TIPITAKA Volume 25 : PALI ROMAN
Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto

               Itivuttake dukanipatassa dutiyavaggo
     [216]  1  Vuttam  hetam  bhagavata  vuttamarahatati  me  sutam tathagatam
bhikkhave   arahantam   sammasambuddham   dve   vitakka   bahulam  samudacaranti
khemo   ca   vitakko   viveko  2-  ca  .  abyapajjharamo  bhikkhave
tathagato   abyapajjharato   tamenam   bhikkhave   tathagatam  abyapajjharamam
abyapajjharatam   eseva   vitakko   bahulam  samudacarati  imayaham  iriyaya
na kinci byabadhemi tasam va thavaram vati.
     {216.1}  Pavivekaramo  bhikkhave  tathagato  pavivekarato tamenam
bhikkhave   tathagatam   pavivekaramam   pavivekaratam   eseva  vitakko  bahulam
samudacarati   yam   akusalam  tam  pahinanti  .  tasma  tiha  bhikkhave  tumhepi
@Footnote: 1 Ma. na kuhana dve .  2 Yu. pariveko.
---------------------------------------------------------------------------------------------
page254.
Abyapajjharama    viharatha    abyapajjharata    tesam    vo   bhikkhave
tumhakam     abyapajjharamanam    viharatam    abyapajjharatanam    eseva
vitakko    bahulam    samudacarissati   imaya   mayam   iriyaya   na   kinci
byabadhema tasam va thavaram vati.
     {216.2}   Pavivekarama   bhikkhave  viharatha  pavivekarata  tesam
vo    bhikkhave    tumhakam    pavivekaramanam    viharatam   pavivekaratanam
eseva    vitakko   bahulam   samudacarissati   kim   akusalam   kim   appahinam
kim pajahamati. Etamattham bhagava avoca. Tatthetam iti vuccati
               tathagatam buddham asayhasahinam
               dve vitakka samudacaranti nam
               khemo vitakko pathamo udirito
               tato viveko dutiyo pakasito.
               Tamonudam paragatam mahesim
               tam pattipattam vasimam anasavam
               visantaram tanhakkhaye vimuttam
               tam ve munim antimadehadharim
               marajaham brumi jaraya paragum.
               Sale yatha pabbatamuddhanitthito
               yathapi passe janatam samantato
               tathupamam dhammamayam sumedho
---------------------------------------------------------------------------------------------
page255.
               Pasadamaruyaha samantacakkhu
               sokavatinnam janatammapetasoko 1-
               avekkhati jatijarabhibhutanti.
         Ayampi attho vutto bhagavata   iti me sutanti. Pathamam.


             The Pali Tipitaka in Roman Character Volume 25 page 253-255.
http://84000.org/tipitaka/read/roman_item_s.php?book=25&item=216&items=1&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=25&item=216&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=216&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=216&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=25&i=216
             The Pali Atthakatha in Thai :-
http://84000.org/tipitaka/atthapali/read_th.php?B=27&A=2914
             The Pali Atthakatha in Roman :-
http://84000.org/tipitaka/atthapali/read_rm.php?B=27&A=2914
             Contents of The Tipitaka Volume 25
http://84000.org/tipitaka/read/?index_25