paliTIPITAKA Volume 23 - Sutta Pitaka 15

[174] 84 Tatra kho ayasma sariputto bhikkhu amantesi avuso bhikkhaveti . avusoti kho te bhikkhu ayasmato sariputtassa paccassosum . ayasma sariputto etadavoca atthime avuso puggala santo samvijjamana lokasmim. Katame attha. {174.1} Idhavuso bhikkhuno pavivittassa viharato nirayattavuttino iccha uppajjati labhaya so utthahati ghatati vayamati labhaya tassa utthahato ghatato vayamato labhaya labho nuppajjati so tena alabhena socati kilamati paridevati urattali kandati sammoham apajjati ayam vuccatavuso bhikkhu iccho viharati labhaya utthahati ghatati vayamati labhaya na ca labhi soci ca paridevi ca cuto ca saddhamma. {174.2} Idha panavuso bhikkhuno pavivittassa viharato nirayattavuttino iccha uppajjati labhaya so utthahati ghatati vayamati labhaya tassa utthahato ghatato vayamato labhaya labho uppajjati so Tena labhena majjati pamajjati pamadamapajjati ayam vuccatavuso bhikkhu iccho viharati labhaya utthahati ghatati vayamati labhaya labhi ca madi ca pamadi ca cuto ca saddhamma. {174.3} Idha panavuso bhikkhuno pavivittassa viharato nirayattavuttino iccha uppajjati labhaya so na utthahati na ghatati na vayamati labhaya tassa anutthahato aghatato avayamato labhaya labho nuppajjati so tena alabhena socati kilamati paridevati urattali kandati sammoham apajjati ayam vuccatavuso bhikkhu iccho viharati labhaya na utthahati na ghatati na vayamati labhaya na ca labhi soci ca paridevi ca cuto ca saddhamma. {174.4} Idha panavuso bhikkhuno pavivittassa viharato nirayattavuttino iccha uppajjati labhaya so na utthahati na ghatati na vayamati labhaya tassa anutthahato aghatato avayamato labhaya labho uppajjati so tena labhena majjati pamajjati pamadamapajjati ayam vuccatavuso bhikkhu iccho viharati labhaya na utthahati na ghatati na vayamati labhaya labhi ca madi ca pamadi ca cuto ca saddhamma. {174.5} Idha panavuso bhikkhuno pavivittassa viharato nirayattavuttino iccha uppajjati labhaya so utthahati ghatati vayamati labhaya tassa utthahato ghatato vayamato labhaya labho nuppajjati so tena alabhena na socati na kilamati na paridevati na urattali kandati na Sammoham apajjati ayam vuccatavuso bhikkhu iccho viharati labhaya utthahati ghatati vayamati labhaya na ca labhi na ca soci na ca paridevi accuto ca saddhamma. {174.6} Idha panavuso bhikkhuno pavivittassa viharato nirayattavuttino iccha uppajjati labhaya so utthahati ghatati vayamati labhaya tassa utthahato ghatato vayamato labhaya labho uppajjati so tena labhena na majjati na pamajjati na pamadamapajjati ayam vuccatavuso bhikkhu iccho viharati labhaya utthahati ghatati vayamati labhaya labhi ca na ca madi na ca pamadi accuto ca saddhamma. {174.7} Idha panavuso bhikkhuno pavivittassa viharato nirayattavuttino iccha uppajjati labhaya so na utthahati na ghatati na vayamati labhaya tassa anutthahato aghatato avayamato labhaya labho nuppajjati so tena alabhena na socati na kilamati na paridevati na urattali kandati na sammoham apajjati ayam vuccatavuso bhikkhu iccho viharati labhaya na utthahati na ghatati na vayamati labhaya na ca labhi na ca soci na ca paridevi accuto ca saddhamma. {174.8} Idha panavuso bhikkhuno pavivittassa viharato nirayattavuttino iccha uppajjati labhaya so na utthahati na ghatati na vayamati labhaya tassa anutthahato aghatato avayamato labhaya labho uppajjati so tena labhena na majjati na pamajjati na pamadamapajjati ayam Vuccatavuso bhikkhu iccho viharati labhaya na utthahati na ghatati na vayamati labhaya labhi ca na ca madi na ca pamadi accuto ca saddhamma. Ime kho avuso attha puggala santo samvijjamana lokasminti. [175] 85 Tatra kho ayasma sariputto bhikkhu amantesi .pe. Chahavuso dhammehi samannagato bhikkhu alam attano alam paresam . Katamehi chahi . idhavuso bhikkhu khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi ^1- hoti atthamannaya dhammamannaya dhammanudhammapatipanno ca hoti kalyanavaco ca hoti kalyanavakkarano poriya vacaya samannagato vissatthaya anelagalaya atthassa vinnapaniya sandassako ca hoti samadapako samuttejako sampahamsako sabrahmacarinam. Imehi kho avuso chahi dhammehi samannagato bhikkhu alam attano alam paresam. [176] 86 Pancahavuso dhammehi samannagato bhikkhu alam attano alam paresam . katamehi pancahi . idhavuso bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti kalyanavaco ca hoti .pe. Sandassako ca hoti .pe. sabrahmacarinam . imehi kho avuso pancahi dhammehi samannagato bhikkhu alam attano alam paresam. [177] 87 Catuhavuso dhammehi samannagato bhikkhu alam attano no @Footnote: ¹ Ma. atthupaparikkhita. evamuparipi. Paresam . katamehi catuhi . idhavuso bhikkhu khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti .pe. No ca sandassako hoti .pe. Sabrahmacarinam . imehi kho avuso catuhi dhammehi samannagato bhikkhu alam attano no paresam. [178] 88 Catuhavuso dhammehi samannagato bhikkhu alam paresam no attano . katamehi catuhi . idhavuso bhikkhu khippanisanti ca hoti kusalesu dhammesu sutananca dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti .pe. sandassako ca hoti .pe. sabrahmacarinam . imehi kho avuso catuhi dhammehi samannagato bhikkhu alam paresam no attano. [179] 89 Tihavuso dhammehi samannagato bhikkhu alam attano no paresam . katamehi tihi . idhavuso bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti .pe. no ca sandassako hoti .pe. sabrahmacarinam . imehi kho avuso tihi dhammehi samannagato bhikkhu alam attano no paresam. [180] 90 Tihavuso dhammehi samannagato bhikkhu alam paresam no attano . katamehi tihi. Idhavuso bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti .pe. atthassa vinnapaniya sandassako ca hoti .pe. sabrahmacarinam . imehi kho avuso tihi dhammehi samannagato bhikkhu alam paresam no attano. [181] 91 Dvihavuso dhammehi samannagato bhikkhu alam attano no paresam . katamehi dvihi. Idhavuso bhikkhu na heva kho khippanisanti ca hoti kusalesu dhammesu sutananca dhammanam dharakajatiko hoti dhatananca dhammanam atthupaparikkhi hoti atthamannaya dhammamannaya dhammanudhammapatipanno ca hoti no ca kalyanavaco hoti .pe. no ca sandassako hoti .pe. sabrahmacarinam . imehi kho avuso dvihi dhammehi samannagato bhikkhu alam attano no paresam. [182] 92 Dvihavuso dhammehi samannagato bhikkhu alam paresam no attano . katamehi dvihi . idhavuso bhikkhu na heva kho khippanisanti ca hoti kusalesu dhammesu no ca sutanam dhammanam dharakajatiko hoti no ca dhatanam dhammanam atthupaparikkhi hoti no ca atthamannaya dhammamannaya dhammanudhammapatipanno hoti kalyanavaco ca hoti kalyanavakkarano poriya vacaya samannagato vissatthaya anelagalaya Atthassa vinnapaniya sandassako ca hoti samadapako samuttejako sampahamsako sabrahmacarinam . imehi kho avuso dvihi dhammehi samannagato bhikkhu alam paresam no attanoti.

The Pali Tipitaka in Roman Character Volume 23 page 337-343. http://84000.org/tipitaka/read/roman_item_s.php?book=23&item=174&items=9&modeTY=2 Classified by [Item Number] :- http://84000.org/tipitaka/read/roman_item_s.php?book=23&item=174&items=9&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=174&items=9&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=174&items=9&modeTY=2 Study Atthakatha :- http://84000.org/tipitaka/attha/attha.php?b=23&i=174 Contents of The Tipitaka Volume 23 http://84000.org/tipitaka/read/?index_23