paliTIPITAKA Volume 19 - Sutta Pitaka 11

[1047] Evamme sutam ekam samayam bhagava uruvelayam viharati najja neranjaraya tire ajapalanigrodhe pathamabhisambuddho . atha

--------------------------------------------------------------------------------------------- page307.

Kho bhagavato rahogatassa patisallinassa evam cetaso parivitakko udapadi pancindriyani bhavitani bahulikatani amatogadhani honti amataparayanani amatapariyosanani . katamani panca . saddhindriyam bhavitam bahulikatam amatogadham hoti amataparayanam amatapariyosanam . Viriyindriyam satindriyam samadhindriyam pannindriyam bhavitam bahulikatam amatogadham hoti amataparayanam amatapariyosanam . imani pancindriyani bhavitani bahulikatani amatogadhani honti amataparayanani amatapariyosananiti. [1048] Atha kho brahma sahampati bhagavato cetasa ceto- parivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva brahmaloke antarahito bhagavato purato paturahosi. [1049] Atha kho brahma sahampati ekamsam uttarasangam karitva yena bhagava tenanjalimpanametva bhagavantam etadavoca evametam bhagava evametam sugata pancindriyani bhavitani bahulikatani amatogadhani honti amataparayanani amatapariyosanani . katamani panca . saddhindriyam bhavitam bahulikatam amatogadham hoti amataparayanam amatapariyosanam .pe. pannindriyam bhavitam bahulikatam amatogadham hoti amataparayanam amatapariyosanam . imani pancindriyani bhavitani bahulikatani amatogadhani honti amataparayanani amatapariyosanani.

--------------------------------------------------------------------------------------------- page308.

[1050] Bhutapubbaham bhante kassape sammasambuddhe brahmacariyam acarim tatrapi mam evam jananti sahako bhikkhu sahako bhikkhuti . So khvaham bhante imesamyeva pancannam indriyanam bhavitatta bahulikatatta kamesu kamacchandam virajetva kayassa bheda param marana sugatim brahmalokam upapanno tatrapi mam evam jananti brahma sahampati brahma sahampatiti. [1051] Evametam bhagava evametam sugata ahametam janami ahametam passami yatha imani pancindriyani bhavitani bahulikatani amatogadhani honti amataparayanani amatapariyosananiti.

The Pali Tipitaka in Roman Character Volume 19 page 306-308. http://84000.org/tipitaka/read/roman_item_s.php?book=19&item=1047&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=19&item=1047&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1047&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1047&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=1047 Contents of The Tipitaka Volume 19 http://84000.org/tipitaka/read/?index_19