayuppamanam manussanam gananaya kittakam hoti dve
vassakotisatani timsanca vassakotiyo cattalisanca vassasatasahassani.
{1106.4} Paranimmitavasavattinam devanam kittakam ayuppamanam yani
manusakani solasa vassasatani paranimmitavasavattinam devanam eso eko
rattindivo taya rattiya timsarattiyo maso tena masena dvadasamasiyo
samvaccharo tena samvaccharena dibbani solasa vassasahassani
paranimmitavasavattinam devanam ayuppamanam manussanam gananaya
Kittakam hoti nava ca vassakotisatani ekavisanca vassakotiyo
satthinca vassasatasahassaniti.
Chappi te kamavacara sabbakamasamiddhino
sabbesam ekasankhato ayu bhavati kittako
dvadasakotisatam tesam atthavisanca kotiyo
pannasa satasahassani vassaggena pakasitati.
[1107] Pathamam jhanam parittam bhavetva kattha upapajjanti
pathamam jhanam parittam bhavetva brahmaparisajjanam devanam sahabyatam
upapajjanti tesam kittakam ayuppamanam kappassa tatiyo catuttho
bhago . pathamam jhanam majjhimam bhavetva kattha upapajjanti pathamam
jhanam majjhimam bhavetva brahmapurohitanam devanam sahabyatam
upapajjanti tesam kittakam ayuppamanam upaddhakappo . pathamam
jhanam panitam bhavetva kattha upapajjanti pathamam jhanam panitam
bhavetva mahabrahmanam devanam sahabyatam upapajjanti tesam
kittakam ayuppamanam eko kappo.
{1107.1} Dutiyam jhanam parittam bhavetva kattha upapajjanti
dutiyam jhanam parittam bhavetva parittabhanam devanam sahabyatam
upapajjanti tesam kittakam ayuppamanam dve kappa . dutiyam
jhanam majjhimam bhavetva kattha upapajjanti dutiyam jhanam majjhimam
bhavetva appamanabhanam devanam sahabyatam upapajjanti
tesam kittakam ayuppamanam cattaro kappa . dutiyam jhanam
Panitam bhavetva kattha upapajjanti dutiyam jhanam panitam bhavetva
abhassaranam devanam sahabyatam upapajjanti tesam kittakam ayuppamanam
attha kappa.
{1107.2} Tatiyam jhanam parittam bhavetva kattha upapajjanti tatiyam
jhanam parittam bhavetva parittasubhanam devanam sahabyatam upapajjanti
tesam kittakam ayuppamanam solasa kappa . tatiyam jhanam majjhimam
bhavetva kattha upapajjanti tatiyam jhanam majjhimam bhavetva
appamanasubhanam devanam sahabyatam upapajjanti tesam kittakam
ayuppamanam dvattimsa kappa . tatiyam jhanam panitam bhavetva
kattha upapajjanti tatiyam jhanam panitam bhavetva subhakinhanam
devanam sahabyatam upapajjanti tesam kittakam ayuppamanam catusatthi
kappa.
{1107.3} Catuttham jhanam bhavetva arammanananattata
manasikarananattata chandananattata panidhinanattata
adhimokkhananattata abhiniharananattata pannananattata
appekacce asannasattanam devanam sahabyatam upapajjanti appekacce
vehapphalanam devanam sahabyatam upapajjanti appekacce avihanam devanam
sahabyatam upapajjanti appekacce atappanam devanam sahabyatam upapajjanti
appekacce sudassanam devanam sahabyatam upapajjanti appekacce
sudassinam devanam sahabyatam upapajjanti appekacce akanitthanam devanam
sahabyatam upapajjanti appekacce akasanancayatanupaganam devanam
sahabyatam upapajjanti appekacce vinnanancayatanupaganam devanam
Sahabyatam upapajjanti appekacce akincannayatanupaganam devanam
sahabyatam upapajjanti appekacce nevasannanasannayatanupaganam
devanam sahabyatam upapajjanti.
{1107.4} Asannasattananca vehapphalananca devanam kittakam
ayuppamanam panca kappasatani . avihanam devanam kittakam
ayuppamanam kappasahassam . atappanam devanam kittakam ayuppamanam
dve kappasahassani . sudassanam devanam kittakam ayuppamanam
cattari kappasahassani . sudassinam devanam kittakam ayuppamanam
attha kappasahassani . akanitthanam devanam kittakam ayuppamanam
solasa kappasahassani . akasanancayatanupaganam devanam
kittakam ayuppamanam visati kappasahassani.
{1107.5} Vinnanancayatanupaganam devanam kittakam
ayuppamanam cattalisa kappasahassani . akincannayatanupaganam
devanam kittakam ayuppamanam satthi kappasahassani . nevasanna-
nasannayatanupaganam devanam kittakam ayuppamanam
caturasiti kappasahassaniti.
Ukkhitta punnatejena kamarupagatim gata
bhavaggam vapi sampatta puna gacchanti duggatim
tavadighayuka satta cavanti ayusankhaya
natthi koci bhavo nicco iti vuttam mahesina
tasma hi dhira nipaka nipuna atthacintaka
jaramaranamokkhaya bhaventi maggamuttamam
Bhavayitva sucim maggam nibbanogadhagaminam
sabbasave parinnaya parinibbanti anasavati.
--------------
[1108] Pancannam khandhanam kati abhinneyya kati parinneyya
kati pahatabba kati bhavetabba kati sacchikatabba kati na
pahatabba na bhavetabba na sacchikatabba .pe. sattannam cittanam
kati abhinneyya kati parinneyya kati pahatabba kati
bhavetabba kati sacchikatabba kati na pahatabba na bhavetabba
na sacchikatabba . rupakkhandho abhinneyyo parinneyyo na
pahatabbo na bhavetabbo na sacchikatabbo cattaro khandha
abhinneyya parinneyya siya pahatabba siya bhavetabba
siya sacchikatabba siya na pahatabba na bhavetabba na
sacchikatabba.
{1108.1} Dasayatana abhinneyya parinneyya na pahatabba
na bhavetabba na sacchikatabba dve ayatana abhinneyya
parinneyya siya pahatabba siya bhavetabba siya sacchikatabba
siya na pahatabba na bhavetabba na sacchikatabba. Solasa dhatuyo
abhinneyya parinneyya na pahatabba na bhavetabba na
sacchikatabba dve dhatuyo abhinneyya parinneyya siya pahatabba
siya bhavetabba siya sacchikatabba siya na pahatabba na bhavetabba
na sacchikatabba . samudayasaccam abhinneyyam parinneyyam pahatabbam
Na bhavetabbam na sacchikatabbam maggasaccam abhinneyyam parinneyyam
na pahatabbam bhavetabbam na sacchikatabbam nirodhasaccam abhinneyyam
parinneyyam na pahatabbam bhavetabbam sacchikatabbam dukkhasaccam
abhinneyyam parinneyyam siya pahatabbam na bhavetabbam na
sacchikatabbam siya na pahatabbam.
{1108.2} Navindriya abhinneyya parinneyya na pahatabba na
bhavetabba na sacchikatabba domanassindriyam abhinneyyam parinneyyam
pahatabbam na bhavetabbam na sacchikatabbam anannatannassamitindriyam
abhinneyyam parinneyyam na pahatabbam bhavetabbam na sacchikatabbam
annindriyam abhinneyyam parinneyyam na pahatabbam siya bhavetabbam
siya sacchikatabbam annatavindriyam abhinneyyam parinneyyam na
pahatabbam na bhavetabbam sacchikatabbam tinindriya abhinneyya
parinneyya na pahatabba siya bhavetabba siya sacchikatabba
siya na bhavetabba na sacchikatabba cha indriya abhinneyya
parinneyya siya pahatabba siya bhavetabba siya sacchikatabba
siya na pahatabba na bhavetabba na sacchikatabba.
{1108.3} Tayo akusalahetu abhinneyya parinneyya
pahatabba na bhavetabba na sacchikatabba tayo kusalahetu
abhinneyya parinneyya na pahatabba siya bhavetabba na
sacchikatabba siya na bhavetabba tayo abyakatahetu
abhinneyya parinneyya na pahatabba na bhavetabba siya
Sacchikatabba siya na sacchikatabba . kabalimkaro aharo
abhinneyyo parinneyyo na pahatabbo na bhavetabbo na
sacchikatabbo tayo ahara abhinneyya parinneyya siya
pahatabba siya bhavetabba siya sacchikatabba siya na
pahatabba na bhavetabba na sacchikatabba.
{1108.4} Cha phassa abhinneyya parinneyya na pahatabba
na bhavetabba na sacchikatabba manovinnanadhatusamphasso
abhinneyyo parinneyyo siya pahatabbo siya bhavetabbo
siya sacchikatabbo siya na pahatabbo na bhavetabbo na
sacchikatabbo . cha vedana cha sanna cha cetana cha citta
abhinneyya parinneyya na pahatabba na bhavetabba na
sacchikatabba manovinnanadhatu abhinneyya parinneyya
siya pahatabba siya bhavetabba siya sacchikatabba siya
na pahatabba na bhavetabba na sacchikatabba.
---------
[1109] Pancannam khandhanam kati sarammana kati anarammana
.pe. sattannam cittanam kati sarammana kati anarammana .
Rupakkhandho anarammano cattaro khandha sarammana . dasayatana
anarammana manayatanam sarammanam dhammayatanam siya sarammanam
siya anarammanam . dasa dhatuyo anarammana satta dhatuyo
sarammana dhammadhatu siya sarammana siya anarammana .
Dve sacca sarammana nirodhasaccam anarammanam dukkhasaccam
siya sarammanam siya anarammanam . sattindriya anarammana
cuddasindriya sarammana jivitindriyam siya sarammanam siya
anarammanam . nava hetu sarammana . kabalimkaro aharo
anarammano tayo ahara sarammana . satta phassa satta
vedana satta sanna satta cetana satta citta sarammana.
[1110] Pancannam khandhanam kati sarammanarammana kati
anarammanarammana kati anarammana .pe. sattannam cittanam kati
sarammanarammana kati anarammanarammana kati anarammana .
Rupakkhandho anarammano cattaro khandha siya sarammanarammana
siya anarammanarammana . dasayatana anarammana manayatanam
siya sarammanarammanam siya anarammanarammanam dhammayatanam siya
sarammanarammanam siya anarammanarammanam siya anarammanam.
{1110.1} Dasa dhatuyo anarammana cha dhatuyo anarammanarammana
manovinnanadhatu siya sarammanarammana siya anarammanarammana
dhammadhatu siya sarammanarammana siya anarammanarammana
siya anarammana . nirodhasaccam anarammanam maggasaccam
anarammanarammanam samudayasaccam siya sarammanarammanam siya
anarammanarammanam dukkhasaccam siya sarammanarammanam siya
anarammanarammanam siya anarammanam . sattindriya anarammana
Pancindriya anarammanarammana navindriya siya sarammanarammana
siya anarammanarammana jivitindriyam siya sarammanarammanam
siya anarammanarammanam siya anarammanam . nava hetu siya
sarammanarammana siya anarammanarammana . kabalinkaro
aharo anarammano tayo ahara siya sarammanarammana
siya anarammanarammana . cha phassa anarammanarammana
manovinnanadhatusamphasso siya sarammanarammano siya
anarammanarammano . cha vedana cha sanna cha cetana cha citta
anarammanarammana manovinnanadhatu siya sarammanarammana
siya anarammanarammana.
----------
[1111] Pancannam khandhanam kati dittha kati suta kati muta kati
vinnata kati na dittha na suta na muta na vinnata .pe.
Sattannam cittanam kati dittha kati suta kati muta kati vinnata
kati na dittha na suta na muta na vinnata . rupakkhandho siya
dittho siya suto siya muto siya na dittho na suto na
muto vinnato cattaro khandha na dittha na suta na muta
vinnata . rupayatanam dittham na sutam na mutam vinnatam saddayatanam
na dittham sutam na mutam vinnatam gandhayatanam rasayatanam photthabbayatanam
na dittham na sutam mutam vinnatam sattayatana na dittha na suta
Na muta vinnata . rupadhatu dittha na suta na muta vinnata
saddadhatu na dittha suta na muta vinnata gandhadhatu rasadhatu
photthabbadhatu na dittha na suta muta vinnata terasa dhatuyo
na dittha na suta na muta vinnata . tini sacca na dittha
na suta na muta vinnata dukkhasaccam siya dittham siya sutam siya
mutam siya na dittham na sutam na mutam vinnatam . bavisatindriya
na dittha na suta na muta vinnata . nava hetu na dittha
na suta na muta vinnata . cattaro ahara na dittha na
suta na muta vinnata . satta phassa na dittha na suta na
muta vinnata . satta vedana satta sanna satta cetana
satta citta na dittha na suta na muta vinnata.
-----------
[1112] Pancannam khandhanam kati kusala kati akusala kati
abyakata .pe. sattannam cittanam kati kusala kati akusala kati
abyakata . rupakkhandho abyakato cattaro khandha siya kusala
siya akusala siya abyakata . dasayatana abyakata dve
ayatana siya kusala siya akusala siya abyakata . solasa
dhatuyo abyakata dve dhatuyo siya kusala siya akusala siya
abyakata . samudayasaccam akusalam maggasaccam kusalam nirodhasaccam
abyakatam dukkhasaccam siya kusalam siya akusalam siya abyakatam .
Dasindriya abyakata domanassindriyam akusalam anannatannassamitindriyam
kusalam cattarindriya siya kusala siya abyakata
cha indriya siya kusala siya akusala siya abyakata . tayo
akusalahetu akusala tayo kusalahetu kusala tayo abyakatahetu
abyakata . kabalinkaro aharo abyakato tayo ahara
siya kusala siya akusala siya abyakata . cha phassa abyakata
manovinnanadhatusamphasso siya kusalo siya akusalo siya
abyakato . cha vedana cha sanna cha cetana cha citta
abyakata manovinnanadhatu siya kusala siya akusala siya
abyakata .
[1113] Pancannam khandhanam kati sukhaya vedanaya sampayutta
kati dukkhaya vedana sampayutta kati adukkhamasukhaya vedanaya
sampayutta .pe. sattannam cittanam kati sukhaya vedanaya sampayutta
kati dukkhaya vedanaya sampayutta kati adukkhamasukhaya vedanaya
sampayutta . dve khandha na vattabba sukhaya vedanaya sampayuttatipi
dukkhaya vedanaya sampayuttatipi adukkhamasukhaya vedanaya sampayuttatipi
tayo khandha siya sukhaya vedanaya sampayutta siya dukkhaya vedanaya
sampayutta siya adukkhamasukhaya vedanaya sampayutta.
{1113.1} Dasayatana na vattabba sukhaya vedanaya sampayuttatipi dukkhaya
vedanaya sampayuttatipi adukkhamasukhaya vedanaya sampayuttatipi manayatanam
Siya sukhaya vedanaya sampayuttam siya dukkhaya vedanaya sampayuttam
siya adukkhamasukhaya vedanaya sampayuttam dhammayatanam siya sukhaya
vedanaya sampayuttam siya dukkhaya vedanaya sampayuttam siya
adukkhamasukhaya vedanaya sampayuttam siya na vattabbam sukhaya vedanaya
sampayuttantipi dukkhaya vedanaya sampayuttantipi adukkhamasukhaya
vedanaya sampayuttantipi.
{1113.2} Dasa dhatuyo na vattabba sukhaya vedanaya
sampayuttatipi dukkhaya vedanaya sampayuttatipi adukkhamasukhaya
vedanaya sampayuttatipi panca dhatuyo adukkhamasukhaya vedanaya
sampayutta kayavinnanadhatu siya sukhaya vedanaya sampayutta
siya dukkhaya vedanaya sampayutta manovinnanadhatu siya sukhaya
vedanaya sampayutta siya dukkhaya vedanaya sampayutta siya
adukkhamasukhaya vedanaya sampayutta dhammadhatu siya sukhaya vedanaya
sampayutta siya dukkhaya vedanaya sampayutta siya adukkhamasukhaya
vedanaya sampayutta siya na vattabba sukhaya vedanaya sampayuttatipi
dukkhaya vedanaya sampayuttatipi adukkhamasukhaya vedanaya sampayuttatipi.
{1113.3} Dve sacca siya sukhaya vedanaya sampayutta siya
adukkhamasukhaya vedanaya sampayutta nirodhasaccam na vattabbam sukhaya
vedanaya sampayuttantipi dukkhaya vedanaya sampayuttantipi adukkhamasukhaya
vedanaya sampayuttantipi dukkhasaccam siya sukhaya vedanaya
sampayuttam siya dukkhaya vedanaya sampayuttam siya adukkhamasukhaya
Vedanaya sampayuttam siya na vattabbam sukhaya vedanaya sampayuttantipi
dukkhaya vedanaya sampayuttantipi adukkhamasukhaya vedanaya sampayuttantipi.
{1113.4} Dvadasindriya na vattabba sukhaya vedanaya sampayuttatipi
dukkhaya vedanaya sampayuttatipi adukkhamasukhaya vedanaya sampayuttatipi
cha indriya siya sukhaya vedanaya sampayutta siya adukkhamasukhaya
vedanaya sampayutta tinindriya siya sukhaya vedanaya sampayutta
siya dukkhaya vedanaya sampayutta siya adukkhamasukhaya vedanaya
sampayutta jivitindriyam siya sukhaya vedanaya sampayuttam siya
dukkhaya vedanaya sampayuttam siya adukkhamasukhaya vedanaya sampayuttam
siya na vattabbam sukhaya vedanaya sampayuttantipi dukkhaya vedanaya
sampayuttantipi adukkhamasukhaya vedanaya sampayuttantipi.
{1113.5} Doso akusalahetu dukkhaya vedanaya sampayutto satta
hetu siya sukhaya vedanaya sampayutta siya adukkhamasukhaya vedanaya
samupayutta moho akusalahetu siya sukhaya vedanaya sampayutto siya
dukkhaya vedanaya sampayutto siya adukkhamasukhaya vedanaya sampayutto.
{1113.6} Kabalinkaro aharo na vattabbo sukhaya vedanaya
sampayuttotipi dukkhaya vedanaya sampayuttotipi adukkhamasukhaya vedanaya
sampayuttotipi tayo ahara siya sukhaya vedanaya sampayutta siya
dukkhaya vedanaya sampayutta siya adukkhamasukhaya vedanaya sampayutta.
Panca phassa adukkhamasukhaya vedanaya sampayutta kayasamphasso
Siya sukhaya vedanaya sampayutto siya dukkhaya vedanaya sampayutto
manovinnanadhatusamphasso siya sukhaya vedanaya sampayutto
siya dukkhaya vedanaya sampayutto siya adukkhamasukhaya vedanaya
sampayutto . satta vedana na vattabba sukhaya vedanaya sampayuttatipi
dukkhaya vedanaya sampayuttatipi adukkhamasukhaya vedanaya sampayuttatipi.
{1113.7} Panca sanna panca cetana panca citta adukkhamasukhaya
vedanaya sampayutta kayavinnanam siya sukhaya vedanaya sampayuttam
siya dukkhaya vedanaya sampayuttam manovinnanadhatu siya sukhaya
vedanaya sampayutta siya dukkhaya vedanaya sampayutta siya
adukkhamasukhaya vedanaya sampayutta.
[1114] Pancannam khandhanam kati vipaka kati vipakadhammadhamma
kati nevavipakanavipakadhammadhamma .pe. sattannam cittanam kati vipaka
kati vipakadhammadhamma kati nevavipakanavipakadhammadhamma . rupakkhandho
nevavipakanavipakadhammadhammo cattaro khandha siya vipaka siya
vipakadhammadhamma siya nevavipakanavipakadhammadhamma.
{1114.1} Dasayatana nevavipakanavipakadhammadhamma dve
ayatana siya vipaka siya vipakadhammadhamma siya nevavipaka-
navipakadhammadhamma . dasa dhatuyo nevavipakanavipakadhammadhamma
panca dhatuyo vipaka manodhatu siya vipaka siya nevavipaka-
navipakadhammadhamma dve dhatuyo siya vipaka siya
vipakadhammadhamma siya nevavipakanavipakadhammadhamma .
Dve sacca vipakadhammadhamma nirodhasaccam nevavipakanavipakadhammadhammam
dukkhasaccam siya vipakam siya vipakadhammadhammam siya nevavipaka-
navipakadhammadhammam . sattindriya nevavipakanavipakadhammadhamma
tinindriya vipaka dvindriya vipakadhammadhamma annindriyam
siya vipakam siya vipakadhammadhammam navindriya siya vipaka siya
vipakadhammadhamma siya nevavipakanavipakadhammadhamma . cha hetu
vipakadhammadhamma tayo abyakatahetu siya vipaka siya
nevavipakanavipakadhammadhamma.
{1114.2} Kabalinkaro aharo nevavipakanavipakadhammadhammo tayo
ahara siya vipaka siya vipakadhammadhamma siya nevavipaka-
navipakadhammadhamma . panca phassa vipaka manodhatusamphasso siya
vipako siya nevavipakanavipakadhammadhammo manovinnanadhatusamphasso
siya vipako siya vipakadhammadhammo siya nevavipakanavipakadhammadhammo.
Panca vedana panca sanna panca cetana panca citta vipaka
manodhatu siya vipakasiya nevavipakanavipakadhammadhamma mano
vinnanadhatu siya vipaka siya vipakadhammadhamma siya
nevavipakanavipakadhammadhamma.
[1115] Pancannam khandhanam kati upadinnupadaniya kati
anupadinnupadaniya kati anupadinnaanupadaniya .pe. sattannam
cittanam kati upadinnupadaniya kati anupadinnupadaniya kati
anupadinnaanupadaniya . rupakkhandho siya upadinnupadaniyo siya
Anupadinnupadaniyo cattaro khandha siya upadinnupadaniya siya
anupadinnupadaniya siya anupadinnaanupadaniya . pancayatana
upadinnupadaniya saddayatanam anupadinnupadaniyam cattarayatana
siya upadinnupadaniya siya anupadinnupadaniya dve
ayatana siya upadinnupadaniya siya anupadinnupadaniya siya
anupadinnaanupadaniya.
{1115.1} Dasa dhatuyo upadinnupadaniya saddadhatu
anupadinnupadaniya panca dhatuyo siya upadinnupadaniya
siya anupadinnupadaniya dve dhatuyo siya upadinnupadaniya
siya anupadinnupadaniya siya anupadinnaanupadaniya .
Samudayasaccam anupadinnupadaniyam dve sacca anupadinna-
anupadaniya dukkhasaccam siya upadinnupadaniyam siya
anupadinnupadaniyam . navindriya upadinnupadaniya
domanassindriyam anupadinnupadaniyam tinindriya anupadinna-
anupadaniya navindriya siya upadinnupadaniya siya
anupadinnupadaniya siya anupadinnaanupadaniya.
{1115.2} Tayo akusalahetu anupadinnupadaniya tayo kusalahetu
siya anupadinnupadaniya siya anupadinnaanupadaniya tayo
abyakatahetu siya upadinnupadaniya siya anupadinnupadaniya
siya anupadinnaanupadaniya . kabalinkaro aharo siya
upadinnupadaniyo siya anupadinnupadaniyo tayo ahara
siya upadinnupadaniya siya anupadinnupadaniya siya
Anupadinnaanupadaniya . panca phassa upadinnupadaniya
manodhatusamphasso siya upadinnupadaniyo siya anupadinnupadaniyo
manovinnanadhatusamphasso siya upadinnupadaniyo siya
anupadinnupadaniyo siya anupadinnaanupadaniyo . panca
vedana panca sanna panca cetana panca citta upadinnupadaniya
manodhatu siya upadinnupadaniya siya anupadinnupadaniya
manovinnanadhatu siya upadinnupadaniya siya
anupadinnupadaniya siya anupadinnaanupadaniya.
[1116] Pancannam khandhanam kati savitakkasavicara kati
avitakkavicaramatta kati avitakkaavicara .pe. sattannam cittanam kati
savitakkasavicara kati avitakkavicaramatta kati avitakkaavicara .
Rupakkhandho avitakkaavicaro tayo khandha siya savitakkasavicara
siya avitakkavicaramatta siya avitakkaavicara sankharakkhandho
siya savitakkasavicaro siya avitakkavicaramatto siya avitakkaavicaro
siya na vattabbo savitakkasavicarotipi avitakkavicaramattotipi
avitakkaavicarotipi.
{1116.1} Dasayatana avitakkaavicara manayatanam siya
savitakkasavicaram siya avitakkavicaramattam siya avitakkaavicaram
dhammayatanam siya savitakkasavicaram siya avitakkavicaramattam siya
avitakkaavicaram siya na vattabbam savitakkasavicarantipi avitakkavicara-
mattantipi avitakkaavicarantipi . pannarasadhatuyo avitakkaavicara
Manodhatu savitakkasavicara manovinnanadhatu siya savitakkasavicara
siya avitakkavicaramatta siya avitakkaavicara dhammadhatu siya
savitakkasavicara siya avitakkavicaramatta siya avitakkaavicara
siya na vattabba savitakkasavicaratipi avitakkavicaramattatipi
avitakkaavicaratipi . samudayasaccam savitakkasavicaram nirodhasaccam
avitakkaavicaram maggasaccam siya savitakkasavicaram siya avitakka-
vicaramattam siya avitakkaavicaram dukkhasaccam siya savitakkasavicaram
siya avitakkavicaramattam siya avitakkaavicaram siya na vattabbam
savitakkasavicarantipi avitakkavicaramattantipi avitakkaavicarantipi.
{1116.2} Navindriya avitakkaavicara domanassindriyam
savitakkasavicaram upekkhindriyam siya savitakkasavicaram siya avitakkaavicaram
ekadasindriya siya savitakkasavicara siya avitakkavicaramatta
siya avitakkaavicara . tayo akusalahetu savitakkasavicara cha hetu siya
savitakkasavicara siya avitakkavicaramatta siya avitakkaavicara .
Kabalinkaro aharo avitakkaavicaro tayo ahara siya
savitakkasavicara siya avitakkavicaramatta siya avitakkaavicara .
Panca phassa avitakkaavicara manodhatusamphasso savitakkasavicaro
manovinnanadhatusamphasso siya savitakkasavicaro siya avitakka-
vicaramatto siya avitakkaavicaro . panca vedana panca sanna panca
cetana panca citta avitakkaavicara manodhatu savitakkasavicara
Manovinnanadhatu siya savitakkasavicara siya avitakkavicaramatta
siya avitakkaavicara.
[1117] Pancannam khandhanam kati rupa kati arupa .pe. Sattannam
cittanam kati rupa kati arupa . rupakkhandho rupam cattaro khandha
arupa . dasayatana rupa manayatanam arupam dhammayatanam
siya rupam siya arupam . dasa dhatuyo rupa satta dhatuyo arupa
dhammadhatu siya rupa siya arupa . tini sacca arupa dukkhasaccam
siya rupam siya arupam . sattindriya rupa cuddasindriya arupa
jivitindriyam siya rupam siya arupam . nava hetu arupa. Kabalinkaro
aharo rupam tayo ahara arupa . satta phassa arupa .
Satta vedana satta sanna satta cetana satta citta arupa.
[1118] Pancannam khandhanam kati lokiya kati lokuttara .pe.
Sattannam cittanam kati lokiya kati lokuttara . rupakkhandho
lokiyo cattaro khandha siya lokiya siya lokuttara .
Dasayatana lokiya dve ayatana siya lokiya siya lokuttara.
Solasa dhatuyo lokiya dve dhatuyo siya lokiya siya lokuttara.
Dve sacca lokiya dve sacca lokuttara . dasindriya lokiya
tinindriya lokuttara navindriya siya lokiya siya lokuttara .
Tayo akusalahetu lokiya cha hetu siya lokiya siya lokuttara.
Kabalinkaro aharo lokiya tayo ahara siya lokiya siya
Lokuttara . cha phassa lokiya manovinnanadhatusamphasso siya
lokiyo siya lokuttaro . cha vedana cha sanna cha cetana
cha citta lokiya manovinnanadhatu siya lokiya siya
lokuttarati.
Abhinna dve arammana dittha kusalavedana
vipaka ca upadinna vitakkarupalokiyati
dhammahadayavibhango samatto.
Vibhangappakaranam nitthitam.
The Pali Tipitaka in Roman Character Volume 35 page 567-588.
https://84000.org/tipitaka/read/roman_item.php?book=35&item=1105&items=14
Classified by [Item Number] :-
http://84000.org/tipitaka/read/roman_item.php?book=35&item=1105&items=14&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=35&item=1105&items=14
Compare with The Royal Version of Thai Tipitaka :-
https://84000.org/tipitaka/read/byitem.php?book=35&item=1105&items=14
Study Atthakatha :-
https://84000.org/tipitaka/attha/attha.php?b=35&i=1105
Contents of The Tipitaka Volume 35
https://84000.org/tipitaka/read/?index_35
https://84000.org/tipitaka/english/?index_35
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
