paliTIPITAKA Volume 44 - Abhidhamma Pitaka 11

Kusalattikavipākattikaṃ [16] Abyākataṃ vipākaṃ dhammaṃ paṭicca abyākato vipāko dhammo uppajjati hetupaccayā:. [17] Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. [18] Kusalaṃ vipākadhammadhammaṃ paṭicca kusalo vipākadhammadhammo uppajjati hetupaccayā: . akusalaṃ vipākadhammadhammaṃ paṭicca akusalo vipākadhammadhammo uppajjati hetupaccayā:. [19] Hetuyā dve ārammaṇe dve avigate dve. Sahajātavārampi sampayuttavārampi paṭiccavārasadisaṃ. [20] Kusalo vipākadhammadhammo kusalassa vipākadhammadhammassa hetupaccayena paccayo: . akusalo vipākadhammadhammo akusalassa vipākadhammadhammassa hetupaccayena paccayo:. [21] Kusalo vipākadhammadhammo kusalassa vipākadhammadhammassa ārammaṇapaccayena paccayo: kusalo vipākadhammadhammo akusalassa vipākadhammadhammassa ārammaṇapaccayena paccayo: . akusalo vipākadhammadhammo akusalassa vipākadhammadhammassa ārammaṇapaccayena paccayo: akusalo vipākadhammadhammo kusalassa vipākadhammadhammassa ārammaṇapaccayena paccayo:. [22] Hetuyā dve ārammaṇe cattāri adhipatiyā tīṇi anantare dve sahajāte dve upanissaye cattāri avigate dve. Yathā kusalattike pañhāvāraṃ evaṃ vitthāretabbaṃ. [23] Abyākataṃ nevavipākanavipākadhammadhammaṃ paṭicca abyākato nevavipākanavipākadhammadhammo uppajjati hetupaccayā:. [24] Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. Kusalattikavipākattikaṃ niṭṭhitaṃ. ----------------- Kusalattikaupādinnattikaṃ [25] Abyākataṃ upādinnupādāniyaṃ dhammaṃ paṭicca abyākato upādinnupādāniyo dhammo uppajjati hetupaccayā:. [26] Hetuyā ekaṃ avigate ekaṃ. Sahajātavārepi pañhāvārepi sabbattha ekaṃ. [27] Kusalaṃ anupādinnupādāniyaṃ dhammaṃ paṭicca kusalo anupādinnupādāniyo dhammo uppajjati hetupaccayā: tīṇi . akusalaṃ anupādinnupādāniyaṃ dhammaṃ paṭicca akusalo anupādinnupādāniyo dhammo uppajjati hetupaccayā: tīṇi . abyākataṃ anupādinnupādāniyaṃ dhammaṃ paṭicca abyākato anupādinnupādāniyo dhammo uppajjati hetupaccayā:. [28] Hetuyā nava avigate nava. Sahajātavārampi sampayuttavārampi paṭiccavārasadisaṃ. [29] Kusalo anupādinnupādāniyo dhammo kusalassa anupādinnupādāniyassa dhammassa hetupaccayena paccayo: tīṇi . akusalo anupādinnupādāniyo dhammo akusalassa anupādinnupādāniyassa dhammassa hetupaccayena paccayo: tīṇi . abyākato anupādinnupādāniyo dhammo abyākatassa anupādinnupādāniyassa dhammassa hetupaccayena paccayo:. [30] Kusalo anupādinnupādāniyo dhammo kusalassa anupādinnupādāniyassa dhammassa ārammaṇapaccayena paccayo: tīṇi . Akusalo anupādinnupādāniyo dhammo akusalassa anupādinnupādāniyassa dhammassa ārammaṇapaccayena paccayo: tīṇi . abyākato anupādinnupādāniyo dhammo abyākatassa anupādinnupādāniyassa dhammassa ārammaṇapaccayena paccayo: tīṇi.

The Pali Tipitaka in Roman Character Volume 44 page 532-534. https://84000.org/tipitaka/read/roman_item.php?book=44.3&item=16&items=15 Classified by [Item Number] :- http://84000.org/tipitaka/read/roman_item.php?book=44.3&item=16&items=15&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=44.3&item=16&items=15 Compare with The Royal Version of Thai Tipitaka :- https://84000.org/tipitaka/read/byitem.php?book=44.3&item=16&items=15 Study Atthakatha :- https://84000.org/tipitaka/attha/attha.php?b=44.3&i=16 Contents of The Tipitaka Volume 44 https://84000.org/tipitaka/read/?index_44 https://84000.org/tipitaka/english/?index_44