TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

                            Catuttham ekapupphiyattherapadanam (284)
     [286] |286.16| Dakkhinamhi duvaramhi  pisaco asahantada
                        addasam virajam buddham            pitaramsiva bhanumam.
      |286.17| Vipassissa naraggassa          sabbalokahitesino
                        ekapuppham maya dinnam        dipadindassa tadino.
      |286.18| Ekanavute ito kappe         yam pupphamadadim tada
                        duggatim nabhijanami         buddhapujayidam phalam.
@Footnote: 1 Ma. paccuggamane idam phalam. 2 sattatimse. 3 Ma. Yu. saparivaroti.
---------------------------------------------------------------------------------------------
page366.
      |286.19| Patisambhida catasso           vimokkhapica atthime
                        chalabhinna sacchikata       katam buddhassa sasananti.
        Ittham sudam ayasma ekapupphiyo thero ima gathayo
abhasitthati.
                            Ekapupphiyattherassa apadanam samattam.
                            Pancamam maghavapupphiyattherapadanam (285)
     [287] |287.20| Nammadanadiya tire    sayambhu aparajito
                        samadhim so samapanno       vippasanno anavilo.
      |287.21| Disva pasanno sumano        sambuddham aparajitam
                        taham maghavapupphena           sayambhum pujayim tada.
      |287.22| Ekanavute ito kappe         yam pupphamabhipujayim
                        duggatim nabhijanami         buddhapujayidam phalam.
      |287.23| Patisambhida catasso          vimokkhapica atthime
                        chalabhinna sacchikata       katam buddhassa sasananti.
        Ittham sudam ayasma maghavapupphiyo thero ima gathayo
abhasitthati.
                            Maghavapupphiyattherassa apadanam samattam.
---------------------------------------------------------------------------------------------
page367.
                            Chattham upatthayikattherapadanam (286)
     [288] |288.24| Rathiyam patipajjantam       ahutinam patiggaham
                        dipadindam mahanagam          lokajettham narasabham.
      |288.25| Pakkosapiyatassaham          sabbalokahitesino
                        upatthako maya dinno     siddhatthassa mahesino.
      |288.26| Patiggahetvana sambuddho   niyyatesi 1- mahamuni
                        utthaya asana tamha     pakkami pacinamukho.
      |288.27| Catunavute ito kappe          upatthakamadam tada
                        duggatim nabhijanami         upatthanassidam phalam.
      |288.28| Sattapannasito kappe     balasenasanamako
                        sattaratanasampanno          cakkavatti mahabbalo.
      |288.29| Patisambhida catasso          vimokkhapica atthime
                        chalabhinna sacchikata       katam buddhassa sasananti.
        Ittham sudam ayasma upatthayiko thero ima gathayo
abhasitthati.
                            Upatthayikattherassa apadanam samattam.
                            Sattamam apadaniyattherapadanam (287)
     [289] |289.30| Apadanam sugatanam       kittayimham 2- mahesinam
                        pade ca sirasa vandim         pasanno sehi panihi.
@Footnote: 1 Ma. niyyadesi. 2 Po. Yu. kittayissam.
---------------------------------------------------------------------------------------------
page368.
      |289.31| Dvenavute ito kappe         apadanam pakittayim
                        duggatim nabhijanami         kittanaya idam phalam.
      |289.32| Patisambhida catasso          vimokkhapica atthime
                        chalabhinna sacchikata       katam buddhassa sasananti.
        Ittham sudam ayasma apadaniyo thero ima gathayo
abhasitthati.
                             Apadaniyattherassa apadanam samattam.
                          Atthamam sattahapabbajitattherapadanam (288)
     [290] |290.33| Vipassissa bhagavato      sangho sakkatamanito
                        byasanam me anuppattam       natibhedo pure ahu.
      |290.34| Pabbajjam upagantvana       byasanupasamayaham
                        sattahabhirato tattha        satthusasanakamyata.
      |290.35| Ekanavute ito kappe        yamaham pabbajim tada
                        duggatim nabhijanami         pabbajjaya idam phalam.
      |290.36| Sattasatthimhito kappe       satta asum mahipati
                        sunekkhammati nayanti     cakkavatti mahabbala.
      |290.37| Patisambhida catasso           vimokkhapica atthime
                        chalabhinna sacchikata       katam buddhassa sasananti.
---------------------------------------------------------------------------------------------
page369.
        Ittham sudam ayasma sattahapabbajito thero ima gathayo
abhasitthati.
                           Sattahapabbajitattherassa apadanam samattam.
                           Navamam buddhupatthayikattherapadanam (289)
     [291] |291.38| Vedhambhiniti 1- me namam     pitu santam mamam tada
                       mama hattham gahetvana         upanayi mahamunim.
      |291.39| Ime mam uddisiyanti           buddha lokagganayaka
                        teham upatthi 2- sakkaccam    pasanno sehi panihi.
      |291.40| Ekattimse ito kappe        buddhe paricarim 3- tada
                        duggatim nabhijanami         upatthanassidam phalam.
      |291.41| Tevisamhi ito kappe         caturo asu khattiya
                        samanupatthaka nama          cakkavatti mahabbala.
      |291.42| Patisambhida catasso          vimokkhapica atthime
                        chalabhinna sacchikata       katam buddhassa sasananti.
        Ittham sudam ayasma buddhupatthayiko thero ima gathayo
abhasitthati.
                           Buddhupatthayikattherassa apadanam samattam.
@Footnote: 1 Ma. vetambhiniti ---. Yu. vetambariti me nama. 2 Po. Ma. upatthim.
@Yu. upatthahim. 3 Ma. upatthahim.
---------------------------------------------------------------------------------------------
page370.
                            Dasamam pubbangamaniyattherapadanam (290)
     [292] |292.43| Cullasitisahassani    pabbajimha akincana
                        tesam pubbangamo asim       uttamatthassa pattiya.
      |292.44| Saraga samoha 1- cete    vippasannamanavilam 2-
                        upatthahimsu sakkaccam           pasanna sehi panihi.
      |292.45| Khinasava vantadosa         katakicca anasava
                        pharimsu mettacittena           sayambhu aparajita.
      |292.46| Tesam upatthahitvana           sambuddhanam patissato
                        marananca anuppatta 3-  devattanca agamhase.
      |292.47| Catunavute ito kappe          yam silamanupalayim
                        duggatim nabhijanami         sannamassa idam phalam.
      |292.48| Patisambhida catasso           vimokkhapica atthime.
                        Chalabhinna sacchikata       katam buddhassa sasananti.
        Ittham sudam ayasma pubbangamaniyo thero ima gathayo
abhasitthati.
                            Pubbangamaniyattherassa apadanam samattam.
                                                   Uddanam
                      pannam phalam uggamiyo          ekapupphi ca maghavo
@Footnote: 1 Ma. -- sabhava ---. Yu. --- sabhava loke. 2 Ma. vippasannamanavila.
@3 Ma. Yu. anupatto.
---------------------------------------------------------------------------------------------
page371.
                      Upatthakopadananca         pabbajja ca upatthitam.
                      Pubbangamo ca gathayo       atthatalisa kittita.
                               Pannadayakavaggo ekunatimso.
                                      ------


             The Pali Tipitaka in Roman Character Volume 32 page 365-371.
http://84000.org/tipitaka/read/roman_item_s.php?book=32&item=286&items=7&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=32&item=286&items=7&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=286&items=7&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=286&items=7&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=32&i=286
             The Pali Atthakatha in Thai :-
http://84000.org/tipitaka/atthapali/read_th.php?B=50&A=5095
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=5095
             Contents of The Tipitaka Volume 32
http://84000.org/tipitaka/read/?index_32