[219] Yam bhikkhave na tumhakam tam pajahatha tam vo pahinam
hitaya sukhaya bhavissati . kinca bhikkhave na tumhakam . cakkhum
bhikkhave na tumhakam tam pajahatha tam vo pahinam hitaya sukhaya
@Footnote: 1 Ma. bhavaraganusaribhi . 2 Ma. susambudho . 3 Ma. sambuddhumarahati.
Bhavissati .pe. jivha na tumhakam tam pajahatha . sa vo
pahina hitaya sukhaya bhavissati .pe. mano na tumhakam tam
pajahatha so vo pahino hitaya sukhaya bhavissati . seyyathapi
bhikkhave yam imasmim jetavane tinakatthasakhapalasam tam jano hareyya
va daheyya va yathapaccayam va kareyya api nu tumhakam
evamassa amhe jano harati va dahati va yathapaccayam va
karotiti . no hetam bhante . tam kissa hetu . na hi no etam
bhante atta va attaniyam vati . evameva kho bhikkhave cakkhum
na tumhakam tam pajahatha tam vo pahinam hitaya sukhaya bhavissati
.pe. jivha na tumhakam tam pajahatha sa vo pahina
hitaya sukhaya bhavissati .pe. mano na tumhakam tam pajahatha
so vo pahino hitaya sukhaya bhavissatiti. Pancamam.
[220] Yam bhikkhave na tumhakam tam pajahatha tam vo pahinam
hitaya sukhaya bhavissati . kinca bhikkhave na tumhakam . rupa
bhikkhave na tumhakam te pajahatha te vo pahina hitaya sukhaya
bhavissanti . sadda gandha rasa photthabba dhamma na
tumhakam te pahajatha te vo pahina hitaya sukhaya bhavissanti .
Seyyathapi bhikkhave yam imasmim jetavane tinakatthasakhapalasam .pe.
Evameva kho bhikkhave rupa na tumhakam te pajahatha te vo pahina
hitaya sukhaya bhavissanti . sadda gandha rasa photthabba
Dhamma na tumhakam te pajahatha te vo pahina hitaya sukhaya
bhavissantiti. Chattham.
[221] Cakkhum bhikkhave aniccam yopi hetu yopi paccayo
cakkhussa uppadaya sopi anicco aniccasambhutam bhikkhave cakkhu
kuto niccam bhavissati .pe. jivha anicca yopi hetu yopi
paccayo jivhaya uppadaya sopi anicco aniccasambhuta bhikkhave
jivha kuto nicca bhavissati .pe. mano anicco yopi bhikkhave
hetu yopi paccayo manassa uppadaya sopi anicco aniccasambhuto
bhikkhave mano kuto nicco bhavissatiti . evam passam bhikkhave
sutava ariyasavako cakkhusmimpi nibbindati .pe. jivhayapi nibbindati
.pe. manasmimpi nibbindati nibbindam virajjati viraga vimuccati .
Vimuttasmim vimuttamiti nanam hoti . khina jati vusitam brahmacariyam
katam karaniyam naparam itthattayati pajanatiti. Sattamam.
[222] Cakkhum bhikkhave dukkham yopi hetu yopi paccayo cakkhussa
uppadaya sopi dukkho dukkhasambhutam bhikkhave cakkhum kuto sukham
bhavissati .pe. jivha dukkha yopi hetu yopi paccayo jivhaya
uppadaya sopi dukkho dukkhasambhuta bhikkhave jivha kuto sukha
bhavissati .pe. mano dukkho yopi hetu yopi paccayo manassa
uppadaya sopi dukkho dukkhasambhuto bhikkhave mano kuto sukho
bhavissati. Evam passam .pe. Naparam itthattayati pajanatiti.
[223] Cakkhum bhikkhave anatta yopi hetu yopi paccayo
cakkhussa uppadaya sopi anatta anattasambhutam bhikkhave cakkhu 1-
kuto atta bhavissati .pe. jivha anatta yopi hetu yopi
paccayo jivhaya uppadaya sopi anatta anattasambhuta
bhikkhave jivha kuto atta bhavissati .pe. mano anatta
yopi hetu yopi paccayo manassa uppadaya sopi anatta
anattasambhuto bhikkhave mano kuto atta bhavissati . evam passam
.pe. Naparam itthattayati pajanatiti. Atthamam.
[224] Rupa bhikkhave anicca yopi hetu yopi paccayo
rupanam uppadaya .pe. sopi anicco aniccasambhuta bhikkhave
rupa kuto nicca bhavissanti . sadda gandha rasa photthabba
dhamma anicca yopi hetu yopi paccayo dhammanam uppadaya sopi
anicco aniccasambhuta bhikkhave dhamma kuto nicca bhavissanti .
Evam passam .pe. Naparam itthattayati pajanatiti.
[225] Rupa bhikkhave dukkha yopi hetu yopi paccayo rupanam
uppadaya sopi dukkho dukkhasambhuta bhikkhave rupa kuto
sukha bhavissanti . sadda gandha rasa photthabba dhamma
dukkha yopi hetu yopi paccayo dhammanam uppadaya sopi
dukkho dukkhasambhuta bhikkhave dhamma kuto sukha bhavissanti .
Evam passam .pe. Naparam itthattayati pajanatiti. Navamam.
@Footnote: 1 Yu. sabbattha cakkhum.
[226] Rupa bhikkhave anatta yopi hetu yopi paccayo rupanam
uppadaya so anatta anattasambhuta bhikkhave rupa kuto
atta bhavissanti . sadda gandha rasa photthabba dhamma
anatta yopi hetu yopi paccayo dhammanam uppadaya sopi
anatta anattasambhuta bhikkhave dhamma kuto atta bhavissanti .
Evam passam bhikkhave sutava ariyasavako rupesu nibbindati saddesu
gandhesu rasesu photthabbesu dhammesu nibbindati nibbindam
virajjati viraga vimuccati . vimuttasmim vimuttamiti nanam hoti .
Khina jati vusitam brahmacariyam katam karaniyam naparam itthattayati
pajanatiti. Dasamam.
Devadahavaggo catuttho.
Tassuddanam
devadahakhanopaggayha 1- aggayha dve honti manasina 2-
hetunapi tayo vutta duve ajjhattabahirati.
--------
@Footnote: 1 Ma. devadaho khano rupa dve na tumhakameva ca. Yu. devadahakhano sangayha.
@2 Yu. palasina.
The Pali Tipitaka in Roman Character Volume 18 page 161-165.
http://84000.org/tipitaka/read/roman_item_s.php?book=18&item=219&items=8&modeTY=2
Classified by [Item Number] :-
http://84000.org/tipitaka/read/roman_item_s.php?book=18&item=219&items=8&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=18&item=219&items=8&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=18&item=219&items=8&modeTY=2
Study Atthakatha :-
http://84000.org/tipitaka/attha/attha.php?b=18&i=219
Contents of The Tipitaka Volume 18
http://84000.org/tipitaka/read/?index_18
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
