|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
|
|
Abhisamayavaggo chattho [1747] Atha kho bhagava parittam nakhasikhayam pamsu aropetva bhikkhu amantesi tam kim mannatha bhikkhave katamam nu kho bahutaram . Yo vayam maya paritto nakhasikhayam pamsu aropito ayam va mahapathaviti. Etadeva bhante bahutaram yadidam mahapathavi appamattakayam bhagavata paritto nakhasikhayam pamsu aropito sankhampi na upeti upanidhampi na upeti kalabhagampi na upeti mahapathavim upanidhaya bhagavata paritto nakhasikhayam pamsu aropitoti . evameva kho bhikkhave ariyasavakassa ditthisampannassa puggalassa abhisametavino etadeva bahutaram dukkham yadidam parikkhinam pariyadinnam appamattakam avasittham sankhampi na upeti upanidhampi na upeti kalabhagampi na upeti purimam dukkhakkhandham parikkhinam pariyadinnam upanidhaya yadidam sattakkhattumparamata . yo idam dukkhanti yathabhutam pajanati .pe. Ayam dukkhanirodhagamini patipadati yathabhutam pajanati . tasma tiha bhikkhave idam dukkhanti yogo karaniyo .pe. ayam dukkhanirodhagamini patipadati yogo karaniyoti. [1748] Seyyathapi bhikkhave pokkharani pannasa yojanani ayamena pannasa yojanani vittharena pannasa yojanani ubbedhena punna udakassa samatittika kakapeyya tato puriso--------------------------------------------------------------------------------------------- page573.
Kusaggena udakam uddhareyya . tam kim mannatha bhikkhave katamam nu kho bahutaram . yam va kusaggena ubbhatam yam va pokkharaniya udakanti . etadeva bhante bahutaram yadidam pokkharaniya udakam appamattakam kusaggena udakam ubbhatam sankhampi na upeti upanidhampi na upeti kalabhagampi na upeti pokkharaniya udakam upanidhaya kusaggena udakam ubbhatanti . evameva 1- kho bhikkhave ariyasavakassa .pe. Yogo karaniyoti. [1749] Seyyathapi bhikkhave yatthima mahanadiyo samsandanti samenti . seyyathidam . ganga yamuna aciravati sarabhu mahi . tato puriso dve va tini va udakaphusitani uddhareyya . tam kim mannatha bhikkhave katamam nu kho bahutaram . yani va 2- dve va tini va udakaphusitani ubbhatani yam va sambhejjam udakanti . Etadeva bhante bahutaram yadidam sambhejjam udakam appamattakani dve va tini va udakaphusitani ubbhatani sankhampi na upenti upanidhampi na upenti kalabhagampi na upenti sambhejjam udakam upanidhaya dve va tini va udakaphusitani ubbhataniti . evameva kho bhikkhave ariyasavakassa (soyeva peyyalo) yogo karaniyoti. [1750] Seyyathapi bhikkhave yatthima mahanadiyo samsandanti samenti . seyyathidam . ganga yamuna aciravati sarabhu mahi . tam udakam parikkhayam pariyadanam gaccheyya thapetva dve va tini va @Footnote: 1 Yu. evam kho. 2 Ma. yani dve va.--------------------------------------------------------------------------------------------- page574.
Udakaphusitani . tam kim mannatha bhikkhave katamam nu kho bahutaram . yam va sambhejjam udakam parikkhinam pariyadinnam upanidhaya 1- dve 2- va tini 3- va udakaphusitani avasitthaniti . etadeva bhante bahutaram sambhejjam udakam yadidam parikkhinam pariyadinnam appamattakani dve va tini va udakaphusitani avasitthani sankhampi na upenti upanidhampi na upenti kalabhagampi na upenti sambhejjam udakam parikkhinam pariyadinnam upanidhaya dve va tini va udakaphusitani avasitthaniti . evameva kho bhikkhave ariyasavakassa .pe. Yogo karaniyoti. [1751] Seyyathapi bhikkhave puriso mahapathaviya satta kolatthimattiyo gulika upanikkhipeyya . tam kim mannatha bhikkhave katamam nu kho bahutaram . ya va satta kolatthimattiyo gulika upanikkhitta ayam va mahapathaviti . etadeva bhante bahutaram yadidam mahapathavi appamattika satta kolatthimattiyo gulika upanikkhitta sankhampi na upenti upanidhampi na upenti kalabhagampi na upenti mahapathavi upanidhaya satta kolatthimattiyo gulika upanikkhittati . Evameva kho bhikkhave ariyasavakassa (soyeva peyyalo) yogo karaniyoti. [1752] Seyyathapi bhikkhave mahapathavi parikkhayam pariyadanam gaccheyya thapetva satta kolatthimattiyo gulika . tam kim mannatha bhikkhave katamam nu kho bahutaram . yam va mahapathaviya parikkhinam @Footnote: 1 Ma. Yu. yani. 2-3 Yu. ime patha natthi.--------------------------------------------------------------------------------------------- page575.
Pariyadinnam ya va satta kolatthimattiyo gulika avasitthati . Etadeva bhante bahutaram mahapathaviya yadidam parikkhinam pariyadinnam appamattika satta kolatthimattiyo gulika avasittha sankhampi na upenti upanidhampi na upenti kalabhagampi na upenti mahapathaviya 1- parikkhinam pariyadinnam upanidhaya satta kolatthimattiyo gulika avasitthati . evameva kho bhikkhave ariyasavakassa (soyeva peyyalo) yogo karaniyoti. [1753] Seyyathapi bhikkhave puriso mahasamudde 2- dve va tini va udakaphusitani uddhareyya 3- . tam kim mannatha bhikkhave katamam nu kho bahutaram . yani va 4- dve va tini va udakaphusitani ubbhatani yam va mahasamudde udakanti . etadeva bhante bahutaram yadidam mahasamudde udakam appamattakani dve va tini va udakaphusitani ubbhatani sankhampi na upenti upanidhampi na upenti kalabhagampi na upenti mahasamudde udakam upanidhaya dve va tini va udakaphusitani ubbhataniti . evameva kho bhikkhave ariyasavakassa (soyeva peyyalo) yogo karaniyoti. [1754] Seyyathapi bhikkhave mahasamuddo 5- parikkhayam pariyadanam gaccheyya thapetva dve va tini va udakaphusitani . tam kim mannatha bhikkhave katamam nu kho bahutaram . yam va mahasamudde @Footnote: 1 Ma. Yu. pathavi . 2 Ma. mahasamuddato . 3 Ma. uddharitani . 4 Ma. vasaddo natthi. @evamuparipi . 5 Ma. Yu. mahasamudde udakam.--------------------------------------------------------------------------------------------- page576.
Udakam parikkhinam pariyadinnam yani va dve va tini va udakaphusitani avasitthaniti . etadeva bhante bahutaram mahasamudde udakam [1]- parikkhinam pariyadinnam appamattakani dve va tini va udakaphusitani avasitthani sankhampi na upenti upanidhampi na upenti kalabhagampi na upenti mahasamudde udakam parikkhinam pariyadinnam upanidhaya [2]- dve va tini va udakaphusitani avasitthaniti . evameva kho bhikkhave ariyasavakassa (soyeva peyyalo) yogo karaniyoti. [1755] Seyyathapi bhikkhave puriso himavato pabbatarajassa satta sasapamattiyo pasanasakkhara upanikkhipeyya . tam kim mannatha bhikkhave katamam nu kho bahutaram . ya va satta sasapamattiyo pasanasakkhara upanikkhitta ayam va himava pabbatarajati . Etadeva bhante bahutaram yadidam himava pabbataraja appamattika satta sasapamattiyo pasanasakkhara upanikkhitta sankhampi na upenti upanidhampi na upenti kalabhagampi na upenti himavantam pabbatarajanam upanidhaya satta sasapamattiyo pasanasakkhara upanikkhittati . evameva kho bhikkhave ariyasavakassa .pe. yogo karaniyoti. [1756] Seyyathapi bhikkhave himava pabbataraja parikkhayam pariyadanam gaccheyya thapetva satta sasapamattiyo pasanasakkhara . Tam kim mannatha bhikkhave katamam nu kho bahutaram . yam va himavato @Footnote: 1 Ma. Yu. yadidam. 2 Ma. yani.--------------------------------------------------------------------------------------------- page577.
Pabbatarajassa parikkhinam pariyadinnam ya va satta sasapamattiyo pasanasakkhara avasitthati . etadeva bhante bahutaram himavato pabbatarajassa yadidam parikkhinam pariyadinnam appamattika satta sasapamattiyo pasanasakkhara avasittha sankhampi na upenti upanidhampi na upenti kalabhagampi na upenti himavato pabbatarajassa parikkhinam pariyadinnam upanidhaya satta sasapamattiyo pasanasakkhara avasitthati. {1756.1} Evameva kho bhikkhave ariyasavakassa ditthisampannassa puggalassa abhisametavino etadeva bahutaram dukkham yadidam parikkhinam pariyadinnam appamattakam avasittham sankhampi na upeti upanidhampi na upeti kalabhagampi na upeti purimam dukkhakkhandham parikkhinam pariyadinnam upanidhaya yadidam sattakkhattumparamata . yo idam dukkhanti yathabhutam pajanati .pe. ayam dukkhanirodhagamini patipadati yathabhutam pajanati . tasma tiha bhikkhave idam dukkhanti yogo karaniyo .pe. ayam dukkhanirodhagamini patipadati yogo karaniyoti. Abhisamayavaggo chattho. Tassuddanam nakhasikhapokkharaniyo sambhejja apare duve pathavi dvesamuddehi dvema ca pabbatupamati. --------------The Pali Tipitaka in Roman Character Volume 19 page 572-577. http://84000.org/tipitaka/read/roman_item_s.php?book=19&item=1747&items=10&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=19&item=1747&items=10&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1747&items=10&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1747&items=10&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=1747 The Pali Atthakatha in Thai :- http://84000.org/tipitaka/atthapali/read_th.php?B=13&A=8410 The Pali Atthakatha in Roman :- http://84000.org/tipitaka/atthapali/read_rm.php?B=13&A=8410 Contents of The Tipitaka Volume 19 http://84000.org/tipitaka/read/?index_19
       |
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]