paliTIPITAKA Volume 22 - Sutta Pitaka 14

[318] 47 Atha kho moḷiyasivako ^1- paribbājako yena bhagavā tenupasaṅkami upasaṅkamitvā bhagavatā saddhiṃ sammodi sammodanīyaṃ kathaṃ sārāṇīyaṃ vītisāretvā ekamantaṃ nisīdi ekamantaṃ nisinno kho moḷiyasivako paribbājako bhagavantaṃ etadavoca sandiṭṭhiko dhammo sandiṭṭhiko dhammoti bhante vuccati kittāvatā nu kho bhante sandiṭṭhiko dhammo hoti akāliko ehipassiko opanayiko ^2- paccattaṃ veditabbo viññūhīti tenahi sivaka taññevettha paṭipucchissāmi ^3- yathā te @Footnote: ¹ Po. Yu. moliyasivako. Ma. moḷiyasīvako . ² Ma. opaneyyiko . ³ Ma. paṭipucchāmi. Khameyya tathā naṃ byākareyyāsi taṃ kiṃ maññasi sivaka santaṃ vā ajjhattaṃ lobhaṃ atthi me ajjhattaṃ lobhoti pajānāsi asantaṃ vā ajjhattaṃ lobhaṃ natthi me ajjhattaṃ lobhoti pajānāsīti . Evaṃ bhante. {318.1} Yaṃ kho tvaṃ sivaka santaṃ vā ajjhattaṃ lobhaṃ atthi me ajjhattaṃ lobhoti pajānāsi asantaṃ vā ajjhattaṃ lobhaṃ natthi me ajjhattaṃ lobhoti pajānāsi evampi ^1- kho sivaka sandiṭṭhiko dhammo hoti .pe. taṃ kiṃ maññasi sivaka santaṃ vā ajjhattaṃ dosaṃ .pe. santaṃ vā ajjhattaṃ mohaṃ santaṃ vā ajjhattaṃ lobhadhammaṃ santaṃ vā ajjhattaṃ dosadhammaṃ santaṃ vā ajjhattaṃ mohadhammaṃ atthi me ajjhattaṃ mohadhammoti pajānāsi asantaṃ vā ajjhattaṃ mohadhammaṃ natthi me ajjhattaṃ mohadhammoti pajānāsīti . evaṃ bhante . yaṃ kho tvaṃ sivaka santaṃ vā ajjhattaṃ mohadhammaṃ atthi me ajjhattaṃ mohadhammoti pajānāsi asantaṃ vā ajjhattaṃ mohadhammaṃ natthi me ajjhattaṃ mohadhammoti pajānāsi evampi kho sivaka sandiṭṭhiko dhammo hoti akāliko ehipassiko opanayiko paccattaṃ veditabbo viññūhīti . abhikkantaṃ bhante .pe. Upāsakaṃ maṃ bhante bhagavā dhāretu ajjatagge pāṇupetaṃ saraṇaṃ gatanti. [319] 48 Atha kho aññataro brāhmaṇo yena bhagavā tenupasaṅkami upasaṅkamitvā bhagavatā saddhiṃ sammodi sammodanīyaṃ kathaṃ sārāṇīyaṃ @Footnote: ¹ Yu. pisaddo natthi. Vītisāretvā ekamantaṃ nisīdi ekamantaṃ nisinno kho so brāhmaṇo bhagavantaṃ etadavoca sandiṭṭhiko dhammo sandiṭṭhiko dhammoti bho gotama vuccati kittāvatā nu kho bho gotama sandiṭṭhiko dhammo hoti akāliko ehipassiko opanayiko paccattaṃ veditabbo viññūhīti tenahi brāhmaṇa taññevettha paṭipucchissāmi yathā te khameyya tathā naṃ byākareyyāsi taṃ kiṃ maññasi brāhmaṇa santaṃ vā ajjhattaṃ rāgaṃ atthi me ajjhattaṃ rāgoti pajānāsi asantaṃ vā ajjhattaṃ rāgaṃ natthi me ajjhattaṃ rāgoti pajānāsīti . evaṃ bho . Yaṃ kho tvaṃ brāhmaṇa santaṃ vā ajjhattaṃ rāgaṃ atthi me ajjhattaṃ rāgoti pajānāsi asantaṃ vā ajjhattaṃ rāgaṃ natthi me ajjhattaṃ rāgoti pajānāsi evampi ^1- kho brāhmaṇa sandiṭṭhiko dhammo hoti .pe. {319.1} Taṃ kiṃ maññasi brāhmaṇa santaṃ vā ajjhattaṃ dosaṃ santaṃ vā ajjhattaṃ mohaṃ santaṃ vā ajjhattaṃ kāyasandosaṃ santaṃ vā ajjhattaṃ vacīsandosaṃ .pe. santaṃ vā ajjhattaṃ manosandosaṃ atthi me ajjhattaṃ manosandosoti pajānāsi asantaṃ vā ajjhattaṃ manosandosaṃ natthi me ajjhattaṃ manosandosoti pajānāsīti . Evaṃ bho . yaṃ kho tvaṃ brāhmaṇa santaṃ vā ajjhattaṃ manosandosaṃ atthi me ajjhattaṃ manosandosoti pajānāsi asantaṃ vā ajjhattaṃ manosandosaṃ natthi me ajjhattaṃ manosandosoti pajānāsi evampi ^1- kho brāhmaṇa sandiṭṭhiko dhammo hoti akāliko ehipassiko opanayiko paccattaṃ veditabbo viññūhīti . @Footnote: ¹ Yu. pisaddo natthi. Abhikkantaṃ bho gotama abhikkantaṃ bho gotama .pe. upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatanti.

The Pali Tipitaka in Roman Character Volume 22 page 398-401. http://84000.org/tipitaka/read/roman_item_s.php?book=22&item=318&items=2 Classified by [Item Number] :- http://84000.org/tipitaka/read/roman_item_s.php?book=22&item=318&items=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=318&items=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=318&items=2 Study Atthakatha :- http://84000.org/tipitaka/attha/attha.php?b=22&i=318 The Pali Atthakatha in Thai :- http://84000.org/tipitaka/atthapali/read_th.php?B=16&A=2897 The Pali Atthakatha in Roman :- http://84000.org/tipitaka/atthapali/read_rm.php?B=16&A=2897 Contents of The Tipitaka Volume 22 http://84000.org/tipitaka/read/?index_22