บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
[78] Tena samayena buddho bhagava vesaliyam viharati mahavane kutagarasalayam . tena kho pana samayena chabbaggiya bhikkhu suddhakalakanam elakalomanam santhatam karapenti . manussa viharacarikam ahindanta passitva ujjhayanti khiyanti vipacenti katham hi nama ime samana sakyaputtiya suddhakalakanam elakalomanam santhatam karapessanti seyyathapi gihi kamabhoginoti . assosum kho bhikkhu tesam manussanam ujjhayantanam khiyantanam vipacentanam . Ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu suddhakalakanam elakalomanam santhatam karapessantiti . athakho te bhikkhu bhagavato etamattham arocesum. Saccam kira tumhe bhikkhave suddhakalakanam elakalomanam santhatam karapethati . saccam bhagavati . vigarahi buddho bhagava katham hi nama tumhe moghapurisa suddhakalakanam elakalomanam santhatam karapessatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {78.1} yo pana bhikkhu suddhakalakanam elakalomanam santhatam karapeyya nissaggiyam pacittiyanti. [79] Yo panati yo yadiso .pe. bhikkhuti .pe. ayam Imasmim atthe adhippeto bhikkhuti . kalakam nama dve kalakani jatiya kalakam va rajanakalakam va . santhatam nama santharitva katam hoti avayimam . karapeyyati karoti va karapeti va payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante suddhakalakanam elakalomanam santhatam karapitam nissaggiyam imaham sanghassa nissajjamiti .pe. Dadeyyati .pe. Dadeyyunti .pe. Ayasmato dammiti. [80] Attana vippakatam attana pariyosapeti nissaggiyam pacittiyam . attana vippakatam parehi pariyosapeti nissaggiyam pacittiyam . parehi vippakatam attana pariyosapeti nissaggiyam pacittiyam . parehi vippakatam parehi pariyosapeti nissaggiyam pacittiyam . annassatthaya karoti va karapeti va apatti dukkatassa . annena katam patilabhitva paribhunjati apatti dukkatassa. [81] Anapatti vitanam va bhummattharanam va sanipakaram va bhisim va bimbohanam va karoti ummattakassa adikammikassati. Dutiyasikkhapadam nitthitam. ------- TatiyasikkhapadamThe Pali Tipitaka in Roman Character Volume 2 page 66-68. http://84000.org/tipitaka/read/roman_item_s.php?book=2&item=78&items=4&modeTY=2&mode=bracket Classified by content :- http://84000.org/tipitaka/read/roman_item_s.php?book=2&item=78&items=4&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=78&items=4&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=78&items=4&modeTY=2&mode=bracket Study Atthakatha :- http://84000.org/tipitaka/attha/attha.php?b=2&i=78 The Pali Atthakatha in Thai :- http://84000.org/tipitaka/atthapali/read_th.php?B=2&A=4575 The Pali Atthakatha in Roman :- http://84000.org/tipitaka/atthapali/read_rm.php?B=2&A=4575 Contents of The Tipitaka Volume 2 http://84000.org/tipitaka/read/?index_2
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]