Rupam kammantikatha
[1242] Kusalena cittena samutthitam kayakammam rupam kusalanti .
Amanta . sarammanam atthi tassa avajjana 1- abhogo samannaharo
manasikaro cetana patthana panidhiti . na hevam vattabbe .pe. Nanu
anarammanam natthi tassa avajjana abhogo samannaharo manasikaro
cetana patthana panidhiti . amanta . hanci anarammanam natthi
tassa avajjana .pe. panidhi no vata re vattabbe kusalena
cittena samutthitam kayakammam rupam kusalanti.
[1243] Kusalena cittena samutthito phasso kusalo sarammano
atthi tassa avajjana .pe. panidhiti . amanta . kusalena
cittena samutthitam kayakammam rupam kusalam sarammanam atthi tassa
avajjana .pe. panidhiti . na hevam vattabbe .pe. kusalena
cittena samutthita vedana .pe. sanna cetana saddha viriyam sati
samadhi .pe. panna kusala sarammana atthi taya avajjana
.pe. panidhiti . amanta . kusalena cittena samutthitam kayakammam
rupam kusalam sarammanam atthi tassa avajjana .pe. panidhiti
na hevam vattabbe .pe.
[1244] Kusalena cittena samutthitam kayakammam rupam kusalam
anarammanam natthi tassa avajjana .pe. panidhiti . amanta .
@Footnote:1. Ma. Yu. avattanaannattha idisameva.
Kusalena cittena samutthito phasso kusalo anarammano natthi tassa
avajjana .pe. panidhiti . na hevam vattabbe .pe. kusalena
cittena samutthitam kayakammam rupam kusalam anarammanam natthi tassa
avajjana .pe. panidhiti . amanta . kusalena cittena samutthita
vedana .pe. sanna cetana saddha viriyam sati samadhi .pe.
Panna kusala anarammana natthi taya avajjana .pe.
Panidhiti. Na hevam vattabbe .pe.
[1245] Kusalena cittena samutthitam kayakammam rupam kusalanti .
Amanta . yam kinci kusalena cittena samutthitam rupam sabbantam
kusalanti. Na hevam vattabbe .pe.
[1246] Kusalena cittena samutthitam kayakammam rupam kusalanti .
Amanta . kusalena cittena samutthitam rupayatanam kusalanti . na hevam
vattabbe .pe. kusalena cittena samutthitam kayakammam rupam kusalanti .
Amanta . kusalena cittena samutthitam saddayatanam .pe. gandhayatanam
rasayatanam photthabbayatanam .pe. pathavidhatu apodhatu tejodhatu
.pe. Vayodhatu kusalati. Na hevam vattabbe .pe.
[1247] Kusalena cittena samutthitam rupayatanam abyakatanti .
Amanta . kusalena cittena samutthitam kayakammam rupam abyakatanti .
Na hevam vattabbe .pe. kusalena cittena samutthitam saddayatanam .pe.
Gandhayatanam rasayatanam photthabbayatanam .pe. pathavidhatu apodhatu
Tejodhatu .pe. vayodhatu abyakatati . amanta . kusalena
cittena samutthitam kayakammam rupam abyakatanti. Na hevam vattabbe .pe.
[1248] Kusalena cittena samutthitam kayakammam rupam anarammanam
kusalanti . amanta . kusalena cittena samutthitam rupayatanam
anarammanam kusalanti . na hevam vattabbe .pe. kusalena cittena
samutthitam kayakammam rupam anarammanam kusalanti . amanta . kusalena
cittena samutthitam saddayatanam .pe. gandhayatanam rasayatanam
photthabbayatanam .pe. pathavidhatu apodhatu tejodhatu .pe.
Vayodhatu anarammana kusalati. Na hevam vattabbe .pe.
The Pali Tipitaka in Roman Character Volume 37 page 409-411.
https://84000.org/tipitaka/read/roman_item.php?book=37&item=1242&items=7
Classified by [Item Number] :-
http://84000.org/tipitaka/read/roman_item.php?book=37&item=1242&items=7&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=37&item=1242&items=7
Compare with The Royal Version of Thai Tipitaka :-
https://84000.org/tipitaka/read/byitem.php?book=37&item=1242&items=7
Study Atthakatha :-
https://84000.org/tipitaka/attha/attha.php?b=37&i=1242
Contents of The Tipitaka Volume 37
https://84000.org/tipitaka/read/?index_37
https://84000.org/tipitaka/english/?index_37
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
