paliTIPITAKA Volume 18 - Sutta Pitaka 10

[195] Ekam samayam ayasma pindolabharadvajo kosambiyam viharati ghositarame . atha kho raja udeno yenayasma pindolabharadvajo tenupasankami upasankamitva ayasmata pindolabharadvajena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho raja udeno ayasmantam pindolabharadvajam etadavoca ko nu kho bho bharadvaja hetu ko paccayo yenime dahara bhikkhu susu kalakesa bhadrena yobbanena samannagata pathamena vayasa anikilitavino kamesu yavajivam paripunnam parisuddham brahmacariyam caranti addhananca apadentiti . vuttam kho etam maharaja

--------------------------------------------------------------------------------------------- page140.

Tena bhagavata janata passata arahata sammasambuddhena etha tumhe bhikkhave matumattisu matucittam upatthapetha bhaginimattisu bhaginicittam upatthapetha dhitumattisu dhitucittam upatthapethati . ayam ^1- kho maharaja hetu ayam paccayo yenime dahara bhikkhu susu kalakesa bhadrena yobbanena samannagata pathamena vayasa anikilitavino kamesu yavajivam paripunnam parisuddham brahmacariyam caranti addhananca apadentiti. [196] Lolam ^2- kho bho bharadvaja cittam appekada matumattisupi lobhadhamma uppajjanti bhaginimattisupi lobhadhamma uppajjanti dhitumattisupi lobhadhamma uppajjanti . atthi nu kho bho bharadvaja anno ca hetu anno ca paccayo yenime dahara bhikkhu susu kalakesa .pe. Addhananca apadentiti. {196.1} Vuttam kho etam maharaja tena bhagavata janata passata arahata sammasambuddhena etha tumhe bhikkhave imameva kayam uddham padatala adho kesamatthaka tacapariyantam purannanappakarassa asucino paccavekkhatha atthi imasmim kaye kesa loma nakha danta taco mamsam naharu ^3- atthi atthiminjam vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medo assu vasa khelo singhanika lasika muttanti . Ayampi kho maharaja hetu ayam paccayo yenime dahara bhikkhu susu @Footnote: ¹ Yu. ayampi . ² Ma. Yu. lolam . ³ Ma. Yu. naharu.

--------------------------------------------------------------------------------------------- page141.

Kalakesa .pe. Addhananca apadentiti ^1-. [197] Ye te bho bharadvaja bhikkhu bhavitakaya bhavitasila bhavitacitta bhavitapanna tesantam na dukkaram hoti ^2- . Ye ca kho te bho bharadvaja bhikkhu abhavitakaya abhavitasila abhavitacitta abhavitapanna tesantam dukkaram hoti . appekada bho bharadvaja asubhato manasikarissamati ^3- subhato va agacchati atthi nu kho bho bharadvaja anno ca ^[4]- hetu anno ca paccayo yenime dahara bhikkhu susu kalakesa .pe. Addhananca apadentiti. {197.1} Vuttam kho etam maharaja tena bhagavata janata passata arahata sammasambuddhena etha tumhe bhikkhave indriyesu guttadvara viharatha cakkhuna rupam disva ma nimittaggahino ahuvattha ma anubyanjanaggahino yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjatha rakkhatha cakkhundriyam cakkhundriye samvaram apajjatha . sotena saddam sutva . ghanena gandham ghayitva . Jivhaya rasam sayitva . kayena photthabbam phusitva . manasa dhammam vinnaya ma nimittaggahino ahuvattha ma anubyanjanaggahino yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya @Footnote: ¹ Yu. itisaddo natthi . ² Ma. tesam tam sukaram hoti . ³ Ma. karissamiti. @⁴ Ma. kho.

--------------------------------------------------------------------------------------------- page142.

Patipajjatha rakkhatha manindriyam manindriye samvaram apajjathati . Ayampi kho maharaja hetu ayam paccayo yenime dahara bhikkhu susu kalakesa bhadrena yobbanena samannagata pathamena vayasa anikilitavino kamesu yavajivam paripunnam parisuddham brahmacariyam caranti addhananca apadentiti. [198] Acchariyam bho bharadvaja abbhutam bho bharadvaja . Yava subhasitancidam bho bharadvaja tena bhagavata janata passata arahata sammasambuddhena eseva kho bho bharadvaja hetu esa paccayo yenime dahara bhikkhu susu kalakesa bhadrena yobbanena samannagata pathamena vayasa anikilitavino kamesu yavajivam paripunnam parisuddham brahmacariyam caranti addhananca apadentiti . ahampi kho bho bharadvaja yasmim samaye arakkhiteneva kayena arakkhitaya vacaya arakkhitena cittena anupatthitaya satiya asamvutehi indriyehi antepuram pavisami ativiya mam tasmim samaye lobhadhamma parisahanti . yasminca khvaham bho bharadvaja samaye rakkhiteneva kayena rakkhitaya vacaya rakkhitena cittena upatthitaya satiya samvutehi indriyehi antepuram pavisami na mam tattha ^1- tasmim samaye lobhadhamma parisahanti . abhikkantam bho bharadvaja abhikkantam bho bharadvaja . seyyathapi bho bharadvaja nikkujjitam va @Footnote: ¹ Ma. Yu. tatha.

--------------------------------------------------------------------------------------------- page143.

Ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam bhota bharadvajena anekapariyayena dhammo pakasito . esaham bho bharadvaja tam bhagavantam saranam gacchami dhammanca bhikkhusanghanca upasakam mam bhavam bharadvajo dharetu ajjatagge panupetam saranangatanti. Catuttham.

The Pali Tipitaka in Roman Character Volume 18 page 139-143. http://84000.org/tipitaka/read/roman_item_s.php?book=18&item=195&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=18&item=195&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=195&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=195&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=18&i=195 The Pali Atthakatha in Thai :- http://84000.org/tipitaka/atthapali/read_th.php?B=13&A=945 The Pali Atthakatha in Roman :- http://84000.org/tipitaka/atthapali/read_rm.php?B=13&A=945 Contents of The Tipitaka Volume 18 http://84000.org/tipitaka/read/?index_18