บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[50] Ekam samayam bhagava ayasma ca sariputto ayasma ca mahamoggallano dakkhinagirismim carikam caranti mahata bhikkhusanghena saddhim . tena kho pana samayena velukantaki 1- nandamata upasika rattiya paccusasamayam paccutthaya parayanam sarena bhasati . tena kho pana samayena vessavanno 2- maharaja uttaraya disaya dakkhinam disam gacchati kenacideva karaniyena assosi kho vessavanno maharaja nandamataya upasikaya parayanam sarena bhasantiya sutva kathapariyosanam agamayamano atthasi . athakho nandamata upasika parayanam sarena bhasitva tunhi ahosi. Athakho vessavanno maharaja nandamataya upasikaya kathapariyosanam viditva abbhanumodi sadhu bhagini sadhu bhaginiti . ko paneso bhadramukhati . ahante bhagini bhata vessavanno maharajati . sadhu bhadramukha tena hiyo me ayam dhammapariyayo bhanito idam te hotu atitheyyanti . sadhu bhagini etanceva me hotu atitheyyam sveva sariputtamogallanappamukho @Footnote: 1 Ma. velukandaki. evamuparipi . 2 vessavanotipi. Bhikkhusangho akatapataraso velukantakam agamissati tanca bhikkhusangham parivisitva mama dakkhinam adiseyyasi evanca 1- me bhavissati atitheyyanti. {50.1} Athakho nandamata upasika annataram purisam 2- tassa rattiya accayena sake nivesane panitam khadaniyam bhojaniyam patiyadapesi. Athakho sariputtamoggallanappamukho bhikkhusangho akatapataraso yena velukantakam tadavasari . athakho nandamata upasika annataram purisam amantesi ehi tvam ambho purisa aramam gantva bhikkhusanghassa kalam arocehi kalo bhante ayyaya nandamataya 3- nivesane nitthitam bhattanti . evam ayyeti kho so puriso nandamataya upasikaya patissunitva aramam gantva bhikkhusanghassa kalam arocesi kalo bhante ayyaya nandamataya 3- nivesane nitthitam bhattanti . athakho sariputtamoggallanappamukho bhikkhusangho pubbanhasamayam nivasetva pattacivaramadaya yena nandamataya upasikaya nivesanam tenupasankami upasankamitva pannatte asane nisidi. {50.2} Athakho nandamata upasika sariputtamoggallanappamukham bhikkhusangham panitena khadaniyena bhojaniyena sahattha santappesi sampavaresi athakho nandamata upasika ayasmantam sariputtam bhuttavim onitapattapanim ekamantam nisidi. Ekamantam nisinnam kho nandamataram upasikam ayasma sariputto etadavoca ko pana te nandamate bhikkhusanghassa abbhagamanam arocesiti. Idhaham @Footnote: 1 Ma. etanceva. evamuparipi . 2 idam pathadvayam natthi . 3 Ma. nandamatuya. Bhante rattiya paccusasamayam paccutthaya parayanam sarena bhasitva tunhi ahosim athakho bhante vessavanno maharaja mama kathapariyosanam viditva abbhanumodi sadhu bhagini sadhu bhaginiti ko paneso bhadramukhati ahante bhagini bhata vessavanno maharajati sadhu bhadramukha tena hiyo me ayam dhammapariyayo bhanito idante hotu atitheyyanti sadhu bhagini etanceva me hotu atitheyyam sveva sariputtamoggallanappamukho bhikkhusangho akatapataraso velukantakam agamissati tanca bhikkhusangham parivisitva mama dakkhinam adiseyyasi evanca me bhavissati atitheyyanti yadidam bhante dane punnam punnamahitam 1- vessavannassa maharajassa sukhaya hotuti. {50.3} Acchariyam nandamate abbhutam nandamate yatra hi nama vessavannena maharajena evammahiddhikena evammahesakkhena devaputtena sammukha sallapissasiti . na kho me bhante eseva acchariyo abbhuto dhammo atthi me annopi acchariyo abbhuto dhammo idha me bhante nando nama ekaputtako piyo manapo tam rajano kismincideva karane 2- okkassa pasayha jivita voropesum tasmim kho panaham bhante darake gahite va gayhamane va vadhe va vajjhamane va hate va hannamane va nabhijanami cittassa annathattanti. {50.4} Acchariyam nandamate abbhutam nandamate yatra hi nama cittuppadamattampi 3- parisodhessasiti. Na kho me bhante eseva acchariyo @Footnote: 1 Si. punnam hi tam. Ma. punnanca punnamahica tam. Yu. punnam va punnamaham va. @2 Ma. pakarane . 3 Ma. cittuppadampi. evamuparipi. Abbhuto dhammo atthi me annopi acchariyo abbhuto dhammo idha me bhante samiko kalakato annataram yakkhayonim upapanno so me teneva purimena attabhavena uddassesi na kho panaham bhante abhijanami tato nidanam cittassa annathattanti. {50.5} Acchariyam nandamate abbhutam nandamate yatra hi nama cittuppadamattampi parisodhessasiti . na kho me bhante eseva acchariyo abbhuto dhammo atthi me annopi acchariyo abbhuto dhammo yatoham bhante samikassa daharasseva dahara anita nabhijanami [1]- manasapi aticaritum 2- kuto pana kayenati . acchariyam nandamate abbhutam nandamate yatra hi nama cittuppadamattampi parisodhessasiti. {50.6} Na kho me bhante eseva acchariyo abbhuto dhammo atthi me annopi acchariyo abbhuto dhammo yadaham bhante upasika patidesita nabhijanami kinci sikkhapadam sancicca vitikkamitati . acchariyam nandamate abbhutam nandamateti. {50.7} Na kho me bhante eseva acchariyo abbhuto dhammo atthi me annopi acchariyo abbhuto dhammo idhaham bhante yavadeva akankhami vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharami vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam 3- pitisukham dutiyam jhanam upasampajja viharami pitiya ca viraga upekkhika ca viharami sata ca sampajana @Footnote: 1 Ma. samikam . 2 Ma. aticarita . 3 Ma. vivekajam. Sukhanca kayena patisamvedemi yantam ariya acikkhanti upekkhako satima sukhavihariti tatiyam jhanam upasampajja viharami sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharamiti . Acchariyam nandamate abbhutam nandamateti. {50.8} Na kho me bhante eseva acchariyo abbhuto dhammo atthi me annopi acchariyo abbhuto dhammo yanimani bhante bhagavata desitani pancorambhagiyani sannojanani nahantesam kinci attani appahinam samanupassamiti . acchariyam nandamate abbhutam nandamateti . athakho ayasma sariputto nandamataram upasikam dhammiya kathaya sandassetva samadapetva samuttejetva sampahamsetva utthayasana pakkamiti. Mahayannavaggo pancamo. Tassuddanam cittaparikkharam dveaggi sanna apara duve methuna ca sannogo danam mataya te dasati. Pannasako samatto. ------------- Pannasakasangahita vagga abyakatavaggo pathamoThe Pali Tipitaka in Roman Character Volume 23 page 64-69. http://84000.org/tipitaka/read/roman_item_s.php?book=23&item=50&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=23&item=50&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=50&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=50&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=23&i=50 The Pali Atthakatha in Thai :- http://84000.org/tipitaka/atthapali/read_th.php?B=16&A=4158 The Pali Atthakatha in Roman :- http://84000.org/tipitaka/atthapali/read_rm.php?B=16&A=4158 Contents of The Tipitaka Volume 23 http://84000.org/tipitaka/read/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]