paliTIPITAKA Volume 2 - Vinaya Pitaka 2

page518.

Dutiyasikkhapadam [784] Tena samayena buddho bhagava rajagahe viharati veluvane kalandakanivape . tena kho pana samayena bhikkhu kulesu nimantita bhunjanti . chabbaggiya bhikkhuniyo chabbaggiyanam bhikkhunam vosasantiyo thita honti idha supam detha idha odanam dethati . chabbaggiya bhikkhu yavadattham bhunjanti . anne bhikkhu na cittarupam bhunjanti . Ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu bhikkhuniyo vosasantiyo na nivaressantiti .pe. saccam kira tumhe bhikkhave bhikkhuniyo vosasantiyo na nivarethati . saccam bhagavati . Vigarahi buddho bhagava katham hi nama tumhe moghapurisa bhikkhuniyo vosasantiyo na nivaressatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {784.1} bhikkhu paneva kulesu nimantita bhunjanti. Tatra ce ^[1]- bhikkhuni vosasamanarupa thita hoti idha supam detha idha odanam dethati. Tehi bhikkhuhi sa bhikkhuni apasadetabba apasakka tava bhagini yava bhikkhu bhunjantiti . ekassapi ce ^2- bhikkhuno nappatibhaseyya tam bhikkhunim apasadetum apasakka tava bhagini yava bhikkhu bhunjantiti @Footnote: ¹ Ma. sa . ² Ma. Yu. ekassa cepi. evamuparipi.

--------------------------------------------------------------------------------------------- page519.

Patidesetabbam tehi bhikkhuhi garayham avuso dhammam apajjimha asappayam patidesaniyam tam patidesemati. [785] Bhikkhu paneva kulesu nimantita bhunjantiti kulam nama cattari kulani khattiyakulam brahmanakulam vessakulam suddakulam . Nimantita bhunjantiti pancannam bhojananam annatarena bhojanena nimantita bhunjanti . bhikkhuni nama ubhatosanghe upasampanna . Vosasanti nama yathamittata yathasanditthata yathasambhattata yathasamanupajjhayakata yathasamanacariyakata idha supam detha idha odanam dethati ayam ^1- vosasanti nama. {785.1} Tehi bhikkhuhiti bhunjamanehi bhikkhuhi . sa bhikkhuniti ya sa vosasanti bhikkhuni . tehi bhikkhuhi sa bhikkhuni apasadetabba apasakka tava bhagini yava bhikkhu bhunjantiti . ekassapi ce bhikkhuno anapasadite ^2- khadissami bhunjissamiti patigganhati apatti dukkatassa. Ajjhohare ajjhohare apatti patidesaniyassa. [786] Upasampannaya upasampannasanni vosasantiya na nivareti apatti patidesaniyassa . upasampannaya vematiko vosasantiya na nivareti apatti patidesaniyassa . upasampannaya anupasampannasanni vosasantiya na nivareti apatti patidesaniyassa. {786.1} Ekatoupasampannaya vosasantiya na nivareti apatti dukkatassa . anupasampannaya upasampannasanni apatti dukkatassa . @Footnote: ¹ Ma. esa . ² Ma. Yu. anapasadito.

--------------------------------------------------------------------------------------------- page520.

Anupasampannaya vematiko apatti dukkatassa . anupasampannaya anupasampannasanni anapatti. [787] Anapatti attano bhattam dapeti na deti annesam bhattam deti na dapeti yam na dinnam tam dapeti yattha na dinnam tattha dapeti sabbesam samakam dapeti sikkhamana vosasati samaneri vosasati panca bhojanani thapetva sabbattha anapatti ummattakassa adikammikassati. Dutiyasikkhapadam nitthitam. ---------

The Pali Tipitaka in Roman Character Volume 2 page 518-520. http://84000.org/tipitaka/read/roman_item_s.php?book=2&item=784&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=784&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=784&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=784&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=2&i=784 The Pali Atthakatha in Thai :- http://84000.org/tipitaka/atthapali/read_th.php?B=2&A=10317 The Pali Atthakatha in Roman :- http://84000.org/tipitaka/atthapali/read_rm.php?B=2&A=10317 Contents of The Tipitaka Volume 2 http://84000.org/tipitaka/read/?index_2