paliTIPITAKA Volume 2 - Vinaya Pitaka 2

page125.

Catutthasikkhapadam [145] Tena samayena buddho bhagava savatthiyam viharati jetavane anathapindikassa arame . tena kho pana samayena bhagavata bhikkhunam vassikasatika anunnata hoti . chabbaggiya bhikkhu bhagavata vassikasatika anunnatati patikacceva ^1- vassikasatikacivaram pariyesanti patikacceva katva nivasenti jinnaya vassikasatikaya nagga kayam ovassapenti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu patikacceva vassikasatikacivaram pariyesissanti patikacceva katva nivasessanti jinnaya vassikasatikaya nagga kayam ovassapessantiti. Athakho te bhikkhu bhagavato etamattham arocesum. Saccam kira tumhe bhikkhave patikacceva vassikasatikacivaram pariyesatha patikacceva katva nivasetha jinnaya vassikasatikaya nagga kayam ovassapethati . saccam bhagavati . vigarahi buddho bhagava katham hi nama tumhe moghapurisa patikacceva vassikasatikacivaram pariyesissatha patikacceva katva nivasessatha jinnaya vassikasatikaya nagga kayam ovassapessatha netam moghapurisa appasannanam va pasadayapasannanam va bhiyyobhavaya .pe. evanca pana bhikkhave imam sikkhapadam uddiseyyatha {145.1} maso seso gimhananti bhikkhuna vassikasatikacivaram @Footnote: ¹ Si. Yu. patigacceva. evamuparipi.

--------------------------------------------------------------------------------------------- page126.

Pariyesitabbam addhamaso ^1- seso gimhananti katva nivasetabbam . Orena ce maso seso gimhananti vassikasatikacivaram pariyeseyya orenaddhamaso seso gimhananti katva nivaseyya nissaggiyam pacittiyanti. [146] Maso seso gimhananti bhikkhuna vassikasatikacivaram pariyesitabbanti ye manussa pubbepi vassikasatikacivaram denti te upasankamitva evamassu vacaniya kalo vassikasatikaya samayo vassikasatikaya annepi manussa vassikasatikacivaram dentiti . na vattabba detha me vassikasatikacivaram aharatha me vassikasatikacivaram parivattetha ^2- me vasasikasatikacivaram cetapetha me vassikasatikacivaranti . addhamaso seso gimhananti katva nivasetabbanti addhamase sese gimhane katva nivasetabbam . Orena ce maso seso gimhananti atirekamase sese gimhane vassikasatikacivaram pariyesati nissaggiyam hoti ^3- . orenaddhamaso seso gimhananti atirekaddhamase sese gimhane katva nivaseti nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. Idam me bhante vassikasatikacivaram atirekamase sese gimhane pariyittham atirekaddhamase @Footnote: ¹ Ma. Yu. addhamaso. evamuparipi . ² Ma. Yu. sabbattha parivattethati dissati. @³ Ma. Yu. sabbattha nissaggiyam pacittiyanti dissati.

--------------------------------------------------------------------------------------------- page127.

Mase sese gimhane katva nivattham ^1- nissaggiyam imaham sanghassa nissajjamiti .pe. dadeyyati .pe. dadeyyunti .pe. ayasmato dammiti. [147] Atirekamase sese gimhane atirekasanni vassikasatikacivaram pariyesati nissaggiyam pacittiyam . atirekamase sese gimhane vematiko vassikasatikacivaram pariyesati nissaggiyam pacittiyam . atirekamase sese gimhane unakasanni vassikasatikacivaram pariyesati nissaggiyam pacittiyam . Atirekaddhamase sese gimhane atirekasanni katva nivaseti nissaggiyam pacittiyam . atirekaddhamase sese gimhane vematiko katva nivaseti nissaggiyam pacittiyam . atirekaddhamase sese gimhane unakasanni katva nivaseti nissaggiyam pacittiyam . satiya vassikasatikaya naggo kayam ovassapeti apatti dukkatassa . Unakamase sese gimhane atirekasanni apatti dukkatassa . Unakamase sese gimhane vematiko apatti dukkatassa . Unakamase sese gimhane unakasanni anapatti . unakaddhamase sese gimhane atirekasanni apatti dukkatassa . unakaddhamase sese gimhane vematiko apatti dukkatassa . unakaddhamase sese gimhane unakasanni anapatti. [148] Anapatti maso seso gimhananti vassikasatikacivaram @Footnote: ¹ Ma. Yu. paridahitam.

--------------------------------------------------------------------------------------------- page128.

Pariyesati addhamaso seso gimhananti katva nivaseti unakamaso seso gimhananti vassikasatikacivaram pariyesati unakaddhamaso seso gimhananti katva nivaseti pariyitthaya vassikasatikaya vassam ukkaddhiyati nivatthaya vassikasatikaya vassam ukkaddhiyati dhovitva nikkhipitabbam samaye nivasetabbam acchinnacivarassa natthacivarassa apadasu ummattakassa adikammikassati. Catutthasikkhapadam nitthitam. -------

The Pali Tipitaka in Roman Character Volume 2 page 125-128. http://84000.org/tipitaka/read/roman_item_s.php?book=2&item=145&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=145&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=145&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=145&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=145 The Pali Atthakatha in Thai :- http://84000.org/tipitaka/atthapali/read_th.php?B=2&A=5549 The Pali Atthakatha in Roman :- http://84000.org/tipitaka/atthapali/read_rm.php?B=2&A=5549 Contents of The Tipitaka Volume 2 http://84000.org/tipitaka/read/?index_2