บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
TIPITAKA Volume 41 : PALI ROMAN Abhidhamma Pitaka Vol 8 : Abhi. Pa.(2) Anulomatikapaṭṭhānaṃ pacchimaṃ
[1969] Nahetupaccayā ārammaṇe tīṇi . saṅkhittaṃ . sabbattha tīṇi. Avigate tīṇi. Evaṃ gaṇetabbaṃ. Paccanīyānulomaṃ. Paṭiccavāro niṭṭhito. Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā. Pañhāvāro. [1970] Atītārammaṇo dhammo atītārammaṇassa dhammassa hetupaccayena paccayo atītārammaṇā hetū sampayuttakānaṃ khandhānaṃ hetupaccayena paccayo paṭisandhikkhaṇe atītārammaṇā hetū sampayuttakānaṃ khandhānaṃ. [1971] Anāgatārammaṇo dhammo anāgatārammaṇassa dhammassa hetupaccayena paccayo anāgatārammaṇā hetū sampayuttakānaṃ khandhānaṃ hetupaccayena paccayo. [1972] Paccuppannārammaṇo dhammo paccuppannārammaṇassa dhammassa hetupaccayena paccayo paccuppannārammaṇā hetū sampayuttakānaṃ khandhānaṃ hetupaccayena paccayo paṭisandhikkhaṇe paccuppannārammaṇā hetū sampayuttakānaṃ khandhānaṃ hetupaccayena paccayo. [1973] Atītārammaṇo dhammo atītārammaṇassa dhammassa ārammaṇapaccayena paccayo atītaṃ viññāṇañcāyatanaṃ paccavekkhati nevasaññānāsaññāyatanaṃ paccavekkhati atītārammaṇaṃ atītaṃ iddhividhañāṇaṃ paccavekkhati cetopariyañāṇaṃ ... pubbenivāsānussatiñāṇaṃ ... Yathākammūpagañāṇaṃ paccavekkhati ariyā atītārammaṇe pahīne kilese paccavekkhanti vikkhambhite kilese ... pubbe samudāciṇṇe ... Atītārammaṇe atīte khandhe aniccato dukkhato anattato vipassanti assādenti abhinandanti taṃ ārabbha atītārammaṇo rāgo uppajjati diṭṭhi ... vicikicchā ... uddhaccaṃ domanassaṃ uppajjati atītārammaṇā atītā khandhā cetopariyañāṇassa pubbenivāsānussatiñāṇassa yathākammūpagañāṇassa āvajjanāya ārammaṇapaccayena paccayo. [1974] Atītārammaṇo dhammo anāgatārammaṇassa dhammassa ārammaṇapaccayena paccayo anāgataṃ viññāṇañcāyatanaṃ paccavekkhati nevasaññānāsaññāyatanaṃ paccavekkhati atītārammaṇaṃ anāgataṃ iddhividhañāṇaṃ paccavekkhati cetopariyañāṇaṃ ... Pubbenivāsānussatiñāṇaṃ ... Yathākammūpagañāṇaṃ ... atītārammaṇe anāgate khandhe Aniccato ... vipassati assādeti abhinandati taṃ ārabbha anāgatārammaṇo rāgo uppajjati domanassaṃ uppajjati atītārammaṇā anāgatā khandhā cetopariyañāṇassa anāgataṃsañāṇassa āvajjanāya ārammaṇapaccayena paccayo. [1975] Atītārammaṇo dhammo paccuppannārammaṇassa dhammassa ārammaṇapaccayena paccayo cetopariyañāṇena atītārammaṇa- paccuppannacittasamaṅgissa cittaṃ jānāti atītārammaṇā paccuppannā khandhā cetopariyañāṇassa āvajjanāya ārammaṇapaccayena paccayo. [1976] Anāgatārammaṇo dhammo anāgatārammaṇassa dhammassa ārammaṇapaccayena paccayo anāgatārammaṇaṃ anāgataṃ iddhividhañāṇaṃ paccavekkhati cetopariyañāṇaṃ ... anāgataṃsañāṇaṃ ... anāgatārammaṇe anāgate khandhe aniccato ... vipassati assādeti abhinandati taṃ ārabbha anāgatārammaṇo rāgo ... domanassaṃ uppajjati anāgatārammaṇā anāgatā khandhā cetopariyañāṇassa anāgataṃsañāṇassa āvajjanāya ārammaṇapaccayena paccayo. [1977] Anāgatārammaṇo dhammo atītārammaṇassa dhammassa ārammaṇapaccayena paccayo anāgatārammaṇaṃ atītaṃ iddhividhañāṇaṃ paccavekkhati cetopariyañāṇaṃ ... anāgataṃsañāṇaṃ ariyā anāgatārammaṇe pahīne kilese paccavekkhanti vikkhambhite kilese paccavekkhanti pubbe samudāciṇṇe ... anāgatārammaṇe atīte khandhe aniccato ... Vipassanti assādenti abhinnadanti taṃ ārabbha atītārammaṇo rāgo uppajjati domanassaṃ uppajjati anāgatārammaṇā atītā khandhā cetopariyañāṇassa pubbenivāsānussatiñāṇassa yathākammūpagañāṇassa āvajjanāya ārammaṇapaccayena paccayo. [1978] Anāgatārammaṇo dhammo paccuppannārammaṇassa dhammassa ārammaṇapaccayena paccayo cetopariyañāṇena anāgatārammaṇapaccuppanna- cittasamaṅgissa cittaṃ jānāti anāgatārammaṇā paccuppannā khandhā cetopariyañāṇassa āvajjanāya ārammaṇapaccayena paccayo. [1979] Paccuppannārammaṇo dhammo paccuppannārammaṇassa dhammassa ārammaṇapaccayena paccayo cetopariyañāṇena paccuppannārammaṇapaccuppannacittasamaṅgissa cittaṃ jānāti paccuppannārammaṇā paccuppannā khandhā cetopariyañāṇassa āvajjanāya ārammaṇapaccayena paccayo. [1980] Paccuppannārammaṇo dhammo atītārammaṇassa dhammassa ārammaṇapaccayena paccayo atītaṃ dibbaṃ cakkhuṃ paccavekkhati dibbaṃ sotadhātuṃ paccavekkhati paccupannārammaṇaṃ atītaṃ iddhividhañāṇaṃ paccavekkhati cetopariyañāṇaṃ ... ariyā paccuppannārammaṇe pahīne kilese paccavekkhanti vikkhambhite kilese ... pubbe samudāciṇṇe ... Paccuppannārammaṇe atīte khandhe aniccato ... vipassanti assādenti Abhinandanti taṃ ārabbha atītārammaṇo rāgo ... domanassaṃ uppajjati paccuppannārammaṇā atītā khandhā cetopariyañāṇassa pubbenivāsānussatiñāṇassa yathākammūpagañāṇassa āvajjanāya ārammaṇapaccayena paccayo. [1981] Paccuppannārammaṇo dhammo anāgatārammaṇassa dhammassa ārammaṇapaccayena paccayo anāgataṃ dibbaṃ cakkhuṃ paccavekkhati dibbaṃ sotadhātuṃ paccavekkhati paccuppannārammaṇaṃ anāgataṃ iddhividhañāṇaṃ paccavekkhati cetopariyañāṇaṃ ... paccuppannārammaṇe anāgate khandhe aniccato ... vipassati .pe. taṃ ārabbha anāgatārammaṇo rāgo ... Domanassaṃ uppajjati paccuppannārammaṇā anāgatā khandhā cetopariyañāṇassa anāgataṃsañāṇassa āvajjanāya ārammaṇapaccayena paccayo. [1982] Atītārammaṇo dhammo atītārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: atītaṃ viññāṇañcāyatanaṃ garuṃ katvā paccavekkhati nevasaññānāsaññāyatanaṃ garuṃ katvā paccavekkhati atītārammaṇaṃ atītaṃ iddhividhañāṇaṃ garuṃ katvā paccavekkhati cetopariyañāṇaṃ ... Pubbenivāsānussatiñāṇaṃ ... yathākammūpagañāṇaṃ garuṃ katvā paccavekkhati atītārammaṇe atīte khandhe garuṃ katvā paccavekkhati ... assādeti abhinandati taṃ garuṃ katvā atītārammaṇo rāgo uppajjati diṭṭhi Uppajjati . sahajātādhipati: atītārammaṇādhipati sampayuttakānaṃ khandhānaṃ adhipatipaccayena paccayo. [1983] Atītārammaṇo dhammo anāgatārammaṇassa dhammassa adhipatipaccayena paccayo . ārammaṇādhipati: anāgataṃ viññāṇañcāyatanaṃ garuṃ katvā ... nevasaññānāsaññāyatanaṃ ... atītārammaṇaṃ anāgataṃ iddhividhañāṇaṃ garuṃ katvā ... cetopariyañāṇaṃ ... Pubbenivāsānussati- ñāṇaṃ ... yathākammūpagañāṇaṃ ... atītārammaṇe anāgate khandhe garuṃ katvā assādeti abhinandati taṃ garuṃ katvā anāgatārammaṇo rāgo uppajjati diṭṭhi uppajjati. [1984] Anāgatārammaṇo dhammo anāgatārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: anāgatārammaṇaṃ anāgataṃ iddhividhañāṇaṃ garuṃ katvā ... Cetopariyañāṇaṃ ... anāgataṃsañāṇaṃ garuṃ katvā paccavekkhati anāgatārammaṇe anāgate khandhe garuṃ katvā assādeti abhinandati taṃ garuṃ katvā anāgatārammaṇo rāgo uppajjati diṭṭhi uppajjati . Sahajātādhipati: anāgatārammaṇādhipati sampayuttakānaṃ khandhānaṃ adhipatipaccayena paccayo. [1985] Anāgatārammaṇo dhammo atītārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: anāgatārammaṇaṃ atītaṃ iddhividhañāṇaṃ garuṃ katvā ... Cetopariyañāṇaṃ ... anāgataṃsañāṇaṃ garuṃ katvā ... anāgatārammaṇe atīte khandhe garuṃ katvā assādeti abhinandati taṃ garuṃ katvā atītārammaṇo rāgo uppajjati diṭṭhi uppajjati. [1986] Paccuppannārammaṇo dhammo paccuppannārammaṇassa dhammassa adhipatipaccayena paccayo . sahajātādhipati: paccuppannārammaṇādhipati sampayuttakānaṃ khandhānaṃ adhipatipaccayena paccayo. [1987] Paccuppannārammaṇo dhammo atītārammaṇassa dhammassa adhipatipaccayena paccayo . ārammaṇādhipati: atītaṃ dibbaṃ cakkhuṃ garuṃ katvā paccavekkhati dibbaṃ sotadhātuṃ garuṃ katvā paccavekkhati paccuppannārammaṇaṃ atītaṃ iddhividhañāṇaṃ garuṃ katvā ... cetopariyañāṇaṃ garuṃ katvā ... paccuppannārammaṇe atīte khandhe garuṃ katvā assādeti abhinandati taṃ garuṃ katvā atītārammaṇo rāgo uppajjati diṭṭhi uppajjati. [1988] Paccuppannārammaṇo dhammo anāgatārammaṇassa dhammassa adhipatipaccayena paccayo . ārammaṇādhipati: anāgataṃ dibbaṃ cakkhuṃ garuṃ katvā paccavekkhati dibbaṃ sotadhātuṃ garuṃ katvā ... Paccuppannārammaṇaṃ anāgataṃ iddhividhañāṇaṃ garuṃ katvā paccuppannārammaṇe anāgate khandhe garuṃ katvā assādeti abhinandati taṃ garuṃ katvā anāgatārammaṇo rāgo uppajjati diṭṭhi uppajjati. [1989] Atītārammaṇo dhammo atītārammaṇassa dhammassa anantarapaccayena Paccayo purimā purimā atītārammaṇā khandhā pacchimānaṃ pacchimānaṃ atītārammaṇānaṃ khandhānaṃ anantarapaccayena paccayo. [1990] Atītārammaṇo dhammo anāgatārammaṇassa dhammassa anantarapaccayena paccayo atītārammaṇaṃ bhavaṅgaṃ anāgatārammaṇāya āvajjanāya anantarapaccayena paccayo. [1991] Atītārammaṇo dhammo paccuppannārammaṇassa dhammassa anantarapaccayena paccayo atītārammaṇaṃ cuticittaṃ paccuppannārammaṇassa paṭisandhicittassa anantarapaccayena paccayo atītārammaṇaṃ bhavaṅgaṃ paccuppannārammaṇāya āvajjanāya anantarapaccayena paccayo. [1992] Anāgatārammaṇo dhammo anāgatārammaṇassa dhammassa anantarapaccayena paccayo purimā purimā anāgatārammaṇā khandhā pacchimānaṃ pacchimānaṃ anāgatārammaṇānaṃ khandhānaṃ anantarapaccayena paccayo. [1993] Anāgatārammaṇo dhammo atītārammaṇassa dhammassa anantarapaccayena paccayo anāgatārammaṇaṃ iddhividhañāṇaṃ atītārammaṇassa vuṭṭhānassa cetopariyañāṇaṃ atītārammaṇassa vuṭṭhānassa anāgataṃsañāṇaṃ atītārammaṇassa vuṭṭhānassa anāgatārammaṇā khandhā atītārammaṇassa vuṭṭhānassa anantarapaccayena paccayo. [1994] Paccuppannārammaṇo dhammo paccuppannārammaṇassa Dhammassa anantarapaccayena paccayo purimā purimā paccuppannārammaṇā khandhā pacchimānaṃ pacchimānaṃ paccuppannārammaṇānaṃ khandhānaṃ anantarapaccayena paccayo paccuppannārammaṇaṃ paṭisandhicittaṃ paccuppannārammaṇassa bhavaṅgassa paccuppannārammaṇaṃ bhavaṅgaṃ paccuppannārammaṇassa bhavaṅgassa anantarapaccayena paccayo. [1995] Paccuppannārammaṇo dhammo atītārammaṇassa dhammassa anantarapaccayena paccayo paccuppannārammaṇaṃ paṭisandhicittaṃ atītārammaṇassa bhavaṅgassa paccuppannārammaṇaṃ bhavaṅgaṃ atītārammaṇassa bhavaṅgassa paccuppannārammaṇā khandhā atītārammaṇassa vuṭṭhānassa anantarapaccayena paccayo. [1996] Atītārammaṇo dhammo atītārammaṇassa dhammassa samanantarapaccayena paccayo anantarasadisaṃ. [1997] Atītārammaṇo dhammo atītārammaṇassa dhammassa sahajātapaccayena paccayo aññamaññapaccayena paccayo nissayapaccayena paccayo. Tayopi paccayā paṭiccavārasadisā. [1998] Atītārammaṇo dhammo atītārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: atītārammaṇā aniccānupassanā dukkhānupassanā anattānupassanā atītārammaṇāya aniccānupassanāya dukkhānupassanāya anattānupassanāya upanissayapaccayena paccayo. [1999] Atītārammaṇo dhammo anāgatārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: atītārammaṇā aniccānupassanā dukkhānupassanā anattānupassanā anāgatārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2000] Atītārammaṇo dhammo paccuppannārammaṇassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: atītārammaṇā aniccānupassanā dukkhānupassanā anattānupassanā paccuppannārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2001] Anāgatārammaṇo dhammo anāgatārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: anāgatārammaṇā aniccānupassanā dukkhānupassanā anattānupassanā anāgatārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2002] Anāgatārammaṇo dhammo atītārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: anāgatārammaṇā aniccānupassanā dukkhānupassanā anattānupassanā atītārammaṇāya Aniccānupassanāya dukkhānupassanāya anattānupassanāya upanissayapaccayena paccayo. [2003] Anāgatārammaṇo dhammo paccuppannārammaṇassa dhammassa upanissayapaccayena paccayo . pakatūpanissayo: anāgatārammaṇā aniccānupassanā dukkhānupassanā anattānupassanā paccuppannārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2004] Paccuppannārammaṇo dhammo paccuppannārammaṇassa dhammassa ... anantarūpanissayo pakatūpanissayo . pakatūpanissayo: paccuppannārammaṇā aniccānupassanā dukkhānupassanā anattānupassanā paccuppannārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2005] Paccuppannārammaṇo dhammo atītārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: paccuppannārammaṇā aniccānupassanā dukkhānupassanā anattānupassanā atītārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2006] Paccuppannārammaṇo dhammo anāgatārammaṇassa dhammassa upanissayapaccayena paccayo ārammaṇūpanissayo anantarūpanissayo Pakatūpanissayo . pakatūpanissayo: paccuppannārammaṇā aniccānupassanā dukkhānupassanā anattānupassanā anāgatārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2007] Atītārammaṇo dhammo atītārammaṇassa dhammassa āsevanapaccayena paccayo purimā purimā atītārammaṇā khandhā pacchimānaṃ pacchimānaṃ atītārammaṇānaṃ khandhānaṃ āsevanapaccayena paccayo. [2008] Anāgatārammaṇo dhammo anāgatārammaṇassa dhammassa āsevanapaccayena paccayo purimā purimā anāgatārammaṇā khandhā pacchimānaṃ pacchimānaṃ anāgatārammaṇānaṃ khandhānaṃ āsevanapaccayena paccayo. [2009] Paccuppannārammaṇo dhammo paccuppannārammaṇassa dhammassa āsevanapaccayena paccayo purimā purimā paccuppannārammaṇā khandhā pacchimānaṃ pacchimānaṃ paccuppannārammaṇānaṃ khandhānaṃ āsevanapaccayena paccayo. [2010] Atītārammaṇo dhammo atītārammaṇassa dhammassa kammapaccayena paccayo sahajātā nānākhaṇikā . sahajātā: atītārammaṇā cetanā sampayuttakānaṃ khandhānaṃ kammapaccayena paccayo . Nānākhaṇikā: atītārammaṇā cetanā vipākānaṃ atītārammaṇānaṃ khandhānaṃ kammapaccayena paccayo. [2011] Atītārammaṇo dhammo anāgatārammaṇassa dhammassa kammapaccayena paccayo . nānākhaṇikā: atītārammaṇā cetanā vipākānaṃ anāgatārammaṇānaṃ khandhānaṃ kammapaccayena paccayo. [2012] Atītārammaṇo dhammo paccuppannārammaṇassa dhammassa kammapaccayena paccayo . nānākhaṇikā: atītārammaṇā cetanā vipākānaṃ paccuppannārammaṇānaṃ khandhānaṃ kammapaccayena paccayo. [2013] Anāgatārammaṇo dhammo anāgatārammaṇassa dhammassa kammapaccayena paccayo sahajātā nānākhaṇikā . sahajātā: anāgatārammaṇā cetanā sampayuttakānaṃ khandhānaṃ kammapaccayena paccayo . nānākhaṇikā: anāgatārammaṇā cetanā vipākānaṃ anāgatārammaṇānaṃ khandhānaṃ kammapaccayena paccayo. [2014] Anāgatārammaṇo dhammo atītārammaṇassa dhammassa kammapaccayena paccayo . nānākhaṇikā: anāgatārammaṇā cetanā vipākānaṃ atītārammaṇānaṃ khandhānaṃ kammapaccayena paccayo. [2015] Anāgatārammaṇo dhammo paccuppannārammaṇassa dhammassa kammapaccayena paccayo . nānākhaṇikā: anāgatārammaṇā cetanā vipākānaṃ paccuppannārammaṇānaṃ khandhānaṃ kammapaccayena paccayo. [2016] Paccuppannārammaṇo dhammo paccuppannārammaṇassa dhammassa kammapaccayena paccayo sahajātā nānākhaṇikā . Sahajātā: paccuppannārammaṇā cetanā sampayuttakānaṃ khandhānaṃ kammapaccayena paccayo . nānākhaṇikā: paccuppannārammaṇā cetanā vipākānaṃ paccuppannārammaṇānaṃ khandhānaṃ kammapaccayena paccayo. [2017] Paccuppannārammaṇo dhammo atītārammaṇassa dhammassa kammapaccayena paccayo . nānākhaṇikā: paccuppannārammaṇā cetanā vipākānaṃ atītārammaṇānaṃ khandhānaṃ kammapaccayena paccayo. [2018] Paccuppannārammaṇo dhammo anāgatārammaṇassa dhammassa kammapaccayena paccayo . nānākhaṇikā: paccuppannārammaṇā cetanā vipākānaṃ anāgatārammaṇānaṃ khandhānaṃ kammapaccayena paccayo. [2019] Atītārammaṇo dhammo atītārammaṇassa dhammassa vipākapaccayena paccayo āhārapaccayena paccayo indriyapaccayena paccayo jhānapaccayena paccayo maggapaccayena paccayo sampayuttapaccayena paccayo atthipaccayena paccayo natthipaccayena paccayo vigatapaccayena paccayo avigatapaccayena paccayo. [2020] Hetuyā tīṇi ārammaṇe nava adhipatiyā satta anantare satta samanantare satta sahajāte aññamaññe nissaye tīṇi upanissaye nava āsevane tīṇi kamme nava vipāke tīṇi āhāre tīṇi indriye jhāne magge sampayutte tīṇi atthiyā tīṇi natthiyā satta vigate satta avigate Tīṇi. Evaṃ gaṇetabbaṃ. Anulomaṃ. [2021] Atītārammaṇo dhammo atītārammaṇassa dhammassa ārammaṇapaccayena paccayo sahajātapaccayena paccayo upanissaya- paccayena paccayo kammapaccayena paccayo. [2022] Atītārammaṇo dhammo anāgatārammaṇassa dhammassa ārammaṇapaccayena paccayo kammapaccayena paccayo. [2023] Atītārammaṇo dhammo paccuppannārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2024] Anāgatārammaṇo dhammo anāgatārammaṇassa dhammassa ārammaṇapaccayena paccayo sahajātapaccayena paccayo upanissayapaccayena paccayo kammapaccayena paccayo. [2025] Anāgatārammaṇo dhammo atītārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2026] Anāgatārammaṇo dhammo paccuppannārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2027] Paccuppannārammaṇo dhammo paccuppannārammaṇassa Dhammassa ārammaṇapaccayena paccayo sahajātapaccayena paccayo upanissayapaccayena paccayo kammapaccayena paccayo. [2028] Paccuppannārammaṇo dhammo atītārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2029] Paccuppannārammaṇo dhammo anāgatārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2030] Nahetuyā nava naārammaṇe nava naadhipatiyā nava naanantare nava nasamanantare nava . saṅkhittaṃ . sabbattha nava novigate nava noavigate nava. Evaṃ gaṇetabbaṃ. Paccanīyaṃ. [2031] Hetupaccayā naārammaṇe tīṇi ... Naadhipatiyā naanantare nasamanantare naupanissaye napurejāte napacchājāte naāsevane nakamme navipāke tīṇi sabbattha tīṇi . saṅkhittaṃ . nonatthiyā novigate tīṇi. Evaṃ gaṇetabbaṃ. Anulomapaccanīyaṃ. [2032] Nahetupaccayā ārammaṇe nava ... adhipatiyā satta anantare satta samanantare satta sahajāte tīṇi aññamaññe tīṇi nissaye tīṇi upanissaye nava āsevane tīṇi kamme nava vipāke Tīṇi āhāre indriye jhāne magge sampayutte atthiyā tīṇi natthiyā satta vigate satta avigate tīṇi. Evaṃ gaṇetabbaṃ. Paccanīyānulomaṃ. Pañhāvāro niṭṭhito. Atītārammaṇattikaṃ ekūnavīsatimaṃ niṭṭhitaṃ -------- ajjhattattikaṃ paṭiccavāro [2033] Ajjhattaṃ dhammaṃ paṭicca ajjhatto dhammo uppajjati hetupaccayā ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ... Khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca tayo mahābhūtā mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. [2034] Bahiddhā dhammaṃ paṭicca bahiddhā dhammo uppajjati hetupaccayā bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe bahiddhā ekaṃ Khandhaṃ paṭicca tayo khandhā kaṭattā ca rūpaṃ dve khandhe paṭicca dve khandhā khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca tayo mahābhūtā mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. [2035] Ajjhattaṃ dhammaṃ paṭicca ajjhatto dhammo uppajjati ārammaṇapaccayā ajjhattaṃ ekaṃ khandhaṃ paṭicca tayo khandhā dve khandhe paṭicca paṭisandhikkhaṇe ajjhattaṃ ekaṃ khandhaṃ paṭicca tayo khandhā vatthuṃ paṭicca khandhā. [2036] Bahiddhā dhammaṃ paṭicca bahiddhā dhammo uppajjati ārammaṇapaccayā bahiddhā ekaṃ khandhaṃ paṭicca tayo khandhā dve khandhe ... Paṭisandhikkhaṇe vatthuṃ paṭicca khandhā. [2037] Ajjhattaṃ dhammaṃ paṭicca ajjhatto dhammo uppajjati adhipatipaccayā ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ekaṃ mahābhūtaṃ paṭicca mahābhūte paṭicca cittasamuṭṭhānaṃ rūpaṃ upādārūpaṃ. [2038] Bahiddhā dhammaṃ paṭicca bahiddhā dhammo ... Adhipatipaccayā bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ekaṃ mahābhūtaṃ paṭicca mahābhūte paṭicca cittasamuṭṭhānaṃ rūpaṃ upādārūpaṃ. [2039] Ajjhattaṃ dhammaṃ paṭicca ajjhatto dhammo ... Anantarapaccayā Paccayā samanantarapaccayā sahajātapaccayā ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ... khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca tayo mahābhūtā mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ āhārasamuṭṭhānaṃ ... Utusamuṭṭhānaṃ ... asaññasattānaṃ ekaṃ mahābhūtaṃ paṭicca mahābhūte paṭicca kaṭattārūpaṃ upādārūpaṃ. [2040] Bahiddhā dhammaṃ paṭicca bahiddhā dhammo uppajjati sahajātapaccayā bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe bahiddhā ekaṃ khandhaṃ paṭicca tayo khandhā kaṭattā ca rūpaṃ dve khandhe ... Khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ bāhiraṃ ... Āhārasamuṭṭhānaṃ ... utusamuṭṭhānaṃ ... asaññasattānaṃ ekaṃ mahābhūtaṃ paṭicca mahābhūte paṭicca kaṭattārūpaṃ upādārūpaṃ. [2041] Ajjhattaṃ dhammaṃ paṭicca ajjhatto dhammo uppajjati aññamaññapaccayā nissayapaccayā upanissayapaccayā purejātapaccayā āsevanapaccayā purejātepi āsevanepi paṭisandhi natthi . Kammapaccayā vipākapaccayā āhārapaccayā indriyapaccayā jhānapaccayā Maggapaccayā sampayuttapaccayā vippayuttapaccayā atthipaccayā natthipaccayā vigatapaccayā avigatapaccayā. [2042] Hetuyā dve ārammaṇe dve . saṅkhittaṃ . Avigate dve. Anulomaṃ. [2043] Ajjhattaṃ dhammaṃ paṭicca ajjhatto dhammo uppajjati nahetupaccayā ahetukaṃ ajjhattaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ahetukapaṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ ... Āhārasamuṭṭhānaṃ ... Utusamuṭṭhānaṃ ... asaññasattānaṃ ekaṃ mahābhūtaṃ ... mahābhūte paṭicca kaṭattārūpaṃ upādārūpaṃ vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. [2044] Bahiddhā dhammaṃ paṭicca bahiddhā dhammo uppajjati nahetupaccayā ahetukaṃ bahiddhā ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ahetukapaṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca bāhiraṃ ... āhārasamuṭṭhānaṃ ... utusamuṭṭhānaṃ ... Asaññasattānaṃ ekaṃ mahābhūtaṃ paṭicca vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. [2045] Ajjhattaṃ dhammaṃ paṭicca ajjhatto dhammo uppajjati Naārammaṇapaccayā ajjhatte khandhe paṭicca cittasamuṭṭhānaṃ rūpaṃ paṭisandhikkhaṇe ajjhatte khandhe paṭicca kaṭattārūpaṃ khandhe paṭicca vatthu ekaṃ mahābhūtaṃ paṭicca āhārasamuṭṭhānaṃ ... utusamuṭṭhānaṃ ... Asaññasattānaṃ ekaṃ mahābhūtaṃ paṭicca. [2046] Bahiddhā dhammaṃ paṭicca bahiddhā dhammo uppajjati naārammaṇapaccayā bahiddhā khandhe paṭicca cittasamuṭṭhānaṃ rūpaṃ paṭisandhikkhaṇe bahiddhā khandhe paṭicca kaṭattārūpaṃ khandhe paṭicca vatthu ekaṃ mahābhūtaṃ ... Bāhiraṃ ... Āhāra ... Utu ... Asaññasattānaṃ .... [2047] Ajjhattaṃ dhammaṃ paṭicca ajjhatto dhammo uppajjati naadhipatipaccayā .pe. anulomasahajātasadisaṃ ninnākaraṇaṃ . Naanantarapaccayā nasamanantarapaccayā naaññamaññapaccayā naupanissayapaccayā napurejātapaccayā arūpe ajjhattaṃ ekaṃ khandhaṃ paṭicca .pe. ajjhatte khandhe paṭicca cittasamuṭṭhānaṃ rūpaṃ paṭisandhikkhaṇe ajjhattaṃ ekaṃ khandhaṃ paṭicca tayo khandhā kaṭattā ca rūpaṃ dve khandhe ... khandhe paṭicca vatthu vatthuṃ paṭicca khandhā ekaṃ mahābhūtaṃ paṭicca āhāra ... Utu ... Asaññasattānaṃ .... [2048] Bahiddhā dhammaṃ paṭicca bahiddhā dhammo uppajjati napurejātapaccayā arūpe bahiddhā ekaṃ khandhaṃ paṭicca dve khandhe ... Bahiddhā khandhe paṭicca cittasamuṭṭhānaṃ rūpaṃ paṭisandhikkhaṇe paripuṇṇaṃ . Ekaṃ mahābhūtaṃ ... Bāhiraṃ ... Āhāra ... Utu ... Asaññasattānaṃ .... [2049] Ajjhattaṃ dhammaṃ paṭicca ... napacchājātapaccayā naāsevanapaccayā nakammapaccayā ajjhatte khandhe paṭicca ajjhattā cetanā āhārasamuṭṭhānaṃ ... Utusamuṭṭhānaṃ .... [2050] Bahiddhā dhammaṃ paṭicca bahiddhā dhammo ... Nakammapaccayā bahiddhā khandhe paṭicca bahiddhā cetanā bāhiraṃ ... Āhārasamuṭṭhānaṃ ... Utusamuṭṭhānaṃ .... [2051] Ajjhattaṃ dhammaṃ paṭicca ... navipākapaccayā paṭisandhi natthi. Naāhārapaccayā utu ... Asaññasattānaṃ .... [2052] Bahiddhā dhammaṃ paṭicca ... Naāhārapaccayā bāhiraṃ ... Utu ... Asaññasattānaṃ .... [2053] Ajjhattaṃ dhammaṃ paṭicca ... naindriyapaccayā āhārasamuṭṭhānaṃ ... utusamuṭṭhānaṃ ... asaññasattānaṃ mahābhūte paṭicca rūpajīvitindriyaṃ. [2054] Bahiddhā dhammaṃ paṭicca ... Naindriyapaccayā bāhiraṃ ... Āhārasamuṭṭhānaṃ ... utusamuṭṭhānaṃ ... asaññasattānaṃ mahābhūte paṭicca rūpajīvitindriyaṃ. [2055] Ajjhattaṃ dhammaṃ paṭicca ajjhatto dhammo ... Najhānapaccayā pañcaviññāṇa ... āhārasamuṭṭhānaṃ ... Utusamuṭṭhānaṃ ... Asaññasattānaṃ .... [2056] Bahiddhā dhammaṃ paṭicca bahiddhā dhammo ... Najhānapaccayā Pañcaviññāṇa ... bāhiraṃ ... āhārasamuṭṭhānaṃ ... Utusamuṭṭhānaṃ ... Asaññasattānaṃ .... [2057] Ajjhattaṃ dhammaṃ paṭicca ... namaggapaccayā nahetusadisaṃ moho natthi . nasampayuttapaccayā navippayuttapaccayā arūpe āhārasamuṭṭhānaṃ ... Utusamuṭṭhānaṃ ... Asaññasattānaṃ .... [2058] Bahiddhā dhammaṃ paṭicca ... navippayuttapaccayā arūpe bāhiraṃ ... āhārasamuṭṭhānaṃ ... utusamuṭṭhānaṃ ... Asaññasattānaṃ ... Nonatthipaccayā novigatapaccayā. [2059] Nahetuyā dve naārammaṇe dve naadhipatiyā dve naanantare dve nasamanantare dve . saṅkhittaṃ . sabbattha dve novigate dve. Evaṃ gaṇetabbaṃ. Paccanīyaṃ. [2060] Hetupaccayā naārammaṇe dve . saṅkhittaṃ . Navipāke nasampayutte nonatthiyā novigate dve. Evaṃ gaṇetabbaṃ. Anulomapaccanīyaṃ. [2061] Nahetupaccayā ārammaṇe dve ... anantare dve. Saṅkhittaṃ. Magge dve avigate dve. Evaṃ gaṇetabbaṃ. Paccanīyānulomaṃ. Paṭiccavāro niṭṭhito. Sahajātavāro paṭiccavārasadiso. Paccayavāro [2062] Ajjhattaṃ dhammaṃ paccayā ajjhatto dhammo uppajjati hetupaccayā ajjhattaṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... paṭisandhikkhaṇe paripuṇṇaṃ. Ekaṃ mahābhūtaṃ ... Vatthuṃ paccayā ajjhattā khandhā. [2063] Bahiddhā dhammaṃ paccayā bahiddhā dhammo uppajjati hetupaccayā bahiddhā ekaṃ khandhaṃ ... paṭisandhikkhaṇe ekaṃ mahābhūtaṃ ... Vatthuṃ paccayā bahiddhā khandhā. [2064] Ajjhattaṃ dhammaṃ paccayā ajjhatto dhammo uppajjati ārammaṇapaccayā paṭiccavārasadisaṃ . cakkhāyatanaṃ paccayā cakkhuviññāṇaṃ kāyāyatanaṃ ... Vatthuṃ paccayā ajjhattā khandhā. [2065] Bahiddhā dhammaṃ paccayā bahiddhā dhammo ... Paṭiccavārasadisaṃ. Cakkhāyatanaṃ ... kāyāyatanaṃ ... vatthuṃ paccayā bahiddhā khandhā. [2066] Ajjhattaṃ dhammaṃ paccayā ajjhatto dhammo uppajjati adhipatipaccayā vatthu atirekaṃ paṭiccavārasadisaṃ . anantarapaccayā samanantarapaccayā sahajātapaccayā sahajātavāre paripuṇṇā mahābhūte paccayā mahābhūtānaṃ khandhānañca pacchā pañcāyatanañca vatthu ca kātabbā . aññamaññapaccayā nissayapaccayā . Saṅkhittaṃ. Avigatapaccayā. [2067] Hetuyā dve ārammaṇe. Saṅkhittaṃ. Avigate dve. Anulomaṃ. [2068] Ajjhattaṃ dhammaṃ paccayā ajjhatto dhammo uppajjati nahetupaccayā ahetukaṃ ajjhattaṃ ekaṃ khandhaṃ ... ahetukapaṭisandhikkhaṇe khandhe paccayā vatthu vatthuṃ paccayā khandhā ekaṃ mahābhūtaṃ ... Āhāra ... Utu ... asaññasattānaṃ ... cakkhāyatanaṃ ... kāyāyatanaṃ ... Vatthuṃ paccayā ahetukā ajjhattā khandhā vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. [2069] Bahiddhā dhammaṃ paccayā bahiddhā dhammo ... Nahetupaccayā pavatti paṭisandhipi mahābhūtāpi kātabbā . cakkhāyatanaṃ ... Kāyāyatanaṃ ... vatthuṃ paccayā ahetukā bahiddhā khandhā vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho .pe. naārammaṇapaccayā naadhipatipaccayā sahajātasadisaṃ . naanantarapaccayā nasamanantarapaccayā naaññamañña- paccayā naupanissayapaccayā napurejātapaccayā paṭiccavārasadisaṃ . Napacchājātapaccayā naāsevanapaccayā nakammapaccayā . saṅkhittaṃ . Navippayuttapaccayā paṭiccavārapaccanīye vippayuttasadisaṃ . Nonatthipaccayā novigatapaccayā. [2070] Nahetuyā dve naārammaṇe dve . saṅkhittaṃ . Novigate dve. Paccanīyaṃ. [2071] Hetupaccayā naārammaṇe dve ... naadhipatiyā dve .pe. Navipāke nasampayutte nonatthiyā novigate dve. Anulomapaccanīyaṃ. [2072] Nahetupaccayā ārammaṇe dve .pe. avigate dve. Paccanīyānulomaṃ. Nissayavāro paccayavārasadiso saṃsaṭṭhavāropi sampayuttavāropi vitthāretabbo. Pañhāvāro [2073] Ajjhatto dhammo ajjhattassa dhammassa hetupaccayena paccayo ajjhattā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo paṭisandhikkhaṇe .... [2074] Bahiddhā dhammo bahiddhā dhammassa hetupaccayena paccayo bahiddhā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayo paṭisandhikkhaṇe .... [2075] Ajjhatto dhammo ajjhattassa dhammassa ārammaṇa- paccayena paccayo dānaṃ datvā sīlaṃ samādiyitvā uposathakammaṃ katvā taṃ paccavekkhati pubbe suciṇṇāni ... jhānā vuṭṭhahitvā ... Ariyā maggā vuṭṭhahitvā maggaṃ paccavekkhanti phalaṃ paccavekkhanti pahīne kilese paccavekkhanti vikkhambhite kilese paccavekkhanti pubbe samudāciṇṇe kilese jānanti ajjhattaṃ cakkhuṃ ... kāyaṃ rūpe ... Phoṭṭhabbe vatthuṃ ... Ajjhatte khandhe aniccato dukkhato anattato vipassanti assādenti abhinandanti taṃ ārabbha rāgo ... domanassaṃ uppajjati dibbena cakkhunā rūpaṃ ... dibbāya sotadhātuyā saddaṃ suṇāti ākāsānañcāyatanaṃ viññāṇañcāyatanassa ārammaṇapaccayena paccayo ākiñcaññāyatanaṃ nevasaññānāsaññāyatanassa ārammaṇapaccayena paccayo rūpāyatanaṃ ... phoṭṭhabbāyatanaṃ kāyaviññāṇassa ārammaṇapaccayena paccayo ajjhattā khandhā iddhividhañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2076] Ajjhatto dhammo bahiddhā dhammassa ārammaṇapaccayena paccayo paro ajjhattaṃ cakkhuṃ . saṅkhittaṃ . vatthuṃ ... ajjhatte khandhe aniccato dukkhato anattato vipassati assādeti abhinandati taṃ ārabbha rāgo ... domanassaṃ uppajjati dibbena cakkhunā rūpaṃ ... Dibbāya sotadhātuyā saddhaṃ ... cetopariyañāṇena ajjhattacittasamaṅgissa cittaṃ jānāti ajjhattaṃ rūpāyatanaṃ bahiddhā cakkhuviññāṇassa ajjhattaṃ phoṭṭhabbāyatanaṃ bahiddhā kāyaviññāṇassa ārammaṇapaccayena paccayo ajjhattā khandhā iddhividhañāṇassa Cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2077] Bahiddhā dhammo bahiddhā dhammassa ārammaṇapaccayena paccayo paro dānaṃ datvā sīlaṃ ... uposathakammaṃ ... Taṃ paccavekkhati pubbe suciṇṇāni paccavekkhati jhānā vuṭṭhahitvā ... ariyā maggā vuṭṭhahitvā maggaṃ paccavekkhanti phalaṃ ... nibbānaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo ariyā pahīne kilese paccavekkhanti {2077.1} vikkhambhite kilese ... Pubbe samudāciṇṇe ... Paro bahiddhā cakkhuṃ ... vatthuṃ ... bahiddhā khandhe aniccato ... Domanassaṃ uppajjati dibbena cakkhunā rūpaṃ ... dibbāya sotadhātuyā saddaṃ ... Cetopariyañāṇena bahiddhā cittasamaṅgissa ... ākāsānañcāyatanaṃ viññāṇañcāyatanassa ārammaṇapaccayena paccayo ākiñcaññāyatanaṃ nevasaññānāsaññāyatanassa ārammaṇapaccayena paccayo bahiddhā khandhā iddhividhañāṇassa cetopariyañāṇassa āvajjanāya ārammaṇapaccayena paccayo. [2078] Bahiddhā dhammo ajjhattassa dhammassa ārammaṇapaccayena paccayo ariyā nibbānaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo bahiddhā cakkhuṃ ... vatthuṃ ... bahiddhā khandhe aniccato ... Domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti cetopariyañāṇena bahiddhā cittasamaṅgissa cittaṃ jānāti bahiddhā rūpāyatanaṃ ajjhattassa cakkhuviññāṇassa bahiddhā phoṭṭhabbāyatanaṃ ajjhattassa kāyaviññāṇassa bahiddhā khandhā iddhividhañāṇassa cetopariyañāṇassa pubbenivāsānussati- ñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2079] Ajjhatto dhammo ajjhattassa dhammassa adhipatipaccayena paccayo ārammaṇādhipati sahajātādhipati . ārammaṇādhipati: dānaṃ datvā sīlaṃ ... uposathakammaṃ ... taṃ garuṃ katvā paccavekkhati pubbe suciṇṇāni garuṃ katvā ... jhānā vuṭṭhahitvā jhānaṃ garuṃ katvā ... ariyā maggā vuṭṭhahitvā maggaṃ garuṃ katvā ... Phalaṃ garuṃ katvā paccavekkhanti ajjhattaṃ cakkhuṃ ... Vatthuṃ ... Ajjhatte khandhe garuṃ katvā assādeti abhinandati taṃ garuṃ katvā rāgo ... Diṭṭhi uppajjati . sahajātādhipati: ajjhattādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. [2080] Ajjhatto dhammo bahiddhā dhammassa adhipatipaccayena paccayo . ārammaṇādhipati: paro ajjhattaṃ cakkhuṃ ... vatthuṃ ... Ajjhatte khandhe garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati. [2081] Bahiddhā dhammo bahiddhā dhammassa adhipatipaccayena paccayo ārammaṇādhipati sahajātādhipati . ārammaṇādhipati: paro dānaṃ datvā sīlaṃ ... uposathakammaṃ ... taṃ garuṃ katvā ... Pubbe suciṇṇāni garuṃ katvā ... jhānā vuṭṭhahitvā ... ariyā maggā vuṭṭhahitvā maggaṃ garuṃ katvā ... phalaṃ garuṃ katvā ... Nibbānaṃ gotrabhussa vodānassa maggassa phalassa adhipatipaccayena paccayo bahiddhā cakkhuṃ ... vatthuṃ ... bahiddhā khandhe garuṃ katvā assādeti abhinandati taṃ garuṃ katvā rāgo ... diṭṭhi uppajjati. Sahajātādhipati: bahiddhādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. [2082] Bahiddhā dhammo ajjhattassa dhammassa adhipatipaccayena paccayo . ārammaṇādhipati: ariyā nibbānaṃ garuṃ katvā paccavekkhanti nibbānaṃ gotrabhussa vodānassa maggassa phalassa adhipatipaccayena paccayo bahiddhā cakkhuṃ ... Vatthuṃ ... Bahiddhā khandhe garuṃ katvā assādeti abhinandati taṃ garuṃ katvā rāgo ... Diṭṭhi uppajjati. [2083] Ajjhatto dhammo ajjhattassa dhammassa anantarapaccayena paccayo purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ anantarapaccayena paccayo anulomaṃ gotrabhussa anulomaṃ vodānassa gotrabhu maggassa vodānaṃ maggassa maggo phalassa .pe. anulomaṃ phalasamāpattiyā nirodhā Vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. [2084] Bahiddhā dhammo bahiddhā dhammassa anantarapaccayena paccayo purimā purimā bahiddhāti nānākaraṇaṃ taṃyeva gamanaṃ. [2085] Ajjhatto dhammo ajjhattassa dhammassa samanantarapaccayena paccayo anantarasadisaṃ .pe. sahajātapaccayena paccayo aññamaññapaccayena paccayo nissayapaccayena paccayo upanissayapaccayena paccayo ārammaṇūpanissayo anantarūpanissayo pakatūpanissayo. {2085.1} Pakatūpanissayo: ajjhattaṃ saddhaṃ upanissāya dānaṃ deti sīlaṃ ... Uposathakammaṃ ... Jhānaṃ ... Vipassanaṃ ... Maggaṃ ... Abhiññaṃ ... Samāpattiṃ uppādeti mānaṃ jappeti diṭṭhiṃ gaṇhāti ajjhattaṃ sīlaṃ ... paññaṃ rāgaṃ patthanaṃ kāyikaṃ sukhaṃ kāyikaṃ dukkhaṃ utuṃ bhojanaṃ ... Senāsanaṃ upanissāya dānaṃ deti ... samāpattiṃ uppādeti pāṇaṃ hanati saṅghaṃ bhindati ajjhattā saddhā ... paññā rāgo patthanā kāyikaṃ sukhaṃ kāyikaṃ dukkhaṃ ... senāsanaṃ ajjhattāya saddhāya paññāya rāgassa patthanāya kāyikassa sukhassa kāyikassa dukkhassa maggassa phalasamāpattiyā upanissayapaccayena paccayo. [2086] Ajjhatto dhammo bahiddhā dhammassa upanissayapaccayena paccayo ārammaṇūpanissayo pakatūpanissayo . pakatūpanissayo: paro ajjhattaṃ saddhaṃ upanissāya dānaṃ deti ... mānaṃ jappeti diṭṭhiṃ Gaṇhāti paro ajjhattaṃ sīlaṃ ... senāsanaṃ upanissāya dānaṃ deti ... Pāṇaṃ hanati saṅghaṃ bhindati ajjhattā saddhā ... senāsanaṃ bahiddhā saddhāya maggassa phalasamāpattiyā upanissayapaccayena paccayo. [2087] Bahiddhā dhammo bahiddhā dhammassa upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: paro bahiddhā saddhaṃ ... patthanaṃ kāyikaṃ sukhaṃ ... Senāsanaṃ upanissāya dānaṃ deti ... saṅghaṃ bhindati bahiddhā saddhā ... Senāsanaṃ bahiddhā saddhāya phalasamāpattiyā upanissayapaccayena paccayo. [2088] Bahiddhā dhammo ajjhattassa dhammassa upanissayapaccayena paccayo ārammaṇūpanissayo pakatūpanissayo . pakatūpanissayo: bahiddhā saddhaṃ ... senāsanaṃ upanissāya dānaṃ deti ... Saṅghaṃ bhindati bahiddhā saddhā ... senāsanaṃ ajjhattāya saddhāya phalasamāpattiyā upanissayapaccayena paccayo. [2089] Ajjhatto dhammo ajjhattassa dhammassa purejātapaccayena paccayo ārammaṇapurejātaṃ vatthupurejātaṃ . ārammaṇapurejātaṃ: ajjhattaṃ cakkhuṃ ... vatthuṃ aniccato dukkhato anattato ... Domanassaṃ uppajjati dibbena cakkhunā rūpaṃ ... dibbāya sotadhātuyā saddaṃ suṇāti rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa purejātapaccayena paccayo . vatthupurejātaṃ: cakkhāyatanaṃ Cakkhuviññāṇassa kāyāyatanaṃ kāyaviññāṇassa vatthu ajjhattānaṃ khandhānaṃ purejātapaccayena paccayo. [2090] Ajjhatto dhammo bahiddhā dhammassa purejātapaccayena paccayo . ārammaṇapurejātaṃ: paro ajjhattaṃ cakkhuṃ ... vatthuṃ aniccato ... domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti ajjhattaṃ rūpāyatanaṃ bahiddhā cakkhuviññāṇassa ajjhattaṃ phoṭṭhabbāyatanaṃ bahiddhā kāyaviññāṇassa purejātapaccayena paccayo. [2091] Bahiddhā dhammo bahiddhā dhammassa purejātapaccacena paccayo ārammaṇapurejātaṃ vatthupurejātaṃ . ārammaṇapurejātaṃ: paro bahiddhā cakkhuṃ ... vatthuṃ aniccato ... dibbena cakkhunā rūpaṃ passati dibbāya sotadhātuyā saddaṃ suṇāti bahiddhā rūpāyatanaṃ bahiddhā cakkhuviññāṇassa bahiddhā phoṭṭhabbāyatanaṃ bahiddhā kāyaviññāṇassa . vatthupurejātaṃ: bahiddhā cakkhāyatanaṃ ... Kāyāyatanaṃ ... Vatthu bahiddhā khandhānaṃ purejātapaccayena paccayo. [2092] Bahiddhā dhammo ajjhattassa dhammassa purejātapaccayena paccayo . ārammaṇapurejātaṃ: bahiddhā cakkhuṃ ... Vatthuṃ aniccato ... Domanassaṃ uppajjati dibbena cakkhunā rūpaṃ ... dibbāya sotadhātuyā saddaṃ ... bahiddhā rūpāyatanaṃ ajjhattassa cakkhuviññāṇassa .pe. Bahiddhā phoṭṭhabbāyatanaṃ ajjhattassa kāyaviññāṇassa purejātapaccayena Paccayo. [2093] Ajjhatto ca bahiddhā ca dhammā ajjhattassa dhammassa purejātapaccayena paccayo ārammaṇapurejātaṃ vatthupurejātaṃ: bahiddhā rūpāyatanañca ajjhattaṃ cakkhāyatanañca ajjhattassa cakkhuviññāṇassa purejātapaccayena paccayo bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa bahiddhā rūpāyatanañca ajjhattaṃ vatthu ca ... bahiddhā phoṭṭhabbāyatanañca ajjhattaṃ vatthu ca ajjhattānaṃ khandhānaṃ purejātapaccayena paccayo. [2094] Ajjhatto ca bahiddhā ca dhammā bahiddhā dhammassa purejātapaccayena paccayo ārammaṇapurejātaṃ vatthupurejātaṃ: ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa purejātapaccayena paccayo ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa purejātapaccayena paccayo ajjhattaṃ rūpāyatanañca bahiddhā vatthu ca ... ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ purejātapaccayena paccayo. [2095] Ajjhatto dhammo ajjhattassa dhammassa pacchājātapaccayena paccayo . pacchājātā: ajjhattā khandhā purejātassa imassa kāyassa pacchājātapaccayena paccayo. [2096] Bahiddhā dhammo bahiddhā dhammassa pacchājātapaccayena Paccayo . pacchājātā: bahiddhā khandhā purejātassa imassa kāyassa pacchājātapaccayena paccayo. [2097] Ajjhatto dhammo ajjhattassa dhammassa āsevanapaccayena paccayo purimā purimā ajjhattā khandhā pacchimānaṃ pacchimānaṃ ajjhattānaṃ khandhānaṃ āsevanapaccayena paccayo anulomaṃ gotrabhussa anulomaṃ vodānassa gotrabhu maggassa vodānaṃ maggassa āsevanapaccayena paccayo. [2098] Bahiddhā dhammo bahiddhā dhammassa āsevanapaccayena paccayo purimā purimā .pe. Ajjhattasadisaṃyeva. [2099] Ajjhatto dhammo ajjhattassa dhammassa kammapaccayena paccayo sahajātā nānākhaṇikā . sahajātā: ajjhattā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: ajjhattā cetanā vipākānaṃ ajjhattānaṃ khandhānaṃ kaṭattā ca rūpānaṃ kammapaccayena paccayo. [2100] Bahiddhā dhammo bahiddhā dhammassa kammapaccayena paccayo sahajātā nānākhaṇikā . sahajātā: bahiddhā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo . nānākhaṇikā: bahiddhā cetanā vipākānaṃ bahiddhā khandhānaṃ kaṭattā ca rūpānaṃ kammapaccayena paccayo. [2101] Ajjhatto dhammo ajjhattassa dhammassa vipākapaccayena Paccayo paripuṇṇaṃ paṭiccavārasadisaṃ. [2102] Ajjhatto dhammo ajjhattassa dhammassa āhārapaccayena paccayo ajjhattā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo paṭisandhikkhaṇe ajjhatto kabaḷiṃkāro āhāro ajjhattassa kāyassa āhārapaccayena paccayo. [2103] Ajjhatto dhammo bahiddhā dhammassa āhārapaccayena paccayo ajjhatto kabaḷiṃkāro āhāro bahiddhā kāyassa āhārapaccayena paccayo. [2104] Bahiddhā dhammo bahiddhā dhammassa āhārapaccayena paccayo pavatti paṭisandhi . bahiddhā kabaḷiṃkāro āhāro bahiddhā kāyassa āhārapaccayena paccayo. [2105] Bahiddhā dhammo ajjhattassa dhammassa āhārapaccayena paccayo bahiddhā kabaḷiṃkāro āhāro ajjhattassa kāyassa āhārapaccayena paccayo. [2106] Ajjhatto dhammo ca bahiddhā dhammo ca ajjhattassa dhammassa āhārapaccayena paccayo ajjhatto kabaḷiṃkāro āhāro ca bahiddhā kabaḷiṃkāro āhāro ca ajjhattassa kāyassa āhārapaccayena paccayo. [2107] Ajjhatto dhammo ca bahiddhā dhammo ca bahiddhā Dhammassa āhārapaccayena paccayo ajjhatto kabaḷiṃkāro āhāro ca bahiddhā kabaḷiṃkāro āhāro ca bahiddhā kāyassa āhārapaccayena paccayo. [2108] Ajjhatto dhammo ajjhattassa dhammassa indriyapaccayena paccayo ajjhattikā indriyā rūpajīvitindriyampi vitthāretabbaṃ . Jhānapaccayena paccayo maggapaccayena paccayo sampayuttapaccayena paccayo vippayuttapaccayena paccayo sahajātaṃ purejātaṃ pacchājātaṃ mātikāpadāni anumajjantena vitthāretabbāni. [2109] Bahiddhā dhammo bahiddhā dhammassa vippayuttapaccayena paccayo sahajātaṃ purejātaṃ pacchājātaṃ. Saṅkhittaṃ. [2110] Ajjhatto dhammo ajjhattassa dhammassa atthipaccayena paccayo sahajātaṃ purejātaṃ pacchājātaṃ āhāraṃ indriyaṃ . sahajāto: ajjhatto eko khandho tiṇṇannaṃ khandhānaṃ cittasamuṭṭhānānañca rūpānaṃ dve khandhā ... paṭisandhikkhaṇe khandhā vatthussa vatthu khandhānaṃ ekaṃ mahābhūtaṃ ... . saṅkhittaṃ . asaññasattānaṃ ekaṃ mahābhūtaṃ tiṇṇannaṃ mahābhūtānaṃ . purejātaṃ: cakkhuṃ ... vatthuṃ ... Purejātasadisaṃ . vatthu ajjhattānaṃ khandhānaṃ atthipaccayena paccayo . Pacchājātā: ajjhattā khandhā ajjhatto kabaḷiṃkāro āhāro ca imassa kāyassa rūpajīvitindriyaṃ kaṭattārūpānaṃ. [2111] Ajjhatto dhammo bahiddhā dhammassa atthipaccayena Paccayo purejātaṃ āhāraṃ . purejātaṃ: paro ajjhattaṃ cakkhuṃ ... Vatthuṃ aniccato ... Vipassati dibbena cakkhunā ... Dibbāya sotadhātuyā ... Ajjhattaṃ rūpāyatanaṃ ... phoṭṭhabbāyatanaṃ bahiddhā kāyaviññāṇassa atthipaccayena paccayo . ajjhatto kabaḷiṃkāro āhāro bahiddhā kāyassa atthipaccayena paccayo. [2112] Bahiddhā dhammo bahiddhā dhammassa atthipaccayena paccayo sahajātaṃ purejātaṃ pacchājātaṃ āhāraṃ indriyaṃ bahiddhā ninnākaraṇaṃ mātikāpadāni vitthāretabbāni. [2113] Bahiddhā dhammo ajjhattassa dhammassa atthipaccayena paccayo purejātaṃ āhāraṃ . purejātaṃ: bahiddhā cakkhuṃ ... Vatthuṃ ... Dibbena cakkhunā rūpaṃ ... dibbāya sotadhātuyā saddaṃ ... bahiddhā rūpāyatanaṃ ... phoṭṭhabbāyatanaṃ ajjhattassa kāyaviññāṇassa atthipaccayena paccayo . bahiddhā kabaḷiṃkāro āhāro ajjhattassa kāyassa atthipaccayena paccayo. [2114] Ajjhatto dhammo ca bahiddhā dhammo ca ajjhattassa dhammassa atthipaccayena paccayo purejātaṃ āhāraṃ . purejātaṃ: bahiddhā rūpāyatanañca ajjhattaṃ cakkhu ca ajjhattassa cakkhuviññāṇassa bahiddhā phoṭṭhabbāyatanañca ajjhattaṃ kāyāyatanañca ajjhattassa kāyaviññāṇassa atthipaccayena paccayo bahiddhā rūpāyatanañca ajjhattaṃ vatthu ca ... bahiddhā phoṭṭhabbāyatanañca ajjhattaṃ Vatthu ca ajjhattānaṃ khandhānaṃ atthipaccayena paccayo . āhāraṃ: ajjhatto kabaḷiṃkāro āhāro ca bahiddhā kabaḷiṃkāro āhāro ca ajjhattassa kāyassa atthipaccayena paccayo. [2115] Ajjhatto dhammo ca bahiddhā dhammo ca bahiddhā dhammassa atthipaccayena paccayo purejātaṃ āhāraṃ . purejātaṃ: ajjhattaṃ rūpāyatanañca bahiddhā cakkhāyatanañca bahiddhā cakkhuviññāṇassa atthipaccayena paccayo ajjhattaṃ phoṭṭhabbāyatanañca bahiddhā kāyāyatanañca bahiddhā kāyaviññāṇassa atthipaccayena paccayo ajjhattaṃ rūpāyatanañca bahiddhā vatthu ca bahiddhā khandhānaṃ atthipaccayena paccayo ajjhattaṃ phoṭṭhabbāyatanañca bahiddhā vatthu ca bahiddhā khandhānaṃ atthipaccayena paccayo . āhāraṃ: ajjhatto kabaḷiṃkāro āhāro ca bahiddhā kabaḷiṃkāro āhāro ca bahiddhā kāyassa atthipaccayena paccayo. [2116] Ajjhatto dhammo ajjhattassa dhammassa natthipaccayena paccayo vigatapaccayena paccayo avigatapaccayena paccayo. [2117] Hetuyā dve ārammaṇe cattāri adhipatiyā cattāri anantare dve samanantare dve sahajāte aññamaññe nissaye dve upanissaye cattāri purejāte cha pacchājāte āsevane kamme vipāke dve āhāre cha indriye dve jhāne magge sampayutte vippayutte dve atthiyā cha natthiyā dve vigate dve Avigate cha. Evaṃ gaṇetabbaṃ. Anulomaṃ. [2118] Ajjhatto dhammo ajjhattassa dhammassa ārammaṇapaccayena paccayo sahajātapaccayena paccayo upanissayapaccayena paccayo purejātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. [2119] Ajjhatto dhammo bahiddhā dhammassa ārammaṇapaccayena paccayo upanissayapaccayena paccayo purejātapaccayena paccayo āhārapaccayena paccayo. [2120] Bahiddhā dhammo bahiddhā dhammassa ārammaṇapaccayena paccayo sahajātapaccayena paccayo upanissayapaccayena paccayo purejātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. [2121] Bahiddhā dhammo ajjhattassa dhammassa ārammaṇapaccayena paccayo upanissayapaccayena paccayo purejātapaccayena paccayo āhārapaccayena paccayo. [2122] Ajjhatto dhammo ca bahiddhā dhammo ca ajjhattassa dhammassa ... Purejātaṃ āhāraṃ. [2123] Ajjhatto dhammo ca bahiddhā dhammo ca bahiddhā dhammassa ... Purejātaṃ āhāraṃ. [2124] Nahetuyā cha naārammaṇe cha naadhipatiyā cha . Saṅkhittaṃ . sabbattha cha kātabbā navippayutte cha noatthiyā cattāri nonatthiyā cha novigate cha noavigate cattāri . evaṃ gaṇetabbaṃ. Paccanīyaṃ. [2125] Hetupaccayā naārammaṇe dve ... Naadhipatiyā naanantare nasamanantare naaññamaññe naupanissaye dve . saṅkhittaṃ . sabbattha dve nasampayutte navippayutte nonatthiyā novigate dve . evaṃ gaṇetabbaṃ. Anulomapaccanīyaṃ. [2126] Nahetupaccayā ārammaṇe cattāri ... Adhipatiyā cattāri anulomapadāni gaṇetabbāni avigate cha. Evaṃ gaṇetabbaṃ. Paccanīyānulomaṃ. Pañhāvāro niṭṭhito. Ajjhattattikaṃ vīsatimaṃ niṭṭhitaṃ -------- Ajjhattārammaṇattikaṃ paṭiccavāro [2127] Ajjhattārammaṇaṃ dhammaṃ paṭicca ajjhattārammaṇo dhammo uppajjati hetupaccayā ajjhattārammaṇaṃ ekaṃ khandhaṃ paṭicca tayo khandhā dve khandhe ... paṭisandhikkhaṇe ajjhattārammaṇaṃ ekaṃ khandhaṃ paṭicca tayo khandhā dve khandhe .... [2128] Bahiddhārammaṇaṃ dhammaṃ paṭicca bahiddhārammaṇo dhammo uppajjati hetupaccayā bahiddhārammaṇaṃ ekaṃ khandhaṃ paṭicca tayo khandhā dve khandhe ... paṭisandhikkhaṇe bahiddhārammaṇaṃ ekaṃ khandhaṃ paṭicca tayo khandhā dve khandhe .... [2129] Ajjhattārammaṇaṃ dhammaṃ paṭicca ajjhattārammaṇo dhammo uppajjati ārammaṇapaccayā. Saṅkhittaṃ. Avigatapaccayā. [2130] Hetuyā dve ārammaṇe dve . saṅkhittaṃ. Sabbattha dve avigate dve. Evaṃ gaṇetabbaṃ. Anulomaṃ. [2131] Ajjhattārammaṇaṃ dhammaṃ paṭicca ajjhattārammaṇo dhammo uppajjati nahetupaccayā ahetukaṃ ajjhattārammaṇaṃ ekaṃ khandhaṃ paṭicca tayo khandhā dve khandhe ... ahetukapaṭisandhikkhaṇe ajjhattārammaṇaṃ ekaṃ khandhaṃ paṭicca dve khandhe ... vicikicchāsahagate uddhaccasahagate khandhe paṭicca vicikicchāsahagato uddhaccasahagato Moho. [2132] Bahiddhārammaṇaṃ dhammaṃ paṭicca bahiddhārammaṇo dhammo uppajjati nahetupaccayā ahetukaṃ bahiddhārammaṇaṃ ekaṃ khandhaṃ paṭicca tayo khandhā dve khandhe ... ahetukapaṭisandhikkhaṇe vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. [2133] Ajjhattārammaṇaṃ dhammaṃ paṭicca ajjhattārammaṇo dhammo uppajjati naadhipatipaccayā anulomasahajātasadisaṃ ninnākaraṇaṃ . Napurejātapaccayā arūpe ajjhattārammaṇaṃ ekaṃ khandhaṃ paṭicca paṭisandhikkhaṇe .... [2134] Bahiddhārammaṇaṃ dhammaṃ paṭicca bahiddhārammaṇo dhammo uppajjati napurejātapaccayā arūpe bahiddhārammaṇaṃ ekaṃ khandhaṃ paṭicca paṭisandhikkhaṇe ... napacchājātapaccayā naāsevanapaccayā sahajātasadisaṃ . nakammapaccayā ajjhattārammaṇe khandhe paṭicca ajjhattārammaṇā cetanā. [2135] Bahiddhārammaṇaṃ dhammaṃ paṭicca bahiddhārammaṇo dhammo uppajjati nakammapaccayā bahiddhārammaṇe khandhe paṭiccabahiddhārammaṇā cetanā. [2136] Ajjhattārammaṇaṃ dhammaṃ paṭicca ... navipākapaccayā paṭisandhi natthi . najhānapaccayā pañcaviññāṇasahagataṃ ajjhattārammaṇaṃ ekaṃ .... [2137] Bahiddhārammaṇaṃ dhammaṃ paṭicca ... najhānapaccayā pañcaviññāṇasahagataṃ bahiddhārammaṇaṃ ekaṃ khandhaṃ ... namaggapaccayā nahetusadiso moho natthi . navippayuttapaccayā arūpe ajjhattārammaṇaṃ ekaṃ khandhaṃ .... [2138] Bahiddhārammaṇaṃ dhammaṃ paṭicca ... navippayuttapaccayā arūpe bahiddhārammaṇaṃ ekaṃ khandhaṃ .... [2139] Nahetuyā dve naadhipatiyā dve napurejāte dve napacchājāte dve naāsevane nakamme navipāke najhāne namagge navippayutte dve. Evaṃ gaṇetabbaṃ. Paccanīyaṃ [2140] Hetupaccayā naadhipatiyā dve ... navipāke dve navippayutte dve. Evaṃ gaṇetabbaṃ. Anulomapaccanīyaṃ. [2141] Nahetupaccayā ārammaṇe dve ... anantare dve samanantare dve . saṅkhittaṃ . magge dve avigate dve . Evaṃ gaṇetabbaṃ. Paccanīyānulomaṃ. Paṭiccavāro niṭṭhito. Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā. Pañhāvāro [2142] Ajjhattārammaṇo dhammo ajjhattārammaṇassa dhammassa hetupaccayena paccayo ajjhattārammaṇā hetū sampayuttakānaṃ khandhānaṃ hetupaccayena paccayo paṭisandhikkhaṇe ajjhattārammaṇā hetū sampayuttakānaṃ khandhānaṃ. [2143] Bahiddhārammaṇo dhammo bahiddhārammaṇassa dhammassa hetupaccayena paccayo bahiddhārammaṇā hetū ... Paṭisandhikkhaṇe .... [2144] Ajjhattārammaṇo dhammo ajjhattārammaṇassa dhammassa ārammaṇapaccayena paccayo ajjhattārammaṇaṃ viññāṇañcāyatanaṃ paccavekkhati nevasaññānāsaññāyatanaṃ paccavekkhati ajjhattārammaṇaṃ ajjhattaṃ dibbaṃ cakkhuṃ paccavekkhati dibbaṃ sotadhātuṃ ... iddhividhañāṇaṃ ... pubbenivāsānussatiñāṇaṃ ... yathākammūpagañāṇaṃ ... anāgataṃsañāṇaṃ paccavekkhati ariyā ajjhattārammaṇe pahīne kilese paccavekkhanti vikkhambhite kilese paccavekkhanti pubbe samudāciṇṇe ... Ajjhattārammaṇe ajjhatte khandhe aniccato ... vipassati assādeti abhinandati taṃ ārabbha ajjhattārammaṇo rāgo ... domanassaṃ uppajjati ajjhattārammaṇā ajjhattā khandhā pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2145] Ajjhattārammaṇo dhammo bahiddhārammaṇassa dhammassa Ārammaṇapaccayena paccayo paro ajjhattārammaṇaṃ viññāṇañcāyatanaṃ ... Nevasaññānāsaññāyatanaṃ paccavekkhati paro ajjhattārammaṇaṃ ajjhattaṃ dibbaṃ cakkhuṃ paccavekkhati dibbaṃ sotadhātuṃ ... Iddhividhañāṇaṃ ... Pubbenivāsānussatiñāṇaṃ ... yathākammūpagañāṇaṃ ... anāgataṃsañāṇaṃ paccavekkhati ajjhattārammaṇe ajjhatte khandhe aniccato dukkhato anattato vipassati cetopariyañāṇena ajjhattārammaṇa- ajjhattacittasamaṅgissa cittaṃ jānāti ajjhattārammaṇā bahiddhā khandhā cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2146] Bahiddhārammaṇo dhammo bahiddhārammaṇassa dhammassa ārammaṇapaccayena paccayo paro bahiddhārammaṇaṃ bahiddhā dibbaṃ cakkhuṃ paccavekkhati dibbaṃ sotadhātuṃ ... Iddhividhañāṇaṃ ... Cetopariyañāṇaṃ ... Pubbenivāsānussatiñāṇaṃ ... yathākammūpagañāṇaṃ ... anāgataṃsañāṇaṃ paccavekkhati paro bahiddhārammaṇe bahiddhā khandhe aniccato dukkhato anattato vipassati cetopariyañāṇena bahiddhārammaṇa- bahiddhācittasamaṅgissa cittaṃ jānāti bahiddhārammaṇā bahiddhā khandhā cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2147] Bahiddhārammaṇo dhammo ajjhattārammaṇassa dhammassa ārammaṇapaccayena paccayo dānaṃ datvā sīlaṃ samādiyitvā uposathakammaṃ Katvā taṃ paccavekkhati pubbe suciṇṇāni paccavekkhati jhānā vuṭṭhahitvā jhānaṃ paccavekkhati ariyā maggā vuṭṭhahitvā maggaṃ paccavekkhanti phalaṃ paccavekkhanti pahīne kilese paccavekkhanti vikkhambhite kilese ... Pubbe samudāciṇṇe .pe. bahiddhārammaṇaṃ ajjhattaṃ dibbaṃ cakkhuṃ paccavekkhati dibbaṃ sotadhātuṃ ... iddhividhañāṇaṃ ... cetopariyañāṇaṃ ... pubbenivāsānussatiñāṇaṃ ... yathākammūpagañāṇaṃ ... anāgataṃsañāṇaṃ ... bahiddhārammaṇe ajjhatte khandhe aniccato ... Vipassati assādeti abhinandati taṃ ārabbha ajjhattārammaṇo rāgo ... domanassaṃ uppajjati bahiddhārammaṇā ajjhattā khandhā iddhividhañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2148] Ajjhattārammaṇo dhammo ajjhattārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: ajjhattārammaṇaṃ ajjhattaṃ viññāṇañcāyatanaṃ garuṃ katvā paccavekkhati nevasaññānāsaññāyatanaṃ garuṃ katvā ... Ajjhattārammaṇaṃ ajjhattaṃ dibbaṃ cakkhuṃ garuṃ katvā ... Dibbaṃ sotadhātuṃ ... Iddhividhañāṇaṃ ... pubbenivāsānussatiñāṇaṃ ... yathākammūpagañāṇaṃ ... Anāgataṃsañāṇaṃ garuṃ katvā ... ajjhattārammaṇe ajjhatte khandhe garuṃ katvā assādeti abhinandati taṃ garuṃ katvā ajjhattārammaṇo Rāgo ... diṭṭhi uppajjati . sahajātādhipati: ajjhattārammaṇādhipati sampayuttakānaṃ khandhānaṃ adhipatipaccayena paccayo. [2149] Bahiddhārammaṇo dhammo bahiddhārammaṇassa dhammassa adhipatipaccayena paccayo . sahajātādhipati: bahiddhārammaṇādhipati sampayuttakānaṃ khandhānaṃ adhipatipaccayena paccayo. [2150] Bahiddhārammaṇo dhammo ajjhattārammaṇassa dhammassa adhipatipaccayena paccayo . ārammaṇādhipati: dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati pubbe suciṇṇāni ... jhānā vuṭṭhahitvā ... Ariyā maggā vuṭṭhahitvā maggaṃ ... phalaṃ garuṃ katvā ... bahiddhārammaṇaṃ ajjhattaṃ dibbaṃ cakkhuṃ garuṃ katvā ... Dibbaṃ sotadhātuṃ ... Iddhividhañāṇaṃ ... Cetopariyañāṇaṃ ... Pubbenivāsānussatiñāṇaṃ ... yathākammūpagañāṇaṃ ... anāgataṃsañāṇaṃ garuṃ katvā paccavekkhati bahiddhārammaṇe ajjhatte khandhe garuṃ katvā assādeti taṃ garuṃ katvā ajjhattārammaṇo rāgo ... diṭṭhi uppajjati. [2151] Ajjhattārammaṇo dhammo ajjhattārammaṇassa dhammassa anantarapaccayena paccayo purimā purimā ajjhattārammaṇā khandhā pacchimānaṃ pacchimānaṃ ajjhattārammaṇānaṃ khandhānaṃ anantarapaccayena paccayo. [2152] Ajjhattārammaṇo dhammo bahiddhārammaṇassa dhammassa Anantarapaccayena paccayo ajjhattārammaṇaṃ cuticittaṃ bahiddhārammaṇassa upapatticittassa anantarapaccayena paccayo ajjhattārammaṇaṃ bhavaṅgaṃ bahiddhārammaṇāya āvajjanāya anantarapaccayena paccayo ajjhattārammaṇā khandhā bahiddhārammaṇassa vuṭṭhānassa anantarapaccayena paccayo ajjhattārammaṇaṃ anulomaṃ gotrabhussa anulomaṃ vodānassa anulomaṃ phalasamāpattiyā nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. [2153] Bahiddhārammaṇo dhammo bahiddhārammaṇassa dhammassa anantarapaccayena paccayo purimā purimā bahiddhārammaṇā khandhā pacchimānaṃ pacchimānaṃ bahiddhārammaṇānaṃ khandhānaṃ anantarapaccayena paccayo bahiddhārammaṇaṃ anulomaṃ gotrabhussa anulomaṃ vodānassa gotrabhu maggassa vodānaṃ maggassa maggo phalassa phalaṃ phalassa anulomaṃ phalasamāpattiyā anantarapaccayena paccayo. [2154] Bahiddhārammaṇo dhammo ajjhattārammaṇassa dhammassa anantarapaccayena paccayo bahiddhārammaṇaṃ cuticittaṃ ajjhattārammaṇassa upapatticittassa anantarapaccayena paccayo bahiddhārammaṇaṃ bhavaṅgaṃ ajjhattārammaṇāya āvajjanāya anantarapaccayena paccayo bahiddhārammaṇā khandhā ajjhattārammaṇassa vuṭṭhānassa anantarapaccayena paccayo. [2155] Ajjhattārammaṇo dhammo ajjhattārammaṇassa dhammassa samanantarapaccayena paccayo sahajātapaccayena paccayo aññamaññapaccayena paccayo nissayapaccayena paccayo upanissayapaccayena paccayo ārammaṇūpanissayo anantarūpanissayo pakatūpanissayo . Pakatūpanissayo: ajjhattārammaṇā aniccānupassanā dukkhānupassanā anattānupassanā ajjhattārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2156] Ajjhattārammaṇo dhammo bahiddhārammaṇassa dhammassa upanissayapaccayena paccayo anantarūpanissayo pakatūpanissayo . Pakatūpanissayo: ajjhattārammaṇā aniccānupassanā dukkhānupassanā anattānupassanā bahiddhārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2157] Bahiddhārammaṇo dhammo bahiddhārammaṇassa dhammassa upanissayapaccayena paccayo anantarūpanissayo pakatūpanissayo. Pakatūpanissayo: bahiddhārammaṇā aniccānupassanā dukkhānupassanā anattānupassanā bahiddhārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2158] Bahiddhārammaṇo dhammo ajjhattārammaṇassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: bahiddhārammaṇā aniccānupassanā Dukkhānupassanā anattānupassanā ajjhattārammaṇāya aniccānupassanāya dukkhānupassanāya anattānupassanāya upanissayapaccayena paccayo. [2159] Ajjhattārammaṇo dhammo ajjhattārammaṇassa dhammassa āsevanapaccayena paccayo purimā purimā ajjhattārammaṇā khandhā pacchimānaṃ pacchimānaṃ ajjhattārammaṇānaṃ khandhānaṃ āsevanapaccayena paccayo. [2160] Ajjhattārammaṇo dhammo bahiddhārammaṇassa dhammassa āsevanapaccayena paccayo ajjhattārammaṇaṃ anulomaṃ gotrabhussa anulomaṃ vodānassa āsevanapaccayena paccayo. [2161] Bahiddhārammaṇo dhammo bahiddhārammaṇassa dhammassa āsevanapaccayena paccayo bahiddhārammaṇaṃ anulomaṃ gotrabhussa anulomaṃ vodānassa gotrabhu maggassa vodānaṃ maggassa āsevanapaccayena paccayo. [2162] Ajjhattārammaṇo dhammo ajjhattārammaṇassa dhammassa kammapaccayena paccayo sahajātā nānākhaṇikā . Sahajātā: ajjhattārammaṇā cetanā sampayuttakānaṃ khandhānaṃ kammapaccayena paccayo . nānākhaṇikā: ajjhattārammaṇā cetanā vipākānaṃ ajjhattārammaṇānaṃ khandhānaṃ kammapaccayena paccayo. [2163] Ajjhattārammaṇo dhammo bahiddhārammaṇassa dhammassa Kammapaccayena paccayo . nānākhaṇikā: ajjhattārammaṇā cetanā vipākānaṃ bahiddhārammaṇānaṃ khandhānaṃ kammapaccayena paccayo. [2164] Bahiddhārammaṇo dhammo bahiddhārammaṇassa dhammassa kammapaccayena paccayo sahajātā nānākhaṇikā . sahajātā: bahiddhārammaṇā cetanā sampayuttakānaṃ khandhānaṃ kammapaccayena paccayo . nānākhaṇikā: bahiddhārammaṇā cetanā vipākānaṃ bahiddhārammaṇānaṃ khandhānaṃ kammapaccayena paccayo. [2165] Bahiddhārammaṇo dhammo ajjhattārammaṇassa dhammassa kammapaccayena paccayo . nānākhaṇikā: bahiddhārammaṇā cetanā vipākānaṃ ajjhattārammaṇānaṃ khandhānaṃ kammapaccayena paccayo. [2166] Ajjhattārammaṇo dhammo ajjhattārammaṇassa dhammassa vipākapaccayena paccayo āhārapaccayena paccayo indriyapaccayena paccayo jhānapaccayena paccayo maggapaccayena paccayo sampayuttapaccayena paccayo atthipaccayena paccayo natthipaccayena paccayo vigatapaccayena paccayo avigatapaccayena paccayo. [2167] Hetuyā dve ārammaṇe cattāri adhipatiyā tīṇi anantare cattāri samanantare cattāri sahajāte dve aññamaññe dve nissaye dve upanissaye cattāri āsevane tīṇi kamme cattāri vipāke dve . saṅkhittaṃ . sabbattha Dve sampayutte dve atthiyā dve natthiyā cattāri vigate cattāri avigate dve. Evaṃ gaṇetabbaṃ. Anulomaṃ. [2168] Ajjhattārammaṇo dhammo ajjhattārammaṇassa dhammassa ārammaṇapaccayena paccayo sahajātapaccayena paccayo upanissayapaccayena paccayo kammapaccayena paccayo. [2169] Ajjhattārammaṇo dhammo bahiddhārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2170] Bahiddhārammaṇo dhammo bahiddhārammaṇassa dhammassa ārammaṇapaccayena paccayo sahajātapaccayena paccayo upanissayapaccayena paccayo kammapaccayena paccayo. [2171] Bahiddhārammaṇo dhammo ajjhattārammaṇassa dhammassa ārammaṇapaccayena paccayo upanissayapaccayena paccayo kammapaccayena paccayo. [2172] Nahetuyā cattāri naārammaṇe cattāri naadhipatiyā cattāri naanantare cattāri . saṅkhittaṃ . sabbattha cattāri napurejāte napacchājāte naāsevane . saṅkhittaṃ . navippayutte cattāri. Saṅkhittaṃ. Noavigate cattāri. Evaṃ gaṇetabbaṃ. Paccanīyaṃ. [2173] Hetupaccayā naārammaṇe dve ... naadhipatiyā dve naanantare nasamanantare naupanissaye naāsevane nakamme nonatthiyā novigate dve sabbattha dve. Evaṃ gaṇetabbaṃ. Anulomapaccanīyaṃ. [2174] Nahetupaccayā ārammaṇe cattāri ... adhipatiyā tīṇi anantare cattāri samanantare cattāri sahajāte aññamaññe nissaye dve upanissaye cattāri āsevane tīṇi kamme cattāri vipāke dve . saṅkhittaṃ . sampayutte dve natthiyā dve atthiyā cattāri vigate cattāri avigate dve. Evaṃ gaṇetabbaṃ. Paccanīyānulomaṃ. Pañhāvāro niṭṭhito. Ajjhattārammaṇattikaṃ ekavīsatimaṃ niṭṭhitaṃ --------- Sanidassanasappaṭighattikaṃ paṭiccavāro [2175] Anidassanasappaṭighaṃ dhammaṃ paṭicca anidassanasappaṭigho dhammo uppajjati hetupaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭiccacakkhāyatanaṃ rasāyatanaṃ . anidassanasappaṭighaṃ dhammaṃ paṭicca sanidassanasappaṭigho dhammo uppajjati hetupaccayā anidassanasappaṭighe mahābhūte paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca rūpāyatanaṃ. {2175.1} Anidassanasappaṭighaṃ dhammaṃ paṭicca anidassanasappaṭigho dhammo uppajjati hetupaccayā anidassanasappaṭighe mahābhūte paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca āpodhātu indriyaṃ kabaḷiṃkāro āhāro . Anidassanasappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā anidassanasappaṭighe mahābhūte paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca rūpāyatanaṃ āpodhātu indriyaṃ Kabaḷiṃkāro āhāro. {2175.2} Anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca dve mahābhūte paṭicca ekaṃ mahābhūtaṃ āpodhātu ca anidassanasappaṭighe mahābhūte paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca cakkhāyatanaṃ rasāyatanaṃ āpodhātu indriyaṃ kabaḷiṃkāro āhāro. {2175.3} Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā anidassanasappaṭighe mahābhūte paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca rūpāyatanaṃ cakkhāyatanaṃ rasāyatanaṃ. {2175.4} Anidassanasappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā anidassanasappaṭighe mahābhūte paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca rūpāyatanaṃ cakkhāyatanaṃ rasāyatanaṃ āpodhātu indriyaṃ kabaḷiṃkāro āhāro. [2176] Anidassanaappaṭighaṃ dhammaṃ paṭicca anidassanaappaṭigho dhammo ... hetupaccayā anidassanaappaṭighaṃ ekaṃ khandhaṃ paṭicca Tayo khandhā anidassanaappaṭighañca cittasamuṭṭhānaṃ rūpaṃ dve khandhe paṭicca dve khandhā anidassanaappaṭighañca cittasamuṭṭhānaṃ rūpaṃ paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ dve khandhe ... khandhe paṭicca vatthu vatthuṃ paṭicca khandhā āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca indriyaṃ kabaḷiṃkāro āhāro. {2176.1} Anidassanaappaṭighaṃ dhammaṃ paṭicca sanidassanasappaṭigho dhammo ... hetupaccayā anidassanaappaṭighe khandhe paṭicca sanidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe paṭicca sanidassanasappaṭighaṃ kaṭattārūpaṃ āpodhātuṃ paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca rūpāyatanaṃ. {2176.2} Anidassanaappaṭighaṃ dhammaṃ paṭicca anidassanasappaṭigho dhammo ... hetupaccayā anidassanaappaṭighe khandhe paṭicca anidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe paṭicca anidassanasappaṭighaṃ kaṭattārūpaṃ āpodhātuṃ paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca cakkhāyatanaṃ rasāyatanaṃ. {2176.3} Anidassanaappaṭighaṃ dhammaṃ paṭicca sanidassanasappaṭigho ca anidassanaappaṭigho ca dhammā ... hetupaccayā anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanaappaṭighañca Cittasamuṭṭhānaṃ rūpaṃ dve khandhe ... paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanaappaṭighañca kaṭattārūpaṃ dve khandhe ... āpodhātuṃ paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca rūpāyatanaṃ indriyaṃ kabaḷiṃkāro āhāro. {2176.4} Anidassanaappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā ... hetupaccayā anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca cittasamuṭṭhānaṃ rūpaṃ dve khandhe ... paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanasappaṭighañca anidassanaappaṭighañca kaṭattārūpaṃ dve khandhe ... āpodhātuṃ paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca cakkhāyatanaṃ rasāyatanaṃ indriyaṃ kabaḷiṃkāro āhāro. {2176.5} Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā anidassanaappaṭighe khandhe paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe paṭicca sanidassanasappaṭighañca anidassanasappaṭighañca kaṭattārūpaṃ āpodhātuṃ paṭicca sanidassanasappaṭighañca anidassanasappaṭighañca cittasamuṭṭhānaṃ Rūpaṃ kaṭattārūpaṃ upādārūpaṃ āpodhātuṃ paṭicca rūpāyatanaṃ cakkhāyatanaṃ rasāyatanaṃ. {2176.6} Anidassanaappaṭighaṃ dhammaṃ paṭicca sanidassanasappaṭigho ca anidassanasappaṭigho ca anidassanaappaṭigho ca dhammā uppajjanti hetupaccayā anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ dve khandhe ... paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā sanidassanasappaṭighañca anidassanasappaṭighañca anidassanaappaṭighañca kaṭattārūpaṃ dve khandhe ... āpodhātuṃ paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca rūpāyatanaṃ cakkhāyatanaṃ rasāyatanaṃ indriyaṃ kabaḷiṃkāro āhāro. [2177] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati hetupaccayā anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ anidassanasappaṭighe khandhe ca mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ . anidassanasappaṭighañca Anidassanaappaṭighañca dhammaṃ paṭicca anidassanasappaṭigho dhammo uppajjati hetupaccayā anidassanaappaṭighe khandhe ca mahābhūte ca paṭicca anidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighaṃ kaṭattārūpaṃ anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā dve mahābhūte ca āpodhātuñca paṭicca ekaṃ mahābhūtaṃ anidassanasappaṭighe mahābhūte ca āpodhātuñca paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca cakkhāyatanaṃ rasāyatanaṃ. {2177.1} Anidassanasappaṭighañca anidassanaappaṭighañca dhammaṃ paṭicca anidassanaappaṭigho dhammo uppajjati hetupaccayā anidassanaappaṭighe khandhe ca mahābhūte ca paṭicca anidassanaappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca anidassanaappaṭighaṃ kaṭattārūpaṃ anidassanasappaṭighe mahābhūte ca āpodhātuñca paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca indriyaṃ kabaḷiṃkāro āhāro. {2177.2} Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanaappaṭigho ca dhammā uppajjanti hetupaccayā anidassanaappaṭighe khandhe ca mahābhūte ca paṭicca sanidassanasappaṭighañca Anidassanaappaṭighañca cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanaappaṭighañca kaṭattārūpaṃ anidassanasappaṭighe mahābhūte ca āpodhātuñca paṭicca sanidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ indriyaṃ kabaḷiṃkāro āhāro. {2177.3} Anidassanasappaṭighañca anidassanaappaṭighañca dhammaṃ paṭicca anidassanasappaṭigho ca anidassanaappaṭigho ca dhammā uppajjanti hetupaccayā anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca anidassanasappaṭighañca anidassanaappaṭighañca kaṭattārūpaṃ anidassanasappaṭighe mahābhūte ca āpodhātuñca paṭicca anidassana- sappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca cakkhāyatanaṃ rasāyatanaṃ indriyaṃ kabaḷiṃkāro āhāro. {2177.4} Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca anidassanasappaṭigho ca dhammā uppajjanti hetupaccayā anidassanaappaṭighe khandhe ca mahābhūte ca paṭicca sanidassana- sappaṭighañca anidassanasappaṭighañca cittasamuṭṭhānaṃ rūpaṃ paṭisandhikkhaṇe Anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca kaṭattārūpaṃ anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ cakkhāyatanaṃ rasāyatanaṃ. {2177.5} Anidassanasappaṭighañca anidassanaappaṭighañca dhammaṃ paṭicca sanidassanasappaṭigho ca ca anidassanasappaṭigho ca anidassanaappaṭigho ca dhammā uppajjanti hetupaccayā anidassana- appaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighañca anidassanasappaṭighañca anidassanaappaṭighañca kaṭattārūpaṃ anidassanasappaṭighe mahābhūte ca āpodhātuñca paṭicca sanidassanasappaṭighañca anidassanasappaṭighañca anidassanaappaṭighañca cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ cakkhāyatanaṃ rasāyatanaṃ indriyaṃ kabaḷiṃkāro āhāro. [2178] Anidassanaappaṭighaṃ dhammaṃ paṭicca anidassanaappaṭigho dhammo uppajjati ārammaṇapaccayā anidassanaappaṭighaṃ ekaṃ khandhaṃ paṭicca tayo khandhā dve khandhe ... paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā dve khandhe ... vatthuṃ Paṭicca khandhā. [2179] Anidassanasappaṭighaṃ dhammaṃ paṭicca anidassanasappaṭigho dhammo uppajjati adhipatipaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighe mahābhūte paṭicca cittasamuṭṭhānaṃ rūpaṃ upādārūpaṃ anidassanasappaṭighamūlake iminā kāraṇena satta pañhā vibhajitabbā pariyosānapadā natthi. [2180] Anidassanaappaṭighaṃ dhammaṃ paṭicca anidassanaappaṭigho dhammo uppajjati adhipatipaccayā anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ dve khandhe ... āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ iminā kāraṇena anidassanaappaṭighamūlake satta pañhā vibhajitabbā niṭṭhānapadā natthi. [2181] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati adhipatipaccayā anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ anidassanaappaṭighe mahābhūte ca āpodhātuñca paṭicca sanidassana- sappaṭighaṃ cittasamuṭṭhānaṃ rūpaṃ upādārūpaṃ iminā kāraṇena sattapi pañhā vibhajitabbā. [2182] Anidassanaappaṭighaṃ dhammaṃ paṭicca anidassanaappaṭigho Dhammo uppajjati anantarapaccayā samanantarapaccayā ārammaṇasadisaṃ. [2183] Anidassanasappaṭighaṃ dhammaṃ paṭicca anidassanasappaṭigho dhammo uppajjati sahajātapaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassana- sappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca cakkhāyatanaṃ rasāyatanaṃ bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ ekaṃ mahābhūtaṃ paṭicca dve mahābhūtā anidassanasappaṭighamūlakā satta pañhā iminā kāraṇena vibhajitabbā. [2184] Anidassanaappaṭighaṃ dhammaṃ paṭicca anidassanaappaṭigho dhammo uppajjati sahajātapaccayā anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca cittasamuṭṭhānaṃ rūpaṃ dve khandhe ... paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ kaṭattā ca rūpaṃ dve khandhe ... Khandhe paṭicca vatthu vatthuṃ paṭicca khandhā āpodhātuṃ paṭicca anidassana- appaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca indriyaṃ kabaḷiṃkāro āhāro bāhiraṃ ... Āhārasamuṭṭhānaṃ ... Utusamuṭṭhānaṃ ... asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ anidassanaappaṭighamūlake satta pañhā iminā kāraṇena kātabbā. [2185] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati sahajātapaccayā anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ anidassana- sappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ bāhiraṃ ... āhārasamuṭṭhānaṃ ... Utusamuṭṭhānaṃ ... asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ iminā kāraṇena satta pañhā vibhajitabbā. [2186] Anidassanasappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ. Anidassanasappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā anidassanasappaṭighe mahābhūte paṭicca āpodhātu . anidassanasappaṭighaṃ dhammaṃ paṭicca anidassanasappaṭigho ca anidassanaappaṭigho ca dhammā uppajjanti aññamaññapaccayā anidassanasappaṭighaṃ ekaṃ mahābhūtaṃ paṭicca dve mahābhūtā āpodhātu ca dve mahābhūte paṭicca ekaṃ mahābhūtaṃ āpodhātu ca. [2187] Anidassanaappaṭighaṃ dhammaṃ paṭicca anidassanaappaṭigho dhammo uppajjati aññamaññapaccayā anidassanaappaṭighaṃ ekaṃ khandhaṃ paṭicca tayo khandhā dve khandhe ... Paṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā vatthu ca dve khandhe ... khandhe paṭicca vatthu vatthuṃ paṭicca khandhā. Anidassanaappaṭighaṃ dhammaṃ paṭicca anidassanasappaṭigho dhammo uppajjati aññamaññapaccayā āpodhātuṃ paṭicca anidassanasappaṭighā mahābhūtā. [2188] Anidassanasappaṭighañca anidassanaappaṭighañca dhammaṃ paṭicca anidassanasappaṭigho dhammo uppajjati aññamaññapaccayā anidassanasappaṭighaṃ ekaṃ mahābhūtañca āpodhātuñca paṭicca dve mahābhūtā dve mahābhūte ca āpodhātuñca paṭicca ekaṃ mahābhūtaṃ. [2189] Anidassanasappaṭighaṃ dhammaṃ paṭicca anidassanasappaṭigho dhammo uppajjati nissayapaccayā upanissayapaccayā purejātapaccayā āsevanapaccayā kammapaccayā vipākapaccayā āhārapaccayā indriyapaccayā jhānapaccayā maggapaccayā sampayuttapaccayā vippayuttapaccayā atthipaccayā natthipaccayā vigatapaccayā avigatapaccayā. [2190] Hetuyā ekavīsa ārammaṇe ekaṃ adhipatiyā ekavīsa anantare ekaṃ samanantare ekaṃ sahajāte ekavīsa aññamaññe cha nissaye ekavīsa upanissaye ekaṃ purejāte ekaṃ āsevane ekaṃ kamme ekavīsa vipāke āhāre ekavīsa indriye ekavīsa Jhāne magge ekavīsa sampayutte ekaṃ vippayutte ekavīsa atthiyā ekavīsa natthiyā ekaṃ vigate ekaṃ avigate ekavīsa . Evaṃ gaṇetabbaṃ. Anulomaṃ. [2191] Anidassanasappaṭighaṃ dhammaṃ paṭicca anidassanasappaṭigho dhammo uppajjati nahetupaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca cakkhāyatanaṃ rasāyatanaṃ bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighamūlake iminā kāraṇena sattapi pañhā vibhajitabbā. [2192] Anidassanaappaṭighaṃ dhammaṃ paṭicca anidassanaappaṭigho dhammo uppajjati nahetupaccayā ahetukaṃ anidassanaappaṭighaṃ ekaṃ khandhaṃ paṭicca tayo khandhā anidassanaappaṭighaṃ cittasamuṭṭhānañca rūpaṃ dve khandhe ... ahetukapaṭisandhikkhaṇe anidassanaappaṭighaṃ ekaṃ khandhaṃ paṭicca tayo khandhā anidassanaappaṭighañca kaṭattārūpaṃ khandhe paṭicca vatthu vatthuṃ paṭicca khandhā āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ Paṭicca indriyaṃ kabaḷiṃkāro āhāro bāhiraṃ ... Āhārasamuṭṭhānaṃ ... Utusamuṭṭhānaṃ ... asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ vicikicchāsahagate uddhaccasahagate khandhe paṭicca vicikicchāsahagato uddhaccasahagato moho anidassanaappaṭighamūlakā iminā kāraṇena satta pañhā vibhajitabbā. [2193] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati nahetupaccayā ahetuke anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ ahetukapaṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ bāhiraṃ ... āhārasamuṭṭhānaṃ ... Utusamuṭṭhānaṃ ... asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ iminā kāraṇena satta pañhā vitthāretabbā asammohantena. [2194] Anidassanasappaṭighaṃ dhammaṃ paṭicca anidassanasappaṭigho dhammo uppajjati naārammaṇapaccayā anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighe mahābhūte paṭicca anidassanasappaṭighaṃ Cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca cakkhāyatanaṃ rasāyatanaṃ bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighamūlakā iminā kāraṇena sattapi pañhā vitthāretabbā. [2195] Anidassanaappaṭighaṃ dhammaṃ paṭicca anidassanaappaṭigho dhammo uppajjati naārammaṇapaccayā anidassanaappaṭighe khandhe paṭicca anidassanaappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe paṭicca anidassanaappaṭighaṃ kaṭattārūpaṃ khandhe paṭicca vatthu āpodhātuṃ paṭicca anidassanaappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ āpodhātuṃ paṭicca indriyaṃ kabaḷiṃkāro āhāro bāhiraṃ ... āhārasamuṭṭhānaṃ ... utusamuṭṭhānaṃ ... Asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ anidassanaappaṭighamūlake iminā kāraṇena sattapi pañhā vitthāretabbā. [2196] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati naārammaṇapaccayā anidassanaappaṭighe khandhe ca mahābhūte ca paṭicca sanidassanasappaṭighaṃ cittasamuṭṭhānaṃ rūpaṃ paṭisandhikkhaṇe anidassanaappaṭighe khandhe ca mahābhūte ca paṭicca sanidassanasappaṭighaṃ kaṭattārūpaṃ anidassanasappaṭighe Mahābhūte ca āpodhātuñca paṭicca sanidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanañca āpodhātuñca paṭicca rūpāyatanaṃ ... bāhiraṃ ... āhārasamuṭṭhānaṃ ... utusamuṭṭhānaṃ ... Asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ ghaṭane iminā kāraṇena sattapi pañhā vibhajitabbā. [2197] Anidassanasappaṭighaṃ dhammaṃ paṭicca anidassanasappaṭigho dhammo uppajjati naadhipatipaccayā sahajātasadisaṃ . naanantarapaccayā nasamanantarapaccayā naaññamaññapaccayā anidassanasappaṭighe mahābhūte paṭicca anidassanasappaṭighaṃ cittasamuṭṭhānaṃ rūpaṃ kaṭattārūpaṃ upādārūpaṃ phoṭṭhabbāyatanaṃ paṭicca cakkhāyatanaṃ rasāyatanaṃ bāhiraṃ ... Āhārasamuṭṭhānaṃ ... utusamuṭṭhānaṃ ... asaññasattānaṃ mahābhūte paṭicca anidassanaappaṭighaṃ kaṭattārūpaṃ upādārūpaṃ iminā kāraṇena ekavīsa pañhā vibhajitabbā. {2197.1} Naupanissayapaccayā napurejātapaccayā napacchājātapaccayā naāsevanapaccayā. Nakammapaccayā bāhiraṃ ... Āhārasamuṭṭhānaṃ ... Utusamuṭṭhānaṃ ... anidassanasappaṭighaṃ ekaṃ mahābhūtaṃ paṭicca dve mahābhūtā dve mahābhūte paṭicca ekaṃ mahābhūtaṃ anidassanasappaṭighe mahābhūte paṭicca anidassanasappaṭighaṃ upādārūpaṃ kammaṃ vibhajitvā nakammeneva ekavīsa pañhā kātabbā. Navipākapaccayā paṭisandhipi kaṭattāpi natthi pañcavokāreyeva kātabbā. Naāhārapaccayā Bāhiraṃ ... Utusamuṭṭhānaṃ ... Asaññasattānaṃ ... Iminā kāraṇena vibhajitabbā ekavīsāpi. {2197.2} Naindriyapaccayā bāhiraṃ ... Āhārasamuṭṭhānaṃ ... Utusamuṭṭhānaṃ ... anidassanasappaṭighaṃ ekaṃ mahābhūtaṃ ... Asaññasattānaṃ mahābhūte paṭicca rūpajīvitindriyaṃ . saṅkhittaṃ . sabbe pañhā vibhajitabbā . najhānapaccayā bāhiraṃ ... āhārasamuṭṭhānaṃ ... Utusamuṭṭhānaṃ ... asaññasattānaṃ ekaṃ mahābhūtaṃ. Saṅkhittaṃ. Sattapi pañhā vibhajitabbā. [2198] Anidassanaappaṭighaṃ dhammaṃ paṭicca anidassanaappaṭigho dhammo uppajjati najhānapaccayā pañcaviññāṇasahagataṃ ekaṃ khandhaṃ paṭicca tayo khandhā dve khandhe ... Bāhiraṃ ... Āhārasamuṭṭhānaṃ ... Utusamuṭṭhānaṃ ... asaññasattānaṃ āpodhātuṃ paṭicca anidassanaappaṭighaṃ kaṭattārūpaṃ upādārūpaṃ evaṃ sattapi pañhā vibhajitabbā. [2199] Anidassanasappaṭighañca anidassanaappaṭighañca dhammaṃ paṭicca sanidassanasappaṭigho dhammo uppajjati najhānapaccayā bāhiraṃ ... Āhārasamuṭṭhānaṃ ... utusamuṭṭhānaṃ ... asaññasattānaṃ anidassanasappaṭighe mahābhūte ca āpodhātuñca paṭicca sanidassanasappaṭighaṃ kaṭattārūpaṃ upādārūpaṃ evaṃ sattapi pañhā vibhajitabbā . namaggapaccayā nahetusadisaṃ kātabbaṃ paripuṇṇaṃ moho natthi . nasampayuttapaccayā navippayuttapaccayā paripuṇṇaṃ. Nonatthipaccayā novigatapaccayā. [2200] Nahetuyā ekavīsa naārammaṇe ekavīsa naadhipatiyā Ekavīsa . saṅkhittaṃ . sabbattha ekavīsa nonatthiyā ekavīsa novigate ekavīsa. Evaṃ gaṇetabbaṃ. Paccanīyaṃ. [2201] Hetupaccayā naārammaṇe ekavīsa ... naadhipatiyā ekavīsa . saṅkhittaṃ . navipāke ekavīsa nasampayutte ekavīsa navippayutte ekavīsa nonatthiyā ekavīsa novigate ekavīsa . Evaṃ gaṇetabbaṃ. Anulomapaccanīyaṃ. [2202] Nahetupaccayā ārammaṇe ekaṃ ... anantare ekaṃ samanantare ekaṃ sahajāte ekavīsa . saṅkhittaṃ . jhāne ekavīsa magge ekavīsa sampayutte ekaṃ vippayutte ekavīsa atthiyā ekavīsa natthiyā ekaṃ vigate ekaṃ avigate ekavīsa. Evaṃ gaṇetabbaṃ. Paccanīyānulomaṃ. Paṭiccavāro niṭṭhito. Sahajātavāropi paccayavāropi nissayavāropi paṭiccavārasadisā saṃsaṭṭhavāropi sampayuttavāropi arūpeyeva kātabbā. Pañhāvāro [2203] Anidassanaappaṭigho dhammo anidassanaappaṭighassa dhammassa hetupaccayena paccayo anidassanaappaṭighā hetū sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ Hetupaccayena paccayo paṭisandhikkhaṇe anidassanaappaṭighā hetū sampayuttakānaṃ khandhānaṃ anidassanaappaṭighānañca kaṭattārūpānaṃ hetupaccayena paccayo. [2204] Anidassanaappaṭigho dhammo sanidassanasappaṭighassa dhammassa hetupaccayena paccayo anidassanaappaṭighā hetū sanidassanasappaṭighānaṃ cittasamuṭṭhānānaṃ rūpānaṃ hetupaccayena paccayo paṭisandhikkhaṇe ... anidassanaappaṭighamūlakeyeva iminā kāraṇena satta pañhā vibhajitabbā. [2205] Sanidassanasappaṭigho dhammo anidassanaappaṭighassa dhammassa ārammaṇapaccayena paccayo rūpe aniccato dukkhato anattato vipassati assādeti abhinandati taṃ ārabbha rāgo uppajjati diṭṭhi ... Vicikicchā ... uddhaccaṃ ... domanassaṃ uppajjati dibbena cakkhunā rūpaṃ passati rūpāyatanaṃ cakkhuviññāṇassa ārammaṇapaccayena paccayo sanidassanasappaṭighā khandhā iddhividhañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo. [2206] Anidassanasappaṭigho dhammo anidassanaappaṭighassa dhammassa ārammaṇapaccayena paccayo cakkhuṃ ... kāyaṃ sadde gandhe rase ... phoṭṭhabbe aniccato .pe. domanassaṃ uppajjati dibbāya sotadhātuyā saddaṃ suṇāti saddāyatanaṃ sotaviññāṇassa phoṭṭhabbāyatanaṃ kāyaviññāṇassa anidassanasappaṭighā khandhā Iddhividhañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo. [2207] Anidassanaappaṭigho dhammo anidassanaappaṭighassa dhammassa ārammaṇapaccayena paccayo dānaṃ datvā sīlaṃ samādiyitvā uposathakammaṃ katvā taṃ paccavekkhati pubbe suciṇṇāni paccavekkhati jhānā ... ariyā maggā vuṭṭhahitvā maggaṃ paccavekkhanti phalaṃ paccavekkhanti nibbānaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo ariyā pahīne kilese paccavekkhanti vikkhambhite kilese paccavekkhanti {2207.1} pubbe samudāciṇṇe ... Vatthuṃ ... Itthindriyaṃ purisindriyaṃ jīvitindriyaṃ āpodhātuṃ kabaḷiṃkāraṃ āhāraṃ ... anidassanaappaṭighe khandhe aniccato ... domanassaṃ uppajjati cetopariyañāṇena anidassanaappaṭigha- cittasamaṅgissa cittaṃ jānāti ākāsānañcāyatanaṃ viññāṇañcāyatanassa ārammaṇapaccayena paccayo ākiñcaññāyatanaṃ nevasaññānāsaññāyatanassa anidassanaappaṭighā khandhā iddhividhañāṇassa cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [2208] Sanidassanasappaṭigho dhammo anidassanaappaṭighassa dhammassa adhipatipaccayena paccayo . ārammaṇādhipati: rūpaṃ garuṃ katvā assādeti abhinandati taṃ garuṃ katvā rāgo ... Diṭṭhi uppajjati. [2209] Anidassanasappaṭigho dhammo anidassanaappaṭighassa dhammassa adhipatipaccayena paccayo . ārammaṇādhipati: cakkhuṃ ... kāyaṃ sadde gandhe ... phoṭṭhabbe garuṃ katvā assādeti abhinandati taṃ garuṃ katvā rāgo ... Diṭṭhi uppajjati. [2210] Anidassanaappaṭigho dhammo anidassanaappaṭighassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: dānaṃ datvā sīlaṃ ... Uposathakammaṃ ... Taṃ garuṃ katvā ... Jhānā vuṭṭhahitvā ... Ariyā maggā vuṭṭhahitvā ... Phalā vuṭṭhahitvā ... Phalaṃ garuṃ katvā ... nibbānaṃ garuṃ katvā ... nibbānaṃ gotrabhussa vodānassa maggassa phalassa adhipatipaccayena paccayo vatthuṃ ... Itthindriyaṃ purisindriyaṃ jīvitindriyaṃ āpodhātuṃ kabaḷiṃkāraṃ āhāraṃ ... Anidassanaappaṭighe khandhe garuṃ katvā assādeti abhinandati taṃ garuṃ katvā rāgo ... Diṭṭhi uppajjati . sahajātādhipati: anidassanaappaṭighādhipati sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ adhipatipaccayena paccayo. [2211] Anidassanaappaṭigho dhammo sanidassanasappaṭighassa dhammassa adhipatipaccayena paccayo . sahajātādhipati: anidassana- appaṭighādhipati anidassanasappaṭighānaṃ cittasamuṭṭhānānaṃ rūpānaṃ adhipatipaccayena paccayo anidassanaappaṭimūlake sattapi pañhā vibhajitabbā adhipati tividharūpasaṅgahena. [2212] Anidassanaappaṭigho dhammo anidassanaappaṭighassa dhammassa anantarapaccayena paccayo purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ anantarapaccayena paccayo anulomaṃ gotrabhussa anulomaṃ vodānassa gotrabhu maggassa vodānaṃ maggassa maggo phalassa phalaṃ phalassa anulomaṃ phalasamāpattiyā nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo. [2213] Anidassanaappaṭigho dhammo anidassanaappaṭighassa dhammassa samanantarapaccayena paccayo anantarasadisaṃ. [2214] Anidassanasappaṭigho dhammo anidassanasappaṭighassa dhammassa sahajātapaccayena paccayo paṭiccavārasadisaṃ sādhukaṃ kātabbaṃ . aññamaññapaccaye paṭiccavāre aññamaññasadisaṃ . Nissayapaccaye paṭiccavārasadisaṃ. [2215] Sanidassanasappaṭigho dhammo anidassanaappaṭighassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: vaṇṇasampadaṃ patthayamāno dānaṃ deti sīlaṃ ... Uposathakammaṃ ... Vaṇṇasampadā saddhāya paññāya rāgassa patthanāya kāyikassa sukhassa kāyikassa dukkhassa maggassa phalasamāpattiyā upanissayapaccayena paccayo. [2216] Anidassanasappaṭigho dhammo anidassanaappaṭighassa Dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: cakkhusampadaṃ patthayamāno ... kāyasampadaṃ ... saddasampadaṃ ... phoṭṭhabbasampadaṃ patthayamāno dānaṃ deti sīlaṃ ... uposathakammaṃ ... Utuṃ ... Senāsanaṃ upanissāya dānaṃ deti sīlaṃ ... uposathakammaṃ ... Jhānaṃ ... Vipassanaṃ ... maggaṃ ... abhiññaṃ ... samāpattiṃ ... pāṇaṃ hanati saṅghaṃ bhindati cakkhusampadā ... phoṭṭhabbasampadā ... utu ... senāsanaṃ saddhāya paññāya rāgassa patthanāya kāyikassa sukhassa kāyikassa dukkhassa maggassa phalasamāpattiyā upanissayapaccayena paccayo. [2217] Anidassanaappaṭigho dhammo anidassanasappaṭighassa dhammassa upanissayapaccayena paccayo ārammaṇūpanissayo anantarūpanissayo pakatūpanissayo . pakatūpanissayo: saddhaṃ upanissāya dānaṃ deti sīlaṃ ... Uposathakammaṃ ... Jhānaṃ ... Samāpattiṃ ... Mānaṃ jappeti diṭṭhiṃ gaṇhāti sīlaṃ ... paññaṃ rāgaṃ patthanaṃ kāyikaṃ sukhaṃ kāyikaṃ dukkhaṃ bhojanaṃ upanissāya dānaṃ deti ... saṅghaṃ bhindati anidassanaappaṭighā khandhā ... saddhā paññā rāgo patthanā kāyikaṃ sukhaṃ kāyikaṃ dukkhaṃ ... bhojanaṃ saddhāya paññāya . saṅkhittaṃ . maggassa phalasamāpattiyā upanissayapaccayena paccayo. [2218] Sanidassanasappaṭigho dhammo anidassanaappaṭighassa dhammassa purejātapaccayena paccayo . ārammaṇapurejātaṃ: dibbena Cakkhunā ... Rūpāyatanaṃ cakkhuviññāṇassa purejātapaccayena paccayo. [2219] Anidassanasappaṭigho dhammo anidassanaappaṭighassa dhammassa purejātapaccayena paccayo ārammaṇapurejātaṃ vatthupurejātaṃ . Ārammaṇapurejātaṃ: cakkhuṃ ... kāyaṃ ... sadde ... Phoṭṭhabbe ... Aniccato ... domanassaṃ uppajjati dibbāya sotadhātuyā saddaṃ suṇāti saddāyatanaṃ sotaviññāṇassa .pe. phoṭṭhabbāyatanaṃ kāyaviññāṇassa purejātapaccayena paccayo . vatthupurejātaṃ: cakkhāyatanaṃ cakkhuviññāṇassa kāyāyatanaṃ kāyaviññāṇassa purejātapaccayena paccayo. [2220] Anidassanaappaṭigho dhammo anidassanaappaṭighassa dhammassa purejātapaccayena paccayo ārammaṇapurejātaṃ vatthupurejātaṃ . Ārammaṇapurejātaṃ: vatthuṃ ... itthindriyaṃ purisindriyaṃ jīvitindriyaṃ āpodhātuṃ kabaḷiṃkāraṃ āhāraṃ aniccato ... domanassaṃ uppajjati . Vatthupurejātaṃ: vatthu anidassanaappaṭighānaṃ khandhānaṃ purejātapaccayena paccayo. [2221] Sanidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo ārammaṇapurejātaṃ vatthupurejātaṃ: rūpāyatanañca vatthu ca anidassanaappaṭighānaṃ khandhānaṃ purejātapaccayena paccayo. [2222] Anidassanasappaṭigho ca anidassanaappaṭigho ca dhammā anidassanaappaṭighassa dhammassa purejātapaccayena paccayo ārammaṇapurejātaṃ Vatthupurejātaṃ cakkhāyatanañca vatthu ca ... Phoṭṭhabbāyatanañca vatthu ca anidassanaappaṭighānaṃ khandhānaṃ purejātapaccayena paccayo. [2223] Sanidassanasappaṭigho ca anidassanasappaṭigho ca dhammā anidassanaappaṭighassa dhammassa purejātapaccayena paccayo ārammaṇapurejātaṃ vatthupurejātaṃ: rūpāyatanañca cakkhāyatanañca cakkhuviññāṇassa purejātapaccayena paccayo. [2224] Anidassanaappaṭigho dhammo anidassanaappaṭighassa dhammassa pacchājātapaccayena paccayo . pacchājātā: anidassana- appaṭighā khandhā purejātassa imassa anidassanaappaṭighassa kāyassa pacchājātapaccayena paccayo. [2225] Anidassanaappaṭigho dhammo sanidassanasappaṭighassa dhammassa pacchājātapaccayena paccayo . pacchājātā: anidassana- appaṭighā khandhā purejātassa imassa sanidassanasappaṭighassa kāyassa pacchājātapaccayena paccayo evaṃ satta pañhā vibhajitabbā tividharūpasaṅgaho. [2226] Anidassanaappaṭigho dhammo anidassanaappaṭighassa dhammassa āsevanapaccayena paccayo purimā purimā anidassanaappaṭighā khandhā pacchimānaṃ pacchimānaṃ anidassanaappaṭighānaṃ khandhānaṃ āsevanapaccayena paccayo anulomaṃ gotrabhussa anulomaṃ vodānassa Gotrabhu maggassa vodānaṃ maggassa āsevanapaccayena paccayo. [2227] Anidassanaappaṭigho dhammo anidassanaappaṭighassa dhammassa kammapaccayena paccayo sahajātā nānākhaṇikā . Sahajātā: anidassanaappaṭighā cetanā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ kammapaccayena paccayo . nānākhaṇikā: anidassanaappaṭighā cetanā vipākānaṃ khandhānaṃ anidassanaappaṭighānañca kaṭattārūpānaṃ kammapaccayena paccayo. [2228] Anidassanaappaṭigho dhammo sanidassanasappaṭighassa dhammassa kammapaccayena paccayo sahajātā nānākhaṇikā . sahajātā: anidassanaappaṭighā cetanā sanidassanasappaṭighānaṃ cittasamuṭṭhānānaṃ rūpānaṃ kammapaccayena paccayo . nānākhaṇikā: anidassanaappaṭighā cetanā sanidassanasappaṭighānaṃ kaṭattārūpānaṃ kammapaccayena paccayo evaṃ satta pañhā sahajātā nānākhaṇikā iminā kāraṇena vibhajitabbā tividharūpasaṅgaho. [2229] Anidassanaappaṭigho dhammo anidassanaappaṭighassa dhammassa vipākapaccayena paccayo vipāko anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ vipākapaccayena paccayo dve khandhā ... paṭisandhikkhaṇe anidassanaappaṭigho eko khandho tiṇṇannaṃ khandhānaṃ anidassana- appaṭighānañca kaṭattārūpānaṃ vipākapaccayena paccayo khandhā Vatthussa vipākapaccayena paccayo. [2230] Anidassanaappaṭigho dhammo sanidassanasappaṭighassa dhammassa vipākapaccayena paccayo vipākā anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vipākapaccayena paccayo paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vipākapaccayena paccayo evaṃ satta pañhā vitthāretabbā pavatti paṭisandhi. [2231] Anidassanaappaṭigho dhammo anidassanaappaṭighassa dhammassa āhārapaccayena paccayo anidassanaappaṭighā āhārā sampayuttakānaṃ khandhānaṃ anidassanaappaṭighānañca cittasamuṭṭhānānaṃ rūpānaṃ āhārapaccayena paccayo paṭisandhikkhaṇe anidassanaappaṭighā āhārā sampayuttakānaṃ khandhānaṃ anidassanaappaṭighānañca kaṭattārūpānaṃ āhārapaccayena paccayo kabaḷiṃkāro āhāro imassa anidassana- appaṭighassa kāyassa āhārapaccayena paccayo. [2232] Anidassanaappaṭigho dhammo sanidassanasappaṭighassa dhammassa āhārapaccayena paccayo anidassanaappaṭighā āhārā sanidassanasappaṭighānaṃ cittasamuṭṭhānānaṃ rūpānaṃ āhārapaccayena paccayo paṭisandhikkhaṇe anidassanaappaṭighā āhārā sanidassanasappaṭighānaṃ kaṭattārūpānaṃ āhārapaccayena paccayo kabaḷiṃkāro āhāro imassa sanidassanasappaṭighassa kāyassa āhārapaccayena paccayo evaṃ satta Pañhā pavatti paṭisandhi vibhajitabbā sattasupi kabaḷiṃkāro āhāro kātabbo. [2233] Anidassanasappaṭigho dhammo anidassanaappaṭighassa dhammassa indriyapaccayena paccayo cakkhundriyaṃ cakkhuviññāṇassa kāyindriyaṃ kāyaviññāṇassa indriyapaccayena paccayo. [2234] Anidassanaappaṭigho dhammo anidassanaappaṭighassa dhammassa indriyapaccayena paccayo anidassanaappaṭighā indriyā sampayuttakānaṃ khandhānaṃ anidassanaappaṭighānaṃ cittasamuṭṭhānānañca rūpānaṃ indriyapaccayena paccayo paṭisandhikkhaṇe anidassanaappaṭighā indriyā sampayuttakānaṃ khandhānaṃ anidassanasappaṭighānañca kaṭattārūpānaṃ indriyapaccayena paccayo rūpajīvitindriyaṃ anidassanaappaṭighānaṃ kaṭattārūpānaṃ indriyapaccayena paccayo. [2235] Anidassanaappaṭigho dhammo sanidassanasappaṭighassa dhammassa indriyapaccayena paccayo anidassanaappaṭighā indriyā sanidassanasappaṭighānaṃ cittasamuṭṭhānānaṃ rūpānaṃ indriyapaccayena paccayo paṭisandhikkhaṇe anidassanaappaṭighā indriyā sanidassanasappaṭighānaṃ kaṭattārūpānaṃ indriyapaccayena paccayo rūpajīvitindriyaṃ sanidassanasappaṭighānaṃ kaṭattārūpānaṃ indriyapaccayena paccayo evaṃ pavatti paṭisandhi satta pañhā vibhajitabbā rūpajīvitindriyañca ante ante. [2236] Anidassanasappaṭigho ca anidassanaappaṭigho ca dhammā anidassanaappaṭighassa dhammassa indriyapaccayena paccayo cakkhundriyañca cakkhuviññāṇañca cakkhuviññāṇasahagatānaṃ khandhānaṃ indriyapaccayena paccayo . saṅkhittaṃ . kāyindriyañca kāyaviññāṇañca kāyaviññāṇasahagatānaṃ khandhānaṃ indriyapaccayena paccayo. [2237] Anidassanaappaṭigho dhammo anidassanaappaṭighassa dhammassa jhānapaccayena paccayo maggapaccayena paccayo sampayuttapaccayena paccayo anidassanaappaṭigho eko khandho tiṇṇannaṃ khandhānaṃ sampayuttapaccayena paccayo dve khandhā ... Paṭisandhikkhaṇe .... [2238] Anidassanasappaṭigho dhammo anidassanaappaṭighassa dhammassa vippayuttapaccayena paccayo . purejātaṃ: cakkhāyatanaṃ cakkhuviññāṇassa kāyāyatanaṃ kāyaviññāṇassa vippayuttapaccayena paccayo. [2239] Anidassanaappaṭigho dhammo anidassanaappaṭighassa dhammassa vippayuttapaccayena paccayo sahajātaṃ purejātaṃ pacchājātaṃ . Sahajātā: anidassanaappaṭighā khandhā anidassanaappaṭighānaṃ cittasamuṭṭhānānaṃ rūpānaṃ vippayuttapaccayena paccayo paṭisandhikkhaṇe anidassanaappaṭighā khandhā anidassanaappaṭighānaṃ kaṭattārūpānaṃ vippayuttapaccayena paccayo khandhā vatthussa vippayuttapaccayena paccayo vatthu khandhānaṃ vippayuttapaccayena paccayo . purejātaṃ: vatthu Anidassanaappaṭighānaṃ khandhānaṃ vippayuttapaccayena paccayo . pacchājātā: anidassanaappaṭighā khandhā purejātassa imassa anidassanaappaṭighassa kāyassa vippayuttapaccayena paccayo. [2240] Anidassanaappaṭigho dhammo sanidassanasappaṭighassa dhammassa vippayuttapaccayena paccayo sahajātaṃ pacchājātaṃ . sahajātā: anidassanaappaṭighā khandhā sanidassanasappaṭighānaṃ cittasamuṭṭhānānaṃ rūpānaṃ vippayuttapaccayena paccayo paṭisandhikkhaṇe anidassanaappaṭighā khandhā sanidassanasappaṭighānaṃ kaṭattārūpānaṃ vippayuttapaccayena paccayo . pacchājātā: anidassanaappaṭighā khandhā purejātassa imassa sanidassanasappaṭighassa kāyassa vippayuttapaccayena paccayo avasesā pañca pañhā evaṃ vitthāretabbā sahajātā pacchājātā. [2241] Sanidassanasappaṭigho dhammo anidassanasappaṭighassa dhammassa atthipaccayena paccayo . purejātaṃ: rūpe aniccato ... Domanassaṃ uppajjati dibbena cakkhunā rūpaṃ ... rūpāyatanaṃ cakkhuviññāṇassa atthipaccayena paccayo. [2242] Anidassanasappaṭigho dhammo anidassanasappaṭighassa dhammassa atthipaccayena paccayo anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo dve mahābhūtā ekassa mahābhūtassa atthipaccayena paccayo anidassanasappaṭighā mahābhūtā Anidassanasappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ atthipaccayena paccayo phoṭṭhabbāyatanaṃ cakkhāyatanassa rasāyatanassa atthipaccayena paccayo bāhiraṃ ... āhārasamuṭṭhānaṃ ... Utusamuṭṭhānaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo dve mahābhūtā ekassa mahābhūtassa atthipaccayena paccayo utusamuṭṭhānā mahābhūtā anidassanasappaṭighānaṃ upādārūpānaṃ atthipaccayena paccayo asaññasattānaṃ anidassanasappaṭighaṃ ekaṃ mahābhūtaṃ dvinnaṃ mahābhūtānaṃ atthipaccayena paccayo dve mahābhūtā .... [2243] Anidassanasappaṭigho dhammo sanidassanasappaṭighassa dhammassa atthipaccayena paccayo: paṭiccavāre nissayasadisaṃ. [2244] Anidassanasappaṭigho dhammo anidassanaappaṭighassa dhammassa atthipaccayena paccayo sahajātaṃ purejātaṃ . sahajātā: anidassanasappaṭighā mahābhūtā anidassanaappaṭighānaṃ cittasamuṭṭhanānaṃ rūpānaṃ kaṭattārūpānaṃ upādārūpānaṃ atthipaccayena paccayo yāva asaññasattā vitthāretabbā. Purejātaṃ: cakkhuṃ ... Kāyaṃ ... Sadde ... Phoṭṭhabbe aniccato ... domanassaṃ uppajjati cakkhāyatanaṃ cakkhuviññāṇassa phoṭṭhabbāyatanaṃ kāyaviññāṇassa atthipaccayena paccayo avasesā cattāro pañhā vitthāretabbā paṭiccavāre sahajātasadisā ninnānākaraṇā. [2245] Anidassanaappaṭigho dhammo anidassanaappaṭighassa Dhammassa atthipaccayena paccayo sahajātaṃ pacchājātaṃ āhāraṃ indriyaṃ . sahajāto: anidassanaappaṭigho eko khandho tiṇṇannaṃ khandhānaṃ anidassanaappaṭighānaṃ cittasamuṭṭhānānañca rūpānaṃ atthipaccayena paccayo dve khandhā ... paṭisandhikkhaṇe āpodhātu anidassanaappaṭighānaṃ cittasamuṭṭhānānaṃ rūpānaṃ kaṭattārūpānaṃ upādārūpānaṃ āpodhātu indriyassa kabaḷiṃkārāhārassa ca atthipaccayena paccayo bāhiraṃ ... Āhārasamuṭṭhānaṃ ... Utusamuṭṭhānaṃ ... Asaññasattānaṃ āpodhātu anidassanaappaṭighānaṃ kaṭattārūpānaṃ. {2245.1} Purejātaṃ: vatthuṃ ... Itthindriyaṃ purisindriyaṃ jīvitindriyaṃ āpodhātuṃ ... kabaḷiṃkāraṃ āhāraṃ aniccato ... Domanassaṃ uppajjati vatthu anidassanaappaṭighānaṃ khandhānaṃ atthipaccayena paccayo . pacchājātā: anidassanaappaṭighā khandhā purejātassa imassa anidassanaappaṭighassa kāyassa atthipaccayena paccayo . kabaḷiṃkāro āhāro imassa anidassanaappaṭighassa kāyassa atthipaccayena paccayo . Rūpajīvitindriyaṃ anidassanaappaṭighānaṃ kaṭattārūpānaṃ atthipaccayena paccayo evaṃ avasesā cha pañhā vibhajitabbā sahajātaṃ pacchājātaṃ āhāraṃ indriyampi kātabbā. [2246] Sanidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo . purejātaṃ: rūpāyatanañca vatthu ca anidassanaappaṭighānaṃ khandhānaṃ atthipaccayena Paccayo. [2247] Anidassanasappaṭigho ca anidassanaappaṭigho ca dhammā sanidassanasappaṭighassa dhammassa atthipaccayena paccayo anidassanaappaṭighā khandhā ca mahābhūtā ca sanidassanasappaṭighānaṃ cittasamuṭṭhānānaṃ rūpānaṃ atthipaccayena paccayo paṭisandhikkhaṇe ... . Saṅkhittaṃ. Asaññasattānañca kātabbā. [2248] Anidassanasappaṭigho ca anidassanaappaṭigho ca dhammā anidassanasappaṭighassa dhammassa .... Saṅkhittaṃ. [2249] Anidassanasappaṭigho ca anidassanaappaṭigho ca dhammā anidassanaappaṭighassa dhammassa atthipaccayena paccayo sahajātaṃ purejātaṃ . sahajātā: anidassanaappaṭighā khandhā ca mahābhūtā ca anidassanaappaṭighānaṃ cittasamuṭṭhānānaṃ rūpānaṃ yāva asaññasattā kātabbā . purejātaṃ: cakkhāyatanañca vatthu ca ... Phoṭṭhabbāyatanañca vatthu ca anidassanaappaṭighānaṃ khandhānaṃ atthipaccayena paccayo avasesā pañhā vibhajitabbā. [2250] Sanidassanasappaṭigho ca anidassanasappaṭigho ca dhammā anidassanaappaṭighassa dhammassa atthipaccayena paccayo . purejātaṃ: rūpāyatanañca cakkhāyatanañca cakkhuviññāṇassa atthipaccayena paccayo. [2251] Sanidassanasappaṭigho ca anidassanasappaṭigho ca anidassanaappaṭigho Ca dhammā anidassanaappaṭighassa dhammassa atthipaccayena paccayo sahajātaṃ purejātaṃ: rūpāyatanañca cakkhāyatanañca cakkhuviññāṇañca cakkhuviññāṇasahagatānaṃ khandhānaṃ atthipaccayena paccayo. Natthivigatapaccayaṃ anantarasadisaṃ. Avigatapaccayaṃ atthisadisaṃ. [2252] Hetuyā satta ārammaṇe tīṇi adhipatiyā nava anantare ekaṃ samanantare ekaṃ sahajāte ekavīsa aññamaññe cha nissaye ekavīsa upanissaye tīṇi purejāte cha pacchājāte satta āsevane ekaṃ kamme satta vipāke satta āhāre satta indriye nava jhāne satta magge satta sampayutte ekaṃ vippayutte aṭṭha atthiyā pañcavīsa natthiyā ekaṃ vigate ekaṃ avigate pañcavīsa. [2253] Hetupaccayā adhipatiyā satta ... sahajāte satta aññamaññe ekaṃ nissaye satta vipāke satta indriye satta magge satta sampayutte ekaṃ vippayutte satta atthiyā satta avigate satta. [2254] Hetusahajātanissayaatthiavigatanti satta . Hetusahajātaaññamaññanissayaatthiavigatanti ekaṃ. Hetusahajātaaññamaññanissayasampayuttaatthiavigatanti ekaṃ . Hetusahajātanissayavippayuttaatthiavigatanti satta. Hetusahajātanissayavipākaatthiavigatanti satta . hetusahajātaaññamaññanissayavipākaatthiavigatanti ekaṃ . Hetusahajātaaññamaññanissayavipākasampayuttaatthiavigatanti ekaṃ . Hetusahajātanissayavipākavippayuttaatthiavigatanti satta . Hetusahajātaaññamaññanissayavipākavippayuttaatthiavigatanti ekaṃ. Evaṃ sabbo gaṇanavāro gaṇetabbo. Anulomaṃ. [2255] Sanidassanasappaṭigho dhammo anidassanaappaṭighassa dhammassa ārammaṇapaccayena paccayo upanissayapaccayena paccayo purejātapaccayena paccayo. [2256] Anidassanasappaṭigho dhammo anidassanasappaṭighassa dhammassa sahajātapaccayena paccayo . anidassanasappaṭigho dhammo sanidassanasappaṭighassa dhammassa sahajātapaccayena paccayo . Anidassanasappaṭigho dhammo anidassanaappaṭighassa dhammassa ārammaṇapaccayena paccayo sahajātapaccayena paccayo upanissayapaccayena paccayo purejātapaccayena paccayo . anidassanasappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo . anidassanasappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo . anidassanasappaṭigho dhammo sanidassanasappaṭighassa ca anidassanasappaṭighassa Ca dhammassa sahajātapaccayena paccayo . anidassanasappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. [2257] Anidassanaappaṭigho dhammo anidassanaappaṭighassa dhammassa ārammaṇapaccayena paccayo sahajātapaccayena paccayo upanissayapaccayena paccayo purejātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo . anidassanaappaṭigho dhammo sanidassanasappaṭighassa dhammassa sahajātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. {2257.1} Anidassanaappaṭigho dhammo anidassanasappaṭighassa dhammassa sahajātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo . anidassanaappaṭigho dhammo sanidassanasappaṭighassa ca anidassanaappaṭighassa ca dhammassa sahajātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. {2257.2} Anidassanaappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo pacchājāta- paccayena paccayo kammapaccayena paccayo āhārapaccayena paccayo Indriyapaccayena paccayo . anidassanaappaṭigho dhammo anidassanasappaṭighassa ca anidassanaappaṭighassa ca dhammassa sahajātapaccayena paccayo kammapaccayena paccayo āhārapaccayena paccayo indriyapaccayena paccayo . anidassanaappaṭigho dhammo sanidassanasappaṭighassa ca anidassanasappaṭighassa ca dhammassa sahajātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. {2257.3} Anidassanaappaṭigho dhammo sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo pacchājātapaccayena paccayo kammapaccayena paccayo āhārapaccayena paccayo indriyapaccayena paccayo. [2258] Sanidassanasappaṭigho ca anidassanaappaṭigho ca dhammā anidassanaappaṭighassa dhammassa ... Purejātaṃ. [2259] Anidassanasappaṭigho ca anidassanaappaṭigho ca dhammā sanidassanasappaṭighassa dhammassa sahajātapaccayena paccayo . Anidassanasappaṭigho ca anidassanaappaṭigho ca dhammā anidassana- sappaṭighassa dhammassa sahajātapaccayena paccayo . anidassanasappaṭigho ca anidassanaappaṭigho ca dhammā anidassanaappaṭighassa dhammassa ... Sahajātaṃ purejātaṃ. {2259.1} Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanaappaṭighassa Ca dhammassa sahajātapaccayena paccayo . anidassanasappaṭigho ca anidassanaappaṭigho ca dhammā anidassanasappaṭighassa ca anidassana- appaṭighassa ca dhammassa sahajātapaccayena paccayo . anidassana- sappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca dhammassa sahajātapaccayena paccayo. {2259.2} Anidassanasappaṭigho ca anidassanaappaṭigho ca dhammā sanidassanasappaṭighassa ca anidassanasappaṭighassa ca anidassanaappaṭighassa ca dhammassa sahajātapaccayena paccayo. [2260] Sanidassanasappaṭigho ca anidassanasappaṭigho ca dhammā anidassanaappaṭighassa dhammassa ... Purejātaṃ. [2261] Sanidassanasappaṭigho ca anidassanasappaṭigho ca anidassanaappaṭigho ca dhammā anidassanaappaṭighassa dhammassa sahajātapaccayena paccayo purejātapaccayena paccayo. [2262] Nahetuyā pañcavīsa naārammaṇe dvāvīsa naadhipatiyā pañcavīsa naanantare pañcavīsa nasamanantare pañcavīsa nasahajāte dvādasa naaññamaññe catuvīsa nanissaye nava naupanissaye pañcavīsa napurejāte bāvīsa napacchājāte pañcavīsa naāsevane pañcavīsa nakamme pañcavīsa navipāke catuvīsa naāhāre pañcavīsa naindriye tevīsa najhāne pañcavīsa namagge pañcavīsa nasampayutte catuvīsa navippayutte bāvīsa Noatthiyā nava nonatthiyā pañcavīsa novigate pañcavīsa noavigate nava. [2263] Nahetupaccayā naārammaṇe bāvīsa paṭhamagamanasadisaṃ . ... Noavigate nava. [2264] Nahetupaccayā naārammaṇapaccayā naadhipatiyā bāvīsa ... naanantare bāvīsa nasamanantare bāvīsa nasahajāte nava naaññamaññe bāvīsa nanissaye nava naupanissaye ekavīsa napurejāte bāvīsa napacchājāte bāvīsa . saṅkhittaṃ . nasampayutte bāvīsa navippayutte bāvīsa noatthiyā nava nonatthiyā bāvīsa novigate bāvīsa noavigate nava. Evaṃ gaṇetabbaṃ. Paccanīyaṃ. [2265] Hetupaccayā naārammaṇe satta ... naadhipatiyā satta naanantare satta nasamanantare satta naaññamaññe satta naupanissaye satta napurejāte satta napacchājāte satta . saṅkhittaṃ . Sabbattha satta . nasampayutte satta navippayutte ekaṃ nonatthiyā satta novigate satta. [2266] Hetu sahajāta nissaya atthi avigatanti naārammaṇe satta ... naanantare satta nasamanantare satta naaññamaññe satta . Idhāpi saṅkhittaṃ . nasampayutte satta navippayutte ekaṃ nonatthiyā satta novigate satta. [2267] Hetusahajātaaññamaññanissayaatthiavigatanti naārammaṇe ekaṃ sabbattha ekaṃ ... Novigate ekaṃ. Evaṃ gaṇetabbaṃ. Anulomapaccanīyaṃ. [2268] Nahetupaccayā ārammaṇe tīṇi ... adhipatiyā nava anantare ekaṃ samanantare ekaṃ sahajāte ekavīsa aññamaññe cha nissaye ekavīsa upanissaye tīṇi purejāte cha pacchājāte satta āsevane ekaṃ kamme satta vipāke satta āhāre satta indriye nava jhāne satta magge satta sampayutte ekaṃ vippayutte aṭṭha atthiyā pañcavīsa natthiyā ekaṃ vigate ekaṃ avigate pañcavīsa. Evaṃ gaṇetabbaṃ. Paccanīyānulomaṃ. Pañhāvāro niṭṭhito. Sanidassanasappaṭighattikaṃ bāvīsatimaṃ niṭṭhitaṃ. Anulomatikapaṭṭhānaṃ pacchimaṃ niṭṭhitaṃ.The Pali Tipitaka in Roman Character Volume 41 page 554-647. https://84000.org/tipitaka/read/roman_item.php?book=41&item=1969&items=347 Classified by [Item Number] :- http://84000.org/tipitaka/read/roman_item.php?book=41&item=1969&items=347&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=41&item=1969&items=347 Compare with The Royal Version of Thai Tipitaka :- https://84000.org/tipitaka/read/byitem.php?book=41&item=1969&items=347 Study Atthakatha :- https://84000.org/tipitaka/attha/attha.php?b=41&i=1969 Contents of The Tipitaka Volume 41 https://84000.org/tipitaka/read/?index_41 https://84000.org/tipitaka/english/?index_41
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]