บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
[682] Savatthiyam viharati jetavane ... tena kho pana samayena bhagava vatehabadhiko hoti . ayasma ca upavano bhagavato upatthako hoti . atha kho bhagava ayasmantam upavanam amantesi ingha me tvam upavana unhodakam janahiti . evam bhanteti kho ayasma upavano bhagavato patissutva nivasetva pattacivaramadaya yena devahitassa brahmanassa nivesanam tenupasankami upasankamitva tunhibhuto ekamantam atthasi. [683] Addasa kho devahito brahmano ayasmantam upavanam tunhibhutam ekamantam thitam disvana ayasmantam upavanam gathaya ajjhabhasi tunhibhuto bhavam tittha mundo sanghatiparuto kim patthayano kim esam kim nu yacitumagatoti. [684] Araham sugato loke vatehabadhiko muni sace unhodakam atthi munino dehi brahmana pujito pujaneyyanam sakkareyyana sakkato apacito apacineyyanam 1- tassa icchami hataveti. [685] Atha kho devahito brahmano unhodakassa kajam purisena gahapetva phanitassa ca putam ca ayasmato upavanassa padasi . Atha kho ayasma upavano yena bhagava tenupasankami upasankamitva @Footnote: 1 Ma. Yu. apaceyyanam. Bhagavantam unhodakena nhapetva unhodakena phanitam aloletva bhagavato padasi. Atha kho bhagavato so abadho patippassambhi. [686] Atha kho devahito brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho devahito brahmano bhagavantam gathaya ajjhabhasi kattha dajja deyyadhammam kattha dinnam mahapphalam katham hi yajamanassa kattha 1- ijjhati dakkhinati. [687] Pubbenivasam yo vedi saggapayanca passati atho jatikkhayam patto abhinna vosito muni ettha dajja deyyadhammam ettha dinnam mahapphalam evam hi yajamanassa evam ijjhati dakkhinati. [688] Evam vutte devahito brahmano bhagavantam etadavoca abhikkantam bho gotama abhikkantam bho gotama .pe. upasakam mam bhavam gotamo dharetu ajjatagge panupetam saranangatanti. Catuttham mahasalasuttamThe Pali Tipitaka in Roman Character Volume 15 page 257-258. http://84000.org/tipitaka/read/roman_item_s.php?book=15&item=682&items=7&modeTY=2&mode=bracket Classified by content :- http://84000.org/tipitaka/read/roman_item_s.php?book=15&item=682&items=7&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=682&items=7&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=682&items=7&modeTY=2&mode=bracket Study Atthakatha :- http://84000.org/tipitaka/attha/attha.php?b=15&i=682 The Pali Atthakatha in Thai :- http://84000.org/tipitaka/atthapali/read_th.php?B=11&A=6374 The Pali Atthakatha in Roman :- http://84000.org/tipitaka/atthapali/read_rm.php?B=11&A=6374 Contents of The Tipitaka Volume 15 http://84000.org/tipitaka/read/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]