paliTIPITAKA Volume 9 - Sutta Pitaka 1

page1.

Suttantapitake dighanikayassa pathamo bhago ------- silakkhandhavaggo pathamo namo tassa bhagavato arahato sammasambuddhassa. Brahmajalasuttam pathamam [1] Evamme sutam . ekam samayam bhagava antara ca rajagaham antara ca nalandam addhanamaggapatipanno hoti mahata bhikkhusamghena saddhim pancamattehi bhikkhusatehi . suppiyopi kho paribbajako antara ca rajagaham antara ca nalandam addhanamaggapatipanno hoti saddhim antevasina brahmadattena manavena . tatra sudam suppiyo paribbajako anekapariyayena buddhassa avannam bhasati dhammassa avannam bhasati samghassa avannam bhasati . suppiyassa pana paribbajakassa antevasi brahmadatto manavo anekapariyayena buddhassa vannam bhasati dhammassa vannam bhasati samghassa vannam bhasati . Itiha te ubho acariyantevasi annamannassa ujuvipaccanikavada ^1- bhagavantam pitthito pitthito anubandha ^2- honti bhikkhusamghanca. {1.1} Athakho bhagava ambalatthikayam rajagarake ekarattivasam upaganchi @Footnote: ¹ Si. ujuvipaccanikavada. ² anubaddhatipi patho.

--------------------------------------------------------------------------------------------- page2.

Saddhim bhikkhusamghena . suppiyopi kho paribbajako ambalatthikayam rajagarake ekarattivasam upaganchi ^1- saddhim antevasina brahmadattena manavena . tatrapi sudam suppiyo paribbajako anekapariyayena buddhassa avannam bhasati dhammassa avannam bhasati samghassa avannam bhasati . suppiyassa pana paribbajakassa antevasi brahmadatto manavo anekapariyayena buddhassa vannam bhasati dhammassa vannam bhasati samghassa vannam bhasati . itiha te ubho acariyantevasi annamannassa ujuvipaccanikavada bhagavantam pitthito pitthito anubandha honti bhikkhusamghanca. {1.2} Athakho sambahulanam bhikkhunam rattiya paccusasamayam paccutthitanam mandalamale sannisinnanam sannipatitanam ayam samkhiyadhammo ^2- udapadi acchariyam avuso abbhutam ^3- avuso yavancidam tena bhagavata janata passata arahata sammasambuddhena sattanam nanadhimuttikata supatividita ^4- ayam hi suppiyo paribbajako anekapariyayena buddhassa avannam bhasati dhammassa avannam bhasati samghassa avannam bhasati suppiyassa pana paribbajakassa antevasi brahmadatto manavo anekapariyayena buddhassa vannam bhasati dhammassa vannam bhasati samghassa vannam bhasati itiha ime ubho ^5- acariyantevasi annamannassa ujuvipaccanikavada bhagavantam pitthito pitthito @Footnote: ¹ upagacchitipi patho. ² samkhiyadhammotipi patho. ³ Yu. abbhutam. @⁴ suppatividitatipi patho. ⁵ itiha te ime ubhotipi patho.

--------------------------------------------------------------------------------------------- page3.

Anubandha honti bhikkhusamghancati. {1.3} Athakho bhagava tesam bhikkhunam imam samkhiyadhammam viditva yena mandalamalo tenupasankami upasankamitva pannatte asane nisidi . Nisajja kho bhagava bhikkhu amantesi kaya nuttha bhikkhave etarahi kathaya sannisinna sannipatita ka ca pana vo antara katha vippakatati . Evam vutte te bhikkhu bhagavantam etadavocum idha bhante amhakam rattiya paccusasamayam paccutthitanam mandalamale sannisinnanam sannipatitanam ayam samkhiyadhammo udapadi acchariyam avuso abbhutam avuso yavancidam tena bhagavata janata passata arahata sammasambuddhena sattanam nanadhimuttikata supatividita ayam hi suppiyo paribbajako anekapariyayena buddhassa avannam bhasati dhammassa avannam bhasati samghassa avannam bhasati suppiyassa pana paribbajakassa antevasi brahmadatto manavo anekapariyayena buddhassa vannam bhasati dhammassa vannam bhasati samghassa vannam bhasati itiha ime ubho acariyantevasi annamannassa ujuvipaccanikavada bhagavantam pitthito pitthito anubandha honti bhikkhusamghancati ayam kho no bhante antara katha vippakata atha bhagava anuppattoti. {1.4} Mamam va bhikkhave pare avannam bhaseyyum dhammassa va avannam bhaseyyum samghassa va avannam bhaseyyum tatra tumhehi na aghato na apaccayo na cetaso anabhiraddhi karaniya . mamam va

--------------------------------------------------------------------------------------------- page4.

Bhikkhave pare avannam bhaseyyum dhammassa va avannam bhaseyyum samghassa va avannam bhaseyyum tatra ce tumhe assatha kupita va anattamana va tumhannevassa tena antarayo . Mamam va bhikkhave pare avannam bhaseyyum dhammassa va avannam bhaseyyum samghassa va avannam bhaseyyum tatra ce tumhe assatha kupita va anattamana va apinu tumhe paresam subhasitam va dubbhasitam va ajaneyyathati. Nohetam bhante . mamam va bhikkhave pare avannam bhaseyyum dhammassa va avannam bhaseyyum samghassa va avannam bhaseyyum tatra tumhehi abhutam abhutato nibbethetabbam itipetam abhutam itipetam ataccham natthipetam amhesu na ca panetam amhesu samvijjatiti. {1.5} Mamam va bhikkhave pare vannam bhaseyyum dhammassa va vannam bhaseyyum samghassa va vannam bhaseyyum tatra tumhehi na anando na somanassam na cetaso ubbilavitattam karaniyam . mamam va bhikkhave pare vannam bhaseyyum dhammassa va vannam bhaseyyum samghassa va vannam bhaseyyum tatra ce tumhe bhikkhave assatha anandino sumana ubbilavitatta tumhannevassa tena antarayo . mamam va bhikkhave pare vannam bhaseyyum dhammassa va vannam bhaseyyum samghassa va vannam bhaseyyum tatra tumhehi bhutam bhutato patijanitabbam itipetam bhutam itipetam taccham atthipetam amhesu samvijjati ca panetam amhesuti. [2] Appamattakam kho panetam bhikkhave oramattakam silamattakam yena

--------------------------------------------------------------------------------------------- page5.

Puthujjano tathagatassa vannam vadamano vadeyya . katamancetam bhikkhave appamattakam oramattakam silamattakam yena puthujjano tathagatassa vannam vadamano vadeyya. [3] Panatipatam pahaya panatipata pativirato samano gotamo nihitadando nihitasattho lajji dayapanno sabbapanabhutahitanukampi viharatiti . iti va hi bhikkhave puthujjano tathagatassa vannam vadamano vadeyya . adinnadanam pahaya adinnadana pativirato samano gotamo dinnadayi dinnapatikamkhi athenena sucibhutena attana viharatiti . iti va hi bhikkhave puthujjano tathagatassa vannam vadamano vadeyya . abrahmacariyam pahaya brahmacari samano gotamo aracari virato methuna gamadhammati . iti va hi bhikkhave puthujjano tathagatassa vannam vadamano vadeyya. [4] Musavadam pahaya musavada pativirato samano gotamo saccavadi saccasandho theto ^1- paccayiko avisamvadako lokassati . Iti va hi bhikkhave puthujjano tathagatassa vannam vadamano vadeyya . pisunam vacam pahaya pisunaya vacaya pativirato samano gotamo ito sutva na amutra akkhata imesam bhedaya amutra va sutva na imesam akkhata amusam bhedaya . iti bhinnanam va sandhata sahitanam va anuppadata samaggaramo samaggarato @Footnote: ¹ Si. theto.

--------------------------------------------------------------------------------------------- page6.

Samagganandi samaggakaranim vacam bhasitati . iti va hi bhikkhave puthujjano tathagatassa vannam vadamano vadeyya . pharusam vacam pahaya pharusaya vacaya pativirato samano gotamo ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasitati . iti va hi bhikkhave puthujjano tathagatassa vannam vadamano vadeyya. {4.1} Samphappalapam pahaya samphappalapa pativirato samano gotamo kalavadi bhutavadi atthavadi dhammavadi vinayavadi nidhanavatim vacam bhasita kalena sapadesam pariyantavatim atthasanhitanti . iti va hi bhikkhave puthujjano tathagatassa vannam vadamano vadeyya. [5] Bijagamabhutagamasamarambha pativirato samano gotamoti . Iti va hi bhikkhave .pe. [6] Ekabhattiko samano gotamo rattuparato virato vikalabhojana. Naccagitavaditavisukadassana pativirato samano gotamo . Malagandhavilepanadharanamandanavibhusanatthana pativirato samano gotamo . Uccasayanamahasayana pativirato samano gotamo . jataruparajatapatiggahana pativirato samano gotamo. [7] Amakadhannapatiggahana pativirato samano gotamo . Amakamamsapatiggahana pativirato samano gotamo . itthikumarikapatiggahana pativirato samano gotamo . dasidasapatiggahana pativirato samano

--------------------------------------------------------------------------------------------- page7.

Gotamo . ajelakapatiggahana pativirato samano gotamo . Kukkutasukarapatiggahana pativirato samano gotamo . Hatthigavassavalavapatiggahana pativirato samano gotamo . Khettavatthupatiggahana pativirato samano gotamo. [8] Duteyyapahinagamananuyoga pativirato samano gotamo . Kayavikkaya pativirato samano gotamo . tulakutakamsakutamanakuta pativirato samano gotamo . ukkotanavancananikatisaviyoga pativirato samano gotamo . chedanavadhabandhanaviparamosaalopasahasakara pativirato samano gotamoti . iti va hi bhikkhave puthujjano tathagatassa vannam vadamano vadeyya. Culasilam nitthitam. [9] Yatha va paneke bhonto samanabrahmana saddhadeyyani bhojanani bhunjitva te evarupam bijagamabhutagamasamarambham anuyutta viharanti . seyyathidam . mulabijam khandhabijam phalabijam aggabijam bijabijameva pancamam iti va . iti evarupa bijagamabhutagamasamarambha pativirato samano gotamoti . iti va hi bhikkhave puthujjano tathagatassa vannam vadamano vadeyya. [10] Yatha va paneke bhonto samanabrahmana saddhadeyyani bhojanani bhunjitva te evarupam sannidhikarakaparibhogam ^1- anuyutta @Footnote: ¹ sannidhikaraparibhogantipi patho.

--------------------------------------------------------------------------------------------- page8.

Viharanti . seyyathidam . annasannidhi ^1- panasannidhi vatthasannidhi yanasannidhi sayanasannidhi vilepanasannidhi gandhasannidhi amisasannidhi iti va . iti evarupa sannidhikarakaparibhoga pativirato samano gotamoti . iti va hi bhikkhave puthujjano tathagatassa vannam vadamano vadeyya. [11] Yatha va paneke bhonto samanabrahmana saddhadeyyani bhojanani bhunjitva te evarupam visukadassanam anuyutta viharanti . Seyyathidam . naccam gitam vaditam pekkham akkhanam panissaram vetalam kumbhathunam sobhanagarakam ^2- candalam vamsam dhovanam hatthiyuddham assayuddham mahisayuddham usabhayuddham ajayuddham mendayuddham kukkutayuddham vattakayuddham dandayuddham mutthiyuddham nibbuddham uyyodhikam balaggam senabyuham anikadassanam iti va . iti evarupa visukadassana pativirato samano gotamoti . iti va hi bhikkhave puthujjano tathagatassa vannam vadamano vadeyya. [12] Yatha va paneke bhonto samanabrahmana saddhadeyyani bhojanani bhunjitva te evarupam jutappamadatthananuyogamanuyutta viharanti . seyyathidam . atthapadam dasapadam akasam pariharapatham santikam khalikam ^3- ghatikam salakahattham akkham pangaciram vankakam mokkhacikam @Footnote: ¹ annasannidhintipi annasannidhitipi dissati. ² sobhananangarakantipi @sobhanagarakantipi sobhanakaranantipi sobhanakantipi pathantaram. ³ balikam.

--------------------------------------------------------------------------------------------- page9.

Cingulikam ^1- pattalhakam rathakam dhanukam akkhalikam manesikam ^2- yathavajjam iti va . iti evarupa jutappamadatthananuyoga pativirato samano gotamoti . iti va hi bhikkhave puthujjano tathagatassa vannam vadamano vadeyya. [13] Yatha va paneke bhonto samanabrahmana saddhadeyyani bhojanani bhunjitva te evarupam uccasayanamahasayanam anuyutta viharanti . seyyathidam . asandim pallankam gonakam cittakam patikam patalikam tulikam vikatikam uddhalomim ^3- ekantalomim katthissam ^4- koseyyam kuttakam ^5- hatthattharam assattharam rathattharam ajinappavenim kadalimigapavarapaccattharanam sauttaracchadam ubhatolohitakupadhanam iti va . iti evarupa uccasayanamahasayana pativirato samano gotamoti . iti va hi bhikkhave puthujjano tathagatassa vannam vadamano vadeyya. [14] Yatha va paneke bhonto samanabrahmana saddhadeyyani bhojanani bhunjitva te evarupam mandanavibhusanatthananuyogam anuyutta viharanti . seyyathidam . ucchadanam parimaddanam nahapanam sambahanam adasam anjanam malavilepanam mukhacunnakam mukhalepam ^6- hatthabandham sikhabandham dandam nalikam asim khaggam chattam citrupahanam unhisam manim valavijanim odatani vatthani dighadasani iti va . iti evarupa @Footnote: ¹ cingulakam. ² manesikam. ³ uddalomim. ⁴ kattissam. @⁵ kuttakam. ⁶ mukhalepanam.

--------------------------------------------------------------------------------------------- page10.

Mandanavibhusanatthananuyoga pativirato samano gotamoti . iti va hi bhikkhave puthujjano tathagatassa vannam vadamano vadeyya. [15] Yatha va paneke bhonto samanabrahmana saddhadeyyani bhojanani bhunjitva te evarupam tiracchanakatham anuyutta viharanti . Seyyathidam . rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham purisakatham ^1- surakatham visikhakatham kumbhatthanakatham pubbapetakatham nanattakatham lokakkhayikam samuddakkhayikam iti bhavabhavakatham iti va . iti evarupaya tiracchanakathaya pativirato samano gotamoti . iti va hi bhikkhave puthujjano tathagatassa vannam vadamano vadeyya. [16] Yatha va paneke bhonto samanabrahmana saddhadeyyani bhojanani bhunjitva te evarupam viggahikakatham anuyutta viharanti . Seyyathidam . na tvam imam dhammavinayam ajanasi aham imam dhammavinayam ajanami . kim tvam imam dhammavinayam ajanissasi micchapatipanno tvamasi ahamasmi sammapatipanno . sahitam me asahitante . pure vacaniyam paccha avaca . paccha vacaniyam pure avaca . adhicinnante vipparavattam . aropito te vado . niggahito tvamasi . cara vadappamokkhaya nibbethehi va sace pahositi . iti evarupaya @Footnote: ¹ Si. purisakathanti idam natthi.

--------------------------------------------------------------------------------------------- page11.

Viggahikakathaya pativirato samano gotamoti . iti va hi bhikkhave puthujjano tathagatassa vannam vadamano vadeyya. [17] Yatha va paneke bhonto samanabrahmana saddhadeyyani bhojanani bhunjitva te evarupam duteyyapahinagamananuyogam anuyutta viharanti . seyyathidam . rannam rajamahamattanam khattiyanam brahmananam gahapatikanam kumaranam idha gaccha amutra gaccha idam hara amutra idam aharati . iti evarupa duteyyapahinagamananuyoga pativirato samano gotamoti . iti va hi bhikkhave puthujjano tathagatassa vannam vadamano vadeyya. [18] Yatha va paneke bhonto samanabrahmana saddhadeyyani bhojanani bhunjitva te kuhaka ca honti lapaka ca nemittika ca nippesika ca labhena ca labham nijigimsitaro . iti evarupa kuhanalapana pativirato samano gotamoti . iti va hi bhikkhave puthujjano tathagatassa vannam vadamano vadeyya. Majjhimasilam nitthitam. [19] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . angam nimittam uppadam supinam lakkhanam musikacchinnam aggihomam dabbihomam thusahomam kanahomam tandulahomam sappihomam telahomam mukhahomam lohitahomam angavijja

--------------------------------------------------------------------------------------------- page12.

Vatthuvijja khettavijja sivavijja bhutavijja bhurivijja ahivijja visavijja vicchikavijja musikavijja sakunavijja vayasavijja pakkajjhanam saraparittanam migacakkam iti va . iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya. [20] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . manilakkhanam dandalakkhanam vatthalakkhanam satthalakkhanam ^1- asilakkhanam usulakkhanam dhanulakkhanam avudhalakkhanam ^2- itthilakkhanam purisalakkhanam kumaralakkhanam kumarilakkhanam dasalakkhanam dasilakkhanam hatthilakkhanam assalakkhanam mahisalakkhanam usabhalakkhanam golakkhanam ajalakkhanam mendalakkhanam kukkutalakkhanam vattakalakkhanam godhalakkhanam kannikalakkhanam kacchapalakkhanam migalakkhanam iti va . Iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya. [21] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . rannam niyyanam bhavissati . @Footnote: ¹ Si. Yu. satthalakkhananti idam na dissati. ² Si. ayudhalakkhanam.

--------------------------------------------------------------------------------------------- page13.

Rannam aniyyanam bhavissati . abbhantaranam rannam upayanam bhavissati . Bahiranam rannam apayanam bhavissati . bahiranam rannam upayanam bhavissati . abbhantaranam rannam apayanam bhavissati . abbhantaranam rannam jayo bhavissati . bahiranam rannam parajayo bhavissati . Bahiranam rannam jayo bhavissati . abbhantaranam rannam parajayo bhavissati . iti imassa jayo bhavissati imassa parajayo bhavissati iti va . iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya. [22] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . candaggaho bhavissati . suriyaggaho bhavissati . nakkhattaggaho bhavissati . candimasuriyanam pathagamanam bhavissati . candimasuriyanam uppathagamanam bhavissati . nakkhattanam pathagamanam bhavissati . nakkhattanam uppathagamanam bhavissati . ukkapato bhavissati . disadaho bhavissati . bhumicalo bhavissati . devadundubhi bhavissati . candimasuriyanakkhattanam uggamanam oggamanam samkilesam vodanam bhavissati . evamvipako candaggaho bhavissati . evamvipako suriyaggaho bhavissati . evamvipako nakkhattaggaho bhavissati . Evamvipakam candimasuriyanam pathagamanam bhavissati . evamvipakam candimasuriyanam

--------------------------------------------------------------------------------------------- page14.

Uppathagamanam bhavissati . evamvipakam nakkhattanam pathagamanam bhavissati . evamvipakam nakkhattanam uppathagamanam bhavissati . evamvipako ukkapato bhavissati . evamvipako disadaho bhavissati . Evamvipako bhumicalo bhavissati . evamvipako ^1- devadundubhi bhavissati. Evamvipakam candimasuriyanakkhattanam uggamanam oggamanam samkilesam vodanam bhavissati iti va . iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya. [23] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . suvutthika bhavissati . dubbutthika bhavissati. Subhikkham bhavissati . dubbhikkham bhavissati . khemam bhavissati . Bhayam bhavissati . rogo bhavissati . arogyam bhavissati . mudda ganana samkhanam kaveyyam lokayatam iti va . iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya. [24] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . avahanam vivahanam samvadanam vivadanam @Footnote: ¹ evamvipakati pathena bhavitabbam.

--------------------------------------------------------------------------------------------- page15.

Sankiranam vikiranam subhagakaranam dubbhagakaranam viruddhagabbhakaranam jivhanibandhanam hanusamhananam hatthabhijappanam kannajappanam adasapanham -* kumaripanham devapanham adiccupatthanam mahatupatthanam abbhujjalanam sirivhayanam iti va . iti evarupaya tiracchanavijjaya micchajiva pativirato samano gotamoti . iti va hi bhikkhave puthujjano tathagatassa vannam vadamano vadeyya.

The Pali Tipitaka in Roman Character Volume 9 page 1-15. https://84000.org/tipitaka/read/roman_item.php?book=9&item=1&items=24&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=9&item=1&items=24&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=9&item=1&items=24&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=9&item=1&items=24&pagebreak=1&modeTY=2 Study Atthakatha :- https://84000.org/tipitaka/attha/attha.php?b=9&i=1 Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9