[499] Bhutapubbam bhikkhave dve bhataro isayo gangam nadim
upanissaya viharimsu . athakho bhikkhave manikantho nagaraja gangam
nadim uttaritva yena kanittho isi tenupasankami upasankamitva
kanittham isim sattakkhattum bhogehi parikkhipitva upari muddhani mahantam
phanam karitva atthasi . athakho bhikkhave kanittho isi tassa nagassa
bhaya kiso ahosi lukho dubbanno uppanduppandukajato
dhamanisanthatagatto . addasa kho bhikkhave jettho isi kanittham
isim kisam lukham dubbannam uppanduppandukajatam dhamanisanthatagattam
disvana kanittham isim etadavoca kissa tvam bho kiso lukho
dubbanno uppanduppandukajato dhamanisanthatagattoti . idha
me bho manikantho nagaraja gangam nadim uttaritva yenaham
tenupasankami upasankamitva mam sattakkhattum bhogehi parikkhipitva
upari muddhani mahantam phanam karitva atthasi tassaham bho nagassa
bhaya kiso lukho dubbanno uppanduppandukajato dhamanisanthatagattoti .
Icchasi pana tvam bho tassa nagassa anagamananti . icchamaham
bho tassa nagassa anagamananti . api pana tvam bho tassa nagassa
kinci passasiti . passamaham bho manimassa kanthe pilandhananti .
Tenahi tvam bho tam nagam manim yaca manim me bho dehi manina
me atthoti . athakho bhikkhave manikantho nagaraja gangam
nadim uttaritva yena kanittho isi tenupasankami upasankamitva
Ekamantam atthasi . ekamantam thitam kho bhikkhave manikantham nagarajanam
kanittho isi etadavoca manim me bho dehi manina me atthoti.
{499.1} Athakho bhikkhave manikantho nagaraja bhikkhu manim
yacati bhikkhussa manina atthoti khippameva agamasi . dutiyampi
kho bhikkhave manikantho nagaraja gangam nadim uttaritva yena
kanittho isi tenupasankami . addasa kho bhikkhave kanittho isi
manikantham nagarajanam durato va agacchantam disvana manikantham
nagarajanam etadavoca manim me bho dehi manina me atthoti.
{499.2} Athakho bhikkhave manikantho nagaraja bhikkhu manim yacati
bhikkhussa manina atthoti tato va patinivatti . tatiyampi kho bhikkhave
manikantho nagaraja gangam nadim uttarati . addasa kho bhikkhave
kanittho isi manikantham nagarajanam gangam nadim uttarantam disvana
manikantham nagarajanam etadavoca manim me bho dehi manina me
atthoti . athakho bhikkhave manikantho nagaraja kanittham isim
gathahi ajjhabhasi
mamannapanam vipulam ularam
uppajjatimassa manissa hetu
tante na dassam atiyacakosi
na capi te assamamagamissam.
Susu yatha sakkharadhotapani
Tasesi mam selamayacamano 1-
tante na dassam atiyacakosi
na capi te assamamagamissanti.
{499.3} Athakho bhikkhave manikantho nagaraja bhikkhu manim yacati
bhikkhussa manina atthoti pakkami . tatha pakkanto va ahosi na
puna paccaganchi . athakho bhikkhave kanittho isi tassa nagassa
dassaniyassa adassanena bhiyyoso mattaya kiso ahosi lukho
dubbanno uppanduppandukajato dhamanisanthatagatto . addasa
kho bhikkhave jettho isi kanittham isim bhiyyoso mattaya kisam lukham
dubbannam uppanduppandukajatam dhamanisanthatagattam disvana
kanittham isim etadavoca kissa tvam bho bhiyyoso mattaya kiso
lukho dubbanno uppanduppandukajato dhamanisanthatagattoti .
Tassaham bho nagassa dassaniyassa adassanena bhiyyoso mattaya
kiso lukho dubbanno uppanduppandukajato dhamanisanthatagattoti .
Athakho bhikkhave jettho isi kanittham isim gathaya ajjhabhasi
na tam yace yassa piyam jigimse
desso ca 2- hoti atiyacanaya
@Footnote: 1 selam mam yacamanoti padacchedo. 2 sabbattha videssoti
@agatam.
Nago manim yacito brahmanena
adassananneva tadajjhagamati.
Tesam hi nama bhikkhave tiracchanagatanam pananam amanapa bhavissati
yacana amanapa vinnatti kimangam pana manussabhutanam.
[500] Bhutapubbam bhikkhave annataro bhikkhu himavantapasse viharati
annatarasmim vanasande . tassa kho pana 1- bhikkhave vanasandassa
avidure mahantam ninnam pallalam . athakho bhikkhave mahasakunasangho
tasmim pallale divasam gocaram caritva sayam tam vanasandam vasaya
upagacchati . athakho bhikkhave so bhikkhu tassa sakunasanghassa saddena
ubbalho yenaham tenupasankami upasankamitva mam abhivadetva
ekamantam nisidi.
{500.1} Ekamantam nisinnam kho aham bhikkhave tam bhikkhum etadavocam
kacci bhikkhu khamaniyam kacci yapaniyam kaccisi appakilamathena
addhanam agato kuto ca tvam bhikkhu agacchasiti . khamaniyam bhagava
yapaniyam bhagava appakilamathena caham bhante addhanam agato
atthi bhante himavantapasse mahavanasando tassa kho pana bhante
vanasandassa avidure mahantam ninnam pallalam athakho bhante mahasakunasangho
tasmim pallale divasam gocaram caritva sayam tam vanasandam vasaya
upagacchati tato aham bhagava agacchami tassa sakunasanghassa
saddena ubbalhoti . icchasi pana tvam bhikkhu tassa sakunasanghassa
@Footnote: 1 yuropiyapotthakeyam patho na pannayati.
Anagamananti . icchamaham bhante tassa sakunasanghassa anagamananti .
Tenahi tvam bhikkhu tattha gantva tam vanasandam ajjhogahetva
rattiya pathamam yamam tikkhattum saddamanussavehi sunantu me bhonto
sakuna yavatika imasmim vanasande vasam upagata pattena me
attho ekekam me bhonto pattam dadantuti rattiya majjhimam yamam
.pe. rattiya pacchimam yamam tikkhattum saddamanussavehi sunantu
me bhonto sakuna yavatika imasmim vanasande vasam upagata
pattena me attho ekekam me bhonto pattam dadantuti.
{500.2} Athakho bhikkhave so bhikkhu tattha gantva tam vanasandam
ajjhogahetva rattiya pathamam yamam tikkhattum saddamanussavesi sunantu
me bhonto sakuna yavatika imasmim vanasande vasam upagata pattena
me attho ekekam me bhonto pattam dadantuti rattiya majjhimam yamam
.pe. rattiya pacchimam yamam tikkhattum saddamanussavesi sunantu me
bhonto sakuna yavatika imasmim vanasande vasam upagata pattena
me attho ekekam me bhonto pattam dadantuti . Athakho bhikkhave so
sakunasangho bhikkhu pattam yacati bhikkhussa pattena atthoti tamha
vanasanda pakkami tatha pakkanto va ahosi na puna paccaganchi .
Tesam hi nama bhikkhave tiracchanagatanam pananam amanapa bhavissati
yacana amanapa vinnatti kimangam pana manussabhutanam.
[501] Bhutapubbam bhikkhave ratthapalassa kulaputtassa pita ratthapalam
Kulaputtam gathaya ajjhabhasi
apahante na janami ratthapala bahu jana 1-
ye mam sangamma yacanti kasma mam tvam na yacasiti.
Yacako appiyo hoti yacam adadamappiyo
tasmahantam na yacami ma me viddesana ahuti.
So hi nama bhikkhave ratthapalo kulaputto sakam pitaram evam vakkhati
kimangam pana jano janam.
[502] Gihinam hi 2- bhikkhave dussamharani bhogani sambhatanipi 3-
duranurakkhiyani tattha nama tumhe moghapurisa evam dussamharesu bhogesu
sambhatesupi duranurakkhiyesu yacanabahula vinnattibahula viharissatha
purisam detha purisatthakaram detha gonam detha sakatam detha vasim detha
pharasum detha kutharim detha kuddalam detha nikhadanam detha vallim detha
velum detha munjam detha pabbajam detha tinam detha mattikam dethati
netam moghapurisa appasannanam va pasadaya .pe. evanca pana
bhikkhave imam sikkhapadam uddiseyyatha sannacikaya pana bhikkhuna
kutim karayamanena assamikam attuddesam pamanika karetabba
tatridam pamanam dighaso dvadasa vidatthiyo sugatavidatthiya tiriyam
sattantara bhikkhu abhinetabba vatthudesanaya . tehi bhikkhuhi vatthum
@Footnote: 1 Yu. Ma. bahujjana. 2 Yu. potthakeyam patho na pannayati.
@3 dussambhatanipiti va patho.
Desetabbam anarambham saparikkamanam sarambhe ce bhikkhu vatthusmim
aparikkamane sannacikaya kutim kareyya bhikkhu va anabhineyya
vatthudesanaya pamanam va atikkameyya sanghadisesoti.
[503] Sannacika 1- nama sayam yacitva purisampi purisatthakarampi
gonampi sakatampi vasimpi pharasumpi kutharimpi kuddalampi nikhadanampi .pe.
Tinampi mattikampi . kuti 2- nama ullitta va hoti avalitta va
ullittavalitta va . karayamanenati karonto va karapento
va . assamikanti na anno koci samiko hoti itthi va
puriso va gahattho va pabbajito va . attuddesanti attano
atthaya . pamanika karetabba tatridam pamanam dighaso dvadasa
vidatthiyo sugatavidatthiyati bahirimena manena . tiriyam sattantarati
abbhantarimena manena.
[504] Bhikkhu abhinetabba vatthudesanayati tena kutikarakena
bhikkhuna kutivatthum sodhetva sangham upasankamitva ekamsam uttarasangam
karitva vuddhanam bhikkhunam pade vanditva ukkutikam nisiditva
anjalim paggahetva evamassa vacaniyo aham bhante sannacikaya
kutim kattukamo assamikam attuddesam soham bhante sangham kutivatthuolokanam
yacamiti . dutiyampi yacitabba 3- tatiyampi yacitabba .
@Footnote: 1 Yu. samyacikaya. 2 Yu. kutim. 3 dutiyampi yacitabbati bhikkhu
@sandhaya bahuvacanam vuttanti tabbannana.
Sace sabbo sangho ussahati kutivatthum oloketum sabbena sanghena
oloketabbam . no ce sabbo sangho ussahati kutivatthum oloketum
ye tattha honti bhikkhu byatta patibala sarambham anarambham
saparikkamanam aparikkamanam janitum te yacitva sammannitabba .
Evanca pana bhikkhave sammannitabba byattena bhikkhuna patibalena
sangho napetabbo
{504.1} sunatu me bhante sangho ayam itthannamo bhikkhu sannacikaya
kutim kattukamo assamikam attuddesam so sangham kutivatthuolokanam yacati.
Yadi sanghassa pattakallam sangho itthannamanca itthannamanca bhikkhu
sammanneyya itthannamassa bhikkhuno kutivatthum oloketum. Esa natti.
{504.2} Sunatu me bhante sangho ayam itthannamo bhikkhu sannacikaya
kutim kattukamo assamikam attuddesam so sangham kutivatthuolokanam yacati.
Sangho itthannamanca itthannamanca bhikkhu sammannati itthannamassa
bhikkhuno kutivatthum oloketum . yassayasmato khamati itthannamassa ca
itthannamassa ca bhikkhunam sammati itthannamassa bhikkhuno kutivatthum
oloketum so tunhassa yassa nakkhamati so bhaseyya.
{504.3} Sammata sanghena itthannamo ca itthannamo ca bhikkhu
itthannamassa bhikkhuno kutivatthum oloketum . khamati sanghassa tasma
tunhi. Evametam dharayamiti.
[505] Tehi sammatehi bhikkhuhi tattha gantva kutivatthum oloketabbam
sarambham anarambham saparikkamanam aparikkamanam janitabbam . sace sarambham
Hoti aparikkamanam mayidha kariti vattabbo . sace anarambham hoti
saparikkamanam sanghassa arocetabbam anarambham saparikkamananti . tena
kutikarakena bhikkhuna sangham upasankamitva ekamsam uttarasangam karitva
vuddhanam bhikkhunam pade vanditva ukkutikam nisiditva anjalim
paggahetva evamassa vacaniyo aham bhante sannacikaya kutim
kattukamo assamikam attuddesam soham bhante sangham kutivatthudesanam
yacamiti . dutiyampi yacitabba tatiyampi yacitabba . byattena
bhikkhuna patibalena sangho napetabbo
{505.1} sunatu me bhante sangho ayam itthannamo bhikkhu sannacikaya
kutim kattukamo assamikam attuddesam so sangham kutivatthudesanam yacati.
Yadi sanghassa pattakallam sangho itthannamassa bhikkhuno kutivatthum deseyya.
Esa natti.
{505.2} Sunatu me bhante sangho ayam itthannamo bhikkhu sannacikaya
kutim kattukamo assamikam attuddesam so sangham kutivatthudesanam yacati.
Sangho itthannamassa bhikkhuno kutivatthum deseti . yassayasmato
khamati itthannamassa bhikkhuno kutivatthussa desana so tunhassa
yassa nakkhamati so bhaseyya.
{505.3} Desitam sanghena itthannamassa bhikkhuno kutivatthum. Khamati
sanghassa tasma tunhi. Evametam dharayamiti.
[506] Sarambham nama kipillikanam va asayo hoti upacikanam
va asayo hoti unduranam va asayo hoti ahinam va asayo
hoti vicchikanam va asayo hoti satapadinam va asayo hoti
Hatthinam va asayo hoti assanam va asayo hoti sihanam
va asayo hoti byagghanam va asayo hoti dipinam va asayo
hoti acchanam va asayo hoti taracchanam va asayo hoti yesam
kesanci tiracchanagatanam va pananam asayo hoti pubbannanissitam
va hoti aparannanissitam va hoti abbhaghatanissitam va hoti
aghatananissitam va hoti susananissitam va hoti uyyananissitam va hoti
rajavatthunissitam va hoti hatthisalanissitam va hoti assasalanissitam
va hoti bandhanagaranissitam va hoti panagaranissitam va hoti
sunanissitam va hoti racchanissitam va hoti caccaranissitam va hoti
sabhanissitam va hoti samsarananissitam va hoti etam sarambham nama.
[507] Aparikkamanam nama na sakka hoti yathayuttena sakatena
anuparigantum samanta nisseniya anuparigantum etam aparikkamanam nama.
[508] Anarambham nama na kipillikanam va asayo hoti na
upacikanam va asayo hoti na unduranam va asayo hoti na
ahinam va asayo hoti na vicchikanam va asayo hoti na
satapadinam va asayo hoti .pe. na samsarananissitam va hoti
etam anarambham nama.
[509] Saparikkamanam nama sakka hoti yathayuttena sakatena
anuparigantum samanta nisseniya anuparigantum etam saparikkamanam nama.
[510] Sannacika nama sayam yacitva purisampi purisatthakarampi
.pe. Nikhadanampi . kuti nama ullitta va hoti avalitta va
ullittavalitta va . kareyyati karoti va karapeti va .
Bhikkhu va anabhineyya vatthudesanaya pamanam va atikkameyyati
nattidutiyena kammena kutivatthum na desapetva ayamato va
vittharato va antamaso kesaggamattampi atikkametva karoti va
karapeti va payoge 1- dukkatam . ekapindam anagate apatti
thullaccayassa . tasmim pinde agate apatti sanghadisesassa .
Sanghadisesoti .pe. Tenapi vuccati sanghadisesoti.
[511] Bhikkhu kutim karoti adesitavatthukam sarambham aparikkamanam
apatti sanghadisesena dvinnam dukkatanam . bhikkhu kutim karoti
adesitavatthukam sarambham saparikkamanam apatti sanghadisesena dukkatassa .
Bhikkhu kutim karoti adesitavatthukam anarambham aparikkamanam apatti
sanghadisesena dukkatassa . bhikkhu kutim karoti adesitavatthukam
anarambham saparikkamanam apatti sanghadisesassa.
{511.1} Bhikkhu kutim karoti desitavatthukam sarambham aparikkamanam apatti
dvinnam dukkatanam . bhikkhu kutim karoti desitavatthukam sarambham saparikkamanam
apatti dukkatassa . bhikkhu kutim karoti desitavatthukam anarambham aparikkamanam
apatti dukkatassa . bhikkhu kutim karoti desitavatthukam anarambham saparikkamanam
anapatti.
@Footnote: 1 Yu. Ma. potthakesu idha. amenditam katam.
[512] Bhikkhu kutim karoti pamanatikkantam sarambham aparikkamanam
apatti sanghadisesena dvinnam dukkatanam . bhikkhu kutim karoti
pamanatikkantam sarambham saparikkamanam apatti sanghadisesena
dukkatassa . bhikkhu kutim karoti pamanatikkantam anarambham aparikkamanam
apatti sanghadisesena dukkatassa . bhikkhu kutim karoti pamanatikkantam
anarambham saparikkamanam apatti sanghadisesassa.
{512.1} Bhikkhu kutim karoti pamanikam sarambham aparikkamanam apatti
dvinnam dukkatanam . bhikkhu kutim karoti pamanikam sarambham saparikkamanam
apatti dukkatassa . bhikkhu kutim karoti pamanikam anarambham aparikkamanam
apatti dukkatassa . bhikkhu kutim karoti pamanikam anarambham saparikkamanam
anapatti.
[513] Bhikkhu kutim karoti adesitavatthukam pamanatikkantam sarambham
aparikkamanam apatti dvinnam sanghadisesena dvinnam dukkatanam 1- .
Bhikkhu kutim karoti adesitavatthukam pamanatikkantam sarambham saparikkamanam
apatti dvinnam sanghadisesena dukkatassa . bhikkhu kutim karoti
adesitavatthukam pamanatikkantam anarambham aparikkamanam apatti dvinnam
sanghadisesena dukkatassa . bhikkhu kutim karoti adesitavatthukam pamanatikkantam
anarambham saparikkamanam apatti dvinnam sanghadisesanam.
@Footnote: 1 apatti dvinnam sanghadisesena dvinnam dukkatananti adisu ca
@dvihi sanghadisesehi saddhim dvinnam dukkatanantiadina nayena attho
@veditabboti tabbannana.
[514] Bhikkhu kutim karoti desitavatthukam pamanikam sarambham
aparikkamanam apatti dvinnam dukkatanam . bhikkhu kutim karoti
desitavatthukam pamanikam sarambham saparikkamanam apatti dukkatassa .
Bhikkhu kutim karoti desitavatthukam pamanikam anarambham aparikkamanam
apatti dukkatassa . bhikkhu kutim karoti desitavatthukam pamanikam
anarambham saparikkamanam anapatti.
[515] Bhikkhu samadisati kutim me karothati . tassa kutim
karonti adesitavatthukam sarambham aparikkamanam apatti sanghadisesena
dvinnam dukkatanam .pe. sarambham saparikkamanam apatti sanghadisesena
dukkatassa .pe. anarambham aparikkamanam apatti sanghadisesena
dukkatassa .pe. Anarambham saparikkamanam apatti sanghadisesassa.
{515.1} Bhikkhu samadisati kutim me karothati. Tassa kutim karonti
desitavatthukam sarambham aparikkamanam apatti dvinnam dukkatanam .pe.
Sarambham saparikkamanam apatti dukkatassa .pe. anarambham aparikkamanam
apatti dukkatassa .pe. Anarambham saparikkamanam anapatti.
{515.2} Bhikkhu samadisati kutim me karothati. Tassa kutim karonti
pamanatikkantam sarambham aparikkamanam apatti sanghadisesena dvinnam
dukkatanam .pe. sarambham saparikkamanam apatti sanghadisesena
dukkatassa .pe. anarambham aparikkamanam apatti sanghadisesena
dukkatassa .pe. Anarambham saparikkamanam apatti sanghadisesassa.
{515.3} Bhikkhu samadisati kutim me karothati. Tassa kutim karonti
pamanikam sarambham aparikkamanam apatti dvinnam dukkatanam .pe.
Sarambham saparikkamanam apatti dukkatassa .pe. anarambham aparikkamanam
apatti dukkatassa .pe. Anarambham saparikkamanam anapatti.
{515.4} Bhikkhu samadisati kutim me karothati. Tassa kutim karonti
adesitavatthukam pamanatikkantam sarambham aparikkamanam apatti dvinnam
sanghadisesena dvinnam dukkatanam .pe. sarambham saparikkamanam apatti
dvinnam sanghadisesena dukkatassa .pe. anarambham aparikkamanam
apatti dvinnam sanghadisesena dukkatassa .pe. anarambham
saparikkamanam apatti dvinnam sanghadisesanam.
{515.5} Bhikkhu samadisati kutim me karothati. Tassa kutim karonti
desitavatthukam pamanikam sarambham aparikkamanam apatti dvinnam dukkatanam
.pe. sarambham saparikkamanam apatti dukkatassa .pe. anarambham
aparikkamanam apatti dukkatassa .pe. anarambham saparikkamanam
anapatti.
[516] Bhikkhu samadisitva pakkamati kutim me karothati na
ca samadisati desitavatthuka ca hotu anarambha ca saparikkamana
cati . tassa kutim karonti adesitavatthukam sarambham aparikkamanam
apatti sanghadisesena dvinnam dukkatanam .pe. sarambham saparikkamanam
apatti sanghadisesena dukkatassa .pe. anarambham aparikkamanam
apatti sanghadisesena dukkatassa .pe. anarambham saparikkamanam
Apatti sanghadisesassa.
{516.1} Bhikkhu samadisitva pakkamati kutim me karothati na ca
samadisati desitavatthuka ca hotu anarambha ca saparikkamana cati .
Tassa kutim karonti desitavatthukam sarambham aparikkamanam apatti dvinnam
dukkatanam .pe. sarambham saparikkamanam apatti dukkatassa .pe.
Anarambham aparikkamanam apatti dukkatassa .pe. anarambham saparikkamanam
anapatti.
{516.2} Bhikkhu samadisitva pakkamati kutim me karothati na ca samadisati pamanika
ca hotu anarambha ca saparikkamana cati. Tassa kutim karonti pamanatikkantam
sarambham aparikkamanam apatti sanghadisesena dvinnam dukkatanam
.pe. sarambham saparikkamanam apatti sanghadisesena dukkatassa
.pe. anarambham aparikkamanam apatti sanghadisesena dukkatassa
.pe. Anarambham saparikkamanam apatti sanghadisesassa.
{516.3} Bhikkhu samadisitva pakkamati kutim me karothati na ca
samadisati pamanika ca hotu anarambha ca saparikkamana cati. Tassa
kutim karonti pamanikam sarambham aparikkamanam apatti dvinnam dukkatanam
.pe. sarambham saparikkamanam apatti dukkatassa .pe. Anarambham aparikkamanam
apatti dukkatassa .pe. Anarambham saparikkamanam anapatti.
{516.4} Bhikkhu samadisitva pakkamati kutim me karothati na ca samadisati
desitavatthuka ca hotu pamanika ca anarambha ca saparikkamana
cati . tassa kutim karonti adesitavatthukam pamanatikkantam sarambham
Aparikkamanam apatti dvinnam sanghadisesena dvinnam dukkatanam .pe.
Sarambham saparikkamanam apatti dvinnam sanghadisesena dukkatassa .pe.
Anarambham aparikkamanam apatti dvinnam sanghadisesena dukkatassa
.pe. Anarambham saparikkamanam apatti dvinnam sanghadisesanam.
{516.5} Bhikkhu samadisitva pakkamati kutim me karothati na ca
samadisati desitavatthuka ca hotu pamanika ca anarambha ca saparikkamana
cati . tassa kutim karonti desitavatthukam pamanikam sarambham
aparikkamanam apatti dvinnam dukkatanam .pe. sarambham saparikkamanam
apatti dukkatassa .pe. anarambham aparikkamanam apatti dukkatassa
.pe. Anarambham saparikkamanam anapatti.
[517] Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati . tassa
kutim karonti adesitavatthukam sarambham aparikkamanam . so sunati
kuti kira me kayirati adesitavatthuka sarambha aparikkamanati .
Tena bhikkhuna samam va gantabbam duto va pahetabbo desitavatthuka
ca hotu anarambha ca saparikkamana cati . no ce
samam va gaccheyya dutam va pahineyya apatti dukkatassa.
{517.1} Bhikkhu samadisitva pakkamati kutim me karothati samadisati ca
desitavatthuka ca hotu anarambha ca saparikkamana cati . tassa
kutim karonti adesitavatthukam sarambham saparikkamanam . so sunati
Kuti kira me kayirati adesitavatthuka sarambha saparikkamanati .
Tena bhikkhuna samam va gantabbam duto va pahetabbo desitavatthuka
ca hotu anarambha cati . no ce samam va gaccheyya
dutam va pahineyya apatti dukkatassa.
{517.2} Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati. Tassa kutim
karonti adesitavatthukam anarambham aparikkamanam. So sunati kuti kira me kayirati
adesitavatthuka anarambha aparikkamanati . tena bhikkhuna samam va
gantabbam duto va pahetabbo desitavatthuka ca hotu saparikkamana
cati. No ce samam va gaccheyya dutam va pahineyya apatti dukkatassa.
{517.3} Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati. Tassa kutim
karonti adesitavatthukam anarambham saparikkamanam . so sunati kuti kira me
kayirati adesitavatthuka anarambha saparikkamanati . tena bhikkhuna samam
va gantabbam duto va pahetabbo desitavatthuka hotuti. No ce samam
va gaccheyya dutam va pahineyya apatti dukkatassa.
{517.4} Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati. Tassa kutim
karonti desitavatthukam sarambham aparikkamanam. So sunati kuti kira me kayirati
Desitavatthuka sarambha aparikkamanati . tena bhikkhuna samam va
gantabbam duto va pahetabbo anarambha ca hotu saparikkamana
cati . no ce samam va gaccheyya dutam va pahineyya apatti
dukkatassa.
{517.5} Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati. Tassa kutim
karonti desitavatthukam sarambham saparikkamanam . so sunati kuti kira me
kayirati desitavatthuka sarambha saparikkamanati . tena bhikkhuna samam
va gantabbam duto va pahetabbo anarambha hotuti. No ce samam
va gaccheyya dutam va pahineyya apatti dukkatassa.
{517.6} Bhikkhu samadisitva pakkamati kutim me karothati samadisati
ca desitavatthuka ca hotu anarambha ca saparikkamana cati . tassa kutim
karonti desitavatthukam anarambham aparikkamanam . so sunati kuti kira me
kayirati desitavatthuka anarambha aparikkamanati . tena bhikkhuna samam
va gantabbam duto va pahetabbo saparikkamana hotuti. No ce samam
va gaccheyya dutam va pahineyya apatti dukkatassa.
{517.7} Bhikkhu samadisitva pakkamati kutim me karothati samadisati ca
desitavatthuka ca hotu anarambha ca saparikkamana cati . tassa kutim
karonti desitavatthukam anarambham saparikkamanam anapatti.
[518] Bhikkhu samadisitva pakkamati kutim me karothati samadisati
Ca pamanika ca hotu anarambha ca saparikkamana cati . tassa
kutim karonti pamanatikkantam sarambham aparikkamanam . so sunati
kuti kira me kayirati pamanatikkanta sarambha aparikkamanati .
Tena bhikkhuna samam va gantabbam duto va pahetabbo pamanika ca
hotu anarambha ca saparikkamana cati .pe. pamanika ca hotu
anarambha cati .pe. pamanika ca hotu saparikkamana cati .pe.
Pamanika hotuti . no ce samam va gaccheyya dutam va pahineyya
apatti dukkatassa.
{518.1} Bhikkhu samadisitva pakkamati kutim me karothati
samadisati ca pamanika ca hotu anarambha ca saparikkamana
cati . tassa kutim karonti pamanikam sarambham aparikkamanam . so
sunati kuti kira me kayirati pamanika sarambha aparikkamanati .
Tena bhikkhuna samam va gantabbam duto va pahetabbo anarambha
ca hotu saparikkamana cati .pe. anarambha hotuti .pe.
Saparikkamana hotuti .pe. Anapatti.
{518.2} Bhikkhu samadisitva pakkamati kutim me karothati samadisati ca
desitavatthuka ca hotu pamanika ca anarambha ca saparikkamana cati.
Tassa kutim karonti adesitavatthukam pamanatikkantam sarambham aparikkamanam.
So sunati kuti kira me kayirati adesitavatthuka pamanatikkanta
sarambha aparikkamanati . tena bhikkhuna samam va gantabbam duto
va pahetabbo desitavatthuka ca hotu pamanika ca anarambha
Ca saparikkamana cati .pe. desitavatthuka ca hotu pamanika
ca anarambha cati .pe. desitavatthuka ca hotu pamanika ca
saparikkamana cati .pe. desitavatthuka ca hotu pamanika
cati . no ce samam va gaccheyya dutam va pahineyya apatti
dukkatassa.
{518.3} Bhikkhu samadisitva pakkamati kutim me karothati
samadisati ca desitavatthuka ca hotu pamanika ca anarambha ca
saparikkamana cati . tassa kutim karonti desitavatthukam pamanikam
sarambham aparikkamanam . so sunati kuti kira me kayirati desitavatthuka
pamanika sarambha aparikkamanati . tena bhikkhuna samam va
gantabbam duto va pahetabbo anarambha ca hotu saparikkamana
cati .pe. anarambha hotuti .pe. saparikkamana hotuti
.pe. Anapatti.
The Pali Tipitaka in Roman Character Volume 1 page 332-351.
http://84000.org/tipitaka/read/roman_item_s.php?book=1&item=499&items=20&modeTY=2
Classified by [Item Number] :-
http://84000.org/tipitaka/read/roman_item_s.php?book=1&item=499&items=20&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=1&item=497&items=20&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=1&item=497&items=20&modeTY=2
Study Atthakatha :-
http://84000.org/tipitaka/attha/attha.php?b=1&i=497
Contents of The Tipitaka Volume 1
http://84000.org/tipitaka/read/?index_1
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
