Suttanipate uragavaggassa ekadasamam vijayasuttam
[312] |312.618| 11 Caram va yadi va tittham nisinno uda va sayam
samminjeti 1- pasareti esa kayassa injana.
|312.619| Atthinharuhi 2- samyutto tacamamsavalepano
chaviya kayo paticchanno yathabhutam na dissati
|312.620| antapuro udarapuro yakapelassa 3- vatthino
hadayassa papphasassa vakkassa pihakassa ca
|312.621| singhanikaya khelassa sedassa ca medassa ca
lohitassa lasikaya pittassa ca vasaya ca.
|312.622| Athassa navahi sotehi asuci savati sabbada
akkhimha akkhiguthako kannamha kannaguthako
|312.623| singhanika ca nasato mukhena vamatekada
pittam semham ca vamati kayamha sedajallika.
|312.624| Athassa susiram sisam matthalungassa puritam
subhato nam mannati balo avijjaya purakkhato.
|312.625| Yada 4- ca so mato seti uddhumato vinilako
apavittho susanasmim anapekkha honti natayo.
|312.626| Khadanti nam suvana ca 5- singala 6- ca vaka kimi
@Footnote: 1 Ma. saminjeti . 2 Ma. Yu. atthinharusannutto . 3 Ma. yakanapelassa.
@4 Po. yatha. 5 Yu. supana ca. 6 Yu. sigala.
Kaka gijjha ca khadanti ye canne santi panino.
|312.627| Sutvana buddhavacanam bhikkhu pannanava idha
so kho nam parijanati yathabhutanhi passati.
|312.628| Yatha idam tatha etam yatha etam tatha idam
ajjhattanca bahiddha ca kaye chandam virajaye.
|312.629| Chandaragaviratto so bhikkhu pannanava idha
ajjhaga amatam santim nibbanapadamaccutam 1-.
|312.630| Dipadakoyam 2- asuci duggandho parihirati 3-
nanakunapaparipuro vissavanto tato tato.
|312.631| Etadisena kayena yo manne unnametave
param va avajaneyya kimannatra adassanati.
Vijayasuttam ekadasamam.
-----------
Suttanipate uragavaggassa dvadasamam munisuttam
[313] |313.632| 12 Santhavato bhayam jatam kiketa jayate rajo
aniketamasanthavam etam ve munidassanam.
|313.633| Yo jatamucchijja na ropayeyya
jayantamassa nanuppavecche
tamahu ekam muninam carantam
@Footnote: 1 Po. Ma. nibbanam padamaccutam. 2 Ma. dvipadakoyam . 3 Ma. pariharati.
Addakkhi so santipadam mahesi.
|313.634| Sankhaya vatthuni pamaya 1- bijam
sinehamassa nanuppavecche
sa ve muni jatikhayantadassi
takkam pahaya na upeti sankham.
|313.635| Annaya sabbani nivesanani
anikamayam annatarampi tesam
sa ve muni vitagedho agiddho
nayuhati paragato hi hoti.
|313.636| Sabbabhibhum sabbavidum sumedham
sabbesu dhammesu anupalittam
sabbanjaham tanhakkhaye vimuttam
tam vapi dhira muni 2- vedayanti.
|313.637| Pannabalam sivalatupapannam
samahitam jhanaratam satimam
sanga pamuttam akhilam anasavam
tam vapi dhira muni 4- vedayanti.
|313.638| Ekam carantam muni 3- appamattam
nindapasamsasu avedhamanam
sihamva saddesu asantasantam
@Footnote: 1 Po. pahaya. 2-3-4 Yu. munim.
Vatamva jalamhi asajjamanam
padumamva 1- toyena alimpamanam 2-
netaramannesamanannaneyyam
tam vapi dhira muni vedayanti.
|313.639| Yo ogahane thambhorivabhijayati
yasmim pare vacapariyantam vadanti
tam vitaragam susamahitindriyam
tam vapi dhira muni vedayanti.
|313.640| Yo ve thitatto tasaramva ujjum 3-
jigucchati kammehi papakehi
vimamsamano visamam samanca
tam vapi dhira muni vedayanti.
|313.641| Yo sannatatto na karoti papam
daharo ca majjho ca muni yatatto
arosaneyyo na 4- roseti kanci
tam vapi dhira muni vedayanti.
|313.642| Yadaggato majjhato sesato va
pindam labhetha paradattupajivi
nalam thutum napi 5- nipaccavadi
tam vapi dhira muni vedayanti.
@Footnote: 1 Ma. padmamva. 2 Po. Ma. Yu. alippamanam. 3 Po. Ma. ujju. 4 Ma.
@na so roseti. Yu. so na roseti . 5 Ma. Yu. nopi.
|313.643| Munim carantam viratam methunasma
yo yobbane na 1- upanibhajjhate kvaci
madappamada viratam vippayuttam
tam vapi dhira muni vedayanti.
|313.644| Annaya lokam paramatthadassim
ogham samuddam atitariya tadim
tam chinnagantham asitam anasavam
tam vapi dhira muni vedayanti.
|313.645| Asma ubho duraviharavuttino
gihi 2- daraposi amamo ca subbato
parapanarodhaya gihi asannato
niccam muni rakkhati panine yato.
|313.646| Sikhi yatha nilagivo 3- vihangamo
hamsassa nopeti javam kudacanam
evam gihi nanukaroti bhikkhuno
munino vivittassa vanamhi jhayatoti.
Munisuttam dvadasamam.
Uragavaggo pathamo
tassuddanam
urago dhaniyo khagga 4- visano kasi 5- cunda ca
@Footnote: 1 Ma. no. 2 Yu. gihi . 3 Yu. nilagivo . 4 Ma. Yu. ceva. 5 Ma. Yu.
@visananca tatha kasi.
Parabhavo vasalo metta hemavatalavako atha
vijayam muni uraga vaggam vadanti barasa.
------------
The Pali Tipitaka in Roman Character Volume 25 page 362-367.
http://84000.org/tipitaka/read/roman_item_s.php?book=25&item=312&items=2&modeTY=2
Classified by [Item Number] :-
http://84000.org/tipitaka/read/roman_item_s.php?book=25&item=312&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=312&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=312&items=2&modeTY=2
Study Atthakatha :-
http://84000.org/tipitaka/attha/attha.php?b=25&i=312
The Pali Atthakatha in Thai :-
http://84000.org/tipitaka/atthapali/read_th.php?B=28&A=6424
The Pali Atthakatha in Roman :-
http://84000.org/tipitaka/atthapali/read_rm.php?B=28&A=6424
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
