paliTIPITAKA Volume 23 - Sutta Pitaka 15

Satipatthanavaggo dutiyo [267] 63 Pancimani bhikkhave sikkhadubbalyani . Katamani panca panatipato adinnadanam kamesu micchacaro musavado suramerayamajjapamadatthanam. Imani kho bhikkhave panca sikkhadubbalyani. {267.1} Imesam kho bhikkhave pancannam sikkhadubbalyanam pahanaya cattaro satipatthana bhavetabba . katame cattaro idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. citte .pe. dhammesu dhammanupassi viharati atapi sampajano satima vineyya loke abhijjhadomanassam . Imesam kho bhikkhave pancannam sikkhadubbalyanam pahanaya ime cattaro satipatthana bhavetabbati. [268] 64 Pancimani bhikkhave nivaranani . katamani panca kamacchandanivaranam byapadanivaranam thinamiddhanivaranam uddhaccakukkuccanivaranam vicikicchanivaranam. Imani kho bhikkhave panca nivaranani. {268.1} Imesam kho bhikkhave pancannam nivarananam pahanaya cattaro satipatthana bhavetabba . katame cattaro idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. citte .pe. dhammesu dhammanupassi viharati atapi sampajano satima vineyya loke abhijjhadomanassam . Imesam kho bhikkhave pancannam nivarananam pahanaya ime cattaro satipatthana bhavetabbati. [269] 65 Pancime bhikkhave kamaguna . katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda .pe. ghanavinneyya gandha .pe. Jivhavinneyyarasa .pe. kayavinneyya photthabba ittha kanta manapa piyarupa kamupasanhita rajaniya . ime kho bhikkhave panca kamaguna. Imesam kho bhikkhave pancannam kamagunanam pahanaya .pe. ime cattaro satipatthana bhavetabbati. [270] 66 Pancime bhikkhave upadanakkhandha . katame panca rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho . ime kho bhikkhave pancupadanakkhandha. Imesam kho bhikkhave pancannam upadanakkhandhanam pahanaya .pe. Ime cattaro satipatthana bhavetabbati. [271] 67 Pancimani bhikkhave orambhagiyani samyojanani . Katamani panca sakkayaditthi vicikiccha silabbataparamaso kamacchando byapado. Imani kho bhikkhave panca orambhagiyani samyojanani. Imesam kho bhikkhave pancannam orambhagiyanam samyojananam pahanaya .pe. Ime cattaro satipatthana bhavetabbati. [272] 68 Pancima bhikkhave gatiyo . katama panca nirayo Tiracchanayoni pittivisayo manussa deva . ima kho bhikkhave panca gatiyo. Imasam kho bhikkhave pancannam gatinam pahanaya ime cattaro satipatthana bhavetabbati. [273] 69 Pancimani bhikkhave macchariyani . katamani panca avasamacchariyam kulamacchariyam labhamacchariyam vannamacchariyam dhammamacchariyam . Imani kho bhikkhave panca macchariyani. Imesam kho bhikkhave pancannam macchariyanam pahanaya ime cattaro satipatthana bhavetabbati. [274] 70 Pancimani bhikkhave uddhambhagiyani samyojanani . Katamani panca ruparago aruparago mano uddhaccam avijja . Imani kho bhikkhave pancuddhambhagiyani samyojanani. Imesam kho bhikkhave pancannam uddhambhagiyanam samyojananam pahanaya ime cattaro satipatthana bhavetabbati. [275] 71 Pancime bhikkhave cetokhila . katame panca idha bhikkhave bhikkhu satthari kankhati vicikicchati nadhimuccati na sampasidati yo so bhikkhave bhikkhu satthari kankhati vicikicchati nadhimuccati na sampasidati tassa cittam na namati atappaya anuyogaya sataccaya padhanaya yassa cittam na namati atappaya anuyogaya sataccaya Padhanaya ayam pathamo cetokhilo . puna caparam bhikkhave bhikkhu dhamme kankhati .pe. sanghe kankhati sikkhaya kankhati sabrahmacarisu kupito hoti anattamano ahatacitto khilajato yo so bhikkhave bhikkhu sabrahmacarisu kupito hoti anattamano ahatacitto khilajato tassa cittam na namati atappaya anuyogaya sataccaya padhanaya yassa cittam na namati atappaya anuyogaya sataccaya padhanaya ayam pancamo cetokhilo. Imesam kho bhikkhave pancannam cetokhilanam pahanaya ime cattaro satipatthana bhavetabbati. [276] 72 Pancime bhikkhave cetaso vinibandha . Katame panca idha bhikkhave bhikkhu kamesu avitarago hoti avitacchando ^1- avitapemo avitapipaso avitaparilaho avitatanho yo so bhikkhave bhikkhu kamesu avitarago hoti avitacchando avitapemo avitapipaso avitaparilaho avitatanho tassa cittam na namati atappaya anuyogaya sataccaya padhanaya yassa cittam na namati atappaya anuyogaya sataccaya padhanaya ayam pathamo cetaso vinibandho . puna caparam bhikkhave bhikkhu kaye avitarago hoti rupe avitarago hoti yavadattham udaravadehakam bhunjitva seyyasukham passasukham middhasukham anuyutto viharati annataram devanikayam panidhaya brahmacariyam carati iminaham silena va vatena va tapena va brahmacariyena va devo va bhavissami @Footnote: ¹ Ma. avigata .... evamuparipi. Devannataro vati yo so bhikkhave bhikkhu annataram devanikayam panidhaya brahmacariyam carati iminaham silena va vatena va tapena va brahmacariyena va devo va bhavissami devannataro vati tassa cittam na namati atappaya anuyogaya sataccaya padhanaya ayam pancamo cetaso vinibandho. Ime kho bhikkhave panca cetaso vinibandha. {276.1} Imesam kho bhikkhave pancannam cetaso vinibandhanam pahanaya cattaro satipatthana bhavetabba . katame cattaro idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. cittesu dhammesu dhammanupassi viharati atapi sampajano satima vineyya loke abhijjhadomanassam . Imesam kho bhikkhave pancannam cetaso vinibandhanam pahanaya ime cattaro satipatthana bhavetabbati. Satipatthanavaggo dutiyo. Tassuddanam sikkha nivarana kama khandha ca orambhagiya gati macchariyanceva uddhambhagiyanam atthamam cetokhilavinibandhoti ^1-. ---------------

The Pali Tipitaka in Roman Character Volume 23 page 479-483. http://84000.org/tipitaka/read/roman_item_s.php?book=23&item=267&items=10&modeTY=2 Classified by [Item Number] :- http://84000.org/tipitaka/read/roman_item_s.php?book=23&item=267&items=10&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=267&items=10&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=267&items=10&modeTY=2 Study Atthakatha :- http://84000.org/tipitaka/attha/attha.php?b=23&i=267 Contents of The Tipitaka Volume 23 http://84000.org/tipitaka/read/?index_23