[232] Tena kho pana samayena annataro bhikkhu tadahupavaranaya
apattim apanno hoti . athakho tassa bhikkhuno etadahosi
bhagavata pannattam na sapattikena pavaretabbanti ahancamhi
apattim apanno katham nu kho maya patipajjitabbanti . bhagavato
etamattham arocesum.
{232.1} Idha pana bhikkhave tadahupavaranaya apattim
apanno hoti . tena bhikkhave bhikkhuna ekam bhikkhum upasankamitva
ekamsam uttarasangam karitva ukkutikam nisiditva anjalim paggahetva
evamassa vacaniyo aham avuso itthannamam apattim apanno
tam patidesemiti . tena vattabbo passasiti . ama passamiti .
Ayatim samvareyyasiti.
{232.2} Idha pana bhikkhave bhikkhu tadahupavaranaya apattiya
vematiko hoti . tena bhikkhave bhikkhuna ekam bhikkhum
Upasankamitva ekamsam uttarasangam karitva ukkutikam nisiditva
anjalim paggahetva evamassa vacaniyo aham avuso itthannamaya
apattiya vematiko yada nibbematiko bhavissami tada
tam apattim patikarissamiti vatva pavaretabbam . na tveva
tappaccaya pavaranaya antarayo katabboti.
{232.3} Tena kho pana samayena annataro bhikkhu pavarayamano
apattim sarati . athakho tassa bhikkhuno etadahosi bhagavata pannattam
na sapattikena pavaretabbanti ahancamhi apattim apanno katham
nu kho maya patipajjitabbanti. Bhagavato etamattham arocesum.
{232.4} Idha pana bhikkhave bhikkhu pavarayamano apattim sarati.
Tena bhikkhave bhikkhuna samanto bhikkhu evamassa vacaniyo aham avuso
itthannamam apattim apanno ito vutthahitva tam apattim
patikarissamiti vatva pavaretabbam . na tveva tappaccaya pavaranaya
antarayo katabbo.
{232.5} Idha pana bhikkhave bhikkhu pavarayamano apattiya vematiko
hoti . tena bhikkhave bhikkhuna samanto bhikkhu evamassa vacaniyo aham
avuso itthannamaya apattiya vematiko yada nibbematiko
bhavissami tada tam apattim patikarissamiti vatva pavaretabbam .
Na tveva tappaccaya pavaranaya antarayo katabboti . tena
kho pana samayena annatarasmim avase tadahupavaranaya sabbo
sangho sabhagam apattim apanno hoti . athakho tesam
Bhikkhunam etadahosi bhagavata pannattam na sabhaga apatti
desetabba na sabhaga apatti patiggahetabbati ayanca
sabbo sangho sabhagam apattim apanno katham nu kho amhehi
patipajjitabbanti. Bhagavato etamattham arocesum.
{232.6} Idha pana bhikkhave annatarasmim avase tadahupavaranaya
sabbo sangho sabhagam apattim apanno hoti . tehi bhikkhave bhikkhuhi
eko bhikkhu samanta avasa sajjukam pahetabbo gacchavuso tam
apattim patikaritva agaccha mayam te santike tam apattim
patikarissamati . evancetam labhetha iccetam kusalam no ce labhetha
byattena bhikkhuna patibalena sangho napetabbo
{232.7} sunatu me bhante sangho ayam sabbo sangho sabhagam
apattim apanno yada annam bhikkhum suddham anapattikam passissati
tada tassa santike tam apattim patikarissatiti patva pavaretabbam .
Na tveva tappaccaya pavaranaya antarayo katabbo.
{232.8} Idha pana bhikkhave annatarasmim avase tadahupavaranaya
sabbo sangho sabhagaya apattiya vematiko hoti byattena bhikkhuna
patibalena sangho napetabbo
{232.9} sunatu me bhante sangho ayam sabbo sangho sabhagaya
apattiya vematiko yada nibbematiko bhavissati tada tam apattim
patikarissatiti vatva pavaretabbam . na tveva tappaccaya pavaranaya
antarayo katabboti.
Pathamabhanavaram nitthitam.
[233] Tena kho pana samayena annatarasmim avase
tadahupavaranaya sambahula avasika bhikkhu sannipatimsu panca
va atireka va . te na janimsu atthanne avasika bhikkhu
anagatati . te dhammasannino vinayasannino vagga samaggasannino
pavaresum . tehi pavariyamane athanne avasika bhikkhu agacchimsu
bahutara. Bhagavato etamattham arocesum.
{233.1} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va .
Te na jananti atthanne avasika bhikkhu anagatati . te
dhammasannino vinayasannino vagga samaggasannino pavarenti .
Tehi pavariyamane athanne avasika bhikkhu agacchanti bahutara .
Tehi bhikkhave bhikkhuhi puna pavaretabbam pavaritanam anapatti.
{233.2} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va. Te
na jananti atthanne avasika bhikkhu anagatati . te dhammasannino
vinayasannino vagga samaggasannino pavarenti . tehi pavariyamane
athanne avasika bhikkhu agacchanti samasama . pavarita suppavarita
avasesehi pavaretabbam pavaritanam anapatti.
{233.3} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va
Atireka va . te na jananti atthanne avasika bhikkhu
anagatati . te dhammasannino vinayasannino vagga samaggasannino
pavarenti . tehi pavariyamane athanne avasika bhikkhu
agacchanti thokatara . pavarita suppavarita avasesehi pavaretabbam
pavaritanam anapatti.
{233.4} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va. Te
na jananti atthanne avasika bhikkhu anagatati . te dhammasannino
vinayasannino vagga samaggasannino pavarenti . tehi pavaritamatte
athanne avasika bhikkhu agacchanti bahutara . tehi bhikkhave bhikkhuhi
puna pavaretabbam pavaritanam anapatti .pe. athanne avasika
bhikkhu agacchanti samasama . pavarita suppavarita tesam santike
pavaretabbam pavaritanam anapatti .pe. athanne avasika bhikkhu
agacchanti thokatara . pavarita suppavarita tesam santike pavaretabbam
pavaritanam anapatti.
{233.5} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va .
Te na jananti atthanne avasika bhikkhu anagatati . te
dhammasannino vinayasannino vagga samaggasannino pavarenti .
Tehi pavaritamatte avutthitaya parisaya athanne avasika bhikkhu
agacchanti bahutara . tehi bhikkhave bhikkhuhi puna pavaretabbam
Pavaritanam anapatti .pe. athanne avasika bhikkhu agacchanti
samasama .pe. thokatara . pavarita suppavarita tesam
santike pavaretabbam pavaritanam anapatti.
{233.6} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va .
Te na jananti atthanne avasika bhikkhu anagatati . te
dhammasannino vinayasannino vagga samaggasannino pavarenti .
Tehi pavaritamatte ekaccaya vutthitaya parisaya athanne avasika
bhikkhu agacchanti bahutara . tehi bhikkhave bhikkhuhi puna pavaretabbam
pavaritanam anapatti .pe. athanne avasika bhikkhu agacchanti
samasama .pe. thokatara . pavarita suppavarita tesam santike
pavaretabbam pavaritanam anapatti.
{233.7} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va .
Te na jananti atthanne avasika bhikkhu anagatati . te
dhammasannino vinayasannino vagga samaggasannino pavarenti .
Tehi pavaritamatte sabbaya vutthitaya parisaya athanne avasika
bhikkhu agacchanti bahutara . tehi bhikkhave bhikkhuhi puna pavaretabbam
pavaritanam anapatti .pe. athanne avasika bhikkhu agacchanti
samasama .pe. thokatara . pavarita suppavarita tesam santike
pavaretabbam pavaritanam anapatti.
Anapattipannarasakam nitthitam.
[234] Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va .
Te jananti atthanne avasika bhikkhu anagatati . te
dhammasannino vinayasannino vagga samaggasannino pavarenti .
Tehi pavariyamane athanne avasika bhikkhu agacchanti bahutara .
Tehi bhikkhave bhikkhuhi puna pavaretabbam pavaritanam apatti
dukkatassa .pe. athanne avasika bhikkhu agacchanti samasama .pe.
Thokatara . pavarita suppavarita avasesehi pavaretabbam
pavaritanam apatti dukkatassa.
{234.1} Idha pana bhikkhave annatarasmim avase tadahupavaranaya
sambahula avasika bhikkhu sannipatanti panca va atireka va. Te
jananti atthanne avasika bhikkhu anagatati . te dhammasannino
vinayasannino vagga samaggasannino pavarenti . tehi pavaritamatte
.pe. avutthitaya parisaya ekaccaya vutthitaya parisaya sabbaya
vutthitaya parisaya athanne avasika bhikkhu agacchanti bahutara
.pe. samasama .pe. thokatara . pavarita suppavarita tesam santike
pavaretabbam pavaritanam apatti dukkatassa.
Vaggasamaggasannipannarasakam nitthitam.
The Pali Tipitaka in Roman Character Volume 4 page 325-331.
https://84000.org/tipitaka/read/roman_item.php?book=4&item=232&items=3&mode=bracket
Classified by content :-
https://84000.org/tipitaka/read/roman_item.php?book=4&item=232&items=3
Compare with The Pali Tipitaka in Thai Character :-
https://84000.org/tipitaka/read/pali_item.php?book=4&item=232&items=3&mode=bracket
Compare with The Royal Version of Thai Tipitaka :-
https://84000.org/tipitaka/read/byitem.php?book=4&item=232&items=3&mode=bracket
Study Atthakatha :-
https://84000.org/tipitaka/attha/attha.php?b=4&i=232
Contents of The Tipitaka Volume 4
https://84000.org/tipitaka/read/?index_4
https://84000.org/tipitaka/english/?index_4
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
