[293] 13 Vuttam hetam bhagavata vuttamarahatati me sutam loko
bhikkhave tathagatena abhisambuddho lokasma tathagato visamyutto
lokasamudayo bhikkhave tathagatena abhisambuddho lokasamudayo tathagatassa
pahino lokanirodho bhikkhave tathagatena abhisambuddho lokanirodho
tathagatassa sacchikato lokanirodhagamini patipada bhikkhave tathagatena
abhisambuddha lokanirodhagamini patipada tathagatassa bhavita.
{293.1} Yam bhikkhave sadevakassa lokassa samarakassa sabrahmakassa
sassamanabrahmaniya pajaya sadevamanussaya dittham sutam mutam
vinnatam pattam pariyesitam anuvicaritam manasa yasma tam tathagatena
abhisambuddham tasma tathagatoti vuccati . yanca bhikkhave rattim
tathagato anuttaram sammasambodhim abhisambujjhati yanca rattim
anupadisesaya nibbanadhatuya parinibbayati yametasmim antare
bhasati labhati niddisati sabbantam tatheva hoti no annatha tasma
@Footnote: 1 Yu. va.
Tathagatoti vuccati.
{293.2} Yathavadi bhikkhave tathagato tathakari yathakari 1-
tathavadi iti yathavadi tathakari yathakari tathavadi
tasma tathagatoti vuccati . sadevake bhikkhave loke samarake
sabrahmake sassamanabrahmaniya pajaya sadevamanussaya tathagato
abhibhu anabhibhuto annadatthudaso vasavatti tasma tathagatoti
vuccatiti. Etamattham bhagava avoca. Tatthetam iti vuccati
sabbalokam abhinnaya sabbaloke yathatatham
sabbalokavisamyutto sabbaloke anupamo 2-
sabbe 3- sabbabhibhu dhiro sabbaganthappamocano.
Phutthassa 4- parama santi nibbanam akutobhayam.
Esa khinasavo buddho anigho chinnasamsayo
sabbakammakkhayam patto vimutto upadhisankhaye
esa so bhagava buddho esa siho anuttaro
sadevakassa lokassa brahmacakkam pavattayi.
Iti deva manussa ca ye buddham saranam gata
sangamma tam namassanti mahantam vitasaradam.
Danto damayatam settho santo samayatam isi
mutto mocayatam aggo tinno tarayatam varo.
Iti hetam namassanti mahantam vitasaradam.
@Footnote: 1 Yu. yathavadi tathagato tathavadi . 2 atthakathayam sanusayo. Ma. anupayo.
@3 Ma. sa ve. 4 Ma. phutthassa.
Sadevakasmim lokasmim natthi te patipuggaloti.
Ayampi attho vutto bhagavata iti me sutanti. Terasamam.
Catukkanipato nitthito.
Tassuddanam
brahmana 1- cattari janam samanasila tanha brahma
bahukara kuhana 2- purisa caram 3- sampannalokena terasati.
Itivuttake dvadasadhikasatasuttanti
itivuttakam nitthitam.
-----------
Sattavisekanipatam
dukkam bavisasuttasangahitam
samapannasamatha tikam
terasa catukkanca iti yamidam
dvidasuttarasuttasate
samgayitva samadahamsu pura
arahanto ciratthitiya
tamahu namena itivuttanti.
Itivuttakapali nitthita.
Idam marammapotthake agatam.
---------
@Footnote: 1 Ma. brahmanasulabha . 2 Ma. kuhapurisa . 3 Ma. carasampanna ....
The Pali Tipitaka in Roman Character Volume 25 page 321-323.
http://84000.org/tipitaka/read/roman_item_s.php?book=25&item=293&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=25&item=293&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=293&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=293&items=1&modeTY=2
Study Atthakatha :-
http://84000.org/tipitaka/attha/attha.php?b=25&i=293
The Pali Atthakatha in Thai :-
http://84000.org/tipitaka/atthapali/read_th.php?B=27&A=9118
The Pali Atthakatha in Roman :-
http://84000.org/tipitaka/atthapali/read_rm.php?B=27&A=9118
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
